Evangelical Churches Association

Evangelical Churches Association ECA is conglomeration of various Evangelical faith church based at Churachandpur. ECA has celebrated its Silver Jubilee in 1977 and Golden Jubilee in 2002.

Evangelical Churches association
As a constituent conference member of the denomination, the Evangelical Churches Association represents the Thadou-Kuki speaking community of the ECCI. Founded by the Thadou-Kuki speaking Christian community in 1952 at Molnom village, its first Annual Conference was held at Tolphel village in 1953. The ECA has been a leading member of the Evangelical Congregational

Church of India from the time of its inception till today. DIFFERENT DEPARTMENT OF E.C.A:-
1. Executive Board.
2. Mission and Evangelism.
3. Women Ministry & Child care.
4. Finance & Planning Committee:
5. Pastoral Ministry Committee:
6. Hettohsah Editorial Board:
7. Christian Education:
8. Youth Committee: Youth Fellowship
9. Music Committee:
10. Evangelical Prayer Fellowship
11. Jacob Prayer Mount Committee.
12. Relief and Development Committee.
13. Discipleship Training School (DTS).

Tunin S. Khonomphai Independent Baptist Church chu S. Khonomphai ECA Church a lahlut ahitai. Congratulations & welcome!
04/08/2024

Tunin S. Khonomphai Independent Baptist Church chu S. Khonomphai ECA Church a lahlut ahitai.

Congratulations & welcome!

SERMON BY N. DANIEL (2-4-1958):Sermon No. 97: JESU ACHANDIA LOMLOU GOTNA ANA CHANG AHI: TEXT: Luke 23:32, “Chuachun thin...
18/07/2024

SERMON BY N. DANIEL (2-4-1958):

Sermon No. 97: JESU ACHANDIA LOMLOU GOTNA ANA CHANG AHI:

TEXT: Luke 23:32, “Chuachun thina gotna chang ding dan-palkeh mini jong ana um honne.”

JESU VANNA KONIN LEISET CHUNGAH ANA HUNGE: Thingpel chunga khatbeh ding, Jesu tailou vin, midang ni jong ana umme. Amani chu dan palkeh ana hihon nin ahi. Jesu chu amani kikah’a thingpel chunga ana khatbeh’u ahie. Jesu chu gucha holah’a khatnin ana sim’uve. Amachu vanna konin leiset chunga um inkhat le numei khat naobu sungah ana hungin ahi. Pathen dingin chutia hung k*msuh chu thilbai ana hipoi.

JESU ASOPI HOTOH ANA UMKHOM: Naosen khat hinan, Amachu thaneitah tolthat mihon nungdal madal analhah uve. Ama Amahoa konin Egypt gammah ana jamlut in ahi. Ama ahung khandoh chun, chonset bolnomna nei chapang holaah analhai. Ama k*m somleni anaphah chun Aman Houin nah Lhagao thuhoa kihoulim naah pan analatai. Ama tahsanlou asopi hotoh ana hingkhom uve. Aman anule apa chu lenggam ngaichat hochu tohmasat ding ahi gi anahil angai in ahi.

JESU CHONSET JONA PEDIA HUNG AHI: Chuin, Aman anatoh naah Ama nung juidingin seijui somleni ana kouve. Amaholaah loikhat hochun meikong bang lungchom na ananei uvin ahi. Amaho chu lung kino Peter, phatlhemna nei Judas Isacariot, giing chalou Thomas le adang dang ana hiuve.

CHONSET TOH KIMAITO: Pakai chun chun chonset nale amabou adih’a kigelnaa dim Pharisee ho tojong ankong ana sokhom angaiyin ahi. Ama ana k*msuh suh’e. Ama sum ngailutna nei Zacchaeus innah analut nin ahi. Tun, thingpel chungah Ama guchahon ana kahchen, chonset toh kicheh tah’a kimaitona ana neiyin ahi. Amachu chuche boldinga hung anahie.

JESUN LHEPNA ANA KIJO SAHPOI: Ama mihem hina phalou neihotoh ana kiloikhom in ahi. Ama jalhang hinkhoa anem nungpen holaah ana chenge. Agelnau vah meidil ana ummin; lunggel phalouho umnaa chun, ngailutna ahiloule thenna ngaichat na aumpoi. Alungu meidilla chensah ho koma chun mithengte le vantil te aumthei pouve.

AMAAH CHONSET AUMPOI: Christa chu ahungk*m k*msuh in thingpel chan ahung geiye. Aman chonse hotoh kichehtah’a kihettona ana neitai. Aman tolthat Barabas khella thohna munchu analo ahi. Aman chonse hole dan sukehho boinaho ana hedoh in ahi. Heb. 4:15, “Ajehchu eihon tahsa lhahsam nahon atohkhah theilou thempu p**a inei pouve; amavang, imalam jousea eiho banga lhepma anaum ahi; ahivangin, Amaah chonset ana umpoi.”

JESU DAN PALKEH KHAT THIIN ANATHIE: Jesun eiho chonsetna Achungah akipoh’e. Aman thingpel chunga khatbeh’a ana umchu nom anasai. Gu dimsetna mihem hina chu Aman akilah in ahi. Ama eiho laah ana hungin chule ama dan palkeh khat thia thinan ana kineusah in ahi. Gucha teni chun Jesu anave honne. Aman amani chu apengthah din anano poi. Amani kah aachun khatpa huhhingin ana ummin, khatpa ana mangthai tai. Eiho nopna le ngaichatna neina louva Jesun Ama phatthei channa huhdohna chu hunam ma eipeh louhel diu ahi.

