Nedumunda Church, നെടുമുണ്ട പള്ളി

  • Home
  • India
  • Edoor
  • Nedumunda Church, നെടുമുണ്ട പള്ളി

Nedumunda Church, നെടുമുണ്ട പള്ളി St. Thomas Malankara Syrian Catholic Church, Nedumunda. Sunday;
Morning Prayer: 09:00.Am
Holy Mass: 09:30.Am

The church is established in the year 1998.

The parish comes under the Eparchy of Bathery, which is part of the Arch Eparchy of Thiruvalla.

15/05/2026

Wishing His Eminence. Most Rev. Dr. Mathews Mor Pachomios a joyous feast day, coinciding with the celebration of St. Pachomius the Great!

# #

14/05/2026

സുലോക്കോ_പെരുന്നാൾ (മെയ് 14)

നമ്മുടെ_കർത്താവിന്റെ_സ്വർഗ്ഗാരോഹണം

ഉയിർപ്പ് പെരുന്നാൾ കഴിഞ്ഞ് നാൽപ്പതാം ദിവസമാണ് തിരുസഭ നമ്മുടെ കർത്താവിന്റെ സ്വർഗത്തിലേക്കുള്ള ആരോഹണത്തിന്റെ സ്മരണയെ കൊണ്ടാടുന്നത്.
സുലോക്കോ എന്നാണ് സുറിയാനിയിൽ ഈ പെരുന്നാൾ അറിയപ്പെടുന്നത് (ആരോഹണം എന്നാണ് അർത്ഥം)

യേശുവിന്റെ സ്വർഗാരോഹണം പുതിയൊരു യുഗത്തിന്റെ ആരംഭമാണ് പരിശുദ്ധാത്മാവ് യുഗം. കർത്താവിൻ്റെ സ്വർഗാരോഹണത്തിലൂടെ നമുക്കു വെളിപ്പെടുത്തിതരുന്ന ദൈവീകരഹസ്യങ്ങൾ;

1. കർത്താവ് തന്റെ പൂർവ്വ മഹിമയിലേയ്ക്കു മടങ്ങി.
2. നമുക്ക് ഒരു സ്ഥലം ഒരുക്കാൻ സ്വർഗത്തിലേയ്ക്കു പോയി.
3. കർത്താവ് പിതാവിന്റെ വലതുഭാഗത്ത് നമുക്കു മദ്ധ്യസ്ഥനായി ഉപവിഷ്ടനായിരിക്കുന്നു.
4. സ്വർഗ്ഗാരോഹണത്തിലൂടെ പരിശുദ്ധാത്മാവിനെ ലോകത്തിലേയ്ക്കു അയക്കുന്നു.
5. യേശുവിന്റെ രണ്ടാമത്തെ വരവു വ്യക്തമാക്കുന്നു.

കർത്താവിന്റെ സ്വർഗാരോഹണം ക്രിസ്തു രഹസ്യത്തിന്റെ അവസാനമല്ല തുടർച്ചയാണ്, അത് പൂർത്തിയാകുന്നതു നാമെല്ലാവരും പിതാവിന്റെ സന്നിധിയിൽ കർത്താവോടോപ്പം എത്തിച്ചേരുംപോഴാണ്.

കർത്താവിന്റെ സ്വർഗാരോഹണം, വിജയത്തിന്റെ, സന്തോഷത്തിന്റെ, പ്രത്യാശയുടെ സന്ദേശമാണു നമുക്കു നൽകുന്നതു.

