Ariyankavu

02/10/2026

🪷🙏 இறைப்பணியிலும் மக்கள் பணியிலும் திளைத்த மகானை போற்றுவோம்! 🙏🪷

💐💐💐💐💐

🗞️ தினமலர் நாளிதழின் நிறுவனரும், மக்கள் தொண்டருமான அமரர் டி.வி.ராமசுப்பையர் அவர்களின் 118-வது பிறந்ததின நல்வாழ்த்துகளை (02 அக்டோபர், 1908) தினமலர் குடும்பத்திற்கு தெரிவிப்பதில் பெருமிதம் கொள்கிறோம்.

📢 ஏழை எளியோரின் ஏகக் குரல் எங்கள் தினமலர்...

கடந்த 75 ஆண்டுகளுக்கும் மேலாக "மக்கள் நலனே மகேசன் சேவை" என வாழ்ந்து, சமூகத்தின் அனைத்துத் தரப்பு மக்களின் குறைகளையும் களத்தில் நின்று கேட்டு, அவற்றுக்குத் தீர்வு காணும் தர்மக் குரலாக ஒலித்து வருகிறது.

"வெகுஜன இதழியல் புரட்சி"க்கு வித்திட்டவர் அமரர் டிவிஆர் அவர்கள். 1951-லேயே இதற்கான புண்ணிய அடித்தளமிட்ட பழுத்த தேசாபிமானி அவர்.

👩‍🔧 சமூக தர்மமும் வரலாற்றுச் சாதனையும் ஒருங்கே கொண்டது எங்கள் தினமலர்...

தொழிற்சங்கங்கள் இல்லாத அக்காலகட்டத்தில், ஏழை விவசாயிகள், நெசவாளர்கள் மற்றும் உழைக்கும் வர்க்கத்தின் நியாயமான கோரிக்கைகளை அரசுக்கு எடுத்துரைத்துத் தீர்வு கண்டவர். குமரி மாவட்டம் தமிழ்நாட்டுடன் இணையக் காரணகர்த்தாவாகத் திகழ்ந்த வரலாற்று நாயகர்.

🪷 எங்கள் சௌராஷ்டிரா சமூகமும் தினமலரும்...

ஆன்மிகத் தளத்தில், ஆரியன்காவு ஸ்ரீ தர்மசாஸ்தா திருக்கோவிலுக்கும் சௌராஷ்டிரா சமூகத்திற்குமான "சம்பந்தி முறை" உற்ஸவங்களின் புராண வரலாற்று உண்மைகளை வெளிச்சத்திற்குக் கொண்டுவந்து, நம் ஆன்மிக அடையாளத்தை நிலைநாட்டிய பெருமை தினமலரையே சாரும்.

ஆரியன்காவு ஷேத்திரத்தில் நம் மக்களின் ஆன்மிக உரிமைகளும், பக்திப் பாரம்பரியமும் என்றும் நிலைத்திருக்கும் வகையில், கடந்த 31 ஆண்டுகளாக இந்நிகழ்வுகளைச் செய்திகளாகவும் ஒளிப்படங்களாகவும் வெளியிட்டு போற்றிப் பாதுகாத்து வருகிறது தினமலர்.

இன்று அனைத்து மத ஆன்மீக அன்பர்களுக்கும் ஒரு தூண் போல் விளங்குவது தினமலர் நாளிதழ்.

📰 தினமலரின் தொழில் பக்தியும் தேச பக்தியும்...

நாளிதழ் நடத்துவது என்பது ஒரு மாபெரும் ஆன்மிகச் சாதனை போன்றது. டிவிஆர் அவர்களிடம் இயல்பாகவே அமைந்திருந்த தேசபக்தியும், செய்யும் தொழிலையே தெய்வமாகக் கருதிய அர்ப்பணிப்பு உணர்வுமே இன்றைக்கு தினமலர் விருட்சமாக வளர்ந்து நிற்கிறது.

சமரசமற்ற தேசியவாதியாகத் திகழ்ந்த அந்த மாமனிதரை நினைவுகூர்ந்து வாழ்த்துவது நமக்குக் கிடைத்த பெரும் பேறாகும்.