AMAN EIHO EIHUHHING JOU UVE: Jesun eiho chonsetnaa dim hinachu lhankhuh noi langpeah, aki nungmu kitloudin ana vuimangtai. Isaiah 53:12, “Hichejeh aachu ken Amaa ding alenna kona kahop khending; ajehchu Aman thina geiyin ahinna ahin bunglhan: chule Ama dan palkeh hotoh thakhat nin ana dimmun; chule Aman mi tampi chonsetna anapon, dan sukeh hodin taona ana mange.”

AMA EIHO KHELLA ANATHI: Ama chu dan sukeh khatnin anasim uvin ahi. Eiho chonset man thina chu Ama ana change. Ama ana thitai. Ahin eihon kinepna inei’uve. Aman eiho chungchang abonnin ahen chule eiho eihuhhing jou uvin ahi.

Lahlutna: L. Phalmun Kho/Village chu Evangelical Churches Association houbung khatna dia June 2, 2024 (Sunday) nin Koite...
03/06/2024

Lahlutna: L. Phalmun Kho/Village chu Evangelical Churches Association houbung khatna dia June 2, 2024 (Sunday) nin Koitelui Pastorate Area (KLPA) noi adia lahlutna kingon chu Rev. GK Siema Singson, Executive Director leh Upa Demmang Haokip, Chairman, ECA jaonan ananei uvin ahi.

L. Phalmun khosung mite jouse ECA family adia ilem uve.

MAY 28, 2022 NIA, LHAGAO PANPI NAJALLA EIMI KAIKHOMNAA KANASEI SERMON:TEXT: Galatians 1:10, “Tuahi ken mihem ho lung kak...
30/05/2024

MAY 28, 2022 NIA, LHAGAO PANPI NAJALLA EIMI KAIKHOMNAA KANASEI SERMON:

TEXT: Galatians 1:10, “Tuahi ken mihem ho lung kakhol ham, ahiloule, Pathen na? Ahiloule, mihem lung lhaina kahol ham? Tuchan geiya mihem lunglhaina hol kahile, Christa lhacha hilouding dol kahi.”

CHRISTAA UM LHAGAO VA HINNA DANTHU: Kei Sugnu area a hung khangdoh kahi. Kanahi nachu ‘gamlatah a kona ivetle aphatoh kilou, phatecha vedinga phatna toh kigamlat anahie.’ Pastor cha kanahi vangin Pathen kana hepoi. Chejeh a chu, loile golho lungkhol naa ka khang phalai chang kana suhmang ahi. 1974-78 channa kahinkho mandan chu, Sugnu H/School ground na, akahle, bonlhoh lah a football peh a, team dang hotoh vohnou suh a kisuh ding, chujoule Zouveng Maimoh hotella lutpa ding, hala bolpuma in jotding tichu anahie.

REV KHAIZAKHAM SERMON: 1981 na SDC khat kahunghi jouvin jong Pathen Thu kana hepoi. 1985 k*min kaloinu Nengkim in, YTPhai ya ECA hole Area Nuteho vaigon naa, Rev. Khaizakham thusei naah, kanop kadan eina sollut in ahi. Ojapu Khaizakham min Colgate Co. phutdohpan Somakhat a kona Somako chan anapeh thusim asei chun kalung ana sukhan ahi. Chuapat Somakhat kahin pepan nin Pathen Thu kahin holpan tai.

LHAGAO VA HINNA DANTHU: 1993 a Langol, Imphal la International Preacher, Late Joshua Daniel thusei kanangai jouchun lung kahinhei pantai. Ka chonset bolho kana phondoh jouvin,1994 k*mmin Pathen ngaidamna Rom. 8:1 & 2 a konin kana chang’e. “Tuhin Christa Jesua umho dingin themmo channa aumtapoi….Ajeh chu Christa Jesua um Lhagao va hinna danthu chun chonset le thina danthua konin eina su-ong tai.”

KA KHOHETNA ANA THIMME: Ipijeh a Christian insunga peng kanahi vanga Pathen neilouva mihem lungkhol naa mathah kana hiham? Eph. 4:18 in ahil chenne. “Athil hetthei nauchu anathim jeh chun akhohet lounau chun amaho Pathen toh ana sukhen uvin, hichu alung mitnu anachot jeh ahi.” Kei lungmit jong anacho’e. Khohet lou jeh chun ka khangdon laiyin Eisempa dounan thilse tamtah kana boldoh in ahi.

APHA BOL HAHSAT DAN: Paulin Rom. 7:19 na asei bangin, “Kabolnom aphachu kabol pon, kabol nomlou ase johchu kabol jin ahi.” Pathen hetlou nachun kalung ana suhjing ahi. Ama milungset nachun tuni geiya eihinghoi ahibouve. Chuche lung thimpa chun Pathen houmasang chondan ho lehlhathei louva eikoiyu ahi. Jew hole Muslim hon sa thenglou penna akoiyu chu eihon ‘In suhtheng nan’ imanguve. Chapa neilouhon chanu ijat nei ujongleu eihon apa gou alodiu iphal pouve. Mihem lung ikhol diuham? Pathen lungjoh ikhol diuham?

PATHEN SEIJOH JUIDING: Pathenin Mose komah hitin anasei in ahi, “Mipa khat athia, aman chapa anei loule, nangin agoulo dingchu achanute nalosah diu ahi (Numbers 27:8).” Sopite ho, Pathen seijoh gelkhoh joute. Chuachun phatthei channa aume. Acts 5:29, “Chuin Peter le Seijui danghon hitin ana donbut uve, Keihon mihem sei sanga Pathen seijoh kajui diu ahi.”