പരിശുദ്ധാത്മയുഗത്തിൽ വസിക്കുന്ന നമ്മൾ അവിടുത്തെ തിരുവിഷ്ടമായ നിത്യതയിൽ കർത്താവിനോടു ഒപ്പമുള്ളവാസത്തിനു തീവ്രമായി ആഗ്രഹിക്കാം, അതിനായി പ്രാർത്ഥനയിൽ ശരണപ്പെടാം

*"നിത്യമായുള്ള ഏകസ്വഭാവവും, ഐക്യതയുള്ള ഏക ഇഷ്ടവും, സമത്വമുള്ള ഏക അധികാരവുമുള്ള സത്യേക ദൈവവും അനാദിയായും അന്തമില്ലാതെയുമിരിക്കുന്ന സ്വയംഭൂവും താല്കാലികമല്ലാത്തതും ഒരിക്കലും ഭേദഗതി വരാത്തതുമായ പ്രകാശവും ബലഹീനത വരാത്ത ശക്തിയും, ഒരിക്കലും ക്ഷീണിച്ചു പോകാത്ത ഭുജമുള്ളവനും, മങ്ങിപോകാത്ത സൂര്യനും, എപ്പോഴും പ്രശോഭിച്ചുകൊണ്ടിരിക്കുന്ന സൗന്ദര്യമായിരിക്കുന്നവനും, പരിശുദ്ധ വിശുദ്ധി തന്റേതായിരിക്കുന്നവനും തുല്യമായി വന്ദിക്കപ്പെടുകയും സ്തുതിക്കപ്പെടുകയും സ്തോത്രം ചെയ്യപ്പെടുകയും ചെയ്യുന്നവനുമായ തനിക്കു തന്റെ സ്വർഗ്ഗാരോഹണപ്പെരുന്നാളിനെകൊണ്ടാടുന്ന ഈ നേരത്തും സകല പെരുനാളുകളിലും കാലങ്ങളിലും നമ്മുടെ ആയുഷ്ക്കാലമൊക്കെയും സ്തുതിയും ബഹുമാനവും വന്ദനവും യോഗ്യമായിരിക്കുന്നു..."*
-സ്വർഗ്ഗാരോഹണ ശുശ്രൂഷയിൽ നിന്നും…

23/04/2026

വി. ഗീവര്‍ഗ്ഗീസ് സഹദാ രക്തസാക്ഷിത്വം വരിച്ച ദിവസം

ഏപ്രില്‍ 23

ശ്രേഷ്ഠനായ മാര്‍ ഗീവര്‍ഗീസിന്റെ പെരുന്നാള്‍ ആഘോഷിക്കുന്ന നീസ്സാന്‍ മാസം (മേട മാസം) ഭാഗ്യത്തിന്റെ മുന്നോടിയാണ് ന്യായാധിപന്റെ മുന്‍പില്‍ ചക്രത്തിന്മേല്‍ ബന്ധിതനായിനിന്ന ഗീവറുഗീസെന്ന തന്റെ ദാസനെ മുകളിലും താഴെയും തീ ചുറ്റി ഓരോ അവയവവും വേദനയേറ്റു കിടക്കുന്നവനെ യേശു കണ്ടു. ഗീവര്‍ഗീസേ ഭയപ്പെടരുത്. നീ മാതാവിനൊപ്പം കിരീടം പ്രാപിക്കുമെന്നു റൂഹാ അവനു ധൈര്യം പകര്‍ന്നു. ശക്തിനല്‍കിയവന്‍ ശ്രേഷ്ഠന്‍.

_മാര്‍ ഗീവര്‍ഗ്ഗീസ് സല്‍ഗുണനിധിയേ_
_നിന്‍ സ്മൃതി കൊണ്ടാടും സഭയില്‍_
_അനവരതം നിന്‍ നാഥന്റെ_
_ശമവും ശാന്തിയുമവരട്ടെ..._

ബഹുമാനപെട്ട മുൻ വികാരിമാരായ Rev Fr. George Alummoottil, Rev Fr. Varghese Pulickal, Rev Fr. Varghese Kaniyamaprambil, Fe...
23/04/2026

ബഹുമാനപെട്ട മുൻ വികാരിമാരായ Rev Fr. George Alummoottil, Rev Fr. Varghese Pulickal, Rev Fr. Varghese Kaniyamaprambil, Fev Fr. Varghese Churakkuzhil എന്നിവർക്ക് നെടുമുണ്ട ഇടവക സമൂഹത്തിന്റെ നാമഹേതുക തിരുനാളാശംസകൾ.

Festal greetings to former vicars of the church.

