24/08/2026
శివ!
చచ్చిన పామును పదే పదే కొట్టినట్లు, ఇంకెన్నాళ్లీ పరీక్షలు?...
ఈ మిథ్యా ప్రపంచంపై నాకింకా వ్యామోహం ఉందో లేదో అని చూస్తున్నావా?...
ఏనాడో నీ పాదపద్మాల వద్ద ప్రాణాలు వదిలిన పశువును నేను...
నీ మాయా నాటక రంగంలో నన్ను గంగిరెద్దులా తిప్పుతూ ఎన్ని వేషాలు వేయించినా పడేందుకు సిద్ధమే...
పశుపతివై నన్ను అక్కున చేర్చుకున్నా సరే...
లేక 'నీ ప్రాప్తం ఇంతే' అని దూరంగా నెట్టినా సరే...
నీ ఆజ్ఞే నాకు శిరోధార్యం!
నీవు ప్రసాదించిన ఈ ఆయువు ముగిసే వరకు నీ ఆటలో నన్ను ఒక బొమ్మలా ఆడించినా చాలు శివా.
శివ నీ దయ.
