13/12/2021
పేద మార్టిన్ క్రిస్మస్!
🎯🎯🎯🎯🎯🎯🎯🎯
👉ఒక ఊరిలో మార్టిన్ అనే వృద్ధుడు ఒక క్రిస్మస్ రోజు - జ్ఞానులు బాలుడైన యేసుకు బహుమతులర్పించిన విషయం చదివి, నేను కూడా యేసు ప్రభువుకు ఏదైనా యివ్వాలని ఆశపడెను. ఆ రాత్రి అతడు నిద్రిస్తుండగా - "మార్టిన్! నీవు నన్ను చూడాలని, నాకేమైనా యివ్వాలని ఆశపడుచున్నావు గదా! రేపు నేను నీఇంటి దగ్గరకొస్తాను; నీవు పిలిస్తే లోపలికి వస్తాను" అన్న స్వరము వినెను. ఎంతో సంతోషముతో మార్టిన్ వేకువనే లేచి, తన ఇల్లు శుభ్రం చేసి, వేడి వేడి ఫలహారాలను, పాలను సిద్ధపరచి ఎదురుచూచుచుండెను.
👉అయితే నిర్మానుష్యంగా ఉన్న ఆ వీథిలో, దట్టమైన మంచు మధ్య చలికి వణికిపోతూ ఉన్న ఒక వృద్ధుడు కనిపించెను. మార్టిన్ అతని చూచి, జాలిపడి,లోపలికి ఆహ్వానించి - ఈ రొట్టె తిని, ఈ వేడి కాఫీ త్రాగి సేద తీర్చుకోమని చెప్పెను. ఆ ఆతిథ్యాన్ని స్వీకరించి, కృతజ్ఞతలు తెలియజేసి ఆ వృద్ధుడు వెళ్ళిపోయను.మరొక గంటకు చాలా మురికిగా ఉన్న, చినిగిన వస్త్రములు ధరించిన ఒక స్త్రీ తన బిడ్డ నెత్తుకొని ఆ వైపుగా వచ్చుట చూచిన మార్టిన్ వెంటనే తలుపు తీసి, ఆమెను లోపలికి ఆహ్వానించి, ఆమెకు ఆహారమును, ఆ చిన్న బిడ్డకు పాలను యిచ్చెను. ఆచిన్న బిడ్డకు చక్కటి వస్త్రములను కూడా తొడిగెను. ఆమె కూడా అతనికి కృతజ్ఞతలు తెలియజేసి వెళ్ళిపోయెను. ఆలాగు గంట గంటకు అవసరతలో ఉన్న మరికొందరు వ్యక్తులు ఆ వైపుకు రావటం, వారందరిని మార్టిన్ ఆహ్వానించి వారికి ఆతిథ్యమిచ్చి పంపటం జరిగింది.
👉అయితే వస్తానన్న ప్రభువు ఇంకా రాలేదేంటా? అనే దిగులుతో ఆ రాత్రిపడకకు చేరాడు మార్టిన్ అయితే ఆ రాత్రి అకస్మాత్తుగా ఆ గదియంతా వెలుగులో నింపబడింది. ఆ దినము అతడు ఆతిధ్యమిచ్చిన వృద్ధుడు, చినిగిన వస్త్రములతోఉన్న ఆ స్త్రీ , ఆ చిన్న బిడ్డ, ఇంకా పగలు తాను ఆతిధ్యమిచ్చిన వారందరు ఒకరి తరువాత ఒకరు కనబడిని. "నేనే వీరి రూపంలో నీ యొద్దకు వచ్చి, నీ ఆతిథ్యమును స్వీకరించాను" అన్న ప్రభువు స్వరం వినబడింది.
👉"మిక్కిలి అల్పులైన యీ నా సహోదరులలో ఒకనికి మీరు చేసితిరి గనుక నాకు చేసితిరని నిశ్చయముగా మీతో చెప్పుచున్నానని వారితో అనును" అని బైబిలు చెప్పుచున్నది. (మత్తయి 25:40)
🎯ప్రతి రోజు ఆత్మీయ సందేశాలు చదువుటకు వినుటకు ఈ క్రింది లింక్ ద్వారా వాట్సాప్ గ్రూప్ లో జాయిన్ అవ్వండి🙏
https://chat.whatsapp.com/B6DPtkuQq7RGRowsWVluZy
Or
☎️ 7️⃣8️⃣9️⃣3️⃣6️⃣9️⃣5️⃣9️⃣3️⃣1️⃣
