Lawm-It Gospel Ministry

Lawm-It Gospel Ministry I Gamsung ua Tahsa leh Hagau lam a khantouna ding deinatoh apeisa dt.10/12/2023 in ana kiphut khie hi

27/08/2026

NICHIN THUMNA PUITU
By Rev. Awnkhankhup

August 27 (Ningani). BIEHINN KHU THUMNA MUN HISAH VAI

🙏🙏 _Tualeh a kung uah, ka inn khu thungetna inn a kichi ding hi chi zel ahi, hinanleh nouten guttate munpi na suohsah ta uhi achi hi *(Matt. 21:13).*_
I Mangpa Jesu guolzou a *Jerusalem* a lut lai a sil tung leh thu kigen ahia, biehinn sung a vanzuate leh van leite zousie deldoh in, sum nen hengte dawkante leh vapal zuate tounate a khulepieh hi. Khat vei vei chieng in i Mangpa Jesu zong kingaingiem mama hinapi in, a kam ham leh a gamtat dan ah agum mama hun um zel dan in a lang thei zel hi. Amun leh ahun zil bang, a mihing umte zil bang a gamtat ngam hun a um ding zong sil poimaw hiva chi a hing ngaituo sah thei hi. Thungetna inn kichi ding biehinn pen guttate munpi suohsah chi mai pen Jesun ngaisiem thei him him lou ahi chi i muthei uhi.
Tulai hun in zong tam bang chet hisih nanleh, Pasian biehinn zangkhiel a kitam thei mama hi. Pasian biehna leh ama toh kithuona mun poimaw ahi ban ah, ama kung a nuom thu genna a, i tahsapte ngen a ithumna mun ahi ngeingei ding ahi. Zingkal devotion hun chieng a biehinn sung a thum a i peikhawm te uh sil manpha leh sil kilawm tah ahizel hi.🙏🙏👏

23/08/2026

NICHIN THUMNA PUITU
By Rev. Awnkhankhup

August 23 (Pasianni). MITE NASEP SAH DING A HING PEI

🙏🙏 _Aziehpen mihing tapa zong miten a nna a seppieh ding a hing pei ahi sih a, mite nasep pieh ding leh mi tampi tatna ding a ahinna pe ding a hing pei ahi zaw hi, a chi hi *(Mk 10:45).*_

*Mark 10:35-na* thu khu Laisiengthou _(Theology)_ zilna college masa pawl tah *Cherra Theology College* in *Moto* a azah uh ahia, *English* in _‘To serve, but not to be served’_ chi in tomkim tah in a kigiel a, *1985* lai a _B.Th_ zil a kava umlai in hoi leh thupi kasa a, ka lungsim ahing zou mama thupi khat ahi hi. A thu um dan tah khu, nasep sah a um ding hilou in, mite nasep sah tu hi ding in Jesu khovel ah ahing pei china bang ahi.
Khovel a mihing ten i ngaisang pen leh i lunggul pen uh khu milien _(officer)_ khat hi ding, tualeh midangten i poimaw leh i tahsapte ahing seppieh ding uh chite ahi. Tami toh kilebul chet in, i Mangpa hing peina san tah khu, miten a nna aseppieh ding a hing pei hilou in, midangte nasep pieh ding leh mi tampi tatna ding a ahinna pe ding a hing pei ana hizaw hi. Eiten zong i Mangpa nasep dan enton in, midangte naseppieh dan kizil va ui.🙏🙏👏

21/08/2026

NICHIN THUMNA PUITU
By Rev. Awnkhankhup

August 21 (Ziltawpni) SH*TAN D**G A GINUM

🙏🙏 _Na hing thuoh ding silte bangma ging sin, ngai un ze-et a na um theina ding un dawimangpan na lah uah pawl khat suongkul ah ahing khum ding a, nisawm sung gimthuohna na nei ding uhi, shi tan d**g in ginum un, tuachin hinna mang lukhu kahing pe ding hi *(Kih. 2:10).*_