MICHONDIH HO CHIHNA APEI: James 1:5, “Nangho lah a khattou chihna neilou naumule, hongphal tah a mijouse pethei Pathen komah kithum un.” Ahin Pathenin hetnale chihna chu sachen hopmin ahompoi. Ama lenggam machalbe sah dingho Aman ahei. Proverbs 2:7, “Aman chihna hoipen hochu achondih hodin akoiye.” Pathen vetdinga achondih khat hidoh nadia chu, lung heiding, ichonset bolho phondoh ding chule ithilse bolho nunglhep ding ahi.

CHONSET KHUKHUM LOUDiNG: Chonset phongnom louho chun aboljom nomjeh uva aphon ngam lou’u ahi. Chejeh a chu Pathen lungsetna chang theilou ahiuve. Proverbs 28:13 in aseije, “Achonset naho khukhum amapa chu khangtou louding ahi: amavang phongdoh a paimang pachu lungsetna changding ahi.” Vannoiya midang hetkhah lou thilthah podoh hojouse hi atamjo Pathen ngaidamna changsa michondih ngen ahiuve.

ACHONDIH HO DOPSANGA UMU: Lenna semdoh te Wright Brothers chu Pathen ni phatea nit te ana hiuve. Oi kiaat na thoh-ol nading Anesthetic properties of Chloroform jongchu Pathen giing Scottish Physician, James Simpson in 1831 na ana pohdoh masat ahi. Pathenin michondih ho chihnale hetna apei. David in Psalm 37:25 mah ana sunne, “Keima khangdong kanahin, tun ateh kahitai; ahin michondih ho donlouva aumlam mu kana mupoi, achateu vinjong khut adou kana mupoi.”

LUNGlHEI PHAT AHITAI: Eiho mihemte dingin Imelmau number 1. chu midangho ahipoi. Chonset joh ahi. Pathenin Ama Thu juiya nit hochu “Alu kahisah ding, amei hilou diu ahi,” atin ahi (Deut. 38:13). Pathen chun ahilou ding asei ngaipoi. Deut. 23:19, “Pathen chu mihem hiya jouthu asei dingham?” Eiho thutah a idinngam lounau ajeh chu chonset boljeh le ibolsa chonset phondoh loujeh ahi penne. “Migilou hochu koima dallouvin ajammun, ahin michondih hovang keipi bahkai bangin ahangsan uve (Proverbs 28:1).”

P**E PA CHONSET PHON NGAI: Nehemiah michondih anahi vangin apu apa chonsetho anaphonge. Joseph injong chutin anabolle. Phondohlou chonset hin meidilla eipuilut diu keu hilouvin leiset chunga jong eisuhnemu ahi. Proverbs 14:34, “Chondih nan namkhat adom sangin, chonset vang mijouse dinga lung gentheina polut ahi.” Pathen dopsang nam ihinom ule, imadang sanga, mimal chonsetna, Houbung chonsetna chule jalhang hinkhoa Pathen doumah ibolhou phondoh thengsel ding ahi.

LUNGHEI DIN THUPEH ANEITAI: 2 Chro. 7:14 taona man masangin isimdoh jinguvin, ahin chonset naho iti paidoh dingham ti ihasei pouve. Phatthei ichanthei lounau Isaiah 59:2 in ahil chenne, “Nachonset nauvin Pathen nanung ngatsah’u ahitai.” Chejeh chun, Acts 17:30 seihi gelkhoh cheh taute, “Chule khohet masang phatho chu Pathen akimumo sah in, tunvang muntinna mijouse lunghei din thupeh aneitai.”

SERMON BY N. DANIEL (19-2-1956):Sermon no. 54: PATHENIN ABRAHAM ANA TAHSANNE: TEXT: “Ajehchu Keiman kahei, ama (Abraham)...
26/05/2024

SERMON BY N. DANIEL (19-2-1956):

Sermon no. 54: PATHENIN ABRAHAM ANA TAHSANNE:

TEXT: “Ajehchu Keiman kahei, ama (Abraham) chun achate le a-insung, khonung geiya dingin, Pakai danho juiya, thutah a ding ding dingin thupeh neiyin tin, Pakai in Abraham komah ama dia anasei pih hochu hinpolut nante.” Genesis 18:19.

PATHEN THUPEH ANGAHNA UMLOU CHIHNA: Eihole ichate houvin Ama ijuidiu hinam ti Pakaiyin ahei. Pakai lampi khat aumin chule Pakai lampi chu ijuidiu deinan Pathen alung khammin ahi. Ajehchu hichu hoidoh napen lampi ahi. Pathen chu Pathen ahi nadin Amatah danho jong ajui angaiye. Dan semma panga ama dansem ho juilou pachu vetjui phalou khat ahin, chule koiman ama nung ajui louding ahi. Pathen thupeh hohi angahna umlou chihnale angahna umlou ngailut naa kona hung kondoh ahi.

ABRAHAM IN THUPEH NIT: Chejeh a chu eihodia thilpha pen asodoh diu ahi. Abraham le achaten Pathen Thupeh ho anitdiu chu Pathen chihna thuhtah a kon ahiye. Ipijeh a nangin lampam ma kijoh thilho nelouva nanun inna ahon hobou naneh ham? Ajehchu nangin nanun nangailut nachu natahsan in ahi. Aman nang nehding honje ahen ahi. Gapotdoh a, lampam ma kijoh ama du du nehochu kintah a dammo jiuve. Nang nangailu Pathen lunggel jong chutobang ma ahi. Pathen danthu-sang juiho chun thina ahin hetlou diu ahitai.

