Kalyana Sastha Samajam

Call Directions Contact the place of worship

Kalyana Sastha Samajam Swamiye Saranam Ayyappa. This is the official page of Kalyana Sastha Samajam, located at chromepet.

கந்தபுராணத்தில் #ஐயனார் வழிபாடு ,.....சூரபத்மனின் கொடுமைதாங்காது இந்திரன் தேவலோகத்தை விட்டு இந்திராணியோடு, சீர்காழி தல...
03/10/2026

கந்தபுராணத்தில் #ஐயனார் வழிபாடு ,.....

சூரபத்மனின் கொடுமைதாங்காது இந்திரன் தேவலோகத்தை விட்டு இந்திராணியோடு, சீர்காழி தலம் வந்து மூங்கில் மரத்தில் மறைந்தபடி சிவபூஜை தவத்தை செய்துவருகிறார் தேவேந்திரன் ....

அந்நிலையில் மற்ற தேவர்கள் சீர்காழி தலம் வந்து இந்திரனை கண்டு, தேவலோகத்தில் நடக்கும் கொடுமைகளை தெரிவிக்கின்றார்கள் ....

இந்திரன் பல சமாதானங்களை கூறி, இதற்க்கு தீர்வு பரம்பொருளாகிய நீலகண்டனை சரணடைவதே என்று கூறி நாம் கயிலை சென்று பரமனிடம் முறையிடுவோம் என்று கூற,

அந்நிலையில் இந்திராணி பயத்தில் எம்மை விட்டு எங்கும் செல்லக்கூடாது. அசுரர்கள் துன்பம் செய்ய வாய்ப்புள்ளது ..தங்களை தவிர வேறு துணை இல்லை என கூறிட ....

அப்பொழுது இந்திரன் தன் மனைவி இந்தராணியிடம் கூறுகிறார் .....

"செய்ய சடைமேற் சிறந்த மதிக்கோடு புனை,
துய்யவனும் வேலைத் துயின்றோணும் சேர்ந்தளித்த,
#ஐயன் எமக்கோர் அரணாகி யேயிருக்க,
நையல் முறையாமோ நங்காய் நவிலுதியால், "

சிவனாரும் திருமாலும் சேர்ந்தளித்த #ஐயனார் துணை இருக்க பெண்ணே நீ கலங்குவது முறையா!

என இந்திரன் கூறிட
, இந்திராணி ஐயனார் பற்றிய வரலாறு யாது என வினவ,

இந்திரன் கூறுவதாக 67 பாடல்களில் #மஹாசாஸ்தாபடலம் என்ற பகுதியில் ஐயனார் வரலாற்றை பாடியுள்ளார்
ஸ்ரீ கச்சியப்பசிவாச்சாரியர் ......

சிவபெருமானின் நான்கு சக்திகளில் ( பவானி, துர்க்கா, காளி, மால்) திருமால் ஒருவர் ...
அவர் மோகினி வடிவம் கொண்டு சிவத்தோடு ஒன்ற தோன்றிய அவதாரமே ஐயனாராகும் ...

சிவபெருமான் அவதரித்த குழந்தைக்கு,

"அத்தகு திரு மைந்தர்க்கு அரிகர புத்திரன்,
எனும் நாமம் புனைத்தபின்,
ஒத்த பான்மை உருத்திரர் தம்மொடும்,
வைத்து மிக்க வரம்பல நல்கியே, "

என்றபடி #ஹரிஹரபத்திரன் திருநாமம் சாற்றி ,உருத்திரர்களோடு இருக்கசெய்து பல வரங்களையும் தருகின்றார் .

சிவபரம்பொருள் ஆணைப்படி,

"அங்கண் மேவி அரிகரபுத்திரன்
சங்கையில் பெரும் சாரதர் தம்மொடும்
எங்கும் ஆகி இருந்து எவ் உலகையும்
கங்குலும் பகல் எல்லையும் காப்பான் ஆல்"

என்றபடிக்கு ஐயனார் தம் அளவில்லாத பூதகணங்களுடன் எல்லா உலகங்களையும் இரவும் பகலும் காவல் பூண்டு அருள் செய்கின்றார் ....

இவ்வாறு இவ்வுலகையே காக்கும் சாஸ்தா உனக்கு துணையாக நிற்பார் ,பெண்ணே பயம் வேண்டாம் என கூறி,

இந்திரன் தர்ம சாஸ்தாவை வேண்டி பிரார்த்தனை செய்திட,

"காருறழ் வெய்ய களிற்றிடை யாகிப்,
பாரிடர் எண்ணிலர் பாங்குற நண்ணப்,
பூரணை புட்கலை பூம்புற மேவ,
வாரணம் ஊர்பவன் முன்னுற வந்தான் "

என்றபடி பூரணி / புஷ்கலையோடு ஐயன் இந்திரனுக்கு தரிசனம் நல்கி, எம்மை அழைத்த காரணம் என்ன என்று வினவ?

அடியேன் எம் துன்பம் நீங்க தேவர்களோடு கயிலை இறைவனை சரணடைய செல்கிறேன். எம் மனைவி தனித்து இருக்க அஞ்சுகிறாள் ....

ஐயனே தாங்கள் காவல் தந்து அவளுக்கு அருள் செய்யவேண்டும் என்றிட,

"மேதகு செண்டுள வீரன் இசைப்பான்,
ஏதமுறாத நின் ஏந்திழை தன்னைத்,
தீதடையாது சிறப்பொடு காப்பன்,
நீதனி யென்று நினைத்திடல் கண்டாய், "

மேலான #செண்டு என்ற படைக்கலத்தை உடைய ஐயனார் இந்திரனை பார்த்து கூறுகிறார். குற்றமில்லாத உன் மனைவியை தீமை அடையா வண்ணம் யாம் காப்போம் ..அவள் தனித்து உள்ளதாக நினைக்கவேண்டாம். நாம் துணைநிற்போம் என கூறியும் ....

தம் பூதகண கூட்டத்தில் ஒருவரான மாவீரன் #மாகாளர் என்பவரை இந்திராணிக்கு காவலாக துணைநிற்க ஆணையிட்டு, இந்திரன் கயிலை சென்று வரும்வரை தீமை ஏதும் வாராது காப்பாயாக என கட்டளை இடுகிறார் ...

ஐயனாரை வழிப்படுவோருக்கு,
மனம் பயம் நீங்கும் ...
எதிரிகள் தீமை நீங்கும் .....
தைர்யம் அளிப்பவர் ...
வேண்டுவோர் குலத்தை காத்து அருள்பவர் ....

இவ்வுலகத்தையே காவல் செய்து காப்பவர் ... நம்மையும் காப்பவர் ஐயன் ஐயனாரே .....
பெண்கள்&குழந்தைகள் இவரை வேண்டி விபூதி அணிய பாதுகாப்பு பெறுவர் ....

" ஐயனார் வழிபாடு "தமிழகத்தில் கோவில்களும் வழிபாடும் மிக பிரபலம்.அவற்றில் மிக முக்கியமான ஒன்று ஐயனார் வழிபாடு.இன்று..ஐயனா...
30/09/2026

" ஐயனார் வழிபாடு "

தமிழகத்தில் கோவில்களும் வழிபாடும் மிக பிரபலம்.

அவற்றில் மிக முக்கியமான ஒன்று ஐயனார் வழிபாடு.