ஸ்வாமியே சரணம் ஐயப்பா 🙏

~ நிர்வாகஸ்தர்கள்
ஆரியன்காவு தேவஸ்தான சௌராஷ்டிரா மகாஜன சங்கம், மதுரை.

15/09/2026

🌿🪷கணபதி ஆராதனை...🪷🌿

இன்று (15-09-2026) செவ்வாய்க்கிழமை மாலையில் ஆரியன்காவு கோவில் சன்னதி முன்பாக, நதிக்கரையில் உள்ள கணபதிக்கு கோலாகலமாக நடைபெற்ற ஆராதனை. 🙏

03/09/2026

🙏🪷ஆரியன்காவில் இன்று கிருஷ்ண ஜெயந்தி 🪷🙏

🛕நமக்கு எழுதப்பட்ட விதியையும் மாற்றுவான் அந்தக் கண்ணன்...🛕

🔥 இருளின் அடர்த்தியில், நள்ளிரவின் அமைதியில், ஒரு சிறைச்சாலையில் பிறந்தவன் கிருஷ்ணன். கிருஷ்ண ஜெயந்தி என்பது வெறும் ஒரு வழிபாட்டு நாள் மட்டுமல்ல. வாழ்க்கையின் ஆழமான தத்துவத்தை உணர்த்தும் ஒரு உன்னத தருணம்...!

மழை சுழன்றடித்த அந்த நள்ளிரவில், பிறப்பிலேயே பேராபத்துகளைச் சந்தித்தபடி அவதரித்தவன்.

"சூழ்நிலைகள் எவ்வளவு கடினமாக இருந்தாலும், வெளிச்சம் பிறக்கும்" என்பதைத் தான் அவனது பிறப்பு நமக்கு முதலில் கற்பிக்கிறது.

💎 கடமையைச் செய், பலனை எதிர்பாராதே என்பது தான் பகவத் கீதையில் கிருஷ்ணன் போதித்த மிகப்பெரிய பாடம். முடிவுகளைப் பற்றிய பயமும் கவலையும் உன்னை முடக்கிவிடும். உன் கரங்களில் இருப்பது முயற்சி மட்டுமே. அதை முழுமையாகக் கொடு என்றான்.

💎 கொண்டாட்டமே வாழ்க்கை என்றாக்கு என்றான் கிருஷ்ணன். ஆம், பிறப்பு முதல் இறப்பு வரை கிருஷ்ணனின் வாழ்வில் சவால்களுக்குக் பஞ்சமில்லை. ஆனால், அவனது புன்னகையும் குழலோசையும் என்றும் குறைந்ததில்லை. துயரங்களின் மத்தியிலும் வாழ்க்கையைக் கொண்டாடக் கற்றுக்கொள்வதே உண்மையான ஆன்மீகம்.

💎 அவனுக்கு அன்பே பிரதானம். ஆம் நாம் காட்டும் கள்ளம் கபடம் இல்லாத தூய அன்பில் கட்டுண்டு நம் விதியையே மாற்றி எழுதும் வல்லமை கொண்டவன். குசேலன் வறுமையில் வாட வேண்டும் என்பது விதி. ஆனால் கிருஷ்ண பரமாத்விடம் குசேலன் காட்டிய தூய அன்பினால், பரா பக்தியினால் கண நேரத்தில் குசேலன் வாழ்க்கையில் தலை கீழ் மாற்றம் ஏற்பட்டு வறுமை நீங்கி செல்வந்தன் ஆனான்.

ஆடம்பரமான நைவேத்தியங்களை விட, சுதாமன் (குசேலன்) கொடுத்த ஒரு பிடி அவலுக்குத்தான் அவன் வீழ்ந்தான். தூய்மையான அன்பும் பக்தியும்தான் இறைவனை அடையும் எளிய வழி...!

💎 வீட்டு வாசலில் பிஞ்சுப் பாதங்களை வரைந்து, அவனுக்குப் பிடித்த சீடை, முறுக்கு, வெண்ணெய் படைத்து வழிபடுவது, அந்தப் பரம்பொருள் நம் வீட்டிற்குள் குழந்தை வடிவில் வருவதாக எண்ணும் ஒரு அழகான பாவனை.