ABRAHAM TAHSAN NAA DIM: S***m le Gomorrah in Pathen ana hepoi. Amahon acham uvin lam anajot uvin ahi. Lot nin S***m chu ana chenthei jeh ule amajong houdoh sahthei ya amujeh chun ana jonne. Ama vangchu michondih khat ana hinai, ahin chuche chondihna chu kihilna pha ana chanjeh ahi. Ama Abraham toh ana chengkhom in chutobang kihilna pha chu ana change. Ahinla chechu tahsanna umna chondihna ana hipoi. Abraham chun tahsanna dimna chondihna ana neiyin ahi. Ama S***m le Gomorrah mite dingin anataove.

LOT IN TAHSANNA ANA NEIPOI: Lot amaho dingin ana taopoi. Aman chugam mite chu ahinna suboi khatnin anagellin ahi. Amaho hindan chu aman ana munom poi. Nangin gamkhat namu nomlou maithei ahi, ahinlah nangin chulai mun semphat nadinga Pathen panpina nathum thei hinai? S***m le Gomorah chu suhmanga aumding kon anahitai. Pathenin amaho gamchu ana huhjou louham? Chuche gamchu suhmang ding ana hijongle, Aman Lot insung huhdoh nading tohgon ananei hilou ham?

HINNA NEIHON PATHEN LUNGEL AHEUVE: Mihem hi achamma lunggel khat ahi. Amachun hinna ahinnei tenglebou Pathen lunglam ahinhol ding ahiye. Lot le ainsung miten huhhingna ana kisan jou uchun amaho lungcham in ima anabol tapouvin ahi. Amahon Vantilho thupeh jalla S***m ana dalhah’u ahi. Genesis 19:29, “Chulaiya Pathen in phaicham khopiho ana suhmang chun, Aman Lot chenna khopi akhup athalla a***e petchun, Pathenin Abraham ana geldoh in, Lot chu akhup athalla kilenaa konin anasol doh’e.”

PATHEN LUNGLAM BOL: Abraham jalla chu vantilho Lot le ainsung mite kaidoh a anacheu ahi. Hiche chu vantil hon anabol ngailou’u thilkhat ahiye. Angainan mihemin ama lunglam aboljie. Aman Pathen lunglam bou ahinbol tengle ama sangtah a kikhang dohding, chule Pathen toh kibang thimma hung umdoh ding ahi.

PATHEN TOH NAA TOHKHOM: Pathentoh kibahding tichu Amatoh kibah nadia kitetding tina ahipon, Amatoh na tohkhom ding tinajoh ahi. Pathenin ABible ah hitin aseiye, “Nangho Pathenho nahiuve.” Psalm 82:6. Pathentoh nakitho tengle nangin bollal nanei louding ahi. Nang taona jalla mi tamtah huhdoh a umdiu ahi. Nataona jeh a chu Pathenin miho meidilla kona akaidoh ding ahi.Ahin, amaho achamma lunggel mihem ahijeh uva, anop ule meidilla kinungle theiyu ahikit uve.

PATHEN LUNGLAM BOLNOM NA: Mihem khat apenthah tengle, chonset abolnom nahochu Pathen lunglam bolnom naa hungkhel ding ahiuve. Hijeng jongle Pathenin mihema kona ama machamma thil abolthei nachu ladoh ponte. Aman nang S***m ma kona hungpot dohdia chu natem ding, ahialah, namphua nahin kaidoh louding ahi. Aman namphun nakaidoh jeng jongle, nangma lung chamma hung potdoh nahi loule, Lot jinu banga, nakinung heikit ding, namanthai thou thouding ahi.

ABRAHAM TAONAN ANA KHANGE: Nataona hinkho le nalhagao hinkho suhkhang nading chu nangma sungah aume. Abraham chu tahsanna neipumin anatao jingin ahi. Lot chun tahsanna le taona panlou naah chondihna hinkho ana mange. Amachu hougut mi maimai anahin ahi. Hougut mikhat chun avellah a um miho kikhelsah jouponte. Tahsanna nei mihem khatchu lunggel a jong chule lhagao lamma jong khang ding ahi.

KITAOPIH TOU HITE: Amachun leiset chunga vanna kon thanei ho natoh danchu ahethem me. Chuche vanna kon lhagaova thaneitah hochun thenna hinkho le kineusah nanoiyah na atonguvin ahi. 2 Cor. 6:1, “Hiche jehchun, eihon Amatoh natongkhom hinan, Pathen milungset na athonna chang nahilou nadin, nangjong kahin taopih uve.” Abraham chu Pathentoh na tongkhom khat anahin ahi. Aman midangho dia taonan, alungchu aban bannin ana khanbe sah in ahi.

LOT HINKHO PANNABEI ANAHIE: S***m machun michondih khatna khatjong anaumpoi. Chua um achondih khatseh chu tahsanna neilou Lot anahie. Aman ananei chu athisa le ga-neilou chondihna anahin ahi. Hichun aji le achate jengjong ana thunun joupoi. Pathenin mihem hunam min bolponte. Aboltah a ahijongle mihemin meidil la nungche kitna akilhen thei ahi. Abraham anataove.

TAONA THAHAT NA: Hiche taona thahatna tosotna noiya chun, Lot nin S***mah Pathen Thu anasei taleh gakidang tah tah anamu ding ahi. Keiho nachung uvaho Pathen thuseiya kache tengule nanghon taonan nei kithopi uve. Chejeh chun keihon kavaikon nauchun ga neinante ti kaheuvin ahi. Abraham chu anatao nan, Lot nin Pathen Thu ana seiphong poi. Amachu sumhol nan ana kisalal in, ajinu chun sum anakhol tupme.