இன்று..
ஐயனார் வழிபாடு என்பது நாட்டார் வழிபாடு, கிராம காவல் தெய்வ வழிபாடு என்றளவில் சுருங்கி சிறுதெய்வ வழிபாடு என்ற பெயரும் கொடுத்தாச்சு. இந்தப் பெயர் கொடுத்தவர் யார் என்றும் தெரியவில்லை. கிராமத்து எல்லையிலும், வயல்வெளிகளிலும் ஐயானர் இடம் பெயர்ந்துள்ளார். மிக எளிமையான கோவில் அமைப்புடன் சில இடங்களில் உள்ளார்..

ஆனால்...
வரலாற்று காலங்களில்..
பல்லவர் காலம் தொட்டு பாண்டியர் காலம் வரை.. கி.பி. 8 - 13 ஆம் நூற்றாண்டுவரை சாத்தன் என்னும் ஐயனார் வழிபாடும் தமிழகத்தில் பெருஞ்சிறப்பாகவே இருந்தது. அதாவது பெருந்தெய்வமாக ஐயனாரும் போற்றப்பட்டார்..

இதை மெய்பிக்க ஏராளமான கல்வெட்டுச்சான்றுகள் உள்ளன.

ஒரு ஐயனார் சிற்பம் மற்றும் ஐயனார் கோவில் குறித்த கல்வெட்டுச் செய்தி.
இவ்விரண்டையும் பார்க்கிறோம்..

தஞ்சை - திருவையாறு சாலையில் அம்மன்
பேட்டையிலிருந்து 2.கி.மீ. தொலைவில் உள்ளது நாகத்தி என்னும் ஓர் அழகான கிராமம். சிதைந்துபோன கோவிலின் எச்சத்தின் மிச்சமாக அழகிய பிரம்மாண்ட ஐயனார் சிற்பம் ஒன்று உள்ளது.
பல்லவர் கலையமைதியில் அமைந்த தனித்துவமான ஐயனார்.
தன் தேவியான பூரனையுடன் காட்சிதருகிறார்.

பீடம் ஒன்றில் ஐயன். அருகே அவரது தேவி.
6 அடி உயரத்தில் ஒரே கல்லில் வடிக்கப்பட்ட எழிலார்ந்த சிற்பம்.

கிரீடமகுடமும் ஜடாபாரமும் இணைந்து..
காதில் பத்ரகுண்டலமும்
அணிந்து வலக்காலை பீடத்தின் மேல் குத்திட்டும் இடக்காலை தொங்கவிட்டும் வலதுகரத்தை முழங்கால் மேல் அமர்த்தி இடக்கரத்தை பரவவிட்டும் அமர்ந்துள்ளார். பீடத்தின் பக்கவாட்டில் வேட்டை நாய்.
பூரணா தேவியானவள் நின்ற கோலத்தில் கையில் தாமரையுடன் காட்சிதருகிறார்...

ஏறக்குறைய 7 ஆம் நூற்றாண்டு காலத்தைச் சேர்ந்த பல்லவர் கால கலையமைதியுடன் வெகு சிறப்பான ஒரு ஐயனார். இக்காலத்தில் இவரது வழிபாடு மிகச் சிறப்பான ஒன்றாக இருந்திருக்கும்.

ஐயனார் கோவில் ஒன்று பற்றிய இரண்டு கல்வெட்டுச் செய்தி..

பொதுவாக..
சிவன் கோவிலுக்குச் சொந்தமான நிலங்கள் தேவதானம் என்றும் விஷ்ணு கோவிலுக்குச் சொந்தமான நிலங்கள் திருவிடையாட்டம் என்றும் சமண பௌத்தப் பள்ளிகளுக்குச் சொந்தமான நிலங்கள் பள்ளிச்சந்தம் என்றும் அழைக்கப்படும்.

இவ்வாறே...
ஐயனார் கோவிலுக்குச் சொந்தமான நிலங்கள் ஐயன் போகம் . என்றழைக்கப்பட்டது.
பூஜைக்கு விடப்படும் நிலங்கள் அர்ச்சனா போகம் என்றழைக்கப்பட்டது.

உத்தரமேரூர் கோவில். இக் கோயிலுக்குப் பார்த்திவேந்திரனது 3-ஆவது ஆட்சி யாண்டில் நிலம் அளிக்கப்பெற்றது.

கல்வெட்டு வாசகம்.

" எம்மூர்த் தெற்கில் அய்யன் மஹா சாஸ்தாவுக்குத் திருச்சென்னடைக்கும், நுந்தாவிளக்குக்கும்,
ஸ்ரீ பலிக்கும், அர்ச்சனா போகத்துக்கும் வைத்த பூமி"

(திருச்சென்னடை - நாள் இடையின்றி நடத்தப்பெறவேண்டிய நித்திய பூசை முதலியன ; நுந்தா விளக்கு - இடையறாது எரியும் விளக்கு ; அர்ச்சனா போகம் - அர்ச்சனைக்காக ஒதுக்கப்பெறும் நிலவருமானம்.)

அய்யன் சாஸ்தா கோவில் நாள்தோறும் தடையின்றி வழிபாடு நடைபெற்ற செய்தியை இக்கல்வெட்டு பதிவு செய்கிறது.
( S.i.i.vol 3 no 167)

பெருங்கோவில் நிர்வாக அதிகாரிகள் கணத்தார் என்று அழைக்கப்படுவார்..
சிவன் கோவில் நிர்வாகி தேவகணத்தார் என்றும் விஷ்ணுகோவில் நிர்வாகி கிருஷ்ணகணத்தார் என்றும் அழைக்கப்பட்டனர்.

இதுபோலவே..
ஐயனார் கோவில் நிர்வாகிகள் சாத்தன் கணத்தார் என்று அழைக்கப்பட்டார்கள்.

உக்கல் கல்வெட்டு.
முதலாம் இராஜராஜனின் 17 ஆம் ஆட்சியாண்டு.
கி.பி.1002.

மகா சாஸ்தா கோவில் ஒன்றுக்கு தினசரி மூன்று வேளையும் அமுதுபடையல் செய்ய வேளைக்கு 2 நாழி நெல் வீதம் .. ஒரு நாளைக்கு
6 நாழி நெல் மற்றும் விளக்கெரிக்க எண்ணை போன்ற நிவந்தம் மற்றும் வழிபாடு ஏற்பாடுகளை செய்யும் நிகழ்வுகளை கல்வெட்டுப் பதிவு செய்கிறது. அய்யன் கோவில் நிர்வாக அதிகாரி சாத்தன் கணத்தார் முன்னிலையில் இந்நிகழ்வு நடைபெற்றது.

கல்வெட்டு வாசகம்.

"எம்மூர் சாத்த கணத்தாரும் அம்பலத்தில் வடக்கில் மகா சாஸ்தாவின் கோயிலிலே இருந்து பணித்த எழுத்து "
( s.i.i.vol 3. No 6 )

ஆகவே..
நாள்தோறும் பூஜை வழிபாடு என்று ஐயன் வழிபாடும் வெகு சிறப்பாகவே இருந்தது.

இன்று ..
நம்மால் சிறு தெய்வம் என்று அழைக்கப்படும் ஐயனார் வரலாற்று காலங்களில் பெருந் தெய்வமாகவே போற்றிச் சிறப்பிக்கப்பட்டார்.