💎 வாழ்க்கை உங்களை எங்கு கொண்டு சென்று நிறுத்தினாலும், அங்கே முழுமையாக இருங்கள். தடைகளைக் கண்டு அஞ்சாமல், புன்னகையோடு உங்கள் கடமையைச் செய்யுங்கள்.

🛕 இந்த கிருஷ்ண ஜெயந்தி உங்கள் வாழ்வில் அமைதியையும், தெளிவையும், தடையற்ற மகிழ்ச்சியையும் கொண்டு வரட்டும்.

சர்வம் கிருஷ்ணார்ப்பணம்...🙏
சுவாமி சரணம் 🙏
🪷🪷🪷🪷🪷
குறிப்பு: ஆரியன்காவில் ஆலயத் திருப்பணி வேலைகள் நடைபெற்றுக் கொண்டு இருக்கின்றன. எனவே அதற்கு தகுந்தாற் போல் தங்கள் தரிசன நேரத்தை அமைத்துக் கொள்ள வேண்டுகிறோம்.

30/08/2026

ஆலய தரிசன கட்டண அறிவிப்பும்..
ரெயில் பயண நேர அறிவிப்பும்...

குறிப்பு: ஆலயத் திருப்பணி வேலைகள் நடைபெற்றுக் கொண்டு இருக்கின்றன. அதற்கு தகுந்தாற் போல் தங்கள் தரிசன நேரத்தை அமைத்துக் கொள்ள வேண்டும்.

23/08/2026

01/08/2026

24/07/2026

11🌾🌾 ஆரியன்காவு திருத்தலம் –
கேள்வியில் தொடங்கி... ஞானத்தில் முடியும் ஓர் ஆன்மிகப் பயணம்...🌾🌾

❓ கேள்வி – 11
"ஆடிப்பெருக்கன்று
ஆரியன்காவில் நடைபெறும்
'நிறை புத்தரி' என்றால் என்ன?
அதை ஏன் அவ்வளவு சிறப்பாகக்
கொண்டாடுகிறார்கள்? நாமும்
அந்த நாளில் அங்கே இருக்க
வேண்டுமா?"

❗✍️பதில் – 11 >👉
வருகிற ஆகஸ்ட் 3, 2026 (கற்கடகம் 18 – திங்கட்கிழமை), அதிகாலை 5.40 மணி முதல் 6.20 மணி வரை, ஆரியன்காவு ஸ்ரீ தர்ம சாஸ்தா ஆலயத்தில் நிறைபுத்தரி மங்கல வைபவம் நடைபெறுகிறது.

இது ஒரு பூஜை மட்டுமல்ல.
இது ஒரு நன்றித் திருவிழா.
புதிய அறுவடையின் முதல் நெற்கதிர்களை சுவாமிக்கே சமர்ப்பிக்கிறார்கள்.
அதன் பொருள்...
"நீ கொடுத்ததிலிருந்தே...
முதலில் உனக்கே திருப்பிக் கொடுக்கிறேன்." இறைவன் கொடுத்ததை, இறைவனை மறந்து அனுபவிக்காதே. முதலில் நன்றி சொல் என்பதாகும்.

🌾கேரளத்தில் உள்ள தர்ம சாஸ்தா ஆலயங்களில் பல நூற்றாண்டுகளாக இந்த வழிபாடு நடைபெற்று வருகிறது.
மழை பொழிய வேண்டும்.
வயல்கள் செழிக்க வேண்டும்.
மக்கள் பசியின்றி வாழ வேண்டும்.
நாடு வளம் பெற வேண்டும்.
இந்தப் பிரார்த்தனைகளோடு தான் இந்த வைபவம் நடத்தப்படுகிறது.

என் வேண்டுதல் என்பது என்னை மட்டும் சுற்றி இருக்கக் கூடாது. எல்லோரும் நன்றாக இருக்க வேண்டும் என்ற மனமே இறைவனுக்குப் பிடித்த வழிபாடு.