PATHEN DEILAMA LAMJOT: Abraham chu Pathen masangah ana dingin ahi. Abraham chun acheten Pathen deilamma lam ajot nadiuvin hataovin ana taove. Mipa Abraham achapa Pathen hounaa pedoh dinga, achapatoh anache khom honchu gelluvin. Mipa le achapa ana kilungkhat nahon chun ichanna len na ana tohdoh hitam? Abraham taona chun Lot le achate apet petna thinathei a konin ana huhdoh in ahi, ahin Lot hinkho chu pannabei anahie. Lot nin anei agou jouse ana mansah in, ainsungah lungjin nin vai anahom me.

SERMON BY N. DANIEL (23-3-1963):Sermon No. 87: PATHENIN DIHTAH IN THU ATANNE: TEXT: 1 Samuel Chapter 23. IGAMSUNG UVAH T...
28/04/2024

SERMON BY N. DANIEL (23-3-1963):

Sermon No. 87: PATHENIN DIHTAH IN THU ATANNE:

TEXT: 1 Samuel Chapter 23.

IGAMSUNG UVAH THUTAH AUMPOI: Old Testament sung isim’uva konin mihem hinkhoa Pathen Thutah in na iti atoh ham ti imu’uve. Pathen hi thahat chungnung ahivangin Thutah chepi ahi. Ama thutah’a lei chungah na atoh imujing uve. Jer. 17:1, “Judah chonset chu amuh songmantam’a kisem thih-pen in akisunlut ne: hichu amaho lungsung dokhan le namaicham semmu ki chungah aki khenlut nin ahi. Chonset hi nampia, insunga chule mimalla aumme.

CHOSET JEH AA GENTHEI NA: Chehochu abonnin sutlut nin aum’uve. India sunga inchen genthei nahi gamtum chonset jeh ahi. Chuche chu mihaosa hole achengnom ho chonset ahie. Brahmin hon igamsung uhi doha thutah’a vaipoh nadia ana kisemu ahi. India te hou’ahin thutah chepi nading aumpoi. Chuche thutah umlou nachu Christian lah’ajong ahung lhungtai.

SAUL KILETSAH NA: : Eiho deile deilou thu umlouvin, Pathen danthu hohin ichung’uvah na atong jinge. Saul in lengtouna ana lopan laichun themgao Samuel thunoiyah anaum min ahi. Aman phat chomkhat Pathen lunglam anabolle. Chomkah louvin aman kiletsah nale chang kichisahna ahinnei tai. Samuel thuneina chu amaa konin lahmang anahitan ahi. Chujou chun lengpa chu gitlouna lunggel hon ana tuhchah tai. Aman achanu jipa David thadoh ding lunggul ana neiye.

DAVID IN PATHEN LUNG ANATOH’E: Ahin Pathenin David anaveng in ahi. Phatkhat chun Saul in thempu 80 anathat nin ahi. Thempu holah’a khatpa chun Goliath chemjam chu David anapeh jeh’a Ama lunghang anahie. Aman khonung ding thu anagelpoi. Chonset chu chonset ahi! Hichu nangin napeldoh joupoi. Aguchu nathohding ahimaiye. Chechun gamsung pumpi hindan ana tongkhai. Thisan kisona dangdang jong anaumme. Saul chun mona neilou thisan anaso ahi.

GAMSUNG SAPSET CHANNA: Chujouvin gamsungah k*mni kijommin kel ana lhatai. 2 Samuel 21:1. David in kel lhahna jechu anakholle. Pathenin Saul thisanso jeh ahi tin ana seipih’in ahi. Gamsung chu sapsetna noiyah anaumtai. Chuche chonsetna suhtheng nadin Saul chate mi sagi aman’uvin ana khailih tauve. David chun thisanso chungchang danthu anahen ahi.

THISAN SO THU: Numbers 35:30-33, “Mikhat nin midang khat athale, tolthat pachu kithat ding ahi …….Nangin thina theiya themmo chang tolthatpa chunga lunglhaina nanei louding ahi …..Nangin nachenna gamchu nasuhboh louding ahi: ajehchu thisan kiso chun gamsung asuboh’e: chule chuche thisan kisochu, mithatpa thisan leso tilouvin akisop theng theipoi.” Chuche thuso laichun Saul chu ana thitai. Thisan sona gotna chu achate chunga analhung ahi. Chujou’abou kellhah chu anabei ahie.

GOSPEL VAH EIHOA KONA VAHDOH PANDING: Ihinkhouva ngaidamna chang loulai chonset naho chunga lungheina inei tokah uva thipbeh’a i-umlou diu ahi. Eiho huhhinga iumtah ule nolnabei hidoh nadia huhhinga um ihiuve. Huhhingna ichan uchu machaal pi jingding ahie.

NULEPA CHONSETNA PHONDING: Chejeh’a chu eihon inulepa chonset naho jong iphondoh diu ahi. Pathen aanga taonaa Ama inga tengule ipu ipau chonset nahojong ihin geldoh diu ahie. Lamentations 5:7, “Ipatehou ana chonseu vin, aum tapouve; amaho chondih louna gu eihon ipouve.”

HUHHINGNA MUCHI TULUT: Pathenin Israel techu amahole apu apateu chonset naho phondoh dingdan anahil’uvin ahi. Hindu hou achun chonset hi vadung tuiya ikisille soptheng thei ahie ti ataahsan uve. Vadung tuichun chonset asoptheng theipoi.