சாஸ்தா ஐயனார் ஐயப்பன்-சிவலிங்க தத்துவத்தில் பிறந்தவர்.( சபரிமலையில் விற்றிருக்கும் தர்மசாஸ்தாவை தான் ஐயப்பன் என்று அழை...
30/09/2026

சாஸ்தா ஐயனார் ஐயப்பன்-சிவலிங்க தத்துவத்தில் பிறந்தவர்.
( சபரிமலையில் விற்றிருக்கும் தர்மசாஸ்தாவை தான் ஐயப்பன் என்று அழைக்கிறோம்)

சிவலிங்கம் என்பது மும்மூர்த்திகளின் அம்சம்.

1.மேல் உள்ள குலவி போல் இருக்கும் பகுதி-சிவன்(தீயதை அழிக்க)
2.நடு பகுதி ஆவுடையார்-விஷ்ணு(நல்லதை காக்க)
3.கீழ் பகுதி பிரம்ம பீடம்-பிரம்மா(படைக்க)

அதன் அடைப்படையில் தான் அவருக்கு பூர்ணா,புஷ்கலா,பிரபா ஆகிய முப்பெரும் தேவியரின் அம்சமாக மூன்று மனைவிகள் உண்டு.

1.புஷ்கலா தேவி-துர்கா அம்சம்
2.பூர்ணா தேவி-லெக்ஷ்மி அம்சம்
3.பிரபாவதி தேவி-சரஸ்வதி அம்சம்

பிரபாவதி தேவிக்கும் சாஸ்தாவிற்கும் ஒரு மகன் உண்டு என்றும் அவர் பெயர் தான் "சத்யகன்" என்றும் புராணங்கள் கூறுகின்றன.

படித்தாலே பரவசப்படும் அளவில் உள்ள மருதுபாண்டியரின் குலதெய்வ வரலாறு::மாமன்னர் மருதுபாண்டியரின் குலதெய்வமான கண்ணங்காரைக்க...
29/09/2026

படித்தாலே பரவசப்படும் அளவில் உள்ள மருதுபாண்டியரின் குலதெய்வ வரலாறு::

மாமன்னர் மருதுபாண்டியரின் குலதெய்வமான கண்ணங்காரைக்குடி சாஸ்தா என்ற அய்யனாரும் வாணியங்குடி மருதப்ப அய்யனார் என்ற சாஸ்தாவும் தொகுப்பு:

எந்நாளும் மக்களை கண்போல காத்தருளும் நன் கண்ணன் காரன் புதூர் குடிகொண்டுள்ள திங்கள் மகத்தழுகு மங்களஞ்சேர் சாஸ்தா துணை.....

தர்ம சாஸ்தா என்னும் தெய்வம் வேறு யாரும் இல்லை நாம் வணங்கும் அய்யனாரே ....

அய்யனார் மருதமரத்து வாசர் என்பதால் மருதப்பசாமி என்றும் அழைப்பர். மேலும் இவருக்கு சேர்வரான் சாமி என்னும் ஒரு பெயரும் உள்ளது என்று கூறியுள்ளனர்..

ஆதி குலக்கோவில் :
மன்னர் மருதுபாண்டியர்களது குலதெய்வமானது மேல கூறியது போல் பூர்ணாபுஷ்கலை உடனுறை ஶ்ரீ மருதப்ப ஐயனார் ஆவார்... மருதுபாண்டியர்களின் குலக்கோவிலானது புதுக்கோட்டை மாவட்டம் திருமய்யம் என்னும் ஊரின் அருகே 10 கி.மி தொலைவில் உள்ள சிறு கிராமமான கண்ணங்காரைக்குடி என்னும் ஊரில் அமைந்துள்ளது.. இங்கு தலைமை தெய்வமாக சாஸ்தா என்ற அய்யனாரும் அவர்களது மனைவிகளான பூர்ணா புஷ்கலை இருவரும் இடது வலது புறமும் அமர்ந்திருப்பார்கள். காவல் தெய்வமாக இக்கோவிலில் பெரிய கருப்பன்ன சாமி இருப்பார் . மேலும் 21 பரிவார தெய்வங்களும் அடங்கிய கோவிலாகும்.. இக் கோவிலே மருதுபாண்டியர்களின் குலக்கோவில் ஆகும் ..
வருடம் பங்குனி உத்திரம் இக்கோயிலின் சிறப்பு தேரோட்டம் நடைபெறும்... இந்த கோவில் அமைந்திருக்கும் ஊரானது நாட்டைகோட்டை செட்டிகள் வாழும் ஊராகும்.....தற்பொழுது இந்த கோயில் அறநிலைய துறை கட்டுப்பாட்டில் உள்ளது... மன்னர் மருதுபாண்டியர் கூறும் அவர்களது பங்காளிகளும் வருடாவருடம் நரிக்குடி முக்குளத்தில் இருந்து வண்டிகட்டி திருப்பத்தூர் வழியாக தங்கள் குலதெய்வ கோவிலுக்கு சென்று வருவது வழக்கம்...

வாணியங்குடி மருதப்ப அய்யனார் கோவில் வரலாறு:

இந்த மருதப்ப ஐயனார் திருக்கோவில் சிவகங்கை மானாமதுரை ன பாதையில் வாணியங்குடி என்னும் ஊரில் உள்ளது..

வரலாறு: மன்னர் மருதுபாண்டியர்கள் இருவரும் வேலுநாச்சியாருடன் நாட்டை விட்டு வெளியேறி மறைந்து வாழ்ந்த காலம் அது... அப்போது புதுபட்டியில் பிறந்து நரிக்குடி மொக்கபழனியப்பன் சேர்வைக்கு வாக்கப்பட்டவளும் மருதுபாண்டியரின் தாயாருமான பொன்னாத்தாள் தன் மகன்களின் நிலை குறித்து மிகவும் வேதனை அடைந்து கொண்டிருந்தார். தன் குலதெய்வத்திடம் என் மக்கள் இருவரும் எங்கு இருந்தாலும் நீயே காவலாக இருக்க வேண்டும் என்று வேண்டி கொண்டு தூங்குவதற்கு சென்றார். அந்த பத்தினியின் ஆழ்ந்த தூக்கத்தில் கனவு ஒன்று காண்கிறாள். அதில் ஒரு 2 வயது மதிக்கத்தக்க சிறு குழந்தை சிரித்து கொண்டு நிற்கிறது.அதை பார்த்ததும் அவள் அந்த குழந்தையை ஆறத்தழுவி தூக்கி முத்தமிட்டு யாரப்பா நீ உன் அம்மா அப்பா எங்கே கேட்கிறாள். அந்த குழந்தை சிரித்த படி மழை சொல்லில் ஏதோ பேசுகிறது அது அந்த தாய்க்கு புரியவில்லை.பிறகு அக்குழந்தையை தூக்கிகொண்டு உன் வீடு எங்கு இருக்கிறது என்று சொல்கிறாரா என்று கேட்கவும் அக் குழந்தை தலை அசைத்து ஒரு திசையை காட்டினான். சிறிது தூரம் செல்லவும் குழந்தை இடுப்பை விட்டு இறங்கி ஓடி வர போய் ஒரு மருதமரத்தின் அடியில் நின்றது. அந்தக் இடம் வெறும் காராம்பத்திய காடாக இருந்தது. தூரத்தில் வீட்டின் விளக்கு வெளிச்சம் தெரிகிறது. அக்குழந்தை போயி நின்ற அந்த மருத மரத்தின் அடியில் மண்ணால் செய்யபட்ட மூன்று சிலைகள் தெரிகிறது. சிறிது நேரத்தில் குழந்தை மறைந்து ஜோதி வடிவாக அந்த இடம் தெரிகிறது கண் கூசுவதால் அந்த தாய் கண்ணை மூடி விட திறக்கிறாள் திறந்து பார்த்தால் அந்த இடத்தில் சாஸ்தா பூர்ணபுஷ்கலை சமேதமாக காட்சி தருகிறார் அந்த தாய்க்கு அத்தோடு அந்த தாய் தன் தூக்கத்தில் இருந்து எழுந்து விட்டாள்...காரணம் வீட்டின் வெளியில் யாரோ கதவை தட்டும் சத்தம் கேட்டது. தூக்கத்தில் இருந்து விழித்த தாய் கதவை துறந்து பார்த்தால் தன் மூத்த மகனான பெரியமருது வந்திருக்கிறார். தன் மகனை கண்ட தாய் மகனை கட்டித்தழுவி நீ மட்டும் வந்திருக்கிறாய் சின்னவன் எங்கே ஏதும் அசம்பாவிதம் எற்பட்டுள்ளதா இந்த அகால நேரத்தில் வந்திருக்கிறாய் என்று கேட்கிறார்..பெரிய மருது நாங்கள் இருவருமே நன்றாக தான் இருக்கிறோம் என்று கூறிவிட்டு சாப்பிட வந்துள்ளேன் அம்மா சாப்பிட்டு விட்டு நான் விடிவதற்குள் நாட்டை விட்டு வெளியேற வேண்டும் என்று கூறுகிறார்... அந்த தாய் தன் மகனுக்கு சாப்பாடு போட்டு கொண்டே தன் கண்ட கனவை பெரியமருதுவிடம் கூற ஆரம்பிக்கிறார்...

