Delhi Mizo Presbyterian Church, Dmpc inkhawm

Delhi Mizo Presbyterian Church, Dmpc inkhawm Contact information, map and directions, contact form, opening hours, services, ratings, photos, videos and announcements from Delhi Mizo Presbyterian Church, Dmpc inkhawm, Christian church, CENTENARY METHODIST CHURCH, 24, LODHI Road, CGO COMPLEX, PRAGATI VIHAR, Delhi.

29/11/2020

*KOHHRAN THUTHAR : 29.11.2020 PATHIANNI*

# PRESBYTERIAN THUTHAR
* Synod Inkhawmpui inbuatsaihna kal zelah Nov. 23 - 25, 2020 chhung khan Synod Finance Committee vawi 135-na chu JM Lloyd Hall, Synod Office-ah an thu.
Synod Finance Committee hi Moderator Rev. R. Lalchangliana'n a kaihruai a, Finance Officer Report ngaihthlak a ni. Report-a a lan danin k*min chhungin Finance Committee vawi 3 leh Finance Managing Committee vawi 4 an thu a. Hripui leng mek avanga deptartment hrang hrang harsatna tawh mek te, Synod Hospital, Durtlang tana True NAT/Rapid Antigen Test-na khawl lei tura hmalak mek a nih thu te tarlan a ni.

Tun tum Synod Finance Committee-ah hian thu ngaihtuah tur chhawpchhuah (agenda) 9 a awm a. Kohhran Hmeichhia atanga Donation hman dilna chungchang te, k*m 2021-2022 Synod Budget chungchang te an ni a, heng agenda hrang hrangte hi Synod Inkhawmpuia pawm turin chhawp chhuah leh a ni ang.
Synod Inkhawmpui inbuatsaihna atana Synod Committee peng hrang hrangte meeting kal zelah Dec. 2 & 3 ah SEC an thu ang a, Dec. 4 & 7 ah Pastoral Committee an thu ang a, Pro. Pastor Interview neih nghal a ni ang.

* Nov. 21, 2020 (Inrinni) khan Jharkhand Mission Field chhhunga Murbangha Biak In sak chu Field Secretary-in a hawng. Biak In sakna hmun hi helai hmuna Presbyterian Kohhran Chairman-in a pek a ni a. He Biak in sak nân hian Laipuitlang Kohhranin Rs. 2,40,000/- an pe a, Maryland, USA Mizo Presbyterian Kohhran Hmeichhia ten dollar 600 an thawh bawk. Hemi ni hian ringthar pakhat Lal Isua zui turin a inpe. Nov. 22 Pathianni khan ringthar 1 Lal Isua zui turin a inpe a, Nov. 22, Pathianni vek khan Sindurpur Fellowship, member 30 awmna chu hawn a ni bawk.

* Presbyterian English School (PES) hnuaia School hrang hrangte hnena k*mtina pek thin Lumpsum Grant 2nd Installment chu School 109-ah sem mek niin School 89 hnenah Rs. 60,000/- theuh leh School 20 hnenah Rs. 75,000/- theuh pek an ni a, a vaiin Rs. 68,40,000/- sem ral a ni.

* Nak*m 2021 hian Mizoram Presbyterian Kohhran chuan Puitling Sunday School-ah "Kohhran leh a rawngbawl hna" tih an zir dawn a. He zirlaibu hi Presbyterian Pastor-te zinga mithiam, Rev. Lalzuithanga, Mizoram Synod Moderator leh Senior Executive Secretary pawh lo ni tawh ziah a ni. He zilaibuah hian zirlai 47 awmin phek 255 a ni a, Rs. 110 man a ni.
Mizoram Presbyterian Kohhran Puitling Sunday School zirlaibu hi Mizoram Synod hnuaia Kohhran zawng zawngte zirlaibu a nih bakah Presbyterian Church of Myanmar (PCM) hnuaia Phai Synod pumpui chuan an zirlaibu atan an hmang ve nghal zel a. Presbyterian Church of Myanmar leh Mizoram Synod Partnership Agreement angin Mizoram Synod chuan k*mtin Copy 1000 zet a thlawnin Presbyterian Church of Myanmar hi a pe thin a ni.