🌾 திருவிதாங்கூர் தேவஸ்வம் போர்டுக்கு சொந்தமான வயல்களில் விளைந்த புதிய நெற்கதிர்களை தந்திரிமாரும் சாந்திமாரும் தலைமேல் சுமந்து வருவார்கள். கருவறையை வலம் வருவார்கள். சுவாமிக்கு நிவேதனம் செய்வார்கள். பகவானிடம் சமர்ப்பிக்கப்பட்ட
அந்த நெற்கதிர்கள் பிரசாதமாக பக்தர்களுக்குக் கிடைக்கும்.

இறைவனிடம் சென்ற எதுவும் சாதாரணமாக திரும்பாது. அது அருளாகவே திரும்பும்.
ஆரியன்காவிலும் இதே மரபு தொடர்கிறது.

தமிழ்நாட்டில் தென்காசி மாவட்டம், பண்பொழி கிராமத்தில் உள்ள தேவஸ்வம் போர்டுக்கு சொந்தமான வயல்களில் விளந்துள்ள நெற்கதிர்கள் அறுவடை செய்யப்பட்ட கொண்டு வரப்படும்.

அன்று அதிகாலையில்
அச்சன்கோவிலில் முதல் பூஜை
நடைபெறும். பின்னர் ஆரியன்காவு, குளத்துப்புழை.
அன்று மாலையே சபரிமலை.
நான்கு புனிதத் தலங்களையும் இணைக்கும் அரிய ஆன்மிகப் பயணம் இது.

இறைவனின் அருள் எல்லைகளை
அறியாது. அது ஊரையும்,
மொழியையும், மனிதர்களையும்
இணைக்கிறது.

🌿 ஆரியன்காவில் அன்று அந்த அதிகாலையில் பொழுதில்...

வனம் இன்னும் விழித்திருக்காது.
பறவைகளின் கீச் கானக் குரல்கள் மட்டும் கேட்கும். கோவிலின் உள் பிரகாரத்தில் மங்கள விளக்குகள் ஒளிர்ந்து கொண்டு இருக்கும்.
புதிய நெற்கதிர்களின் பச்சை மணம் காற்றில் கலந்திருக்கும்.
சாந்திமார்களின் கைகளில் அந்த பசுமை தவழும் பசுந்தளிர் நெற்கதிர்கள்... அந்தக் காட்சியை ஒருமுறை பார்த்து விட்டால்...
அதை நம் மனம் மறக்காது.

🌾 இயற்கையின் அமைதிக்குள் இதன் மூலம் இறைவன் மிக மெதுவாக நம் மனத்துடன் பேசுகிறார் என்று தான் நாம் இதை எடுத்துக் கொள்ள வேண்டும்.

🌼 இது உங்களுக்கான செய்தி
அன்று நீங்கள் அங்கே இருந்தால்...

சுவாமியை மட்டும் பார்த்துக் கொண்டிருங்கள். அவசரப்பட வேண்டாம். எதையும் கேட்க வேண்டாம். அமைதியாக இருங்கள்.

ஒரு கணத்தில்...
உங்கள் மனம் அமைதியாகும்.
கவலை கரையும். இதயம் லேசாகும். அந்த அமைதியை யாரும் தர முடியாது. அது தான் சுவாமியின் அருள்...!

அந்தக் கணமே...
இறைவன் உங்கள்
உள்ளத்தைத் தொட்ட தருணம்...!

நாம் தேடுவது இறைவன் அல்ல. நான் அமைதியாக நிற்கும் அந்தக் கணத்தில், இறைவனே நம்மைத் தேடி வருகிறார்...!

🌾 இந்த விழா நமக்கு சொல்லும் வாழ்க்கைப் பாடம்...

நாம் எப்போதும்... "இன்னும் வேண்டும்.. வேண்டும்..." என்று ஓடிக்கொண்டே இருக்கிறோம். ஆனால்... "ஏற்கனவே கிடைத்திருக்கிறது..."என்று நன்றி சொல்ல மறந்து விடுகிறோம். நிறைபுத்தரி நமக்குச் சொல்வது..."முதலில் நன்றி சொல்லுங்கள். பிறகு புதிய அருள் நன்றியுணர்வு இருக்கும் இடத்தில் குறைவு தங்காது.

🌾 நெற்கதிர் பிரசாதத்தின் மகிமை...

