St. Sebastians Major Archiepiscopal Pilgrim Center Thazhekad

22/05/2020

താഴെക്കാട് വി.കുരിശുമുത്തപ്പന്റെ വീഡിയോ സോങ് ആൽബം...........

15/05/2020

08/05/2020

താഴേക്കാട് സെന്റ് സെബാസ്റ്റ്യൻ മേജർ ആർക്കി എപ്പിസ്കോപ്പൽ തീർത്ഥാടനകേന്ദ്രം,( വിശുദ്ധ കുരിശുമുത്തപ്പന്റെ പള്ളി ) താഴേക്കാട്
സ്ഥാപിതം A D 800

വിശ്വാസ പെരുമ കൊണ്ടും പൗരാണികത കൊണ്ടും ഇരിങ്ങാലക്കുട രൂപതയിലെ തന്നെ ഏറ്റവും ചരിത്രപ്രാധാന്യം അർഹിക്കുന്ന ദേവാലയമാണ് താഴേക്കാട്.കേരളത്തിലെ തന്നെ വിശുദ്ധ സെബാസ്ത്യനോസിന്റെ പുരാതനമായ 3 തിരുസ്വരൂപങ്ങൾ പ്രതിഷ്ഠിച്ചിരിക്കുന്നതിൽ ഒരു പള്ളിയായ ഇന്ന് സിറോ മലബാർ സഭയിലെ മേജർ ആർക്കി എപ്പിസ്കോപ്പൽ തീർത്ഥാടനകേന്ദ്രമായി ഈ ദേവാലയത്തെ ഉയർത്തിയിരിക്കുന്നു.

വിശ്വാസ പൈതൃകം കരുത്താക്കിയ താഴേക്കാട് ദൈവാലയം
ചരിത്രത്തിലേക്ക്

ചരിത്രരേഖകൾ പ്രകാരം എ. ഡി 800ലാണ് താഴേക്കാട് പ്രദേശത്തു സ്ഥാപിതമാകുന്നത്. പള്ളിയുടെ മുറ്റത്തു സ്ഥാപിച്ചിരിക്കുന്നതും സംസ്ഥാന പുരാവസ്തു വകുപ്പ് സംരക്ഷിച്ചുപോരുന്നതുമായ കരിങ്കൽ തളികയിൽ കൊത്തിവച്ചിരിക്കുന്നതും പള്ളിയുടെ സ്ഥാപനം എട്ടാം നൂറ്റാണ്ടിൽ എന്ന് തന്നെ. ഇവിടെ ഒരു കുരിശുപള്ളി ഉണ്ടായിരുന്നുവെങ്കിലും തിരുകർമ്മങ്ങളിൽ സംബന്ധിക്കുന്നതിനു വിശ്വാസികൾ അമ്പഴക്കാട്ടേക്കാണ് പൊയ്ക്കൊണ്ടിരുന്നത്. ബുദ്ധിമുട്ട് മനസിലാക്കിയ ഭരണാധികാരി രാജസിംഹ പെരുമാൾ ഒരു ആരാധനാലയം പണിയുന്നതിന് ആവശ്യമായ സ്ഥലം മറ്റും കരം ഒഴിവാക്കി നല്കുകയായിരുന്നുവെന്നു ഈ ശാസനത്തിൽ സൂചിപ്പിച്ചിരിക്കുന്നു. പരിശുദ്ധ കന്യാമറിയത്തിന്റെ നാമധേയത്തിൽ താഴേക്കാട് സെന്റ് മേരീസ് പള്ളി എന്നായിരുന്നു ആദ്യ നാമം. പിന്നീട് എ. ഡി 14ആം നൂറ്റാണ്ടിൽ പോർച്ചുഗീസുകാരുടെ വരവോടെയാണ് വിശുദ്ധ സെബസ്ത്യാനോസിന്റെ ദേവാലയമാക്കുന്നത്.

