Mahapurusha Achyutananda

18/01/2026

🙏🙏🙏

29/01/2023

🙏🙏🙏🙏

02/06/2022

🙏🙏🙏🙏🙏🙏

17/01/2022

11/11/2021

#କାର୍ତ୍ତିକ_ମାହାତ୍ମ୍ୟ 🙏 #ତ୍ରୟୋବିଂଶ_ଅଧ୍ୟାୟ

🙏🙏 #ଶ୍ରୀଭଗବାନ_ଉବାଚ 🙏🙏
କାର୍ତ୍ତିକବ୍ରତ ସଂସ୍ୱର୍ଗ ପ୍ରାପ୍ତିଷ୍ଠ୍ୟସ୍ୟପି ମୋକ୍ଷଣଂ।
ବକ୍ତୁଂ ଧନେଶ୍ୱର କଥାଂ ପ୍ରସ୍ତୌତି ଭଗବାନ ଶୁଭଂ।।

କହନ୍ତି ସର୍ବ ଲୋକେଶ୍ଵର । ହେ ପ୍ରିୟେ ଶୁଣ ଧର୍ମ ସାର।।
ସୁଜନ ସଙ୍ଗେ ମେଳ ହୋଇ । ଥିଲେ ଉତ୍ତମ ଗତି ପାଇ।।
ସେ କଥା କହିବା ପ୍ରସ୍ତାବେ । ଅବନ୍ତୀ ନଗ୍ର ମଧ୍ୟେ ପୂର୍ବେ।।
ବ୍ରାହ୍ମଣ ନାମେ ଧନେଶ୍ଵର । ବାଳୁତ କାଳୁ ଦୁରାଚାର ।।
ବିଦ୍ୟା ନ ପଡ଼େ ଦୃଢ଼ ମତେ । ଅସାଧୁ ବାଳକ ସଙ୍ଗତେ ।।
ନିତ୍ୟେ ବୁଲଇ ନଗ୍ରାନ୍ତରେ । ପିମ୍ପିବାଟୁଳି ଧରି କରେ ।।
ବୃକ୍ଷର ତଳ ଅନୁସରି । ନିତ୍ୟେ ପକ୍ଷୀଙ୍କ ପ୍ରାଣ ହରି ।।
କାହାକୁ ବନ୍ଦୀ କରି ପୋଷି । ତା ଅର୍ଥେ କ୍ଷୁଦ୍ର ଜୀବ ନାଶି।।
ଦ୍ୟୁତ ପାରିଧି ନଟ କୃତ୍ୟେ । ଦିନ ହରଇ ଏହି ମତେ ।।
ସ୍ନାନ ଭୋଜନ କାର୍ଯ୍ୟ ଶୁଚି । ଏମନ୍ତେ ବାଲ୍ୟକାଳୁ ବଞ୍ଚି।।
ଯୁବା ସମୟେ ମହାବଳୀ । ସୁଜନ ସଙ୍ଗେ ନିତ୍ୟ କଳି ।।
ଅସାଧୁ ଲୋକ ସଙ୍ଗେ ପ୍ରୀତି । ନିନ୍ଦା କରଇ ଧର୍ମ କୀର୍ତ୍ତି ।।
କୁଟୁମ୍ବ ପୋଷଣ ନିମନ୍ତେ । ବାଣିଜ୍ୟ ବୃଦ୍ଧି କରେ ନିତ୍ୟେ।।
ଯାବତ ଦ୍ରବ୍ୟ କିଣି ରଖି । ପୁଣି ବିକଇ ଲବ୍ଧ ଦେଖି ।।
ଯାବତରସ ଗୁଢ଼ ଲୁଣ । କାଷ୍ଠ ଅଙ୍ଗାର ଆଦି ତୃଣ ।।
ଦାରୁ ଗନ୍ଧକ ଲାଖ ଲୁହା । ବଳଦ ପୃଷ୍ଠେ ଭଡ଼ା ବୁହା ।।
ଚର୍ମ ପାଦୁକା ଆଦି କିଣି । ଆମିଷ ମୁଣ୍ଡେ ବୋହି ଆଣି।।
