CSI Christ Church, New Mullai Nagar

01/06/2026

30/05/2026

அனைவருக்கும் அன்பின் வாழ்த்துக்கள்,
தேவனின் பெரிதான கிருபையினால் CSI கிறிஸ்து நாதர் ஆலயம், நியூ முல்லை நகர் போதக சேகரத்தின் 11வது பிரதிஷ்டை மற்றும் அசன பண்டிகை வருகிற ஜூன் மாதம் 1 மற்றும் 7 ஆகிய தேதிகளில் சிறப்பாக நடைபெறவுள்ளது.

ஜூன் 1ஆம் தேதி மாலை 6.30 மணிக்கு 11வது ஆலய பிரதிஷ்டை பண்டிகை ஆராதனை நடைபெறவுள்ளது, இதில் CSI நியூ முல்லை நகர் ஆலயத்தின் ஆயர்/தலைவருமாயிருக்கிற அருள்திரு. D. தெய்வ தயவு கிருபாநிதி ஐயா அவர்கள் சிறப்பு தேவ செய்தியளிக்கவிருக்கிறார்கள்.

அதனைத்தொடர்ந்து ஜூன் 6ஆம் தேதி மாலை 6.30 மணிக்கு அசனபண்டிகை ஆயத்த திருவிருந்து ஆராதனை நடைபெறும். இதில் கோவை CSI தூய இம்மானுவேல் ஆலயத்தின் ஆயர்/தலைவருமாயிருக்கிற அருள்திரு. S. தீமோத்தி ஐயா அவர்கள் கலந்துகொண்டு தேவ செய்தியளிக்கவிருக்கிறார்கள்.

அதனைத்தொடர்ந்து ஜூன் 7ஆம் தேதி காலை 8 மணிக்கு அசனபண்டிகை திருவிருந்து ஆராதனை நடைபெறும். இதில் கோவை பேரின்ப வாழ்வு ஊழியங்களை சேர்ந்த Dr. A. ஜெபசிங் ஜோசப் ஐயா அவர்கள் சிறப்பு விருந்தினராக கலந்துகொண்டு தேவ செய்தியளிக்கவிருக்கிறார்கள். அதன்பிறகு காலை 11.00 மணி முதல் அசன விருந்து நடைபெறும்.

தங்கள் நண்பர்கள் உற்றார் உறவினர்களோடு இந்த பண்டிகை ஆராதனைகளில் ஜெபத்தோடும், மகிழ்ச்சியோடும் பங்குபெற்று தேவாசீர்வாதத்தை பெற்றுச்செல்ல அன்புடன் அழைக்கிறோம்.

03/05/2026

கர்த்தருடைய பெரிதான கிருபையினால், இந்த ஆண்டு நமது ஆலயத்தில் விடுமுறை வேதாகமப் பள்ளி (VBS) மிகவும் சிறப்பாகவும், ஆசீர்வாதமாகவும் நடைபெற்றது. தேவாதி தேவனுக்கே மகிமை உண்டாவதாக!
​"நன்மையானதைப் பின்பற்று" என்ற கருப்பொருளின் அடிப்படையில் நடைபெற்ற இதில், சுமார் 105 பிள்ளைகள் ஆர்வமுடன் கலந்துகொண்டனர். அவர்கள் தங்கள் வாழ்வில் கடைபிடிக்க வேண்டிய அநேக நன்மையான காரியங்களைக் கற்றுக்கொண்டது மகிழ்ச்சிக்குரியது. 🌟

​இந்த பணியை சிறப்பாக முன்னின்று நடத்திய அனைவருக்கும் எங்களது மனமார்ந்த நன்றிகளைத் தெரிவித்துக் கொள்கிறோம்:
​🏁 Convener & Directors
​📖 ஆசிரியர்கள் (Teachers)
​🤝 தன்னார்வலர்கள் (Volunteers)
​🏢 அலுவலகப் பணியாளர்கள் (Office Staff)

​மேலும், இந்த முயற்சிக்கு முழு ஒத்துழைப்பும், வழிகாட்டுதலும் வழங்கிய ஆயர் அவர்களுக்கும், ஆயர் அம்மா அவர்களுக்கும் மற்றும் கமிட்டி உறுப்பினர்கள் அனைவருக்கும் அன்பின் வாழ்த்துகளையும் நன்றிகளையும் சமர்ப்பிக்கின்றோம். 💐

​விதைக்கப்பட்ட வசனங்கள் பிள்ளைகளின் இதயங்களில் கிரியை செய்யத் தொடர்ந்து ஜெபிப்போம்! 🙏

​

26/01/2026

🇮🇳 77வது குடியரசு தினத்தை முன்னிட்டு நமது ஆலயத்தில் தேசியக் கொடி ஏற்றப்பட்டு, நாட்டின் அமைதி, ஒற்றுமை மற்றும் மக்கள் நலனுக்காக ஜெபிக்கப்பட்டது. நம் நாட்டையும், தலைவர்களையும், ஆயுதப்படைகளையும் நினைத்து ஒன்றாய் நன்றி சொல்லும் இந்த நன்னாளில், அனைவருக்கும் இனிய குடியரசு தின நல்வாழ்த்துக்கள்! 🙏🏼🇮🇳