ടിപ്പുവിന്റെ ആക്രമണം

ഇരിങ്ങാലക്കുട രൂപതയിലെ പ്രമുഖ തീർത്ഥാടനകേന്ദ്രമായ താഴേക്കാട് പള്ളി ചരിത്രമുറങ്ങുന്ന മണ്ണിലാണ് നിലകൊള്ളുന്നത്. ടിപ്പുവിന്റെ പടയോട്ടത്തിന്റെ മുറിവുകൾ ഏറ്റുവാങ്ങി കുരിശുമുത്തപ്പന്റെ ദൈവാലയം മധ്യകേരളത്തിലെ ക്രൈസ്തവ സമൂഹം കഴിഞ്ഞ കാലങ്ങളിൽ വിശ്വാസത്തിന്റെ പാതകളിൽ ഉയർത്തി പിടിച്ച ആത്മധീരതയുടെ പ്രതീകം കൂടിയാവുന്നു.
മൈസ്സൂറിൽ നിന്ന് വയനാട് ചുരമിറങ്ങിവന്ന ടിപ്പു സുൽത്താന്റെ പട തെക്കോട്ടു നടത്തിയ ആക്രമണ പരമ്പരയിൽ കടുത്ത ദുരന്തം നേരിട്ട ചരിത്രം താഴേക്കാടിനുണ്ട്. 1789 ഡിസംബർ 24നു 14, 000 പട്ടാളക്കാരുമായി ടിപ്പു താഴേക്കാട് താവളമടിച്ചു ; പള്ളി ആക്രമിച്ചു തിരുസ്വരൂപങ്ങൾ വലിച്ചെറിഞ്ഞു. തുടർന്ന് ഡിസംബർ 28, 29 തീയതികളിൽ സൈന്യം തെക്കോട്ടു നീങ്ങി. ടിപ്പുവിന്റെ പടയോട്ടം തടയാൻ കൊച്ചി സൈന്യം കൊടുങ്ങല്ലൂർ മുതൽ കിഴക്കോട്ട് പടുത്തുയർത്തിയ നെടുങ്കോട്ട തകർക്കാൻ ശ്രമിച്ചെങ്കിലും നടന്നില്ല. യുദ്ധത്തിൽ ടിപ്പുവിന് പരുക്കേറ്റു. സുൽത്താൻ മൈസൂരിലേക്ക് മടങ്ങി. കൂടുതൽ സന്നാഹങ്ങളുമായി വന്ന സുൽത്താൻ പിറ്റേവർഷം കോട്ട പിടിച്ചടക്കി മുന്നേറി. ഇക്കാലത്താണ് തലസ്ഥാനമായ ശ്രീരംഗപട്ടണം ബ്രിട്ടീഷ് സൈന്യം ആക്രമിച്ചത്. ടിപ്പുവും സൈന്യവും വീണ്ടും മൈസൂരിലേക്ക് മടങ്ങി. ആ യുദ്ധത്തി 1799 മെയ്‌ 4നു ടിപ്പു മരിക്കുകയും ചെയ്തു.

താഴേക്കാട് പള്ളിയിലെ കുരിശുമുത്തപ്പന്റെ അത്ഭുത തിരുസ്വരൂപം

ടിപ്പു മരിച്ചതോടെ താഴേക്കാട്ടുകാർ സാവധാനം സ്വന്തം സ്ഥലത്തേക്ക് തിരിച്ചു വന്നു. എല്ലാവരും കൂടി വീണ്ടും പ്രാർത്ഥനയും നോമ്പും ഉപവാസവും ആരംഭിച്ചു. തങ്ങൾ ജീവനുതുല്യം സ്നേഹിച്ച വണങ്ങിയ തിരുസ്വരൂപം അന്വേഷിച്ചു ചുറ്റും തിരിഞ്ഞു നടന്നു.
എല്ലാവരും ഒന്നിച്ചുകൂടി ദൈവത്തെ വിളിച്ചു പ്രാർത്ഥിക്കുകയും 'മുത്തപ്പാ മുത്തപ്പാ ' എന്ന് വിളിച്ചു അലയുകയും ചെയ്തു. ഒടുവിൽ മുത്തപ്പൻ 'എന്തോ ' എന്ന് വിളികേട്ട സ്ഥലത്തു ചെന്ന് നോക്കിയപ്പോൾ പൊട്ടകിണറ്റിൽ നിന്ന് മുത്തപ്പന്റെ സ്വരൂപം യാതൊരു കേടും കൂടാതെ തോളിൽ ഒരു ചിന്നൽ ഒഴിച്ച് എന്നാണ് വിശ്വാസം. ഈ സ്വരൂപമാണ് ഇന്നും പ്രധാന മദ്ബഹയിൽ പ്രതിഷ്ടിച്ചിരിക്കുന്നതും വണങ്ങുന്നതും. തുടർന്നാണ് 'വിളിച്ചാൽ വിളി കേൾക്കുന്ന, വിളിച്ചവരുടെ വിളി കേട്ട ' മുത്തപ്പന്റെ സന്നിധാനത്തിലേക്ക് ഭക്തരുടെ പ്രവാഹം ആരംഭിക്കുകയും ചെയ്തു. പുനരുദ്ധരിക്കപ്പെട്ട പള്ളി 1917ൽ പൂർണമായും പുതുക്കിപ്പണിതു.