I Mangpa Jesun *Samaria* khuo a gingtute kung ah, _‘sh*tan d**g in ginum in um un, tuachin hinna manglukhu kahing pe ding,’_ chi in ana gen hi. Tua hun lai in gingtuten bawlsietna a thuoh ua, thuoh tou zel lai ding uh ahiman in sh*tan d**g a ginum ding in an hanthawn hi. Tulai khovel ah zong mun tuomtuom ah gingtuten bawlsietna ana thuoh zel zel uhi. India gam ngei ah zong gingtuten doudalna nasa tah a kithuoh tou lellel hi. Khenkhat ten thuohna mai hilou, shina tanpha ana tuoh tham ta uhi.
Gingtuten thuoh ding tampi inei nalai uhi. I neh suina leh i nasepnate ah Khrist zieh a ginum tah a ipan zieh a ithuoh ding leh itaan ding zong a hing tam hiaihiai ding hi. Thangsietna leh bawlsietnate, musitna leh housietnate ithuoh hun chieng a zong, gingum tah a pan ilah ding uh apoimaw mama hi. I Mangpa Jesun sh*tan d**g a ginumding in ahing vaihah hi.🙏🙏👏

19/08/2026

Pasian tungah Lungdam kohna nei ding poimawh mahmah hi:
Mawhna i pulak khit ciangin lungdam kohna neih ding...(Psalms.50:23)
Lungdam kohna pen Pasian pahtawina leh a ma deihna bang a gamtatna ahi hi.
Tua ahihman in inget nget sangin hong piak sate tungah lungdam ko leng I lungdam kohna ding hong tam semsem zaw hi. Pasian pahtawi in lungdam sak photphot lecin a mah hong lungdam peuh leh na lungdam kohna ding hong bawlsak in, na ngetna hong pia zel ding hi.

19/08/2026

NICHIN THUMNA PUITU
By Rev. Awnkhankhup

August 19 (Nilaini). MANGPA DEISAHNA TANG

🙏🙏 _Mihoi in Mangpa akipat deisahna amu a, hinanleh gitlouna ngaituo mi khu aman a mawpai ding hi *(Pro. 12:2).*_

Tami Laisienthou tang ah mihoi in Mangpa deisahna a tan ding thu leh, migilou in ahileh deisahna tan nah sang in siemlou tansah ahi ding thu imu uhi. Pasian in koima deisah tuom anei sih chi thudih ahilai in, ama giing mite a deisah in a guolzawl zel a, zauhuoi bangma a um hun in zong a vengbit in a panpi zel hi. Hasatna bangten a tuo hun un zong a umpi zelzel a, mangbang a aum hunchieng un a hamuon zel hi. Leeng David in zong valnou ahi hun lai apat Pasian a giing a, Mangpa muong in a belam chinna vanzah simmaw huoi tah zang in milien leh galhat goliath a that hi.Mangpa a muonna zieh liauliau a *Goliath* zou ahi ichi thei ding a, tua khu Pasian deisahna a tanna ma ahikia hi.
Eiten zong Mangpa a i ginna nga tinten in, ama deilam bang in hing in gam ta lei, a deisahna itang ngei ding chi a hing ngaituo sah thei hi. Ama giingmite a Vansawlsiengte in a umpi in a vengbit zel chi ithei uhi. Tuaziehin, Pasian deisahna d**g tham ding a hing ding in kisa va ui.🙏🙏👏

18/08/2026

NICHIN THUMNA PUITU
By Rev. Awnkhankhup

August 18 (Sepkiani). A PASIAN UH THEITEN SIL THUPI BAWL UH

🙏🙏 _Gilou tah a thuhun dou mite maitang phat in a suse ding hi, hinanleh a Pasian uh thei mite pen a hat ding ua, silthupitah a bawl doh ding uhi *(Dan 11:32)*_

