08/09/2025
𝐆𝐨𝐝𝐚𝐧𝐠𝐞𝐥 𝐛𝐚𝐧𝐢 𝟔 𝐒𝐞𝐩𝐭𝐞𝐦𝐛𝐞𝐫 𝟐𝟎𝟐𝟓
प्रिय आमा-बाबा, युवा नानुहरु, हजुरहरु सबैमा कल्याणको कामना गर्दै आजको गड्याञ्जल वाणी तर्फ प्रवेश गर्ने अनुमति चाहन्छु।
प्रेमवाद दर्शनको आँखामा संसारको ब्यबस्था:
सिंगो संसार नै प्रेमले बिजय गरोस्, संसारमा प्रेमको राज्य बनोस्। प्रेममय संसारको अवधारणामा संसारका हरेक ब्यक्तिहरुको कल्याणको निम्ति सबै आदर्शहरु समावेश होस्। संसार बचाउने मुल मन्त्र "प्रेम" लाई अगाडी सारेको प्रेमवाद दर्शनले पृथ्वीमा प्रकृतिको संरक्षण, पशु-पंक्षीहरूको संरक्षण, नदीहरूको संरक्षण, हिमाल-पहाडहरूको संरक्षण, जीवित प्राणीहरूको संरक्षण, सारा वनस्पतिहरूको संरक्षण, सबै जीवजन्तुहरूको संरक्षण र सारा तिनीहरूको खुशी, तिनीहरूको कल्याण प्रेमभावको ब्यबस्थाले मात्रै सुनिश्चित गर्नेछ।
प्रेमले सिंचिएको ब्यबस्था जीवन कस्तो हुनु पर्छ, यी सबै कुराहरू सारा प्रेमवाद दर्शनमा समावेश छन्। मानव मात्रै लाई नभई सारा संसार ब्रह्माण्ड र ती भित्र रहेका सबै प्राणी जगतको लागी साझा गरिएको दर्शन हो, प्रेमवाद एक मानवतावादी दर्शन हो जुन सेवा, सद्गुण, शान्ति र सद्भावको मूल्यमा केन्द्रित छ। प्रेमको राज्यमा हरेक नागरिकले प्रेममा जिएर धर्म भन्दा माथी आध्यात्मिकतामा उठेर सांसारिक मोहलाई न्यूनीकरण गर्दै शारीरिक, मानसिक पीडालाई हटाउने र उन्मूलन गर्ने प्रेममय राज्य ब्यबस्थाको परिकल्पना स्वरुप दर्शनले ब्यबहारिक रूपमा आफ्नो पाइला अगाडी चाली सकेको अवस्थ छ, जसले शान्तिपूर्ण जीवनयापनको नेतृत्व गर्नेछ र कानून र नैतिकताको पालना हुनेछ। यस बाहेक यसले सत्य, शुद्धता, करुणा, दान र सेवालाई पनि प्रवर्द्धन गर्दछ, अवचेतन रूपमा पनि कुनै पाप नगरिएको सुनिश्चित गर्दछ।
संसारमा प्रेमवादको नेतृत्वमा लोकतान्त्रिक नेतृत्ववान ब्यक्तिहरु द्वारा हरेक राष्ट्रहरुमा नेतृत्वको अभ्यास गर्न सके द्वन्द्व र अहंकारलाई रोक्न सकिन्छ, यो दर्शनले समाज, राजनीति र व्यवसाय भित्र दिव्य-लोकतान्त्रिक नेतृत्वहरूको महत्त्वलाई जोड दिन्छ। राजनीतिलाई पेसा, ब्यबसाय नभई नागरिकहरुको सेवकको रूपमा उभ्याउदछ र विचारको प्रकार यसरी प्रेमवाद दर्शनले प्रेमभाव दिव्य-लोकतान्त्रिक हुनुको प्रतिध्वनि गर्दछ।
मानवको निम्ति मात्रै नभई सारा जगत प्राणीको बारेमा चिन्तन गर्दै यसलाई राजनीतिक रूपमा लैजदै गर्दा राजनीतिमा पनि प्रेम हुनु पर्छ र प्रेमले संगठित समाजको अवधारणाको भावभुमीमा टिकिनु पर्दछ, जसले केवल एउटा धर्म सम्प्रदायलाई मात्र नभएर सबैलाई संसार बचाउने प्रेमवादको अभियानमा जोड्नु पर्छ, दर्शनले धर्म भन्दा माथि आध्यात्मिकता र सेवालाई समर्थन गर्दछ। सबै उमेर र सामाजिक वर्गहरूलाई खुशी ल्याउँछ, जसमा जीवित वातावरण पनि समावेश हुनेछ। प्रेमवादको राज्य ब्यबस्था एक आदर्श लोकतन्त्रको रूपमा परिकल्पना स्वरुप जहाँ सबैभन्दा गरिब र सीमान्तकृत बर्गहरूको एउटा आदर्श लोकतन्त्र हो, जहाँ गरिब र सीमान्तकृतहरूले पनि सही र निष्पक्ष न्यायको अपेक्षा र उपभोग गर्न पाउने छन्। कसरी सुशासनको अभ्यास गर्नु पर्छ भन्ने बारेमा मार्गदर्शन प्रदान गर्दछ।
दर्शनको चरित्र अटल निष्ठा र सेवाको पालनामा निर्मित छ। जहाँ सधैं सत्यलाई समर्थन हुन्छ, आफ्ना प्रतिज्ञाहरू पूरा गर्नु पर्ने हुन्छ र नैतिक आचरण कायम राखिन्छ। सामाजिक उन्नति, आर्थिक विकास र राजनीतिक स्थिरतालाई प्रवर्द्धन गर्न सुशासन आवश्यक छ। यसले शक्तिको प्रयोग जिम्मेवारी पूर्वक र नागरिकको सर्वोत्तम हितमा भएको सुनिश्चित गर्दछ। सबैभन्दा सुशासनले पारदर्शिता, जवाफदेहिता, सहभागिता, कानूनको शासन, प्रभावकारिता, दक्षता र नैतिक व्यवहारलाई प्रवर्द्धन गरेर समाज, राष्ट्र र संसारको कल्याण र समृद्धिलाई प्रवर्द्धन गर्दछ। प्रेमवादको ब्यबस्थाले विभिन्न प्राणी-जगत र दृष्टिकोणहरूको लागि विविधता र सम्मानको मूल्यलाई पनि जोड दिनेछ। प्रेमवादको अवधारणाले दिगो शान्तिको लागि आवश्यक तत्वहरूको रूपमा अहिंसा र करुणाको महत्त्वलाई हाइलाइट गर्दछ।
Jai Prem !
With love and blessing
Guruhajur