K*m 2021 Nilai leh Beihrual Thupui zirlai thupui tur hi "Kristian Chhungkua leh nun ho dan tha" tih a ni a. Synod Executive Secretary lo ni tawh leh Presbyterian Pastor-te zinga mithiam, Rev. P.C. Pachhunga ziah a ni. Nilai leh Beihrual Thupui bu hi phek 225 zeta chhah niin Rs. 140 man a ni.
Nilai leh Beihrual Thupui hi Mizoram puma Synod Bookroom dawr zawng zawngah lei theih tura chhawp chhuah tawh a ni.
Naupang Sunday School zirlaibu; Beginner atanga Senior zirlaibu tur erawh chu 2021 atang hian zirlaibu thar vek hman tawh tur a nih avangin Synod Press-ah chhut mek a ni a. Tun atanga rei vak lovah peih a ni ang.

* Nimin Nov. 27 Zirtawpni kha Kohhran Hmeichhe Ni vawi 24-na a ni a, amaherawhchu Hripui leng mek avangin Kohhran Hmeichhe Ni hi k*m dang angin hman a remchang lova, Kohhran Hmeichhia ten mahni tualchhung kohhran theuhah a remchan dan angin an hmang a ni. Kohhran Hmeichhe Ni hi Kohhran Hmeichhe Inkhawmpui Lian-in Kohhran Hmeichhe Ni bik neih a rel a, Synod Executive Committee (SEC)-in November Zirtawpni hnuhnung ber hi Kohhran Hmeichhe Ni atan hman ni se tia a relsak angin k*m 1997 atang khan hman tan a ni a. Synod Calendar-ah pawh Synod Ni pawimawh zingah dah a ni.

A duh apiang tan a chhim theih aw.
24/10/2020

A duh apiang tan a chhim theih aw.

27/09/2020

Pastor H. Lalhmingmawia
Bialtu Pastor,
27 Sep 2020..............

NU LEH PATE NI & KRISTIAN CHHUNGKAW NI........................................

Vawiin hi Kohhran ni pawimawh, nu leh pate ni leh Kristian chhungkaw ni a ni a, k*m dangah chuan hlim takin kan hmang a, Biak Inah chhungkuain kan ṭhu ho va, chhungkaw pual thuchah kan ngaithla ṭhin.

K*min chu Biak In lamah kan hmang thei dawn ta lo va, amaherawh chu kan inkhawm programme erawh chu hemi ni pual hian dah a ni a, thuchah pawh hemi pual hian buatsaih a ni. Kohhranhoten kan inkhawm hun pangngaiah, chhungkua ngeia ṭhu hovin, mahni awmna hmun aṭang ṭheuhvin Lalpa chibai i buk ang u.

Kan inkhawm hi you tube a dah a nih avangin duh duh huna en theih a ni a, mahse kohhran inkhawm hun erawh chu dar 5 pm a nih kha. Inkhawm programme thlirtu mai ni lovin, kohhran inkhawm a ni tih hriain a hun leh programme ngai pawimawh zel i la, Lalpa tana kan tih kher kher na hian rah ṭhalo aiin rah ṭha a chhuah zel zawk a ni.

*Kristian chhungkaw niah hian chhungkua zawng zawngte, mimala awmte nen, chibai ka buk a che u*

12/06/2020

ZUALKO : 12 JUNE 2020..........................................

Kan Bialtu Pastor, Pastor H. Lalhmingmawia pa; Pu H. Lalchhunga chu tûkin 5:30 am (12June 2020) khân typhoid avângin a thi thut maia, a va pawi êm!!

An chenna hmun, Kolasib Diakkawn, Mizoram ah vui a ni ang.