ଗୋ ମେଷ ଛାଗଳ ସହିତେ । କିଣି ଚଳଇ ନିତ୍ୟେ ନିତ୍ୟେ।।
ଗୁପତେ ହରେ ପରବିତ୍ତ । ଧନ ଲୋଭରେ ଖେଳେ ଜୁତ।।
ନିରତେ ପର ଦ୍ରବ୍ୟେ ରସି । ଦୁର୍ଜନ ରଖି ମିଥ୍ୟା ଭାଷୀ ।।
ଅତି କୃପଣ ମତି ଧରେ । ଦେଲେ ଦିଅଇ ବେଶ୍ୟା ଘରେ।।
ଏମନ୍ତ କେତେ କାଳ ଅନ୍ତେ । ବ୍ରାହ୍ମଣ ବାଣିଜ୍ୟ ନିମନ୍ତେ ।।
ଦ୍ରବ୍ୟ ବଳଦ ପୃଷ୍ଠେ କଲା । ଅନ୍ୟ ଦେଶକୁ ଚଳିଗଲା ।।
ଯେ ନଗ୍ର ମହାସତୀ ନାମ । ବେନି ଯୋଜନ ସେହି ଗ୍ରାମ।।
ସେ ଦେଶ ସମୁଦ୍ର ଉତ୍ତରେ । ନର୍ମଦା ନାମେ ନଦୀ ତୀରେ।।
ନିର୍ମଳ ସ୍ବାଦ ଶୀତ ପାଣି । ସ୍ନାନେ ସକଳ ଶୁଭଦାନୀ ।।
ସେ ପୁଣ୍ୟ ନଦୀବେନି ତୀରେ । ବହୁତ ଦେଶୁ ଦ୍ବିଜବରେ।।
ପବିତ୍ର ଜଳ ଆଣି ଆସି । କାର୍ତ୍ତିକ ବ୍ରତ ଉପଦେଶି ।।
ସଂକଳ୍ପ କରି ସେହିଦିନେ। ରହି ଅଛନ୍ତି ସାଧୁଜନେ।।
ତାହାଙ୍କୁ ଦେଖି ଧନେଶ୍ଵର । ମନରେ କରଇ ବିଚାର।।
ମୁହିଁ ଏହାଙ୍କ ପାଶେ ରହି । ଦ୍ରବ୍ୟ ବିକିବି ଯହିଁ ତହିଁ ।।
ଏମନ୍ତ ବିଚାରି ମନରେ । ଆଶ୍ରମ କଲା ନଦୀ ତୀରେ ।।
ଗ୍ରାମ ଗୋଗୋଷ୍ଠେ ନିଜ ବାସ । ସମର୍ଥ ଗୋପାଳଙ୍କ ପାଶ।।
ବିପ୍ରଙ୍କ ମଧ୍ଯେ ଗୃହ ରତି । ସଉଦା ଦ୍ରବ୍ୟ ତହିଁ ସଞ୍ଚି ।।
ନିତ୍ୟେ କରଇ ବିକା କିଣା । ଲବ୍ଧ ପାଇ ସେ ଫରୁଣା।।
ବିପ୍ରଙ୍କ ନିତ୍ୟାଚାର ଦେଖି । ଆନନ୍ଦେ ହେଉଥାଏ ସୁଖୀ।।
ସେ ଧର୍ମଦତ୍ତ ନ ପ୍ରମାଣି । ଖେଳ କୌତୁକ ପ୍ରାୟେ ମଣି।।
ବିପ୍ରଙ୍କ ପ୍ରାତଃ ସ୍ନାନ ବିଧି । ପ୍ରମାଣ ଅଷ୍ଟ କର୍ମ ସିଦ୍ଧି ।।
ସନ୍ଧ୍ୟା ତର୍ପଣ ଅବଲୋକ । ରେଚକ ପୁରକ କୁମ୍ଭକ।।
ଆସନ ପାଦାସନ ଜପ । ନାନା ପ୍ରକାରେ ବିଷ୍ଣୁରୂପ।।
ପବିତ୍ର ଆସନେ ବସାଇ । ପୂଜଇ ଧୂପ ଦୀପ ଦେଇ ।।
