17/04/2026
Aqsam-e-Rooh
Usul-e-Kafi me Amir-ul-Momineen (a.s) ka irshad hai:
Ambiya ke liye jo kaha gaya hai ke unme paanch roohen hoti hain:
Rooh-ul-Qudus, Rooh-ul-Iman, Rooh-ul-Quwwat, Rooh-ush-Shahwah aur Rooh-ul-Badan.
Aur in paanch roohon ke zariye Ambiya ko har cheez ka ilm diya gaya hai,
aur unhone isi sabab se tamam ashiya ko jaan liya.
Aur Rooh-ul-Iman ke zariye wo Allah ki ibadat karte hain aur shirk nahi karte.
Aur Rooh-ul-Quwwat ke zariye wo apne dushmanon se jihad karte hain
aur apne maamlaat ko chalate hain.
Aur Rooh-ush-Shahwah ke zariye wo khane peene ka lutf uthate hain
aur halal tareeke se auraton se nikah karte hain.
Aur Rooh-ul-Badan ke zariye wo zameen par chalte phirte hain.
Phir farmaya:
Aakhri chaar roohen momineen ke liye hain,
jo Ashab-ul-Yameen hain.
Aur aakhri teen roohen kuffar ke liye hain,
jo Ashab-ush-Shimal hain.
Usul-e-Kafi me riwayat hai ke ek shakhs ne Imam se rooh ke mutalliq sawal kiya ke kya wo Jibraeel hai?
Toh Imam ne farmaya:
Jibraeel farishton me se hai aur Rooh unke alawa hai.
Ye baat ghalat hai ke koi kahe ke Rooh hi Jibraeel hai.
Imam (a.s) ne farmaya:
Kya tumne Allah ka ye farman nahi suna ke Allah apne bandon me se jise chahta hai us par apne hukm se Rooh nazil karta hai.
Malaika Rooh ke alawa hain.
Tarjuma: Jibraeel ek farishta hai aur Rooh uske siwa hai.
Phir Imam ne farmaya:
Allah Ta’ala ne apni kitab me irshad farmaya:
Humne apne hukm se tumhari taraf Rooh bheji.
Aur ye bhi farmaya: Rooh hamare amr me se hai.
Jis bande par Allah chahta hai Rooh nazil karta hai
aur ye Rooh zameen se Qayamat tak khatam nahi hoti.