பெரிய மருது நீ வருவதற்கு முன் நான் ஒரு கனவு கண்டேன் அதில் நம் குலதெய்வமான சாஸ்தாவும் பூர்ணபுஷ்கலையும் காட்சி அளித்தார்கள் என்று கூறுகிறார். பெரியமருதுவிற்கு பெரிய ஆச்சரியம் தன் தாயிடம் தாயே கேட்கவே பெரிய ஆச்சரியமாக உள்ளது நீங்கள் முழுவதும் கண்ட கணவை கூறி முடியுங்கள் என்று கூறுகிறார்.. அந்த தாயும் ஆரம்பம் முதல் இறுதிவரை வந்த கனவை கூறி முடிக்கிறார்...

பிறகு பெரிய மருது தாயே நாளை நீங்கள் என்னுடன் ஒரு இடத்திற்கு வரவேண்டும்‌ என்று கூறி விட்டு சிறிது நேரம் உறங்கிவிட்டு செல்லலாம் என்று கூறினார்.. அதிகாலையில் தன் தாயை புரவியில் ஏற்றி கொண்டு ஒரு இடத்திற்கு கூட்டி சென்றார். தன் தாயிடம் தாயே நீங்கள் கண்ட கனவில் பார்த்த இடம் இதுவா என்று கேட்கிறார்... வியந்து போன அந்த தாய் ஆம் சத்தியமாக நான் கனவில்கண்டது இந்த இடம் தான் என்கிறார்...

பெரியமருதுவும் விவரங்களை கூற ஆரம்பிக்கிறார்.

தாயே நான் நேற்று சிவகங்கையில் இருந்து வந்து கொண்டிருக்கும் போது ஒரு 10 வயதுள்ள ஒரு பெண் குழந்தை அழுது கொண்டு இங்கு நின்றுகொண்டிருந்தது. நான் அக் குழந்தையை கண்டதும் அக்குழந்தையிடம் யாரும்மா நீ இந்த இரவு நேரத்தில் இங்கு எதற்காக நின்று அழுது கொண்டிருக்கிறாய் என்று கேட்டேன். அந்த பெண்குழந்தை சைகையால் ஏதோ பேசியது . சிறிது நேரத்தில் அந்த வீட்டின் பக்கத்தில் இருந்து ஒரு பெரியவர் கையில் குச்சியோடு வந்தார் அதை பார்த்த அந்த குழந்தை என் பின்னால் ஒழிந்து கொண்டது. பிறகு நான் யார் என்ன என்று விசாரித்த போது அந்த பெரியவர் ஐயா இந்த பெண்ணுக்கு அப்பா அம்மா கிடையாது பிறவியில் ஊமை . அதனால் நான் தான் இவளை வளர்த்து வருகிறேன். இன்று ஒரு சின்ன கோபத்தால் அடித்து விட்டேன் என்றுமே அடித்தது இல்லை இன்று அடிக்கவும் கோவித்து கொண்டு இங்கு வந்து நிற்கிறாள் என்றார்..

நான் ஏன் என்ன காரணம் என்று கேட்டே போது அவர் ஐயா நான் அருகில் உள்ள வாணியங்குடிய ஊரைச் சேர்ந்த ஒரு வேளார் இனத்தை சேர்ந்தவன். மண்பாண்டம் மண் பொம்மைகள் செய்து விற்று சாப்பிடுகிறேன். இந்த பொண்ணை நான் தான் உயிராக வளரத்து வருகிறேன் நேற்று திடீரென எங்கோ அய்யனார் சிலையை பார்த்துவிட்டு அதே போல் எனக்கு வாங்கி கொடு என்று கூறினாள். சரி அடம்பிடிப்பதனால் வேறு வழியில்லாமல் அய்யனாரும் பூர்ணபுஷ்கலை சிலையும் செய்து கொடுத்தேன். அதை இந்த மரத்தின் அடியில் எடுத்து வந்து வைத்து அதை சாமி கும்பிட்டு விளையாடி கொண்டிருந்தாள் ஏதோ சிறுவர் எல்லாம் சேர்ந்து விளையாடிதில் யாரோ அந்த சிலையை உடைத்து விட்டார்கள்.அதிலிருந்து சாப்பிடாமல் அழுது கொண்டே இருக்கிறாள் அதான் கோவப்பட்டு அடித்துவிட்டேன் அதனால் இங்கு வந்து நிற்கிறாள் என்றார் அந்த பூரணி என்னும் குழந்தையின் தந்தை...உடனே நான் என் கையில் இருந்த காப்பை கழற்றி அந்த பூரணி யின் கையில் குடுக்கவும் சிரித்துகொண்டே இறங்கிவிட்டு உடைந்த சிலையை என்னிடம் காட்டியது . நான் அந்த குழந்தை பூரணியிடம் மகளே இதே போன்று அய்யனார் சிலையை யாரும் உடைக்க முடியாத அளவிற்கு உனக்கு செய்து தருகிறேன் என்று சொல்லிவிட்டு சமாதானப்படுத்தி வீட்டிற்கு வருவதற்கு அகால நேரம் ஆகி விட்டது தாயே என்று நடந்ததை கூறினார் பெரிய மருது..