ഇടവക മെത്രാപോലിത്താ ആബൂൻ ജോസഫ് മാർ തോമസ് തിരുമേനിക്ക് നെടുമുണ്ട ഇടവക സമൂഹത്തിന്റെ ജന്മദിനാശംസകൾ.
20/04/2026

ഇടവക മെത്രാപോലിത്താ ആബൂൻ ജോസഫ് മാർ തോമസ് തിരുമേനിക്ക് നെടുമുണ്ട ഇടവക സമൂഹത്തിന്റെ ജന്മദിനാശംസകൾ.

ഇടവക മെത്രാപോലിത്താ Most Rev Dr. ജോസഫ് മാർ തോമസ് തിരുമേനിയും ഇടവക വികാരി ബഹുമാനപ്പെട്ട കുര്യാക്കോസച്ചനും…
11/04/2026

ഇടവക മെത്രാപോലിത്താ Most Rev Dr. ജോസഫ് മാർ തോമസ് തിരുമേനിയും ഇടവക വികാരി ബഹുമാനപ്പെട്ട കുര്യാക്കോസച്ചനും…

02/04/2026

പെസഹാ വ്യാഴം രാത്രി

നമ്മുടെ കർത്താവ് തന്റെ ശിഷ്യന്മാരോട് അരുളിചെയ്തു ഞാൻ കഷ്ടത അനുഭവിക്കുന്നതിന് മുമ്പ് ഈ പെസഹാ നിങ്ങളോട് ഒന്നിച്ച് ഭക്ഷിപ്പാൻ അതിയായി ആഗ്രഹിച്ചു തന്റെ തിരുശരീരം മുറിച്ചതും ജീവനുള്ള തന്റെ തിരുരക്തം അവർക്ക് കൊടുത്തു കണ്ടാലും നാനാഭാഗങ്ങളിലും ഉള്ള പള്ളികളിൽ ഇതു പരമ്പരയായി നടത്തപ്പെടുന്നു.

01/04/2026

🍞 പെസഹാ ശുശ്രൂഷാ ക്രമം 🍷

✨ ഗോഗുൽത്താ ക്രമീകരണം: പെസഹാ വ്യാഴാഴ്ചയുടെ ഭാഗമായി, ബുധനാഴ്ച വൈകിട്ടു മുതൽ വ്യാഴം ഒൻപതാം മണി പ്രാർത്ഥന വരെ ഗോഗുൽത്തായിൽ ചുവപ്പ് വസ്ത്രങ്ങൾ ധരിപ്പിക്കേണ്ടതാണ്. 🔴

✨ നമസ്കാരം: പെസഹാ വ്യാഴാഴ്ച നമസ്കാരം നടത്തുന്നു. 🙏

✨ രാത്രി പ്രാർത്ഥന: പെസഹാ ദിവസം രാത്രി പ്രാർത്ഥനയിൽ "ഹാലേലുയ്യാ" കഴിഞ്ഞു "നാം ദൈവത്തിന്റെ മക്കളായിത്തീരുവാൻ...", "മറിയാം പറഞ്ഞതെന്തെന്നാൽ", "സഹോദരന്മാർ ഒരുമിച്ച് വസിക്കുന്നത്..." ഇത്യാദി ഭാഗങ്ങൾ അതാതിന്റെ സ്ഥാനത്ത് ചേർത്തു ചൊല്ലണം. 📖

*വിശുദ്ധ കുർബാന*

✨ വിശുദ്ധ കുർബാന ആരംഭം: പ്രാർത്ഥനാ സഹായം യാചിച്ച് വിശുദ്ധ കുർബാന ആരംഭിക്കുന്നു. ✨

✨ ഗീതങ്ങൾ: "വെളിവുനിറഞ്ഞോരീശോ" എന്ന ഗീതത്തിന് പകരം പെസഹായുടെ കൗമായും തുടർന്ന് "നാഥാ തേ സ്തുതി" എന്ന ഭാഗവും ആലപിക്കുന്നു. 🎶

