03/04/2026
🧡💚 سیرتِ سیدنا غوثِ اعظمؓ 💚🧡
حضور غوث الاعظم شیخ عبدالقادر جیلانی رَضِی اللّٰـــــــــــہ عَنْہُ نوے سال تک اس دنیا فانی میں رہے۔ آخر 561ھ میں بغداد ہی میں اپنے خالق حقیقی سے جا ملے۔ وہیں اپنے استاد ابوسعید محزمی کے مدرسے باب الازج میں مدفون ہوئے۔ بیماری کی حالت میں وفات سے قبل آپ نے اپنے بیٹے عبدالوھاب کو توحید پر قائم رہنے کی وصیت کی اور فرمایا۔
علیك بتقویٰ اللہ ولا تخف أحدً اسوی اللہ ولا ترج أحداً سوی اللہ ووکل الحوائج إلی اللہ عزوجل ولا تعتمد إلا عليه واطلبھا جمیعا منه ولا تثق بأحد غیر اللہ عزوجل التوحید التوحید۔
''خدا کا خوف لازم کر! خدا کے سوا کسی سے نہ ڈر اور نہ ہی اس کے سوا کسی سے امید رکھ اپنی تمام حاجتیں اللّٰـــــــــــہ ہی کو سونپ اور اس کے سوا کسی پر بھروسہ نہ کر, جو مانگنا ہو اسی سے مانگ۔ اس کے سوا کسی کی مدد پر تکیہ نہ کر, اللّٰـــــــــــہ بڑی عزت و جلال والا ہے توحید کو مضبوط پکڑ، توحید کو لازم پکڑ۔''
آپ کے صاحبزادے عبدالجبار نے پوچھا، جسم میں کہاں تکلیف ہے؟
۔۔۔ فرمایا
’’میرے کل اعضاء مجھے تکلیف دے رہے ہیں مگر میرے دل کو کوئی تکلیف نہیں اور وہ خدا کے ساتھ صحیح ہے‘‘
پھر آپ کا وقت اخیر آیا تو فرمانے لگے۔
''میں اس خدا سے مدد چاہتا ہوں جس کے سوا کوئی معبود نہیں۔ وہ پاک و برتر ہے اور زندہ ہے جسے فوت ہونے کا اندیشہ نہیں ۔ پاک ہے وہ جس نے اپنی قدرت سے عزت ظاہر کی اور موت سے بندوں پر غلبہ دکھایا۔ اللّٰـــــــــــہ کے سوا کوئی معبود نہیں محمدﷺ اللّٰـــــــــــہ کے رسول ہیں۔''
اور آپ کے صاحبزادہ شیخ موسیٰ فرماتے ہیں: آپ نے لفظ ''تعزز'' فرمایا اور یہ لفظ صحت کے ساتھ آپ کی زبان سے ادا نہ ہوا۔ تب آپ بار بار اُسے دہراتے تھے۔ یہاں تک کہ آپ نے آواز بلند کرکے اور سخت کرکے لفظ ''تعزز'' اپنی زبان سے ٹھیک ٹھیک فرمایا۔ پھر (تین بار)
اللّٰـــــــــــہ اللّٰـــــــــــہ اللّٰـــــــــــہ فرمایا۔
اس کے بعد آپ کی آواز بند ہوگئی اور زبان تالو سے چپک گئی اور روح قفس عنصری سے پرواز کرگئی ۔
اللھم اغفرلہ وارحمۃ، اللهم الرفيق الأعلى و الحقنا بالشهداء والصديقين والصالحين
💚 💚
💙 ّٰـــــــــــہ_عنہ💙
#جمعةمباركة