அதை கேட்ட தாய் திகைத்து போயி நின்றார். பிறகு வீட்டிற்கு வந்ததும் பெரிய மருது யாருக்கும் கிடைக்காத பாக்கியம் உன் தாய் எனக்கு கிடைத்துள்ளது. நம் குலதெய்வத்தையே நான் கண்டுவிட்டேன். இனி எல்லாமே நன்றாகவே நடக்கும் உங்கள் இருவருக்கும் எந்த தீங்கும் நேராது என்று கூறி ஆனந்தமாக தன் மகனுக்கு திருநீரை பூசினார். நான் கண்ட கனவும் நேற்று உனக்கு நடந்த சம்பவமும் ஒரே மாதிரி இருக்கிறது. நம் குலதெய்வம் சாஸ்தா நம்மை அந்த இடத்தில் கோவில் கட்ட கூறுகிறார் . நாம் நரிக்குடியில் நம் பங்காளிகளுடன் மாட்டு வண்டி கட்டி நம் குலக்கோவிலான கண்ணங்காரைக்குடி செல்வது வழக்கம்.ஆனால் 6 வருடமாக நாம் போகவில்லை. நரிக்குடியில் இருந்து அழைப்பு வந்தும் நாம் செல்லவில்லை. எனவே நம் குல தெய்வம் நமக்கு இட்ட கட்டளை இது .நம் குல தெய்வத்திற்கு நீ அந்த குழந்தைக்கு சொன்னது போல் அங்கு நம் குலதெய்வத்தை செய்து வைத்து கோவில் கட்டி விடு என்றார். தன் தாயின் ஆசையையும் குலதெய்வத்தின் கட்டளையும் நிறைவேற்றுகிறேன் என்று தாயிடம் கூறி விடைபெற்றார்....

பின் சிவகங்கையின் முறையான மன்னரான பின் மருதுபாண்டியர்கள் முதல் காரியமாக தன் தாயின் ஆசையும் தன் குலதெய்வமான சாஸ்தாவின் ஆணையையும் நிறைவேற்றும் விதமாக அந்த மருதமரத்தின் அடியில் சிலை எழுப்பி ஒரு கோயிலையும் கட்டி குடமுழுக்கு செய்தனர்.வேளார் குருக்களால் அய்யனார் என நாமமிட்டு தம்பதி சமேதராய் அய்யனார் பூர்ணபுஷ்கலை மற்றும் காவல் தெய்வம் கருப்பன்னசாமி போன்ற தெய்வங்களையும் பிரதிஷ்டை செய்தார்..

பிறகு அந்த வேளார் குல பொண் பூரணி அக்கோவிலை தினமும் சுத்தம் செய்து சிலைகளுக்கு பூஜை செய்து வணங்கி வந்தால் . அந்த சாஸ்தாவின் அருளால் அந்த ஊமை பெண் பேசினார்... அந்த பெண் வாய் திறந்து முதலில் கூறிய வார்த்தை மருதப்பசாமி என்று..மன்னரும் ஊர் மக்களும் அந்த பொண்ணின் வாக்கை தெய்வ வாக்காக ஏற்று மருதப்ப அய்யனார் என்றே நாமமிட்டு வணங்கி வந்தனர். தன் தாயின் கனவை நிறைவேற்றிய மன்னர் தன் தாயின் பெயரில் ஒரு குளம் வெட்டினார் அக்கோவிலுக்கு .மேலும் சூடூர் என்ற கிராமத்தை தானமாக அக்கோவிலுக்கு வழங்கினார்...

அக்கோவிலின் பூசாரியாக அந்த வேளார் குல பெண்ணின் தலைமுறைகளே இருந்துவருகிறார்கள்.இதுவே வாணியங்குடி சாஸ்தா வான மருதப்ப அய்யனார் கோவில் வரலாறு.....

இன்று அக்கோவில் மருதுபாண்டியர்களின் சில வாரிசுகளும் .செல்வந்தர்களான நாட்டுசெட்டிகளும், யாதவர்களும், நம்இனத்தவர்கள் சிலரும், வேளார் குல மக்களும் வணங்கி வருகின்றனர்.

நரிக்குடி, முக்குளம்,திருப்பத்தூர், பனிகரனேந்தல்'அரசனேந்தல்,சூடியூர் வாரிசுகள் ஆதி குலக்கோயிலான கண்ணங்காரைகுடியில் உள்ள அய்யனார் கோவிலையும்,

சீனிகரனேந்தல் கொம்புகரனேந்தல் சிவகங்கை அதனை சுற்றியுள்ள வாரிசுதாரர்கள் தன் தாயாரின் ஆணையால் மருதுபாண்டியர்கள் தன் குலதெய்வத்திற்காக கட்டிய வாணியங்குடி கோவிலை குலக்கோவிலாகவும்.வணங்கி வருகிறார்கள்.....🙏🙏🙏🙏

Sri Maha sasthru anugraha kavacham(The great armour of blessing of Sastha)Translated by PudhucodeP.R.Ramachander(Sastha ...
28/09/2026