கோவிலில் சாந்திமார் வழங்கும் அந்த நெற்கதிரை வீட்டிற்குக் கொண்டு வாருங்கள். உங்கள் வீட்டு பூஜை அறையில் வையுங்கள். அது வெறும் நெற்கதிர் அல்ல. அது இறைவனின் அருளாசி பெற்றது. அதைப் பார்க்கும் ஒவ்வொரு முறையும்...இனி "என் வீட்டில் பசி இருக்காது. என் இல்லத்தில் வளம் நிறையும். என் மனதில் நம்பிக்கை வளரும்." என்று நம்பிக்கை கொள்ளுங்கள். அதுவே அந்தப் பிரசாதத்தின் உண்மையான பலன்.

🌾 வேதாந்தம் சொல்லும் மொழியில் பார்த்தால்...

என் ஆத்மாவிற்கு கவசமாக இருக்கும் என் தேகத்தை தாங்கும் "அன்னமய கோசத்திற்கும்" இறைவனின் இந்த நிறைபுத்தரி அருள் அவசியம் என்பதை இந்தப் பிரசாதம் நினைவூட்டுகிறது.

இறைவன் தரும் அன்னத்தை மதிப்பவன், இறைவன் தரும் வாழ்க்கையையும் மதிக்கக் கற்றுக் கொள்வான்.

🌾 முன்னோர்கள் இந்த வழிபாட்டிற்கு "நிறை" என்று பெயர் வைத்தார்கள். ஏன் தெரியுமா?
நிறைவு என்பது பொருளில் இல்லை. நிறைவு என்பது பதவியில் இல்லை. நிறைவு என்பது செல்வத்தில் இல்லை.
நிறைவு என்பது நன்றியுணர்வு கொண்ட மனதில் இருக்கிறது.

அதனால்தான்...
முதல் அறுவடையை இறைவனுக்கு அர்ப்பணித்தார்கள்.
முதல் நன்றியை இறைவனுக்கே செலுத்தினார்கள்.

🌾🎯 இதில் நமக்கான பாடம்....

வருகிற ஆரியன்காவு நிறைபுத்தரி ஆடிப்பெருக்கு நன்னாளில், ஐயனின் அருள் உங்கள் இல்லங்களிலும், உள்ளங்களிலும் வற்றாத மங்களத்தை உண்டாக்கட்டும். வளம் நிறைந்த புதிய தொடக்கங்களையும் கொண்டு வரட்டும். மனம் நிறையட்டும். வாழ்வு சிறக்கட்டும்.

சுவாமியே சரணம் ஐயப்பா! 🙏🌾
🪷🪷🪷🪷🪷
© "ஆரியன்காவு ஓர் ஆன்மிகப் பூமி" என்ற நூலில் இருந்து....


?❗கேள்வி பதில் – 12> தொடரும்...

22/07/2026

10🌿🌿 ஆரியன்காவு திருத்தலம் – கேள்வியில் தொடங்கி, ஞானத்தில் முடியும் ஓர் ஆன்மிகப் பயணம்🌿🌿

❔ கேள்வி 10 :-
ஆரியன்காவு திருத்தலத்தில் நடைபெறும் ஶ்ரீ தர்ம சாஸ்தா – ஶ்ரீ புஷ்கலா தேவி திருக்கல்யாண வைபவத்தை உலகியல் நிலையில் இருந்து நாம் எப்படி பார்க்க வேண்டும்? நமது புரிதல் எப்படி இருக்க வேண்டும்?

✍️ பதில் 10 :–

பரிணாம வளர்ச்சியின் உச்சத்தில் நிற்கும் மனிதன், தன் வாழ்நாளின் இறுதி இலக்காகத் தேடுவது எதை?

சொந்த பந்தங்களிலிருந்து, உலகப் பொருள் பற்றிலிருந்து விடுதலை பெற்று, தன் ஜீவன் அந்தப் பரப்பிரம்மத்தோடு ஐக்கியமாவதைத்தான் ஆன்மிகம் "ஆன்ம விடுதலை"என்கிறது.