*Daniel* leh a lawmten a Pasian uh a thei mai uh hilou in, gup zong a gum tinten ua, tuachin a Pasian uh thahat leh sil bawlthei in amaute umpi in, humpi kul sung ah zong humbit in a um uhi. Thamlou in, meiphuolpi sung a pailut a aum lai un zong bang ma chilou a hutkhieh in a um uhi. Tuachin Leengpan Daniel te Pasian bieh chiet ding ahi chi in thupieh a bawl a, tamisil kilumlet bang a sil thupi bawl um thei ngailou ding a gingtathuoi hi. Pasian thei a, akhut tangsah zou ding khop a ginna hing leh silbawlthei nei miten tam Daniel leh a lawmte bawl sang a thupi zaw zong bawlthei tham tham ding uh ahi chi i muong ngam ding uhi.
Pasian theidan zattuom tuom umthei ahi lai in, Daniel leh a lawmte bawldan mabang a Pasian thupieh te zui a, a deilou lam sil hoilou pouma bawllou hithet khu ei gingtu te i um dan ding mawng uh ana hi zel hi. Pasian khut kipieh sah a, sillamdang thupi tahtah i bawlkhieh theina ding in ginna hing nei ding i poimaw uhi.🙏🙏👏

16/08/2026

NICHIN THUMNA PUITU
By Rev. Awnkhankhup

August 16 (Pasianni). MANGPA KUNG AH KINUALE VAI

🙏🙏 _Tuaziehin tu in Mangpan, na lungtang zousie utoh ann ngawlna toh kap pum in ka kung ah hing kinuale kia un, a chi hi. Napuonsil uh hilou in, na lungtangte uh botkeh unlen, Mangpa na Pasian kung ah hing kinuale un. Ama khotuona leh hepina a dim lungthah bailou, hepina lientah nei, sietna tun lou ding a lung hei zelpa ahi *(Joel 2:12,13)*_

Zawlnei *Joel* hun lai a *Israel* mipi ten Pasian thangpaina ni maituo pai ding ahi thu uh a thei zieh in Joel in, kisia a ann ngawl ding in chielna ana bawl hi. Tam zawlnei in a gen ann ngawlna pen a zattuom deu ahi ding dan zong a gen nalei hi. Pulam a muthei tan a kisiana hilou, lungtang kisia leh kappum a annngawlna toh Mangpa lam a kinuale ding uh chi ahi. Kisiana dihtah hilou lungtang zousie toh ann ngawlna zong hilou, aminpu maimai leh bawl ding ahiman a mawpuohna zawna ding mai a thumnate Pasian a ding in zahdahuoi leh ngaisah tham ching lou thumna a suoh zel hi.
Tuabang hilou lung tang zousie toh annngawl a, kappum a Mangpa lam a kinuale na khu Mangpa a ding a ngaikhieh tham ching thumna ahizaw hi. I Pasian lah a hing ngaidam ding a mansa ahi ngal a.🙏🙏👏

14/08/2026

NICHIN THUMNA PUITU
By Rev. Awnkhankhup

August 14, (Ziltawpni). GINGTU PICHING

🙏🙏 _Tuaziehin Khrist thubulte nuasie in, pichin lam manaw na ding kik*m zaw ta vai. Nasep shisate apat kisianate, Pasian lam a ginnate, Baptisma tungtang a kithuhilnate, khut ngapna tante, mishi thawkiana thute leh k*mtawn thukhenna thuhilnate *(Heb. :1.2).*_

Gingtu piching ichi chieng in k*m bichiem um a te thei chi ahisih a, tahsa k*m a naupang nou khat zong ginna lam a piching tah chi a um thei tham hi. Gingtu pichingte ahileh, midangte hina theisiempi, thugen lam a kiveng siem, midangte lawchinna kipahpisiem, silhoi lunggul ngitnget, silhoilou lam a kisum thei, mani kithunun thei, Khrist zieh a hasa thuohngap mite ahi tangpi uhi. Tam Hebru mite a ding a laihahtu in, ahun thu ngaituo a piching ding a kilawm mama ta mite zong, piching hetlou pi a ki um kha thei zel ahi dan ana gen hi.
Piengtha hoi mama, hagau lam a tuina tah zong nei sam, theina lam a zong suonhuoi pi khat zong ihi maithei a, hinanleh sil neunou khat a kisubuoi thei mi leh eima ki lungsiet seng zieh a midangte thei phaban lou gingtu ihi khah leh a piching lou ihi nalai chi i thei ding uhi.🙏🙏👏