✨ ധൂപം വീശൽ: "കർത്താവേ നിന്നെ പ്രസവിച്ച മറിയാമും" ചൊല്ലി ധൂപം വീശുന്നു. ജനം പ്രത്യുത്തരമായി "സ്വഭാവപ്രകാരം മരണമില്ലാത്തവനും" ചൊല്ലുന്നു. 💨

✨ കൗമ: "ദൈവമേ നീ പരിശുദ്ധനാകുന്നു" എന്നതിന് പകരം പെസഹാ വ്യാഴം കൗമ ചൊല്ലുന്നു. ✨

✨ ലേഖന വായന: "പൗലോസ് ശ്ലീഹാ" ഗാനം ആലപിക്കുകയും ലേഖനം വായിക്കുകയും ചെയ്യുന്നു. 📜

✨ ഹൂലോലോ: വിശുദ്ധ ഏവൻഗേലിയോന് മുമ്പുള്ള ഹൂലോലോ, പെസഹാ പ്രഭാത പ്രാർത്ഥനയുടെ ഹൂലോലോയാണ്. 🕊️

✨ ഏവൻഗേലിയോൻ: വിശുദ്ധ കുർബാന വായന ഹാശാക്രമത്തിൽ തന്നെയാണ് നടത്തേണ്ടത്. 📖

ഏവൻഗേലിയോൻ വായനയ്ക്ക് ശേഷം "യെരൂശലേം മഹാമാളികയിൽ" എന്ന ഗീതം ആലപിക്കുന്നു. 🎤

✨ പ്രുമിയോൻ സെദറാ: വിശുദ്ധ കുർബാനയിൽ പെസഹായുടെ പ്രുമിയോൻ സെദറാ ചൊല്ലുക. ⛪

✨ ധൂപകുറ്റി വാഴ്ത്തൽ: ധൂപകുറ്റി വാഴ്ത്തുന്നത് പെസഹാ കൗമാ മൂന്ന് പ്രാവശ്യം ചൊല്ലിയാണ്. തുടർന്ന് "നാഥാ തേ സ്തുതി" എന്ന് തുടങ്ങുന്ന ഭാഗം ചൊല്ലി ധൂപം വീശുന്നു. 💨

🚫 സമാധാനം: ഈ ദിവസം സമാധാനം നൽകുകയോ സമാധാനം ആശംസിക്കുകയോ ചെയ്യുന്നില്ല. ❌

✨ പ്രാർത്ഥന: പെസഹാ വ്യാഴാഴ്ച സമാധാനത്തിനു മുമ്പുള്ള പ്രാർത്ഥന ചൊല്ലുക. 🛐

✨ മദ്ധ്യസ്ഥ പ്രാർത്ഥന: മദ്ധ്യസ്ഥ പ്രാർത്ഥനകൾ ആറും ചൊല്ലേണ്ടതാണ്. ✋

✨ ഖണ്ഡന ശുശ്രൂഷ: സമയത്ത് "അൻപുടയോന്" പകരമായി "ആപത്തിന്റെ ഭയങ്കരമാം" എന്ന ഗാനം ആലപിക്കുന്നു. 🎶

✨ കുക്കിലിയോൻ: കുക്കിലിയോനു പകരം പെസഹായുടെ കൗമായും, "നാഥാ തേ സ്തുതി..." ഇത്യാദിയും ചൊല്ലേണ്ടതാണ്. ✨

✨ കുർബാന സ്വീകരണം: വിശുദ്ധ കുർബാന സ്വീകരണ സമയത്ത് "രഹസ്യം രഹസ്യം ഉടയോനരുളി" എന്ന ഗാനം ആലപിക്കുന്നു. 🍷🍞

✨ സ്തോത്രഗീതം: വിശുദ്ധ കുർബാന സ്വീകരണത്തിന് ശേഷം "സ്തുതി ദൈവത്തിന്നുയരത്തിൽ" എന്ന ഗീതം ചൊല്ലുകയില്ല. ❌

✨ ഹൂത്തോമാ: പെസഹാവ്യാഴം ഹൂത്തോമോ
പുതിയ തക്സ പേജ് 283.