HUHHINGNA MUCHI TULUT: Nageldoh dingchu, nangin Pathen Thu naseiphong tengle, huhingna muchi natulut ahi. Chuche muchi chu, khonunga India gamsung, economic, political chule moral lamma ahung dam nading Thupha ahi. India tedinga kinepna khatseh chu Christa Gospel ahi. Hiche vah hi eiholah chule eihoa kona vahdoh panding ahie.

GOSPEL MEIVAH: Kshatriya (Hindu galsat phunglen) themkhat ho, k*mkhat masang chun, Akividu (APj ah tui analut uve. Amaholah’a numei khatnin ana seiye, ‘Ningk*m chun kainsunga kona hung potdoh keibou kanahin ahi. Ken Jesu katahsan tan, Ama koma taoje jong kahetai. Tuk*m in ken mi 4 kahin puilut be’e.’ Pathen lungset najallin, Gospel hi mithah thah ho koma jong alhungtai. Numei nuchun ama tuilut naa pangding ahie ti anajan ahi.

AP GAMSUNGA VAH VAHPAN: Amanun taonan Pakai ana donge. Aman amanu jaah Matthew B**g 3 simmin tin ana seiye. Vah hi Andhra gamsung mun phabep pia vahpan ahitai. Mitam khop thil hahsa ahi. Ahin, Akividu ah mi 4000-5000 Pathen Thu ngai dingin ana kikhom uve. Keihon kaphondoh’u thuchu thutah ahi ti amahon aheuvin ahi. Christa ana kisansa mi loikhat chonset kokhuh’a anung lhahlut kitnu vang vangset umtah ahie.

DAVID IN PATHEN ANADONGE: Eihon taonaa Pathen ingateng ule, Pathenin ipu ipateu chonset naho chunga lung iti ihei diuham ti eihin hetsah diu ahi. David gamvaipoh laiyin, k*mthum sungin gam pumpiah kel analhai. Ipijeh ham ti David in Pathen ana donge. Pathenin kellhah chu Saul lengpa chonset jeh ahi tin anasei pih’e. Gamvaipo khatnin gamsunga mipi gentheina lentah ahin pohlutthei ahi.

CHONSET GUU TANLOU: Saul chu ana thitai. Ahin ana chonsetna guchu ana umden nalaiye. Houbung lamkai loikhat hon Pathen Vah midang pehson ding adei pouvin ahi. Amahon vahchu athejal pouvin, midangho jong abolsah pouve. Chutobang umchen chu amaho chunga, akhang akhanga, sapsetna ahin pohlut ding ahi. Houbung lamkai loikhat Jezebel dokhan chungah atou’uve. India sunga ihoubung hou umdan hi lhasamtah ahi. David chun agamsung mite hodin napha anatonge.

DAVID TAONA: Ibol jouseu nunggu eihon ithoh’u ahi ti igam miteu seipih ding naumlou uham? David chapa Absalom chu migiloutah ahung sohdoh tai. Aman aban bannin chonset khohcheh cheh anabolle. Phulou helouvin aman apel theilou thinachu anatohtan ahi. Mihem khatchu lengpa cha hijongle,aman thonlou Pathen thutanna apel theipoi.

PATHEN CHINTUP IHIUVE: Eiho Pathenin ichintup lou’va ahile, hoidohna aumpoi. David hitin anataove, “O Pathen, Nangin phatthei nanaboh’e, chule hichu aitih’a phatthei na ahitai (1 Chro. 17:27).” Saul chu agam vaipoh tillai chun ana chingthei nai. Ahin, chomkhat jouvin, mipha hotoh ana kiloikhom tapoi.

PATHEN NIN DIHTAH IN THU ATANNE: Pathen mitetoh kiloikhom hi kiven dohna ahi. Amahotoh umkhom naachun igel phahlou chonset ho ahung kimu chenne. Ichonset nu iki mahetdoh chan’uva chu eiho dinga pha ahie. Itahsau jengjong damthei chehcheh ding ahi. Itahsauva um hitpi hojong thidiu ahitai.

NAHSAHMO THEILOU: Pathen Thun mihem genthei thohna thusim achinge. Hicheho chu nahsamo thei ahilou jeh’in thusim bun jong, anasoh sa ahijeh in, jihlut louvin akoipoi. Pathenin mihem genthei thohna agelkhoh in ahi. Chingthei tah’a ikholchil ule, David in kellhah najeh ana holdoh banga, imudiu ahi. Pathenin dihtah in thu atanne.

SERMON BY N. DANIEL (26-4-1961):Sermon no. 26: TUI VEILOU NA TUIKUL: 1. TEXT: 1 Peter 1:22, “Nanghon Lhagao vanga na hin...
18/04/2024

SERMON BY N. DANIEL (26-4-1961):

Sermon no. 26: TUI VEILOU NA TUIKUL:

1. TEXT: 1 Peter 1:22, “Nanghon Lhagao vanga na hinna u naki suhtheng uva, kemlou sopi ki ngailut tona a nalut uchu Keiman kamu in, tun nangho khat le khat lung sutheng in hatah in ki ngailu touvin.”

THUPEH JUI CHUN NAHIN DOPSANG DING AHI: Thutah ngai na ahin eihon ilungu iki suhtheng uvin ahi. Mitheng Paul in eiho tahsa le lhagao va iki suhtheng dingu ahi tin aseiye. Ilhagao ujong chu lhagao dihlou toh aki timat tengle suhboh in aumjin ahi. Na kivoppi hochu chingthei tah in kilhen in. 2 Peter 2:17, “Tui veilou na tuikul le huisen alhoh mang meilhang jong aume. Cheho ding chun aitih a ding muthim daitui akikoi pih in ahi.”