10/08/2026

NICHIN THUMNA PUITU
By Rev. Awnkhankhup

August 10 (Seppatni). THEILOU KAL A SIL THUPI TAH BAWL KHA

🙏🙏 _Mikhuolte hoibawl ding manghil sih un, tuabang a bawl in mi pawl khat ten theilou kal in Vansawlsiengte ana zintun uhi *(Heb. 13:2).*_

Wales gam a singtang khuo khat ah zanlai in nausuoh ding a dam lou beid**g tah khat ana um ngai hi. A pasal in hui leh guopi nuoi ah zanlai in Doctor ava han hi. Tua doctor pan zong ngaikhawh mama ahiman in, tuabang zankhomiel zauhuoi nuoi ah nausuoh ding a damlou va zuon in a va panpi ta hi. K*m tampi nua a tua doctor pan a hing theikhieh ahi leh, tuami ni zanlai a a panpi numeinu apat nausen pieng khie pen *David Loyd George* _(1863 -1945), British Prime Minister_ minthang tah hing hita ahi chi khu ahi. Eima hing poimaw leh hing lam -en mite i panpi chieng in Pasian mitmu ah Vansawlsiengte panpi leh zintun ana ki hi kha theizel ahi chi ithei ding uhi.
I Silhoi bawlte, a dieh in genthei leh hasa banah mikhuolte tung a i hoinate a thawn a bei maimai lou ahi dan i ngaituo tha zel ding uhi. Lamet nei a sil hoi bawl pen hi zaw lou ding in, lamet nei het lou a lungsietna toh mite tung a silhoi i bawl chieng un, I Pasian lunglam ahi thei pan zel hi🙏🙏👏

09/08/2026

NICHIN THUMNA PUITU
By Rev. Awnkhankhup

August 09 (Pasianni). SIL HOI BAWL TEITEI VA UI

🙏🙏 _Thuohhatna zieh a sihoi bawl teitei a, thupina, pahtawina leh shi theilouna sui mite kung ah k*mtawn hinna a peding hi *(Rom 2:7).*_

Sawltah *Paul* in tam mun ah, silhoi bawl zieh a hundamna lawkhieh lam gen lou in, ginna zieh a hepina a hundam hita , Pasian ta, gouluotu ihi zou nua a, ahing hundamtu loupina ding a adei bang a um zaw ding in ahing hanthawn hi. Hundamsate pen Hagau Siengthou in i hinna dihtatna lampi ah ahing pui zaw ta hi. Ginna zieh a hepina a hundam ihi tah man un, a manpha sengseng a, athawn liauliau a hundam ihita zieh un silhoibawl teitei ding te ihi uhi. Tua sil hoi bawl khu i umna ding mawng ua Pasian in ana guonlawh ana hita
hi.
Gingtute tam khovel a i um sung un khovel mite hindan bang leh a bawl bang uh bawl mai i ut hunte bang a um kha thei zel hi. Hinanleh eite pen van khuo leh tui, Pasian ta, gingtute ihi uh chi i manghil sih ding ua, khelna lah a pat ki susieng thou in, sil hoi ibawl teitei chieng in, thupina leh pahtawina nuomman i tang thei ding uhi. Sil hoi bawl teitei va ui. 🙏🙏👏

Address

Muallum
Churachandpur
795139

Website

Alerts

Be the first to know and let us send you an email when Lawm-It Gospel Ministry posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Lawm-It Gospel Ministry:

Shortcuts

Share

Category