18/12/2025
దేవుడు కొన్నిసార్లు మన ప్రార్థన వినకపోవడానికి కారణం ?
ఈ క్రింది వచనం చదవండి.
Micah(మీకా) 3:4
4.వారు దుర్మార్గతననుసరించి నడుచుకొనియున్నారు గనుక వారు యెహోవాకు మొఱ్ఱ పెట్టినను ఆయన వారి మనవి అంగీకరింపక ఆ కాలమందు వారికి కనబడకుండ తన్ను మరుగుచేసికొనును.
ఇశ్రాయేలు ప్రజలు చేసిన పాపములు, దుర్మార్గత, దేవునికి వ్యతిరేకంగా బ్రతకడం వలన, వారు ఏదైనా అవసరం నిమ్మితము దేవునికి ప్రార్థన చేస్తే దేవుడు వారి ప్రార్థన అంగీకరించరు అని మీకా ప్రవక్త అంటున్నారు.
నిజమే మన జీవితాలలో కూడా అంతే దేవునికి ఇష్టముగా బ్రతకకుండా, పాపములు చేస్తూ, దుర్మార్గంగా బ్రతుకుతూ,....
కేవలం మన అవసరాల నిమ్మితం దేవా దేవా నాకు ఈ సహాయం చేయండి అని ప్రార్థన విజ్ఞాపన చేస్తే దేవుడు ఆ ప్రార్థన అంగీకరించరు.
యేషయా ప్రవక్త ఇలా అంటున్నారు...
ఈ క్రింది రెఫరెన్సు చదవండి.
Isaiah(యెషయా గ్రంథము) 59:1,2
1.రక్షింపనేరక యుండునట్లు యెహోవా హస్తము కురుచకాలేదు విననేరక యుండునట్లు ఆయన చెవులు మందము కాలేదు మీ దోషములు మీకును మీ దేవునికిని అడ్డముగా వచ్చెను
2.మీ పాపములు ఆయన ముఖమును మీకు మరుగు పరచెను గనుక ఆయన ఆలకింపకున్నాడు.
మన జీవితంలో అనేకసార్లు జవాబు రాని ప్రార్థనలకు కారణం "పాపము".
దేవునికి మనకు మధ్య పాపము ఒక అడ్డు గోడగా మారుతుంది.
పాపము మనలను దేవుని సహవాసం నుండి వేరుచేస్తుంది.
కాబట్టి మన ప్రార్థన విజ్ఞాపనలు దేవుడు వినాలి అంటే మనం దేవునికి నచ్చినట్లు బ్రతుకుదాం.
మీ సహోదరుడు.
Writer & Editor ✍️
గురువిందపల్లి శరత్ చంద్ర జోషి.
B Sc.(B.Z.C), B.Th (SABC Bible College, Bangalore).
Vijayawada.