Sri Maha sasthru anugraha kavacham
(The great armour of blessing of Sastha)
Translated by Pudhucode
P.R.Ramachander
(Sastha is the ekanta form of Lord Vishnu and Lord Shiva. This armour deals with that divine God)
Sri Devyuvacha:-
The Goddess said:-
1.Bhagwan deva devesa sarvagna tripuranthaka,
Prapthe Kali yuge ghore Maha Bhoothai samavruthe.
Oh God, oh god of gods , Oh all knowing one , Oh destroyer of three cities,
With the coming of the horrible Kali yuga , great ghosts have enveloped earth.
2,Maha vyadhi Maha vyala ghora raja samavruthe ,
Duswapna shoka santhapai durvineethai samavruthe.
Great diseases, greatly vicious and horrible kings have also come,
Bad dreams , sorrow , worry , bad laws have come and filled up.
3.Swa dharma virathe marge pravruthe hrudhi sarvadhaa,
Theshaam sidhincha, mukthincha thwam may broohi vrushadwaja.
My mind is always working to stop deterioration of our Dharma,
And Oh God who has bull in his flag , tell me how it can be achieved and the world freed.
Ishwara uvacha:-
Lord Shiva said:-
4.Srunu devi Maha bage sarva kalyani karane,
Mashasasthruscha devesi kavacham punya vardhanam.
Oh Goddess who is great who is reason for all auspiciousness,
Please hear the armour of Maha Sastha which increases auspiciousness.
5.Agnisthamba , jalasthambancha , sena stambamcha vidhayakam,
Maha Bhootha prasamanam, Maha Vyadhi nivaranam.
It can be used to freeze fire , water and army ,
It destroys great bhoothas and cures great diseases.
6.Maha Jnana pradham punyam, viseshath kali thapaham,
SArva rakshothamam ayur arogya vardhanam.
It leads to great wisdom , it’s auspicious specially reduces problems of Kali age,
It also provides great protection and increases life and betters health.
7.KImatho bahunokthena yam yam kaamayathe dwija,
Tham tham aapnothi sandeho Maha Sastru prasadanath.
Because of this wishes of Brahmins would endlessly ,
Be fulfilled , without any doubt , due to grace of Sastha.
8.Kavachasya rishir Brahma , Gayathri chanda uchyathe,
Devatha Maha Satha , devo Hariharathmaja
For this armour the sage is Brahma, the meter is Gayathri,
The God is Maha Sastha and god addressed is son of Vishnu and Shiva.
9.Shadanga machare bhakthya mathraya jathi yukthaya,
Dhyanam asya pravakshyami srunshwavahitha priye.
With six type of rituals and devotion along with simple manner ,
I would tell you how to meditate on him, darling of him who carries the river.
Asya Sri Maha sastru kavachamanthrasya, brahma rishi, Gayathri chanda, Maha Sastha devathaa,
Hraam beejam, Hreem Shakthi, hroom keelakam, Sri Maha sathru prasada sidhyarthe jape viniyoga.
For the armour of Maha Sastha the sage is Brahma, the meter is Gayathri, the god is Maha Sastha ,
The root is Hraam, the power is Hreem, the nail is hroom and this is being chanted to get the blessings of Maha Sastha.
Dhyaanam
Meditation
10.Thejo mandala madhyagam .trinanayanam, divyambaralangrutham,
Devam pushpa sareshu karmakala sanmanikhya pithra abhayam,
Bibraanam kara pankajai madha gaja skandadhiroodam vibhum,
Sastharam saranam vrujami sathatham trilokya sammohanam.
I surrender to the God Sastha , who attracts all the three worlds,
Who is in the middle of a glowing light , who has three eyes, who wears holy cloths,
Who is the God with flower arrows and drinking goblet in his lotus like hands,
Who is the lord riding on the shoulders of elephants with masth.
Lam ithyadhi Panchopachara Pooja
Worship with five type of hospitalities starting with Lam.
11.Mahasashtha Sira pathu, phalam hariharathmaja,
Kamaroopi drusam pathu, sarvajna may sruthi sadaa
Let the great Sastha protect my head , Let the son of Vishnu and Shiva protect my forehead,
Let the god with a lovely form protect my eyes, let the all knowing one protect my ears.
12.Granam pathu krupadhayksho, mukham gowripriya sadaa,
Vedaadyayi cha may jihwaam, pathu may chibukam guru
Let the one presiding over mercy protect my nose,
Let my mouth be protected by the darling son of Gowri,
Let the one who has learned Vedas protect my toungue,
And let the teacher protect my chin.
13.Kandam pathu vishudhathma, skandhou pathu surarchitha,
Bahu pathu Viroopaksha, karou thu kamala Priya.
Let my neck be protected by the pure soul,
Let my shoulders be protected by the one who is worshipped by devas,
Let my hands be protected by the one with various occupations ,
Let my arms be protected by one who is liked by Goddess Lakshmi.
14.Bhoothadhipo may Hrudayam, Madhyam pathu mahabala,
Nabhim pathu mahaveera, kamalaksho avathatnkatim.
Let the lord of Bhoothas protect my heart,
Let my middle be protected by one who is very strong,
Let my navel be protected by the greatly valorous one,
Let my waist be protected by the one who has lotus like eyes.
15.Saneepam pathu visweso, guhyam guhyarthvith sadaa,
OOru pathu gajaroodo, vajra dhari cha januni.
Let the God of the universe protect my reproductive organs,
Let the one who has secret meanings protect my private parts,
Let my thighs be protected by the one who rides the elephant,
Let my shanks be protected by one who holds Vajraydha.
16.Jange pasangusadhara, padhou pathu Mahamathi,
SArvangam pathu may nithyam Maha Mayaavisaradha.
Let my thogh be protected by one who holds the rope and the goad,
Let my feet be protected by the very intelligent one,
Let all my organs be daily protected by the expert in great illusion.
17.Itheedham kavacham punyam sarvaghogha nikrunthanam,
Maha Vyadhi prasamanam, Maha pathaka nasanam.
This is the auspicious armour which destroys all ills,
And which cures all great diseases and destroys all great crimes.
18.Jnana vairagyadham divya manimadhi vibhoosh*tham,
Aayur arogya jananam, maha vasya karam param.
This promotes wisdom and renunciation and would ornament us with divine gems,
This promotes health and life span and also greatly attracts others.
19.Yam yam kaamayathe kamam, tham tham aapnothya asamsaya,
Trisandhyam ya padeth vidhwan, sa yaathi paramam gathim.
Whatever one wishes to have, without doubt this would give it to him,
And if this is read at dawn, noon and dusk , he would attain the divine place.
Ithi Guhya rathna chinthamanou Sri Maha sathranugraha kavacham samaptham
Thus ends the great armour of blessing of Shastha , which occurs in Guhya rathna Chinthamani.

🙏🌹🙏🌹🙏🌹🙏*ஸர்வ மங்கள தாயகரே ஸரணம் ஐயப்பா!*......*"எந்தரோ மஹானுபாவுலு அந்தர்கிமன வந்தனமுலு....."*ஸற்குரு பாதார விந்தமே* *ஸர...
26/09/2026

🙏🌹🙏🌹🙏🌹🙏

*ஸர்வ மங்கள தாயகரே ஸரணம் ஐயப்பா!*
......*"எந்தரோ மஹானுபாவுலு அந்தர்கி
மன வந்தனமுலு....."

*ஸற்குரு பாதார விந்தமே* *ஸரணம்*
*ஐயப்பா*

மஹான்களாகிய பழம்பெரும் குருஸ்வாமிகளின் அனுபவங்களை பார்த்தால்,
*"சரணாகதி"*− ஒன்று மட்டுமே அவர்கள் ப்ரதானமாக கொண்டு விரத காலம் மட்டும்தான் என்று இல்லாமல் தம் வாழ்நாள் முழுவதும் எவ்வளவு பக்தி ஸ்ரத்தையுடன் இருந்தனர் என்பது நமக்கு புரியும்.

*ஶ்ரீ.ஶ்ரீ.நீலகண்ட ஐயர்.*
திருவனந்தபுரம்.
*காயத்ரி உபாசகர்.*
சபரிமலையின் ஆதாரப்பூர்வ "என்ஸைக்ளோபீடியா" என்றால் அது இவரே.

காஞ்சி ஶ்ரீ.மஹா பெரியவரே சபரிமலை என்றால் இவர்தான் அதாரிட்டி என்றிருக்கிறார்.அப்படி ஒரு அனுபவம் இவருக்கு உண்டு.
சபரிமலை−பம்பை நதிக்கரையில் வலியானவட்டம் *மெட்ராஸ்* *விரி"*.இது இவரது விரி.

இங்கே பெரிய பாதை வழி வரும் பக்தருக்கு.....

.....*வயிற்றை நிரப்புங்கோ*.......

இது ஒன்றே இவருக்கு தாரகமந்த்ரம்.

இவரது உயிர்மூச்சு *அன்னதானம்*
இந்த மஹானின் அற்புத பக்தியை பார்ப்போம்.

பம்பா தீரம் வலியான வட்டம் "மெட்ராஸ் விரி".
மகரவிளக்கு காலம்.

மெட்ராஸ் விரி − அதற்கு அப்படி என்ன சிறப்பு??

கடந்த 30−வருடங்களுக்கு பிறகு சபரிமலை யாத்திரை செய்வோர் இதன் சிறப்பு பற்றி தெரிந்திருக்க வாய்ப்பில்லை.

மெட்ராஸ் விரி ஒரு பார்வை.......
👇👇👇👇👇👇
பெரியானை
வட்டத்திலேயேகடும் குளிரானாலும் காலை 4.00மணிக்கு மிக சுறு சுறுப்பாகிடும் ஒரே விரி.

அதிகாலை ஸ்நானம் முடித்து பூஜை, ஹோமம் ஆரம்பம் ஒருபுறம்.