കുരിശുമുത്തപ്പൻ എന്ന പേര്

താഴേക്കാട് സെന്റ് സെബാസ്റ്റ്യൻ ദേവാലയമാണെങ്കിലും കുരിശുമുത്തപ്പന്റെ പള്ളി എന്നാണ് അറിയപ്പെടുന്നത്. വിശുദ്ധ തോമാശ്ലീഹായെയാണ് സാധാരണയായി കുരിശുമുത്തപ്പൻ എന്ന് പറയുന്നതെങ്കിലും ഇവിടെ ഈ വിശുദ്ധനെയും ഇപ്രകാരം വിശേഷിപ്പിക്കുന്നു. വേളയാനാട് പള്ളിയിൽ നിന്നും കൊണ്ടുവന്ന വിശുദ്ധ കുരിശിന്റെ തിരുശേഷിപ്പും കൂടി വിശുദ്ധനോടൊപ്പം ഒന്നിച്ചു ഇവിടെ വണങ്ങേണ്ടി വന്നത് മൂലമാണ് കുരിശുമുത്തപ്പൻ എന്ന നാമധേയം വന്നത്.
നഷ്ടപെട്ട കുരിശു കണ്ടെടുത്ത മെയ് മൂന്നാം തീയതിയാണ് ഇവിടുത്തെ വലിയ തിരുനാൾ. മെയ്‌ 2, 3, 4 താഴേക്കാട്ടുക്കാർ മാത്രമല്ല നാനാജാതി മതസ്ഥരായ നിരവധി തീർത്ഥാടകർ ഈ തിരുസന്നിധിയിൽ എത്തുന്നു.

താഴേക്കാട് പള്ളി മതസൗഹാർദ്ദത്തിന്റെ കേന്ദ്രം

മതസൗഹാർദ്ദത്തിന്റെ കേന്ദ്രസ്ഥാനത്താണ് താഴേക്കാട് തീർത്ഥാടനകേന്ദ്രം. 10 ക്ഷേത്രങ്ങൾക്ക് നടുവിലാണ് മുത്തപ്പന്റെ പള്ളി. തൊട്ടടുത്തുള്ള ശിവക്ഷേത്രം മതമൈത്രിയുടെ ഉദാത്ത പ്രതീകമായി നിലകൊള്ളുന്നു. പള്ളിയുടെ കണക്കെഴുത്തു തലമുറകളായി ഇവിടത്തെ മേനോൻ കുടുംബത്തിൽ പെട്ടവരാണ് നടത്തുന്നത്.

താഴേക്കാട് നസ്രാണികളുടെ പുരാതന വാണിജ്യകേന്ദ്രം

പഴയ മുസിരിസ് തുറമുഖത്തേക്കുള്ള വാണിജ്യ പാതകളുടെ ഭാഗമായിരുന്നു താഴെകാടുള്ള ചെമ്മീൻ ചാൽ. കച്ചവടക്കാരായ ' നസ്രാണികൾ ' താമസിച്ചിരുന്ന മണിഗ്രാമം അക്കാലത്തു പ്രസിദ്ധമായിരുന്നു. താഴേക്കാടൻ എന്ന വാണിജ്യപ്രമാണിയായിരുന്നു നസ്രാണികളുടെ നേതാവ്. അദ്ദേഹത്തിന് രാജാവ് കൊടുത്ത സ്ഥാനപ്പേരാണ് 'ഇരവികൊത്തൻ' അദ്ദേഹത്തിന്റെ വീടാണ് പിന്നീട് പള്ളിയായി മാറിയത്. തമിഴകത്തെ രാജേന്ദ്ര ചോളന്റെ സമകാലികനായിരുന്ന രാജസിംഹ ചേരമാൻ പെരുമാൾ രണ്ടാമൻ അദ്ദേഹത്തിന് നൽകിയതാണ് വട്ടെഴുത്തിലുള്ള 'താഴേക്കാട് പള്ളി ശാസനം '.
തിളക്കമേറിയ കഴിഞ്ഞ കാലത്തിന്റെ മൂകസാക്ഷിയായി കരിങ്കല്ലിലെഴുതിയ ആ രാജശാസനം തീർത്ഥാടനകേന്ദ്രത്തിൽ ഇന്നും സന്ദർശകർക്ക് കാണാം.

