Paldechen Choekhor Ling

01/03/2026

27/02/2026

26/02/2026

20/12/2024

18/09/2022

https://youtu.be/X50iFxhUWiU

Tibet was always known to be a country of peace, centered around Buddhism until China invaded and took it over. The invasion was such that Dalai Lama, Tibet'...

05/09/2022

ཨཱཿ རང་ལུས་ཐ་མལ་གནས་པའི་མདུན་མཁའ་རུ། །

ཨོ་རྒྱན་དྲི་མེད་དྷ་ན་ཀོ་ཤའི་མཚོ། །

གཏིང་ཟབ་ཡན་ལག་བརྒྱད་ལྡན་ཆུས་གང་བའི། །

དབུས་སུ་རིན་ཆེན་པད་སྡོང་འདབ་རྒྱས་སྟེང་། །

སྐྱབས་གནས་ཀུན་འདུས་ཨོ་རྒྱན་རྡོ་རྗེ་འཆང་། །

མཚན་དཔེའི་དཔལ་འབར་མཚོ་རྒྱལ་ཡུམ་དང་འཁྲིལ། །

ཕྱག་གཡས་རྡོ་རྗེ་གཡོན་པས་ཐོད་བུམ་བསྣམས། །

དར་དང་རིན་ཆེན་རུས་པའི་རྒྱན་གྱིས་མཛེས། །

འོད་ལྔའི་ཀློང་ནས་བདེ་ཆེན་གཟི་བྱིན་འབར། །

འཁོར་དུ་རྩ་གསུམ་རྒྱ་མཚོ་སྤྲིན་ལྟར་གཏིབས། །

བྱིན་རླབས་ཐུགས་རྗེའི་ཆར་འབེབས་བདག་ལ་གཟིགས། །

རྒྱལ་ཀུན་ངོ་བོ་འཆི་མེད་ཡེ་ཤེས་སྐུར། །

གདུང་ཤུགས་དྲག་པོས་དད་ཕྱག་རྟག་ཏུ་འཚལ། །

ལུས་དང་ལོངས་སྤྱོད་དུས་གསུམ་དགེ་བའི་ཚོགས། །

ཀུན་བཟང་མཆོད་པའི་སྤྲིན་དུ་དམིགས་ནས་འབུལ། །

ཐོག་མེད་ནས་བསགས་སྡིག་ལྟུང་མ་ལུས་བཤགས། །

སྲས་བཅས་རྒྱལ་བ་ཀུན་གྱི་ཡོན་ཏན་གྱི། །

ཁྱབ་བདག་གཅིག་པུ་མགོན་པོའི་རྣམ་ཐར་ལ། །

སྙིང་ནས་ཡི་རང་དད་པས་གསོལ་འདེབས་ཤིང་། །

ཟབ་རྒྱས་ཆོས་ཀྱི་ཆར་ཆེན་འབེབས་པར་བསྐུལ། །

རང་གཞན་དགེ་བའི་དངོས་པོ་ཀུན་བསྡོམས་ནས། །

འགྲོ་ཁམས་རྒྱ་མཚོ་ཇི་སྲིད་གནས་ཀྱི་བར། །

མགོན་པོ་ཁྱོད་ཀྱི་རྣམ་ཐར་རྗེས་བསྙེགས་ཏེ། །

མཁའ་ཁྱབ་འགྲོ་བ་འདྲེན་པའི་དོན་དུ་བསྔོ། །



སྐྱབས་གནས་ཀུན་འདུས་མཁྱེན་བརྩེའི་གཏེར་ཆེན་པོ། །

དུས་ངན་སྙིགས་མའི་སྐྱབས་མཆོག་རིན་པོ་ཆེ། །

ལྔ་བདོའི་རྒུད་པས་མནར་ཤིང་གདུངས་ཤུགས་ཀྱིས། །

གསོལ་འདེབས་བུ་ལ་བརྩེ་བས་ཐུགས་ཀྱིས་གཟིགས། །

དགོངས་པའི་ཀློང་ནས་ཐུགས་རྗེའི་རྩལ་ཕྱུངས་ལ། །

མོས་ལྡན་བདག་གི་སྙིང་ལ་བྱིན་གྱིས་རློབས། །

