23/01/2026
ভোটাৰ তালিকাৰ পূনৰীক্ষণ প্ৰক্ৰিয়াত কাৰোবাৰ নাম কৰ্তনৰ বাবে অভিযোগ কাৰীয়ে ব্যৱহাৰ কৰা ৭ নং প্ৰ- পত্ৰৰ তলত এটা Declaration লিখা আছে যাৰ ভাৱাৰ্থ এনেধৰণৰ, "মই ইয়াৰ দ্বাৰা ঘোষণা কৰিছোঁ যে মই এই সম্পৰ্কে জ্ঞাত যে এটা ভূল স্বীকাৰোক্তি বা মিছা তথ্য দিলে বা এনে কোনো তথ্য দিলে যিটো মোৰ জ্ঞান বিশ্বাস মতে মিছা বা সত্য নহয় তেনেহলে Representation of the People Act,1950 ৰ ৩১ নং ধাৰা অনুযায়ী সৰ্বোচ্চ এবছৰৰ বাবে কাৰাদণ্ড বা জৰিমনা বা উভয় দণ্ডৰে দণ্ডিত হ'ব লাগিব।"
যিসকলে জধে মধে বিভিন্ন বৈধ ভাৰতীয় লোকৰ বিৰুদ্ধে ৭ নং ফৰ্ম যোগে মিছা অভিযোগ দাখিল কৰিছে তেওঁলোকৰ বিৰুদ্ধে ভূক্তভোগীয়ে থানাত গোচৰ ৰুজু কৰিলে অভিযোগ কাৰী সকলৰ জেল হোৱাটো খাটাং।