Pastor te chhûngkua Lalpan thlamuanin awmpui se🙏🏻🙏🏻

06/06/2020

👬*DMPC NPSS 07/06/2020 ZOOM ONLINE CLASS*👭
*TAN HUN*: 4:00pm

*SENIOR DEPARTMENT*
*TAN HUN*: 3:30pm
*Hruaitu*: Pu F Ramthianghlima (Leader)
*Zirlai-19na*: Dan zawhkim
Chhiat tur : Ephesi2:11-16; Hebrai 6:1-3.
*Zirtirtu tur*:Nl K. Lalrindiki
*Zoom meeting ID*:325 551 8719
*Password*: senior

*SACRAMENT DEPARTMENT*
*Hruaitu*: Nl K Lalthazuali
*Tantu*: Lalrinsangi
*Zirtirtu tur*: Tv Stephan Lalremruata Hmar
*Zirtur*:Zirlai 18na: Kristian nun-Kohhran invawnna lamah.
CHHIAR TUR: Ex 18:21-26; Gal 6:1-5
*Zoom Meeting ID*: 8229152659
*Password*: NPSS

*INTERMEDIATE DEPARTMENT*
*Hruaitu*: Nl Lalrotluangi (Leader)
*Zirlai 19-na*: Isua Baptisma Chan Thu*
Chhiar tûr : Mt 3:13-17; Mk 1:9-11
*Zirtirtu tur*: Nl Esther Lallawmkimi
*Zoom Meeting ID*: 208 529 8907
*Password*: inter

*JUNIOR DEPARTMENT*
*Hruaitu*: Nl Esther Lalhlimpuii (Leader)
*Zirlai-19na*: Zeng tihdam.
*Zirtirtu tur*: Tv Ramengmawia.
*Zoom meeting ID*: 6367125273
*Password*: Junior

▪️ *Beginner leh Primary Department chu tihdan pangaiin in lama lo zirpui tur rawn thawn chhuah leh a ni ang*.

▪️ *Senior Deptt hi dar 3:30pm a tan tur a ni e*

28/04/2020

✝ *Nunna chaw*✝

*Matthaia 26:53 Tunah pawh vantirhkoh sangruk hmun sawm leh hmun hnih aia tam zawk mi rawn tirhsak turin ka Pa hnenah ngen thei lovin mi ring em ni le?*

Lal Isuan khandaih hmanga a thlavang hauhtu Petera hnenah he thu hi a sawi a, duh sela chuan a nunna chhandam turin vantirhkoh a ko thla thei; mahse mihring chhandamna chu a thlen famkim theih nan leh kan damna turin a in tur no chu a hma chhawn ta zawk a ni.

Amah ringtute tana thilṭha duhtu Pathian chuan, min chenchilhtu boruak ṭhalo hi min tihkian sak thei. Nimahsela Pathian duhzawnga lungngaihna chuan simna leh thilṭha a hrin ṭhin avangin, chumi rah duhawm tak chu dawng turin Lalpa hian hripui boruak hi min la lak kian saklo a ni thei a sin.

Min chhandam thei tih hriain, a hnenah ṭawngṭai i la, a duhna tipuitling turin inpe i la, rah duhawm, thlamuanna chu nghakin rinnain a kiangah i awm ang u

Amen

(Pastor H. Lalhmingmawia)

19/04/2020

19 April 2020: STAY HOME STAY SAFE .......................................................................
Concerned North East Indians, in collaboration with Special Police Unit for North Eastern Region (SPUNER) has formed the North East Task Force which endeavors to facilitate and reach out to NE people in dire situation during lockdown. We will work to support you in this critical time.

For any assistance Whatsapp to this no. 8750870582

28/03/2020

*HRIATTIRNA HMANHMAWHTHLAK*

"State hrang hrangah Mizote Mizoram haw duh tangkhang ta kan awm em? Hemi Chungchang hi Home Ministry in vawiin dar 10 ah meeting a ko a. Kei hi David Lalthantluanga, Additional Resident Commissioner, New Delhi ka ni a. Tangkhang kan awm chuan in details min lo private ta che u.
Hetiang format hian:
1. Hming, veng & contact no?
2. Khawi State/hmunah ah nge i awm mek?
3. Eng ti turin nge i kal?
4. Eng vangin nge Mizoram haw i ngaih?