TUI VEILOUNA TUILKUL: Tui muna dinga hoilang najot nem? Ihinkho lhung uva tui veilou na tuikula jotjing chu phat mansah hilou ham? Nangin itobang kinaipi inkote ho nanei em? Amaho chu tui vei louna tuikul hiuvem? Ailou le nangma tah jong tui umlou na tuikul nahim? Naki voppi miho chun nanga kona vantui adonphah u hinam?

MI SEISET HI PATHEN NEILOU JEH AHI: Peter 2:10, “Adeh in tahsa ngaichat thenglou hol le tahsa a lamjot ho chun kivaihop gahna atheuvin ahi. Amaho chun kituhtang phat ahe pouvin, ama lunggel bouvin acheuvin, adih ho chunga thuse seichu akicha pouve.” Pathen mi dihtah ho seise jing miho aumuvin ahi. Vantil hon Satan jeng jong aseise pouve. Amahon Satan in alomlou ahin thum teng boule , akomah hicheng asei un ahi, ‘Pakai in nahin samse nante.’ Amahon sotlhah a ana um vantil masa jeng jong aseise pouve. Tahsa a hing miho chun bailam tah in Pathen lhacha ho adem jiuve.

ILHAGAO SUHTHENG: Amaho tahsa miho komah acheuvin, asei uve, “Nanghon atah hochu na seitheng sel nom lou ule Pathen miho komah chehih uvin.” Eihon Lhagao va kona Pathen thupeh init uchu Lunggel suhtheng na ahi. Lhagao panpi najalla Pathen thupeh najui tengle nagel nale na lhagao chu hung ki sutheng ding ahi. Chutia thungai naa chu nache jom jingle, nasei doh jouse Pathen a kon hiding ahi. Suhthenga naum ding danchu, tahsa lunggel a kona naseidoh ho jeng jong gaothu hung bang diu ahi.

TUI VEILOU NA TUIKUL IHIU HAM? Tui veilou na Christian khat hia, hou lama lunglut danna kitah langa miho lheplhah chu lunggim umtah ahi. “Ajehchu tahsan ahin tohdoh hochun themcha aphat chom sah in, Pathen neina vang chu imalam jousea phatchom na ahin, hichun tu hinkho le ahunglhung ding paa din thutep aneiyin ahi (1 Timothy 4:8).”

TAHSANNA JETPOH DING: Pathen nei nalam achun kiha bollin. Hiche le hiche poimo danchu hethem in! Eihon itahsau jetpoh le chu nom isauve. Ahin Pathenin eiho itahsan nau bulhing sella jepoh dingin eidei uve. Chuachu nangin Pathen umpi nachu tohkhah thei leuva na hinhet ding ahi. Ama umpi jing nachu phatthei channa lentah ahi. Hichu atepi beihella kidang khat ahi. Khatvei hichu tepkha lechun, aman ijat hijongle sunna, neidoh ding nagul ding ahi.

PATHEN THU MANLUT DAN: Athu masanga kitihot pachu Pathenin ahei. Jingkal la taona a Pathen toh naum khom petna Ama aanga ki phalam khenna naumle, Pakai in nilhum keiya na ventup ding ahi. Chutia Pathen giing khenna umchu nangdia na ngaina khat hung hidoh ding ahi. Hitiho jouse chu Pathen neidoh nadia kiham bolna ahi. Chuteng, na kingaito naa Pathen thu manlut na chu hung kibe cheh cheh ding ahi.

JESU THUSEI HOCHU LHAGAO LE HINNA AHI: Naki loipi ho chingthei tah in lhengin. Nangin ‘tui veilouna tuikul’ hochu loi le golla nakisem uham? Lhagao va kona Pathen Thu nit kitichu ipi tina ham? Hichu, hetthei nadinga taona nei puma Pathen Thu sim, tina ahi. Ama, thingpel la ana khatbeh kon uchun, Satan in Peter changlhem banga ahin sep chu anamun ahi.

TAONA THAHAT NA: Chupet chu, Jesu Ama di**le Aseijui ho dinga giltah a taona ana manpet ahi. Aman Peter chu ana magih in, aseijui pan Jesu thusei chu ana hethem poi. Hichu ana hetthem hitale Peter chu kitihot puma ana taoding ahi. Peter chun ama hinkho chu Jesu dinga aphal doh joudin ana gellin ahi. Hichu Peter in taona pang louva ana molso jouding hinam? Jesu chun Lhagao vin thu asei jie. Ama thucheng hochu Lhagao le hinna ahi.

PATHEN LUNGGEL PHONDOH: Nicodemus chun Jesu komah tahsan thu ana seiyin, ahin Jesun Ama komah Lhagao vin ana donbut in ahi. Jesun aphat seh in Lhagao vin thu aseiyin, ahin mi tamtah in Ama ama tahsa lam geldanin ana kilahlut uvin ahi. Ama thusei hetthei nadinga nang taona a Lhagao dinmun sangjep ma naki khandoh angaiye. Nang chu Lhagao va pengthah nahi teng, Jesu thusei ho hethei khopma taona a khang thei khat nahi ding ahi.

TAONAN PATHEN THU HETBE SAH: Nahatao channa nangin Pathen Thu nahet tam becheh cheding ahi. Nakoma thugil ho hung kiphong doh ding ahi. Nangin Elijah bangin hinkho hin hethem in nate. Themgao ho hinkho hetthem nading in nangin thuphon nangaichai. Chuche hina chu nahin neidoh tengle navellah a umho sanga chomjep nahiding ahitai. Nache che naa Pathen umpina napohlut ding ahi. Kihabol hih jong lechun, nanga kona kem theilou sopi ngailut nachu hungdoh ding ahi.

