21/10/2023
സ്നേഹമുള്ളവരെ,
മിഷൻ ഞായറിന്റെ ആവേശത്തിലേക്ക് നാളെ നാം പ്രവേശിക്കുകയാണല്ലോ. ചെറുപുഷ്പ മിഷൻ ലീഗ് സംഘടനയെ സംബന്ധിച്ചിടത്തോളം ഏറ്റവും പ്രധാനപ്പെട്ട ദിവസമാണിത്. സംഘടനയുടെ പ്രേഷിത മുഖം പ്രകാശിക്കപ്പെടേണ്ട ദിവസം... മാറിയ കാലഘട്ടത്തിൽ പുതിയ വിശ്വാസ വെല്ലുവിളികളെ നേരിടാൻ നമ്മുടെ മക്കളെ പ്രാപ്തമാക്കുന്ന രീതിയിൽ വേണം സംഘടനയുടെ പ്രേഷിത പ്രവർത്തനം എന്ന ലക്ഷ്യത്തെ നാം സമീപിക്കാൻ.. പ്രത്യേകമായി നമ്മുടെ കർത്താവ് സ്ഥാപിച്ച തിരുസഭാമാതാവിനോടും , സഭാവിശ്വാസങ്ങളോടും, പാരമ്പര്യങ്ങളോടും ചേർന്ന് നിൽക്കുകയും സഭയുടെ പ്രേഷിത മുഖമായ വൈദിക സമർപ്പിത ജീവിതാന്തസിനെ ബഹുമാനിക്കുകയും, സ്നേഹിക്കുകയും പ്രോത്സാഹിപ്പിക്കുകയും ചെയ്യുന്ന തലമുറ കാലഘട്ടത്തിന്റെ ആവശ്യമാണ്..അതിനുതകുന്ന രീതിയിലുള്ള പ്രോഗ്രാമുകളും, പ്രബോധനങ്ങളും, പ്രവർത്തനങ്ങളുമൊക്കെ മിഷൻ ഞായർ ആഘോഷത്തിലും ഉൾപ്പെടുത്തണമെന്ന് സ്നേഹപൂർവ്വം ഓർമ്മപെടുത്തുന്നു.കാരണം ഈ കാലഘട്ടത്തിൽ നമ്മുടെ സംഘടനയുടെ പ്രേഷിത പ്രവർത്തനം ആരംഭിക്കേണ്ടത് നമ്മുടെ കുടുംബങ്ങളിലും, ഇടവകകളിലും നിന്നുമാണ്.
💛❤️💛
പ്രേഷിതാഭിവാദ്യങ്ങളോടെ,
ലിന്റോ ജോൺ പാട്ടശ്ശേരിയിൽ
CML നീലഗിരി മേഖല പ്രസിഡന്റ്