Ka lawm e. Hun a tepter tawh hle a min rawn chhang vat turin ka ngen a che u."

Mobile number: 9436140663

27/03/2020

27 March 2020:.............................
KOHHRAN MIPUITE HRIATTIRNA LEH NGENNA:..................................................................

1. March ni 17, 2020 a DMPC Kohhran thuchhuah ah khan ni 31, March, 2020 thleng inkhawm chawlhsan anih thu chhuah a ni a, amaherawhchu, Sawrkarin lockdown chhung a pawhsei tak avangin Biakin a Kohhran inkhawm pawh hemi chhung hi chuan a theih dawn lo va, inkhawm neih tan leh hun tur hi kan hun tawn azirin Kohhran Committee in a rel anga, mipuite kan inhriattir zel dawn nia.

2. Biakin inkhawm kan neih theih loh chhung hian mahni awmna hmun theuh ah chhung inkhawm/devotion te ngaipawimawh a, uar lehzual turin kan in ngen a, tin, media kaltlanga kohhran sermon etc tih chhuahte mahni awmna hmun theuh ah lo en in, lo zawm ve thin ang u.

3. Mizoram kohhran hruaitute committee thuchhuah kan han tarlan tawh ang khian, naktuk, March ni 28, zan dar 7 ah kohhran mipuite tawngtai rual tur ani e. Mahni awmna hmun theuh ah, he hun ah hian thahnemngai taka tawngtai tur ani e.

Sd/-
Secretary
DMPC.

23/03/2020

23 March 2020............................
KOHHRAN MIPUITE HRIATTIRNA:............................................................

Delhi chu March ni 31 thleng lockdown a ni ta a. Kan hriattheuh angin Delhi ah hian private lam a eizawng hi tam zawk kan ni a, chhuahvah theih a nih tak loh ah chuan ei leh bar lam ah laklawh palh, harsatna lo nei palh te a awm theih a. Tin, taksa lam damlohna leh thildang vang te pawh a han inpuih ngai te pawh lo awm palh theih a ni a. Heng thil ahte hian a remchan leh theih ang ang a inpui tlang turin kohhran hruaitute an inhawng reng a. Harsatna kan nei emaw, puih ngai emaw kan hriat chuan inthlahrung hauh loin kohhran hruaitute hnenah in hriattir nise a lawmawm hle ang.

Sd/-
Secretary.
DMPC.

17 March 2020 : Inkhawm chungchang a Kohhran Committee ruahmanna.
17/03/2020

17 March 2020 : Inkhawm chungchang a Kohhran Committee ruahmanna.

13/03/2020

✝ *Nunna chaw, vawiin atan*✝

Isaia 41:10
hlau suh u, kei in hnenah ka awm si a; mangang suh u, kei in Pathian ka ni si a: ka tichak ang che u a; a ni, ka tanpui ang che u; a ni, ka felna k*t ding lamin ka chelh reng ang che u.

I Lalte 8:37-39 Kan ramah hian tam te a lo tlak a, hrite a lo len a, rona emaw, tawihna a lo awm a, an hmêlmaten an kawngka vêlahte an rawn hual a, hri engpawh natna engpawh a lo thlen chuan, i mi Israel zawng zawngte zinga mahni thinlunga hri awma hria a, he mi in lam hawia k*t rawn phar apiangin tawngtaina leh dilna an rawn hlan rêng rêng chu, i awmna van atangin lo ngaithla la, ngaidam la, che la, nang an thinlung hretu, mi tin, an awmdan ang zelin hlawhtir ang che.

(Pastor H. Lalhmingmawia, bialtu pastor )

Address

CENTENARY METHODIST CHURCH, 24, LODHI Road, CGO COMPLEX, PRAGATI VIHAR
Delhi
110003

Website

Alerts

Be the first to know and let us send you an email when Delhi Mizo Presbyterian Church, Dmpc inkhawm posts news and promotions. Your email address will not be used for any other purpose, and you can unsubscribe at any time.

Shortcuts

Share

Category