26/08/2026
ഐ.പി.സി ആലപ്പുഴ വെസ്റ്റ് ഡിസ്ട്രിക്ട് താലന്ത് പരിശോധന ശ്രദ്ധേയമായി; മുതുകുളം ഐ പി സി പ്രയർ സെന്ററിന് ഓവറോൾ ചാമ്പ്യൻഷിപ്പ്
ചേപ്പാട്: ഐ.പി.സി ആലപ്പുഴ വെസ്റ്റ് ഡിസ്ട്രിക്ട് സണ്ടേ സ്കൂൾസ് അസോസിയേഷന്റെ 2026-ലെ താലന്ത് പരിശോധന ഓഗസ്റ്റ് 25 ചൊവ്വാഴ്ച ചേപ്പാട് 'പ്രത്യാശ ദീപ'ത്തിൽ വെച്ച് അത്യന്തം അനുഗ്രഹപ്രദമായി നടന്നു.
രാവിലെ 8.30-ന് തന്നെ രജിസ്ട്രേഷൻ നടപടികൾ ആരംഭിച്ചു.
തുടർന്ന് 9.30-ന് ആരംഭിച്ച ഉദ്ഘാടന സമ്മേളനത്തിന് സണ്ടേസ്കൂൾസ് അസോസിയേഷൻ ഡിസ്ട്രിക്ട് സൂപ്രണ്ട് ബ്രദർ അനിൽ കാർത്തികപ്പള്ളി അധ്യക്ഷത വഹിച്ചു. പാസ്റ്റർ ഗോഡ്ലി സി. ഉതുപ്പിന്റെ പ്രാർത്ഥനയോടെ പരിപാടികൾക്ക് ഔദ്യോഗികമായി തുടക്കമായി. സമ്മേളനത്തിൽ പാസ്റ്റർ ബിജോയ് കെ. ജെ. സങ്കീർത്തനം വായിക്കുകയും, ഡിസ്ട്രിക്ട് സൺഡേസ്കൂൾ സെക്രട്ടറി പാസ്റ്റർ ജോയ് തോമസ് ഏവർക്കും സ്വാഗതം ആശംസിക്കുകയും ചെയ്തു. ഐ.പി.സി ആലപ്പുഴ വെസ്റ്റ് ഡിസ്ട്രിക്ട് വൈസ് പ്രസിഡന്റ് പാസ്റ്റർ മാത്യു എബ്രഹാം താലന്ത് പരിശോധനയുടെ ഉദ്ഘാടനം നിർവഹിച്ചു. മത്സരങ്ങളെക്കുറിച്ചുള്ള വിശദമായ മാർഗ്ഗനിർദേശങ്ങൾ താലന്ത് കമ്മിറ്റി കൺവീനർ സിസ്റ്റർ പ്രയ്സി മാത്യു നൽകി.
ഡിസ്ട്രിക്റ്റിലെ 24 സണ്ടേസ്കൂളുകളിൽ നിന്നായി ആറ് വിവിധ വിഭാഗങ്ങളിലായി 160-ൽ പരം കുട്ടികളും അധ്യാപകരും ഈ വർഷത്തെ താലന്ത് പരിശോധനയിൽ സജീവമായി പങ്കെടുത്തു. 3 വേദികളിലായി നടന്ന മത്സരങ്ങളുടെ മൂല്യനിർണ്ണയം 6 വിധികർത്താക്കൾ നിർവഹിച്ചു.
പ്രധാന മത്സര ഫലങ്ങൾ
🏆ഓവറോൾ ചാമ്പ്യൻ: ഐ പി സി പ്രയർ സെന്റർ, മുതുകുളം (104 പോയിന്റ്)
🥈ഓവറോൾ റണ്ണർ അപ്പ്: ഐപിസി പെനിയേൽ , പത്തിയൂർ (95 പോയിന്റ്)
🥉ഓവറോൾ ഫസ്റ്റ് റണ്ണർ അപ്പ് : ആറാട്ടുവഴി പ്രയർ സെന്റർ - (88 പോയിന്റ്)
🎖️വ്യക്തിഗത ചാമ്പ്യൻ: ബെറ്റിന കെ. സാബു (പെനിയേൽ , പത്തിയൂർ - 41 പോയിന്റ്)
🥈വ്യക്തിഗത റണ്ണർ അപ്പ്: ഡാനിയേൽ മാത്യു (ചുങ്കം - 40 പോയിന്റ്)
*🏕️സഭകൾക്ക് ലഭിച്ച പോയിന്റുകൾ*
* മുതുകുളം -104
* പത്തിയൂർ -95
* ആറാട്ടുവഴി പ്രയർ സെന്റർ - 88
* പള്ളിച്ചിറ - 74
* ചുങ്കം - 70
* പരിമണം -70
* കാർത്തികപള്ളി - 62
* തകഴി - 48
* കാഞ്ഞൂർ - 39
* കരുവാറ്റ ഹെബ്രോൺ - 38
* തോട്ടപ്പള്ളി - 37
* വാഴക്കൂട്ടം - 29
* കരുവാറ്റ ശാലേം -19
* വണ്ടാനം -19
* കണ്ണമംഗലം - 13
* പട്ടോളിമാർക്കറ്റ് - 11
* പുളിങ്കുന്ന് - 11
* വേണാട്ടുകാട് - 09
* ചേപ്പാട് - 04
* കിടങ്ങറ - 03
* മറ്റം നോർത്ത് - 03
* കള്ളിക്കാട് - 00
* പറവൂർ - 00
* തടുത്തുവെളി - 00
ഡിസ്ട്രിക്ട് സൺഡേസ്കൂൾ എക്സിക്യൂട്ടീവ്സ് ആയ പാസ്റ്റർ കെ. രമേശ്, പാസ്റ്റർ സാബു തോമസ്, ബ്രദർ പി. വി. സാം, പാസ്റ്റർ സാജൻ ഈശോ, ബ്രദർ ജോബി ജോൺ, ബ്രദർ പി. സി. ജോയ്, സിസ്റ്റർ ബാബിന ജോസഫ്, സിസ്റ്റർ വിജി മനു എന്നിവർ പരിപാടികളുടെ സമ്പൂർണ്ണ ക്രമീകരണങ്ങൾക്ക് നേതൃത്വം നൽകി. മത്സരങ്ങളുടെ ടാബുലേഷൻ വർക്കുകൾ ബ്രദർ ഫെബിൻ ജെ. മാത്യു ഭംഗിയായി നിർവഹിച്ചു.
മികച്ച സംഘാടനം കൊണ്ടും വിദ്യാർത്ഥികളുടെയും അധ്യാപകരുടെയും പങ്കാളിത്തം കൊണ്ടും ഈ വർഷത്തെ താലന്ത് പരിശോധന വൻ വിജയമായി തീർന്നു.
#𝓣𝓮𝓪𝓶 𝓢𝓢𝓐 𝓐𝓵𝓹𝔂 𝓦𝓮𝓼𝓽