சூடான காஃபி ரெடியாவது ஒரு புறம்.

காலை டிபன் தயாரிப்பது ஒரு புறம்.

மதியம் "பம்பா சக்தி" க்கு காய்கறி வெட்டும் வேலை ஒரு புறம்.

காலை டிபன் பரிமாற ஆயத்தமாவது ஒருபுறம்.

மெட்ராஸ் விரி−ல் பெரியவருடன் வந்துள்ள பக்தர்கள் எங்கு திரும்பினாலும் பக்த சேவைக்கு தங்களை ஈடுபடுத்திக் கொண்டு செய்யும் பக்தசேவையை காண கண் கோடி வேண்டும்.

அதிகாலை 4மணிக்கு மிக பரபரப்புடன் சேவை தொடங்கும்.

சமத்துவ தர்ம ப்ரியனே ஸரணம் ஐயப்பா.

ஆம்.தனது அந்தஸ்து என்ன? நாட்டினுள்ளே பெரிய பதவி வகிக்கும் ஆடிட்டர், இன்ஜீனியர்,மெட்ராஸ்,
டெல்லி செக்கரட்டேரியேட்டில் பணி செய்யும் உயர் அதிகாரிகள்,செல்வந்தர்கள்,தொழில் அதிபர்கள் இப்படி அனைவரும் பக்தசேவையில் இருப்பதை காணலாம். இங்கே பெரியவரே பக்த தாஸராக இருக்கும் மற்றவர்களுக்கு வேலை வேறு என்னவாக இருக்கமுடியும்?

இத்தனையும் ஒரே ஒருவரின் கட்டுப்பாட்டில் ஆம்.
குருஸ்வாமி பெரியவர் மேற்பாா்வையில் நடக்கும் அற்புதமான காட்சி.

அன்னதான ப்ரபுவே ஸரணம் ஐயப்பா!

எந்த நேரமும் அறுசுவை உணவு வரும் பக்தர்களுக்கு விநியோகம்
இல்லை .

👇🏽👇🏽👇🏽👇🏽👇🏽 உட்காரவைத்து, வாழை இலை இட்டு ஆர்வத்துடன் உணவு பரிமாறப்படும்
அது மட்டுமே *பம்பா சக்தி* எனப்படும்.

இன்றைய நாளில் அவசரத்தில் வரும் பக்தருக்கு அவசரகதியில் நாம் பாதையில் உணவு விநியோகிக்கிறோம்.தவறு.
மறுக்கவே முடியாது.வேறு வழி இல்லை.

👇🏽👇🏽👇🏽👇🏽👇🏽 இதனால் பாதைகளில் ஏற்படும் சுகாதாரக் கேடு கொஞ்சமல்ல!

இருப்பினும்,

ஒரு நிமிடத்தில் எத்தனை நபர்களுக்கு நாம் உணவு அளிக்கிறோம் என்று பார்க்க வேண்டும்.?

👇🏽👇🏽👇🏽👇🏽👇🏽
இன்றைய பெருகி வரும் பக்தர் கூட்டத்தில் உட்காரவைத்து பண்ணுவது சாத்யம் குறைவு.
இன்று விரி வாடகை எவ்வளவு?

எத்தனை பேருக்கு இப்படி பண்ண சாத்யப்படும்?.

சரி.இனி நாம் பெரியவர் பக்தியை பார்ப்போம்.

*ஸரணாகத வத்ஸலனே ஸரணம் ஐயப்பா!*

மெட்ராஸ் விரி

ஒரு நாள் காலை நேரம் ஸ்வாமிக்கு ஸகஸ்ர நாமம் பண்ண வேண்டி திருச்சூர் வாசு ஐயப்பன் அர்ச்சனை ஆரம்பிக்கிறார்.
சில நிமிடம் கழிந்த பின்னே வாசு அருகே வந்த பெரியவர் வாசுஅர்ச்சனை பண்ணாது வேறு சிந்தனையில் இருப்பதை பார்த்து...
ஏய்.... வாசு அர்ச்சனை பண்ணாமல் வேறு என்ன சிந்தனையில் இருக்கிறாய்?
என்று சத்தமாக கேட்கிறார்.

பதறிய வாசு குருநாதா...
வேறு ஒன்றும் இல்லை.

விரத காலத்தில் நாட்டில் ஆத்துலே தினமும் நித்ய பூஜைக்கு ஏகதேஷ்டம் புஷ்பம் கிடைப்பது உண்டு.

ஆனால், இங்கோ ஐயனுக்கு வெறும் அச்சதை மட்டும் தானே உள்ளது என்று நினைத்தேன்.
வேறுஒன்று
இல்லை குருநாதா...
என்றார் அந்த வாசு.

பெரியவர் பதிலளித்தார்...

அதை ஏன்டா என்னிடம் கூறுகிறாய் ?

அவனிடம்/ஐயனிடம் சொல்லு
கிடைக்கும்.
கேட்பது கிடைக்கும்.
இது வலியானை வட்டம்.
இது ஒரு ஸத்ய பூமி.
ஐயனிடம் கேட்க வேண்டும். அதுவும்
அவனிடம் ஆத்மார்த்தமாக கேட்க வேண்டும் என்றார். கேட்டால் கிடைக்கும்.

பின்பு பெரியவர் அங்கிருந்து வேறு வேலையை பார்க்க சென்றார்.

பிறகு பெரியவர் கூறியதை கேட்ட வாசு அர்ச்சனயை தொடர்ந்தார்.
👉🏿.....நினைவில் கொள்ளவும் இது நடப்பது
"பெரியானை வட்டம்".ஆம்.
இங்கிருந்து இரண்டு மைல் தொலைவில் பம்பையில் என்ன நடக்கிறது
👇🏽👇🏽👇🏽👇🏽

co incidents is going on..
அது என்ன?

அதற்கு நாம் பம்பை போகவேண்டுமே!
......Over to Pamba.....

அற்புதம்.சபரிமலை செல்லும் பக்தர்கள் ஒவ்வொருவரும் வலியானைவட்டம் சென்று ஒரு நாளாவது தங்க வேண்டும்.
....பக்தர்களின் சிந்தனைக்கு ஒரு சில தகவல்.....

மஹான்களாக வாழ்ந்த பழம்பெரும் குருஸ்வாமிகள் தங்கி பூஜித்த, சேவை செய்த புண்ணிய புனித ஷேத்ரமான வலியானை வட்டத்தில் தங்கி அவர்களை நினைக்க வேண்டும்.
அதன் பின்புதான் ஐயனை காண செல்லவேண்டும்.

பழம்பெரும்
குருஸ்வாமிகளின் சன்னிதானம் வலியானை வட்டம் ஆகும்.

பம்பையில் ஆதாவது இன்று பெட்ரோல் பம்ப் எதிரில் கீழே உள்ள பாலம் அருகில் (அன்று அது மரப்பாலம்) அங்கே ஒரு சம்பவம் நடக்கிறது.

