22/09/2026
നവരാത്രി ഉത്സവ അറിയിപ്പ്
2026 ഒക്ടോബർ 13 മുതൽ 21 വരെ
നമ്മുടെ ക്ഷേത്രത്തിൽ
ഭക്തിനിർഭരമായി ഭക്തജന സമക്ഷം സ്വർണ്ണാരൂഢ ദേവപ്രശ്നം നടത്തുകയുണ്ടായി.
ദേവപ്രശ്ന വിധിപ്രകാരവും ക്ഷേത്രത്തിന്റെ അഭിവൃദ്ധിക്കുമായി ഈ വരുന്ന നവരാത്രി ദിവസങ്ങൾ വിപുലമായ മഹോത്സവമായി ആചരിക്കാൻ ക്ഷേത്രഭരണസമിതി തീരുമാനിച്ചിരിക്കുന്നു.
ഈ അവസരത്തിൽ താഴെ പറയുന്ന ചടങ്ങുകളും വിശേഷാൽ പൂജകളും നടത്തുന്നതാണ്
നിത്യേനയുള്ള നാമജപം :-
നവരാത്രി ദിവസങ്ങളിൽ ക്ഷേത്രത്തിൽ നിത്യേന പ്രത്യേക നാമജപങ്ങളും ഭജനയും ഉണ്ടായിരിക്കുന്നതാണ്.
സരസ്വതി മണ്ഡപവും അരങ്ങേറ്റവും:
കുട്ടികളുടെ വിദ്യാരംഭത്തിനും വിവിധ കലാപരിപാടികളുടെ അരങ്ങേറ്റത്തിനുമായി ക്ഷേത്രാങ്കണത്തിൽ പ്രത്യേക സരസ്വതി മണ്ഡപം ഒരുക്കുന്നതാണ്.
സപ്തമി, അഷ്ടമി, നവമി ഗ്രന്ഥപൂജ:
നവരാത്രിയുടെ പ്രധാന ദിവസങ്ങളായ സപ്തമി, അഷ്ടമി, നവമി നാളുകളിൽ വിശേഷാൽ പൂജകളും പരമ്പരാഗത രീതിയിലുള്ള ഗ്രന്ഥപൂജയും നടത്തുന്നതാണ്.
കലാപരിപാടികൾ: മഹോത്സവത്തോടനുബന്ധിച്ച് ഭക്തിനിർഭരമായ വിവിധ കലാപരിപാടികൾ അരങ്ങേറുന്നതാണ്.
ഈ നവരാത്രി മഹോത്സവ ചടങ്ങുകളിലേക്ക് എല്ലാ ഭക്തജനങ്ങളെയും പത്തിശേരിൽ ഭഗവതിയുടെ അനുഗ്രഹത്തിനായി സ്നേഹപൂർവ്വം സ്വാഗതം ചെയ്യുന്നു.