TUI VEINA TUIKUL: Chuteng nangin, Christa a nasopi jouse khatcheh a vanna kona hung kipeho chu napeh son ding ahi. Pathen kamma nahung panding, tui veina tuikul nahung soding ahi. Hiche chu ahi eiho midang chan sanga chungnung jo ichan thei uchu. Chuche hidoh nading chun manou hite. Eiho Pathen sei phondoh nale tui veina tuikul hinaa kona ichan igamlat uvem? Iphondoh hou chu itoh doh’u chunga hilou ding ahi.

THE RESURRECTION OF JESUS MADE THE GOSPEL CREDIBLE: Part-1. By: Upa Lunminthang HK IGNORANCE OF JEWISH HEART: Human nat...
31/03/2024

THE RESURRECTION OF JESUS MADE THE GOSPEL CREDIBLE: Part-1.
By: Upa Lunminthang HK

IGNORANCE OF JEWISH HEART: Human nature being what it is, it was natural for the religious leaders of Jerusalem to strongly resent the concept of ‘another Jewish man’ being raised from the dead.

DARKENED IN UNDERSTANDING: Ephesians 4:18 appropriately explains, “They are darkened in their understanding and separated from the life of God because of the ignorance that is in them due to the hardening of their hearts.” They looked at Jesus from the fleshly point of view, someone who grew up from Nazareth, and could not come to terms with the Messiah’s other-worldly statements.

NO TURN OF JESUS LEFT UNSTONED: One of them was “The Son of Man is going to be betrayed into the hands of men. They will kill Him, and after three days He will rise (Mark 9:31).” Jesus left no stone unturned to prove that He was the Son of God sent on earth to save the world. But His embittered detractors left no turn of His unstoned. It did not affect God’s plan in anyway. But hate-mongers brought judgment upon themselves. “It is hard for thee to kick against the pricks (Acts 9:5).” Kicking the pricks hurts the leg, not the prick.

EGO EDGED GOD OUT: There was a personal reason on the part of the religious big wigs to have gone hammer and tong against the reported resurrection of the Lord who they ‘condemned in the council.’ It would prove them wrong. Besides, the EGO - Edging God Out - in them rebelled that the news of the resurrection would go viral to confirm His deity at the expense of their ‘belittled’ mortality.

LIE TO SEAL THE TRUTH: So they did what they could to suppress the Good News. “When the chief priests had met with the elders and devised a plan, they gave the soldiers a large sum of money, telling them, You are to say, ‘His disciples came during the night and stole Him away while we were asleep (Matt. 28:12, 13).”

SPENDING TO HIDE THE TRUTH: The blatant lie could not hold much water. It only reflected their frustration. If unbelievers could spend such a huge amount of money to hide the truth, as believers, it’s incumbent upon us to spend ourselves and our resources to proclaim the truth. Considering the redemption He purchased by shedding His own precious blood, no amount of money spent to spread the truth of salvation Christ taught to mankind will be too much.

CARE FROM WOMB TO TOMB: In 2013, we inducted IAS officers of 17 Indian States were sent to study the administrative good practices of Srilanka. Among others, we were taught about ‘womb to tomb’ care of the citizens of the island nation. But knowing through the Gospel how much heaven cared for the Son of God, nothing else could rival the ‘womb to tomb’ divine nurturing of Jesus. The Almighty God took meticulous stock of His own Son.

RESURRECTION ASSURES LAD: Everything was planned out to the minutest detail by Jehovah from ‘womb to tomb’ - the Lord’s birth to His empty tomb. The pain that the crown of thorns inflicted upon our Lord flavoured His crowning on the day of the Resurrection. The crucifixion without the resurrection would have been half-baked. Now that the Lord has risen, it is advantage Christianity, worldwide, to wax eloquent on the potent edge we have.

THE ICING ON THE CAKE: The icing on the cake is that the Lord we worship is alive today to take up cudgels for the broken-hearted. Who else had such an authority to predict his death and rise? Only Jesus had. “No one takes it from Me, but I lay it down of My own accord. I have authority to lay it down and authority to take up again(John 1018).”

A SON HIS DAD WAS WELL-PLEASED WITH: Jesus Himself got baptised. “Then Jesus came from Galilee to the Jordan to be baptised by John (Matthew 3:13).” John felt not worthy to baptise the Lord. Jesus insisted that John performed His baptism. John did. “Heaven was opened, The Spirit of God descended (Matt. 3:16).” That Jesus was the Son of God and that heaven monitored His activities on earth was proved by ‘A voice in heaven said, “This is My Son, whom I love; with him I am well-pleased (Matt. 3:17).”

BAPTISM BRINGS NEW LIFE: Baptism takes immersion under water and being pulled up again. This Christian ritual virtually symbolises the death of Jesus, His burial and resurrection. Romans 6:5 tells us, “We were therefore buried with Him through baptism into death in order that, just as Christ was raised from the dead through the glory of the Father, we too may live a new life.”

Address

ECA Ofice, Post Box 68
Churachandpur
795128

Opening Hours

Monday 9:30am - 3:30pm
Tuesday 9:30am - 3:30pm
Wednesday 9:30am - 3:30pm
Thursday 9:30am - 3:30pm
Friday 9:30am - 3:30pm
Saturday 9:30am - 3:30pm

Telephone

03874-233277

Website

Alerts

Be the first to know and let us send you an email when Evangelical Churches Association posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Evangelical Churches Association:

Shortcuts

Share

Category