ഇന്ന് കാണുന്ന താഴേക്കാട് പള്ളി ബഹു. പോൾ എളംങ്കുന്നപുഴ അച്ഛന്റെ കാലത്തു പണിതതാണ്. 2014 ഏപ്രിൽ 23നു സിറോ മലബാർ സഭയുടെ മേജർ ആർച്ചു ബിഷപ്പ്‌ കർദിനാൾ മാർ ജോർജ് ആലഞ്ചേരി പിതാവിന്റെ മുഖ്യകാർമികത്വത്തിലും ഇരിങ്ങാലക്കുട രൂപത പ്രഥമ മെത്രാൻ മാർ ജെയിംസ് പഴയാറ്റിൽ ഇരിങ്ങാലക്കുട രൂപത മെത്രാൻ മാർ പോളി കണ്ണൂക്കാടൻ പിതാക്കന്മാരുടെ കാർമ്മികത്വത്തിൽ കൂദാശ ചെയ്തു. 2020 മാർച്ച്‌ 08 നു സിറോ മലബാർ മെത്രാൻ സിനഡിന്റെ തീരുമാനപ്രകാരം സിറോ മലബാർ സഭയിലെ മേജർ ആർക്കി എപ്പിസ്കോപ്പൽ തീർത്ഥാടനകേന്ദ്രം ആയി .......

03/05/2020

സെന്റ് സെബാസ്റ്റ്യൻസ് മേജർ ആർക്കി എപ്പിസ്കോപ്പൽ തീർത്ഥാടന കേന്ദ്രത്തിൽ 2020 മെയ്‌ 3നു നടന്ന കുരിശുമുത്തപ്പനെ വഹിച്ചുകൊണ്ടുള്ള വലിയ തിരുനാൾ പ്രദിക്ഷണം. ഇരിങ്ങാലക്കുട രൂപത മെത്രാൻ അഭിവന്യ മാർ പോളി കണ്ണൂക്കാടൻ പിതാവ് നേതൃത്വം നൽകി.

03/05/2020

മെയ്‌ 3... ചരിത്ര പ്രസിദ്ധവും തീർത്ഥാടന കേന്ദ്രവുമായ താഴേക്കാട് വി.കുരിശുമുത്തപ്പന്റെ തിരുനാൾ ദിനം .
വിശ്വാസത്തിന്റെയും ,സാഹോദര്യത്തിന്റെയും ,
മതസൗഹാർതത്തിന്റെയും മതക്കാരുടെ ഒത്തുചേരൽ....
പണ്ട് മുതലേ ഹൈന്ദവ സഹോദരങ്ങൾ മുത്തപ്പനിലുള്ള വിശ്വാസത്തിന്റെയും പ്രതീക്ഷകളുടെയും ഭാഗമായി മുടികളി , കോൽക്കളി ,കുതിരകളി ,പറകളി എന്നീ പൂരാതന കലാരൂപങ്ങൾ മുത്തപ്പന്റെ തിരുനടയിൽ അവതരിപ്പിക്കുക ഒരു പതിവാണ് ....

ഓരോ താഴേക്കാടുകാരനും നെഞ്ചിൽ ഏറ്റിയ പ്രതീക്ഷകളെയും.. സ്വപ്നങ്ങളെയും.. കൈപിടിച്ചുയർത്താൻ, ശക്തിയും പ്രചോദനവും നൽകുന്ന വിശുദ്ധൻ... മാതൃകയാക്കേണ്ടതും മാധ്യസ്ഥം അപേക്ഷിക്കേണ്ടതുമായ നമ്മുടെ സ്വന്തം വി.കുരിശുമുത്തപ്പൻ.
പ്രാർത്ഥനയോടെ വി.കുരിശുമുത്തപ്പന്റെ തിരുനാൾ ആശംസകൾ...

03/05/2020

03/05/2020

ഇന്ന് 2020 മെയ്‌ 3... ചരിത്ര പ്രസിദ്ധവും തീർത്ഥാടന കേന്ദ്രവുമായ താഴേക്കാട് വി.കുരിശുമുത്തപ്പന്റെ തിരുനാൾ ദിനം.... ഓരോ താഴേക്കാടുകാരനും നെഞ്ചിൽ ഏറ്റിയ പ്രതീക്ഷകളുടെയും സ്വപ്നങ്ങളുടെയും സുദിനം.. വൈവിധ്യമാർന്ന ജീവിത അവസ്ഥകളിൽ നമുക്കെന്നും തുണയായ്.... പ്രതീക്ഷകളെയും.. സ്വപ്നങ്ങളെയും.. കൈപിടിച്ചുയർത്താൻ, ശക്തിയും പ്രചോദനവും നൽകുന്ന വിശുദ്ധൻ... മാതൃകയാക്കേണ്ടതും മാധ്യസ്ഥം അപേക്ഷിക്കേണ്ടതുമായ നമ്മുടെ സ്വന്തം വി.കുരിശുമുത്തപ്പൻ. ചങ്കാണ്..വിശുദ്ധൻ ചങ്കിടിപ്പാണ്..