கோயம்புத்தூரிலிருந்து ஒரு குரூப் சன்னிதானத்தில் புஷ்பாஞ்சலி பண்ண தேவையான புஷ்பத்துடன் வேனில் வந்து புஷ்பத்தை தலைச்சுமடாக கூடை கூடையாக மேலே அனுப்பிக்கொண்டிருக்கிறார்கள்.
ஆனால், அவர்கள் ஊரில் புறப்பட்ட நேரத்திலிருந்து ஒருவர் அவர்களை விரட்டி பின் தொடர்கிறாா் ஒரு அமங்களமான செய்தியுடன். தகவல் தொடர்பு வசதி இல்லாத காலம். ஆள் நேரடியாக வருகிறார். ஆனால் அவர்களை சந்தித்து விபரம் கூறியபோது அநேக பூஷ்பம் மேலே அனுப்பியாயிற்று.இப்போது மேலே சென்றவர்கள் இருந்து புஷ்பாஞ்சலி முடித்து வரலாம். பம்பையிலேயே இருப்போர் உடனே ஊர் திரும்பலாம். மீதி இருக்கும் நான்கு கூடை புஷ்பம் எடுக்க சுமடு வரும்வரை எப்படி காத்து இருப்பது?
அவர்களுக்கு ஒரே குழப்பம். பம்பை கணபதி அம்பலத்தில் தரலாமா என்றால் அவர்கள் தங்களிடம்
புஷ்பம் இருப்பதாக பதில்.பம்பா நதியில் கொட்டலாமா? என்றால் அதற்கும் மனமில்லை.
இப்போது இதை வேடிக்கை பார்த்த ஒரு பனிக்கர் பிரச்சனை என்ன? என்று கேட்டார். பிறகு ஓர் உபாயம் கூறினார்.இவ்வளவு பெரிய நான்கு கூடை புஷ்பத்தை பயன் படுத்த ஒரே இடம் வலியானை வட்டம் *மெட்ராஸ் விரி* மட்டுமே.அவர்களுக்கு மட்டும் தான் இவ்வளவு புஷ்பம் தேவைப்படும் என்றார்.அனைவருக்கும் மகிழ்ச்சி உடனே இரண்டு சுமடுக்காரனிடம் நான்கு பெரிய கூடையும் அனுப்பப்பட்டது.

இப்போது வலியானைவட்டம் போகலாமா?

Now over to Valiyana vattom....

இரண்டு சுமடுகாரன் நான்கு கூடைகளுடன் மெட்ராஸ் விரிக்குள் வந்தான்.பெரியவரிடம் சென்றான். அவர்தான் மஹான் ஆயிற்றே.எந்த நேரத்தில் எந்த,நபருக்கு பாடம் வேண்டும் என்பதை சரியாக கணித்து வைத்திருப்பாரே!

அதோ பார்! இருமுடி கட்டுக்கு அர்ச்சனை செய்கிறானே அவனிடம் சென்று கொடு என்றார்.சுமடு இருவரும் அர்ச்சனையிலிருந்த வாசு ஐயப்பன் முன்பாக நான்கு கூடை புஸ்பங்களை வைத்தனர்.
உட்கார்ந்து இருந்த வாசுவைவிடவும் உயரமான நான்கு கூடை நிறைய புஷ்பம்.

எப்படி?

அதிர்ந்தார் வாசு...!

சற்று முன்பு கேட்ட புஷ்பம் தற்போது நான்கு பெரிய கூடைகளில்..!! அதுவும் ஸகஸ்ரநாமம் முடிவதற்குள்ளாகவே!!!

எப்படி சாத்யம்?
இது என்ன விந்தை!!!!

வாசு
கையிலிருந்த அட்சதையுடன் தாம்பாளத்தை கீழே போட்டார்..
ஓடினார்...
குருநாதா!
குருநாதா!
பெரியவரை ஸாஷ்ட்டாங்கமாக நமஸ்கரித்தார்.

கண்களில்
கண்ணீர் பெருகிட..
உள்ளம் உருகிட..
குருநாதா நான்,அா்ச்சனைக்கு மட்டும்தானே புஷ்பம் இல்லை என்றேன்.
ஆனால்,
தற்போது மூன்று நாள் பூஜை, ஹோமம் அனைத்து தேவைக்கும் புஷ்பம் வந்தாச்சு என்றார்.
பெரியவர் பதிலளித்தார்.

சத்ய கடவுள்

சத்ய பூமி

கேட்டது கிடைக்கும்.

உளமாற வேண்டி கேட்க வேணும்.

கொடுப்பான்.

ஐயன் கொடுப்பான்.

கேட்பது உனக்கா?

இல்லை எனக்கா?

இல்லையே!

அவனுக்குதானே?
கொடுப்பான்.

இதுவன்றோ பக்தி!
அசஞ்சலமான பக்தி!

குருநாதா ஸரணம்.

இதையே

ஶ்ரீ.முத்துஸ்வாமி தீட்ஷீதர் ஐயப்பனை *"கலியுக ப்ரத்யட்சம்"* என்று பாடுகிறார்.
https://youtu.be/V_zWquyLD4M?si=1K2o-vYtr2qlwBDV

கலியுக வரதனே ஸரணம் ஐயப்பா!.

"பொன்னா பொறம்பா (பிரமர்) பொய்சொல்லா மெய்யரே; எல்லோரும் நல்லாயிருக்கணும்; எங்கும் நிலா வரணும்" என்று எங்கள் தாயார் தன் வழ...
17/09/2026

"பொன்னா பொறம்பா (பிரமர்) பொய்சொல்லா மெய்யரே; எல்லோரும் நல்லாயிருக்கணும்; எங்கும் நிலா வரணும்" என்று எங்கள் தாயார் தன் வழிபாட்டில் கூறுவார்கள்!

பொன்னமராவதி அருகில் 8 கிமீ தூரத்தில் கொன்னையூரை அடுத்து இருக்கிற மூலங்குடி பூரணை புஷ்கலை உடனாய பொய்சொல்லா மெய்யர் ஐயனார் திருக்கோவில் மூலஙகுடியில் அமைந்துள்ளது.

25 ஊர்களைச் சேர்ந்த நகரத்தார்களின் குல தெய்வக்கோவில் மூலங்குடிக் கோவில் ஆகும். முழுவதும் கல் திருப்பணி. கோவில் சேமங்குதிரைகள் அழகும், கம்பீரமுமாக உள்ளம் கவர்பவை. கோவில் கோபுரங்கள், குதிரைகள் அனைத்தும் அற்புதமாக வர்ணம் வைக்கப்பட்டுள்ளன.

இங்கு ஐயனார், பத்திரகாளி, மூலிகை மலையான், பொய் சொல்லாப் பிள்ளைகள், பிரமர் கருப்பர் சன்னதிகள் முதன்மையானவை. காவல் தெய்வம் பொன்னன்! அனைத்துத் திருவுருக்களும் வெள்ளிக் கவசம் அழகுற உண்டு.

தலத்தின் தொன்மைக்கு மூலங்குடி என்ற பெயரே கட்டியம் கூறுகிறது. மேலும் இங்குள்ள மரங்களும் சான்று! பொன்னர் தனிக் கோவிலில் காஞ்சிரங்காய் மரம் அருகில் அருள்பாலிக்கிறார். சின்னக் கருப்பர் சற்று தூரத்தில் பழமையான வீரை மரம் நிழலில் உள்ளார். வேறொரு பெரிய மரம் உசிலை என்கிறார்கள்.

Address

Link Street
Chromepet
600044

Telephone

+919566292206

Website

Alerts

Be the first to know and let us send you an email when Kalyana Sastha Samajam posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Kalyana Sastha Samajam:

Shortcuts

Share

Category