"അന്നാൾ നാഥൻ അപ്പം കയ്യാലേന്തി" എന്ന ഹൂത്തോമോ വിശ്വാസസമൂഹം ആലപിക്കുന്നു. 🎤

✨ സമാപനം: വിശുദ്ധ കുർബാനയ്ക്ക് ശേഷം "നാഥാ തേ സ്തുതി ബഹുമാനം" എന്ന ഗീതം ആലപിക്കുന്നു. 🌟

🍞 പെസഹാ അപ്പം മുറിക്കൽ ശുശ്രൂഷ 🍷

⛪ പള്ളികളിൽ
പള്ളിയിൽ പെസഹാ അപ്പം മുറിക്കുന്നുവെങ്കിൽ അത് അത്യന്തം ഭക്തിയോടെയും ഗൗരവത്തോടെയും നിർവ്വഹിക്കേണ്ടതാണ്.

👉 കാർമ്മികൻ: ഇടവകയുടെ ആത്മീയ പിതാവ് എന്ന നിലയിൽ വികാരിയച്ചൻ തന്നെയാണ് അപ്പം മുറിക്കേണ്ടത്.

👉 പ്രത്യേകം ശ്രദ്ധിക്കുക: ആധുനിക രീതിയിലുള്ള ആഘോഷങ്ങളെപ്പോലെ പലർ ചേർന്ന് കേക്ക് മുറിക്കുന്നത് പോലെയല്ല പെസഹാ അപ്പം മുറിക്കേണ്ടത്. മറിച്ച്, ക്രിസ്തു തന്റെ ശിഷ്യന്മാർക്ക് അപ്പം മുറിച്ചു നൽകിയതിന്റെ വിശുദ്ധമായ ഓർമ്മ പുതുക്കലാണിത്. 🕊️

👉 ക്രമം: വികാരിയച്ചൻ അപ്പം മുറിച്ചു നൽകുന്നു. മുറിച്ച അപ്പം ആദ്യം നൽകേണ്ടത് ഇടവകയിലെ ഏറ്റവും പ്രായം ചെന്ന വ്യക്തിക്കാണ്. ഇത് സഭയുടെ പാരമ്പര്യത്തോടും മുതിർന്നവരോടുള്ള ആദരവിനോടും ചേർന്നുനിൽക്കുന്നു. 👴🙏

🏠 വീടുകളിൽ:
കുടുംബങ്ങളിൽ പെസഹാ അപ്പം മുറിക്കുന്നത് സഭയുടെ ചെറിയ യൂണിറ്റായ 'കുടുംബം' എന്ന നിലയിൽ അതീവ ഭക്തിയോടെ വേണം.

👉 പ്രാർത്ഥന: കുടുംബാംഗങ്ങൾ എല്ലാവരും ഒരുമിച്ച് ചേർന്ന് പ്രാർത്ഥിച്ചതിനു ശേഷം മാത്രമേ അപ്പം മുറിക്കാവൂ. ✨

👉 കാർമ്മികൻ: കുടുംബത്തിലെ ആത്മീയ തലവൻ എന്ന നിലയിൽ കുടുംബനാഥനാണ് അപ്പം മുറിക്കേണ്ടത്. 👨‍👩‍👧‍👦

👉 ക്രമം: കുടുംബനാഥൻ അപ്പം മുറിച്ച ശേഷം, മൂപ്പുമുറ അനുസരിച്ച് (പ്രായക്കൂടുതൽ ഉള്ളവർക്ക് ആദ്യം) കുടുംബാംഗങ്ങൾക്ക് അപ്പം നൽകുന്നു. ഇത് ക്രിസ്തീയ സ്നേഹത്തിന്റെയും ഐക്യത്തിന്റെയും പ്രതീകമാണ്. 🍞💝

27/03/2026

കൊഴുക്കട്ട ശനി (ലാസറിന്റെ ശനി)

