15/12/2025
অষ্ট্ৰেলিয়াত সংঘটিত সন্ত্ৰাসবাদী আক্ৰমণৰ পাছত
আহমদীয়া মুছলিম জামাতৰ বিশ্ব প্ৰধানৰ বিবৃতি
১৪ ডিচেম্বৰ ২০২৫
আজিৰ দিনটোতে অষ্ট্ৰেলিয়াৰ ছিডনিৰ বণ্ডাই বিচত সংঘটিত সন্ত্ৰাসবাদী আক্ৰমণৰ পাছত, আহমদীয়া মুছলিম জামাতৰ বিশ্ব প্ৰধান, হযৰত মিৰ্জা মছৰুৰ আহমদ (খলিফাতুল মছীহ পঞ্চম) এইদৰে কৈছে—
“বিশ্বজুৰি বিস্তৃত আহমদীয়া মুছলিম জামাতৰ পক্ষৰ পৰা মই অষ্ট্ৰেলিয়াত নিৰ্দোষী ইহুদী সমাজৰ লোকসকলক লক্ষ্য কৰি কৰা এই নৃশংস সন্ত্ৰাসবাদী আক্ৰমণক অত্যন্ত কঠোৰ ভাষাত নিন্দা জনাওঁ।
এনেধৰণৰ হিংসাত্মক কাৰ্য কোনোপধ্যে ন্যায়সংগত হ’ব নোৱাৰে। ইছলামে মানৱ জীৱনৰ পৱিত্ৰতাক সম্পূৰ্ণ গুৰুত্ব দিয়ে আৰু ঘোষণা কৰে যে এজন নিৰ্দোষ ব্যক্তিক হত্যা কৰা মানে সমগ্ৰ মানৱজাতিক হত্যা কৰাৰ সমান। সেয়ে সন্ত্ৰাসবাদ আৰু ঘৃণাৰে ভৰা সকলো কাৰ্য ইছলামৰ সত্য শিক্ষা সম্পূৰ্ণৰূপে বিপৰীত। মুছলমান হিচাপে আমাৰ বিশ্বাসে আমাক সকলো ধৰ্ম আৰু বিশ্বাসৰ লোকৰ প্ৰতি প্ৰেম, দয়া আৰু কৰুণা প্ৰদৰ্শন কৰিবলৈ আদেশ দিয়ে।
এই শোকাৱহ ঘটনাত প্ৰভাৱিত সকলো লোকৰ প্ৰতি আমাৰ আন্তৰিক সমবেদনা জ্ঞাপন কৰিছোঁ আৰু আহতসকলৰ আৰোগ্যৰ বাবে আমি প্ৰাৰ্থনা কৰিছোঁ।” 🙏