རྟགས་དང་མཚན་མ་མྱུར་དུ་སྟོན་པ་དང་། །

མཆོག་དང་ཐུན་མོང་དངོས་གྲུབ་སྩལ་དུ་གསོལ། །

ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔

པདྨ་གེ་སར་སྡོང་པོ་ལ༔

ཡ་མཚན་མཆོག་གི་དངོས་གྲུབ་བརྙེས༔

པདྨ་འབྱུང་གནས་ཞེས་སུ་གྲགས༔

འཁོར་དུ་མཁའ་འགྲོ་མང་པོས་བསྐོར༔

ཁྱེད་ཀྱི་རྗེས་སུ་བདག་བསྒྲུབ་ཀྱིས༔

བྱིན་གྱིས་རློབས་ཕྱིར་གཤེགས་སུ་གསོལ༔

གུ་རུ་པདྨ་སིདྡྷི་ཧཱུྃ༔

བླ་མའི་གནས་གསུམ་ཡི་གེ་འབྲུ་གསུམ་ལས། །

འོད་ཟེར་དཀར་དམར་མཐིང་གསུམ་བྱུང་ནས་སུ། །

རང་གི་གནས་གསུམ་ཐིམ་པས་སྒོ་གསུམ་གྱི། །

སྒྲིབ་བྱང་སྐུ་གསུང་ཐུགས་ཀྱི་རྡོ་རྗེར་གྱུར། །

མཐར་ནི་བླ་མ་འཁོར་བཅས་འོད་དུ་ཞུ། །

དཀར་དམར་ཐིག་ལེ་ཧཱུྃ་གིས་མཚན་པ་རུ། །

རང་གི་སྙིང་གར་ཐིམ་པས་བླ་མའི་ཐུགས། །

རང་སེམས་དབྱེར་མེད་ལྷན་སྐྱེས་ཆོས་སྐུར་གནས། །

ཨ་ཨཱཿ

ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔

25/12/2021

མཛེས་ལྗོངས་ལྷ་ཡི་ཡུལ་དང་མཚུངས་པ་སྟོད་དུ་རི་བོ་ཀེ་ལ་ཤའི་ར་བས་སྐོར་བ། སྨད་དུ་ནེའུ་སེང་ཤིང་འབྲས་སྨན་གྱི་ཞིང་ཁམས། བར་དུ་ཆོས་ལྡན་སོ་སྐྱེས་དང་ཡུལ་ལྷའི་སྲོལ་རྒྱུན་མ་ཉམས་པ་གནས་པ། སྟོད་སྨད་བར་གསུམ་དུ་གངས་རིའི་ཆུ་རྒྱུན་གླང་ཆེན་ཁ་འབབ་ཀྱིས་སྣེ་ཁྲིད་བྱེད་པའི་འཕགས་པའི་ཡུལ་གྱི་ཆུ་ཆེན་གྱི་འབྱུང་ཁུངས་ཀཱིན་ཎར་རམ་ཀཱིན་ནོར། སྟེང་ནས་འབབ་པའི་གནམ་སྔོན་གྱི་བདུད་རྩི་བཻ་ཌཱུརྱའི་ཆར། ས་གཞི་ཐམས་ཅད་དུ་ཁྱབ་པའི་རིན་ཆེན་སྤོས་འབྱུག་གི་དྲི། འབྲམ་ཟེ་ལྟར་འགྲོ་འཆག་ཉལ་འདུག་གི་སྤྱོད་ཚུལ་བཟང་པོ་དང་སྤྱི་ཚོགས་སྐོར་གྱི་མ་ལག་ཚང་བའི་ཤེས་བྱའམ་རྩ་བའི་རིགས་པ་ལྡན་པའི་ཆོས་ལྡན་ཞིང་གི་ལོ་གསར་པའི་ཉིན་འདིར། རང་རེའི་བྱེས་ཀྱི་གདན་སར་སྲོལ་བཟང་གི་རྩ་བའི་ཡན་ལག་གི་ཆ་མ་སྟོང་ཙམ་གྱི་འདི་གར་༧སྐྱབས་རྗེ་རིན་པོ་ཆེ་དང་ཕྱག་མཛོད་ནོར་བཟང་གཙོས། དགེ་བཙུན་འབྲེལ་ཡོད་སྐུ་འཁོར་ལྷན་རྒྱས་དང་སྲུང་བརྩི་སྟབས་བདེ་ཞིག་ཞུས་པས་ལྷན་རྒྱས་ཀྱི་སྤྱན་ལམ་དུ་འདྲ་པར་འགའ་གཟིགས་འབུལ་ཞུ།