നസ്രാണികള്‍ വലിയനോമ്പിന്റെ നാല്പത്തൊന്നാം ദിവസം ഉണ്ടാക്കുന്ന ഒരു പലഹാരമാണ് കൊഴുക്കട്ട. അമ്പതു നോമ്പിന്റെ ആദ്യ നാല്പതു ദിവസ്സം കര്‍ത്താവ്‌ നോമ്പ് നോറ്റതിന്റെയും പിന്നീടുള്ള പത്തു ദിവസം കര്‍ത്താവിന്റെ കഷ്ടാനുഭാവത്തെയും ഓര്‍ത്ത്‌ നസ്രാണികള്‍ നോമ്പ് നോല്‍ക്കുന്നു. കര്‍ത്താവ്‌ നാല്പതു ദിവസം നോമ്പ് നോറ്റു വീടിയത് പോലെ പുരാതന നസ്രാണികൾ നാല്പതു ദിവസം നോമ്പ് നോറ്റു വീടുന്നു. എന്നാല്‍ പിന്നീടുള്ള പത്തു ദിവസം കര്‍ത്താവിന്റെ കഷ്ടാനുഭാവത്തെയും ഓര്‍ത്ത്‌ നോമ്പ് അനുഷ്ടിക്കുന്നത് കൊണ്ട് അത് വരെ അനുഷ്ടിച്ചു വന്ന നോമ്പിന്റെ തീഷ്ണത ഒട്ടും കുറക്കാതെ നോമ്പ് വീടുന്നതിനാണ് കൊഴുക്കട്ട ഉണ്ടാക്കുന്നത്‌. കൊഴുക്കട്ടക്കുള്ളില്‍ തേങ്ങക്കൊപ്പം തെങ്ങിന്‍ ശര്‍ക്കരയോ പണം ശര്‍ക്കരയോ ചേര്‍ക്കുന്നു.

കൊഴു എന്നാല്‍ മഴു എന്നര്‍ത്ഥം . കൊഴു ഭൂമിയെ പിളര്‍ന്നു ചിതറിക്കുന്നത് പോലെ പാതാള വാതുല്‍ക്കല്‍ അവരുടെ അസ്ഥികള്‍ ചിതറിക്കപ്പെട്ടു എന്ന 140ാം സങ്കീര്‍ത്തനത്തിലെ വാചകം. നോമ്പിനെ മുറിക്കാന്‍ ഉപയോഗിക്കുന്നത് എന്നർത്ഥത്തിലാണ് കൊഴുക്കട്ട എന്ന് ഈപലഹാരത്തിനു പേരുണ്ടായത്.

ലാസറിനെ ഉയിർപ്പിച്ച കർത്താവിനെ സ്വീകരിക്കുവാൻ ലാസറിന്റെ സഹോദരിമാരിൽ ഒരുവളായ വിശുദ്ധ മാർത്ത തിടുക്കത്തിൽ മാവ് കുഴച്ചുണ്ടാക്കിയ മധുര പലഹാരത്തിന്റെ പ്രതീകമായി നാം കൊഴുക്കട്ട ഉണ്ടാക്കി ഭക്ഷിക്കുന്നു. കേരളത്തിൽ കൊഴുക്കട്ട ശനി എന്നറിയപ്പെടുന്ന ഈ ദിവസം ലാസറിന്റെ ശനിയാഴ്ചയായി ലോകമെമ്പാടുമുള്ള ക്രൈസ്തവർ ആചരിക്കുന്നു. വിശുദ്ധ വാരത്തിനു മുൻപ് വരുന്ന ശനിയാഴ്ച്ച അതായത് ഓശാന ഞായറിന് തലേ ദിവസമാണ് ഈ ദിനം ആചരിക്കുന്നത്.

Address

Nedumunda
Edoor
PAYAMPO

Opening Hours

Monday 6:30am - 7:30am
Tuesday 6:30am - 7:30am
Wednesday 6:30am - 7:30am
Thursday 6:30am - 7:30am
Friday 6:30am - 7:30am
Saturday 6:30am - 7:30am
Sunday 9am - 11am

Website

Alerts

Be the first to know and let us send you an email when Nedumunda Church, നെടുമുണ്ട പള്ളി posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Nedumunda Church, നെടുമുണ്ട പള്ളി:

Shortcuts

Share

Category