ഇന്ന് ഇവിടെ ആഘോഷങ്ങളില്ല, ആർഭാട ആചാരങ്ങൾ ഇല്ല, വിശുദ്ധന്റെ തിരുസ്വരൂപം വണങ്ങുവാൻ ഉള്ള ജനങ്ങളുടെ തിക്കും തിരക്കുകളും ഇല്ല, നേർച്ചപ്പെട്ടികൾക്ക് നാണയത്തുട്ടുകളുടെ അമിതഭാരങ്ങൾ ഇല്ല, കച്ചവടക്കാരുടെ ആർപ്പുവിളികളും ഐസ്ക്രീം സ്റ്റാളുകളുടെ മത്സര പ്രകടനങ്ങളും ഇല്ല, ഭക്തരുടെ അമ്പ് പ്രദക്ഷിണം ഇല്ല,
കരി മരുന്നുകളുടെ രൂക്ഷ ഗന്ധവും..ശബ്ദകോലാഹലങ്ങളും ഇല്ല, തീൻമേശയിൽ വൈവിധ്യമാർന്ന വിഭവങ്ങൾ ഇല്ല, സ്വന്ത ബന്ധുമിത്രാദികളുടെ ഒത്തുചേരലുകളും സന്തോഷ പ്രകടനങ്ങളും ഇല്ല..വർണ്ണ കടലാസുകളുടെ അലങ്കാര പണികളും ലൈറ്റ് അറേഞ്ച് മെന്റ് കളുടെ വിസ്മയ പ്രകടനങ്ങളും ഇല്ല ... ഇവിടെ ശൂന്യം.... നിശ്ചലം.. ഇതിന് ദൃക്സാക്ഷി ആകേണ്ടി വരുമ്പോൾ അകലങ്ങളിൽ ഇരിക്കുന്നവരെക്കാളും വേദനാജനകം... കാലന്റെ മുൻപിൽ കാലത്തിന്റെ ആഘോഷങ്ങൾക്ക് പ്രസക്തിയില്ല...

മറുവശത്ത് മരുന്ന് കണ്ടുപിടിച്ചിട്ട് ഇല്ലാത്ത ഒരു മഹാമാരിക്കു മുൻപിൽ ലോകമൊന്നാകെ ഉള്ള ജനങ്ങൾ ഉൽക്കണ്ഠയോടും
ദുഃഖത്തോടും ആശങ്കയോടും കൂടെ നിസ്സഹായരായി നിൽക്കുന്ന ദയനീയമായ മറ്റൊരു ചിത്രം....

മാത്രമല്ല..
ഇന്ന് ലോക ചിരി ദിനം. മുഖത്തു നിന്നും മാഞ്ഞു തുടങ്ങിയ, മനസ്സ് തുറന്നു ചിരിക്കാൻ കഴിയാത്ത ചിരിദിനം... ചിരിക്കാൻ ഓർമ്മപ്പെടുത്തുന്ന ദിനം.. തിരിച്ചുപിടിക്കണം........ മുഖത്തുനിന്നും മാഞ്ഞുപോയ പുഞ്ചിരികൾ... എന്ന് ഈ ദിനം നമ്മളെ ഓർമപ്പെടുത്താൻ ശ്രമിക്കുന്നു.

നമുക്ക് പ്രാർത്ഥിക്കാം ശുഭപ്രതീക്ഷയോടെ... കാത്തിരിക്കാം വീണ്ടുമൊരു ആഘോഷങ്ങൾക്കും ഒത്തുചേരലും വേണ്ടി... പ്രളയവും വൈറസും ഒന്നുമില്ലാത്ത നല്ല നാളേക്ക് വേണ്ടി... അതിജീവനത്തിന്റെ നല്ല ഓർമ്മകൾക്കുവേണ്ടി.. അടുത്തവർഷം കൂടണം.... എല്ലാവരെയും നേരിൽ കാണണം..... പ്രതീക്ഷകളോടെ...പ്രാർത്ഥനയോടെ.. വി.കുരിശുമുത്തപ്പന്റെ തിരുനാൾ ആശംസകൾ...

CP CR. NIJO PAUL