ଗନ୍ଧ ଚନ୍ଦନ ପୁଷ୍ପମାଳ । ନିବେଶି ନଇବେଦ୍ୟ ଜଳ।।
ତୁଳସୀ ବୃକ୍ଷ ମୂଳେ ସ୍ଥାପି । ବିପ୍ରେ ପୂଜନ୍ତି ବିଶ୍ବରୂପୀ।।
ଏହି ଷୋଡ଼ଶ ଉପଚାର । ଦେଖି ଆନନ୍ଦ ଧନେଶ୍ବର।।
ନିଗମ ଶାସ୍ତ୍ର ଇତିହାସ । ନ ବୁଝି ଅର୍ଥ ଉପଦେଶ ।।
କେବଳ ସେ ସଂସ୍କୃତ ବାଣୀ । ଆନନ୍ଦ ହେଉଥାଏ ଶୁଣି।।
ଆପଣେ ନିତ୍ୟେ ପ୍ରାତଃକାଳେ । ସ୍ନାନ କରଇ ଶୀତ ଜଳେ।।
ରନ୍ଧନ କରି ଅନ୍ନ ଭୁଞ୍ଜି । ବିପ୍ରଙ୍କ କର୍ମ ମନେ ହେଜି ।।
ବ୍ୟାପାର ଅର୍ଥେ ବୁଲି ଯାଇ । କାର୍ତ୍ତିକ କୃତ୍ୟ ଦେଖୁଥାଇ।।
ଦିନକୁ ଦିନ ଯେତେ ରୀତି । କରନ୍ତି ପୁଣ୍ୟମାସେ ବ୍ରତୀ ।।
ଏମନ୍ତ ମାସକେ ସମ୍ପୂର୍ଣ୍ଣେ । କାର୍ତ୍ତିକ ବ୍ରତ ଉଦ୍ୟପାନେ।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ପୁରାଣ ପୁରୁଷୋତ୍ତମ।।
ବହୁତ ଉତ୍ସବ ବେଭାରେ । ବିଷ୍ଣୁ ପୂଜିଲେ ନଦୀତୀରେ ।।
କୃଷ୍ଣ ଚରିତ ଗୀତ ଗାଇ । ରଜନୀ ଉଜାଗର ହୋଇ ।।
ଦୀପ ବସାଇ ଗୁଆ ଘୃତେ । ବିବିଧ ବାଦ୍ୟ ନୃତ୍ୟ ଗୀତେ।।
ତୁଳସୀ ବୃକ୍ଷେ ଆରୋହଣେ । ପୂଜିଲେ ଲକ୍ଷ୍ମୀ ନାରାୟଣ।।
ତା ଦେଖି ବିପ୍ର ଧନେଶ୍ବର । ରାତ୍ରେ ହୋଇଲା ଉଜାଗର।।
ପ୍ରଭାତେ ନିତ୍ୟକର୍ମ ସାରି । ଅନ୍ନ ଭୁଞ୍ଜିଲା ସୁସ୍ଥ କରି ।।
ଆରେକ ଦିନ ଯିବ ଘରେ । ଏମନ୍ତ ବିଚାରି ମନରେ ।।
ରାତ୍ରେ ଶୟନ କାଳେ ଆସି । ବିପ୍ରକୁ କାଳସର୍ପ ଦଂଶି ।।
ସର୍ପ ବିଘାତେ ଧନେଶ୍ଵର । ରାଇଲା ତୀର୍ଥବାସୀ ନର ।।
କହିଲା ସର୍ପାଘାତେ ମୋତେ । ଶୁଣି ବିସ୍ମୟ ସର୍ବ ଚିତ୍ତେ।।
ବିଷ ନାଶନ ବୁଦ୍ଧି କରି । କେବେ ହେଁ ନ ପାରିଲେ ହରି।।
ସମସ୍ତେ କଲେ ହାହାକାର । ପ୍ରାଣ ଛାଡ଼ିଲା ଧନେଶ୍ଵର।।
ତାର ନିକଟେ ଯେତେ ଥିଲେ । ପିଣ୍ଡକୁ ଅଗ୍ନି ଦାହ କଲେ।।
ଆତ୍ମାକୁ ଧରି ଯମଦୂତେ । ନିବନ୍ଧେ ବାନ୍ଧିଲେ ତୁରିତେ ।।
ପ୍ରେତ ସ୍ବରୂପ ପିଣ୍ଡ ଦେଇ । ଯାତନା ପଥେ ଘେନିଯାଇ ।।
ଅନେକ ମାଡ ମାରି ବାଟେ । ଯଷ୍ଟି ପାଷାଣେ କଣ୍ଟାଛାଟେ ।।
ଗଳାରେ ଚର୍ମଫାଶ ଦେଇ । ତପ୍ତ ଅଙ୍ଗରେ ଘୋଷରାଇ ।।
ଅନେକ ଦୁଃଖ ତାକୁ ଦେଲେ । ଯମ ଛାମୁରେ ନେଇ ହେଲେ।।
ଚିତ୍ର ଗୁପତ ତାକୁ ଦେଖି । ରକତ ବର୍ଣ୍ଣ କରି ଆଖି।।
ବିପ୍ରକୁ ଚାହିଁ ବେନିଜନେ । ବହୁତ ଧିକାର ବଚନେ ।।
ଅନେକ ଗାଳି ଦେଇ ତାକୁ । ଯମ ଯେ ବୋଇଲେ ମନ୍ତ୍ରୀକୁ।।
ଏ କରିଅଛି କି କି ପାପ । ବୁଝି କରିବା ସିନା କୋପ ।।
କରଣେ କହିଲେ ଅଦ୍ୟାପି । ଏ ବ୍ରହ୍ମ ବ୍ୟାଧି ମହାପାପୀ ।।
ହତ୍ୟା ଏ କରିଅଛି ଯେତେ । ଆବର ପାପ ନାନା ମତେ।।
କେ ତାହା ସଂକ୍ଷେପି କହିବ। ଶତ ବରଷେ ନ ସରିବ।।
ମନ୍ତ୍ରୀ ବଦନୁ ଏହା ଶୁଣି । ସକ୍ରୋଧେ କାଳଦଣ୍ଡପାଣି।।
ପ୍ରେତପଗଣକୁ ଅନାଇ । ଆଜ୍ଞା ଯେ ଦେଲା ଜନ୍ତୁସାଇଁ ।।
ବୋଲଇ ଏ ପାପୀକି ନିଅ। ଅଣ ଉପ୍ରୋଧେ ଦଣ୍ଡଦିଅ।।
ତପ୍ତ ଚିକଣ ଅଭିଷେକେ । ନିବେଶ ନେଇ କୁମ୍ଭୀପାକେ।।
ଏମନ୍ତ ବାକ୍ୟ ଦୂତେ ଶୁଣି । ଧନେଶ୍ବରକୁ ଧରି ଆଣି ।।
ଦଣ୍ଡ ମଣ୍ଡ ଯେ ଦେଲେ ନେଇ । ବିପ୍ର କମ୍ପଇ ଭୟ ପାଇ ।।
କହଇ ମହାଦେବ ଦାସ । ଉଦ୍ଧର ଜଗତ ନିବାସ ।।

ଇତିଶ୍ରୀ ପଦ୍ମପୁରାଣେ ଉତ୍ତରଖଣ୍ଡ କାର୍ତ୍ତିକ ମାହାତ୍ମ୍ୟେ ଧନେଶ୍ଵର ବିପ୍ର ଚରିତେ ନାମ ତ୍ରୟୋବିଂଶୋଽଧ୍ୟାୟଃ ।

06/02/2021

🙏🙏🙏🙏🙏🙏🙏🙏🙏🙏🙏

22/08/2020

🙏Jai Ganesh 🙏

22/08/2020

Ganesh chaturthi at Maa Jagulai Pitha,Nemalo