இதை உலகியல் கண்களால் பார்த்தால் வெறும் சடங்காகத் தான் தெரியும். அதுவே ஞான மார்கக் கண்களால் பார்த்தால், ஜீவாத்மா, பரமாத்மாவோடு கரையும் ஜீவ பிரம்ம ஐக்கியப் பேரானந்தப் பெருவெளியாகத் தெரியும்.

🛑 தெய்வீகம் vs உலகியல்

இன்று சிலர் மிக மேலோட்டமான, வக்கிர புத்தியோடு தெய்வீகத் திருமணங்களை மனிதர்களின் கலப்புத் திருமணங்களோடு ஒப்பிட்டுப் பேசுவதை விபரீத வேடிக்கையாகப் பார்க்கிறோம்.

மனித உடல்களின் சேர்க்கையும், சாதி-மத எல்லைகளைக் கடந்த மனித சமுதாயத் திருமணங்கள் முற்றிலும் உலகியல் வாழ்வில் சம்பந்தப்பட்டவை.

ஆனால், தெய்வீகத் திருமணங்கள் என்பது "உடல்களின் சேர்க்கை அல்ல; அது உணர்வுகளின்
சங்கமம்." அங்கே சாதியோ,
மனித உடலோ, உலகியல்
ஈர்ப்போ எதுவும் கிடையாது.

> அத்யாத்மத்தில் ஒன்றை நாம் புரிந்து கொள்ள வேண்டும். "இறைவன் மட்டுமே பிரபஞ்சத்தின் ஒரே புருஷோத்தமன் (ஆண்மகன்). மற்ற உயிர்கள் யாவும் ஜீவாத்மாக்கள் (பெண் தன்மையுடையவை)."

> இதனைப் புரிந்து கொள்ளும் ஆன்ம பக்குவம் இல்லாதவர்கள் தான், தெய்வீகத் திருமணங்களை தங்கள் புரிதல் இல்லாத தன்மையினால் தரம் தாழ்த்தி புரிந்து கொள்கிறார்கள்.

ஆரியன்காவு திருக்கல்யாண வைபவம் என்பதும் இரண்டு உடல்களுக்கு இடையே நடக்கும் உலகியல் ஒப்பந்தம் அல்ல. அது "உலக விஷயப் பற்று ஒழிந்த ஒரு தூய ஆன்மாவின் உள்முகப் பயணம்."

🕊️ பேரன்பின் பாதைகள்...

ஞானமும், மதுர பக்தியும்
பரம்பொருளோடு கலக்கும்
இந்த உன்னத நிலையை நம் முன்னோர்கள் அழகான மூன்று நிலைகளில் விளக்கியுள்ளனர்.

🪷 அறிவின் வழியே ஜோதி நிலை (பிரம்ம ஜோதி)...

வள்ளலார் சுவாமிகள் அருட்பெருஞ்ஜோதியோடு கலந்ததும், ராகவேந்திரர்,
சதாசிவ பிரமேந்திரர் போன்ற மகாபுருஷர்கள் ஜீவ சமாதி அடைந்ததும் அறிவோடு அறிவு கலந்த "ஜீவ பிரம்ம ஐக்கிய" நிலை.

🪷 அன்பின் வழியே மதுர பக்தி (நாயக-நாயகி பாவம்)...

இறையடியார்களான அப்பர் பெருமானும், சௌராஷ்டிரா குல குரு ஶ்ரீமன் நடன கோபால நாயகி சுவாமிகளும் தங்களை நாயகிகளாகப் பாவித்து இறைவனை நோக்கிப் பாடி பாடி அடிப்பதம் அடைந்தார்கள்.

🪷 பெண் இறையடியார்களான ஆண்டாள் அரங்கநாதனோடும், மீனாட்சி அம்மை சொக்க நாதனோடும் கலந்தது இந்த மதுர பக்தியின் உச்சம்.

🪷 ஆரியன்காவு புஷ்கலா தேவியும் தர்ம சாஸ்தா மீது கொண்ட எல்லையற்ற பிரமையால், தன் ஆத்மாவையே பகவானுக்கு நிவேதனமாக்கி இந்த ஐக்கிய நிலையை அடைந்தார்.

💎 இந்த இரண்டு பக்தி நிலையையும் கடந்த அதேநேரத்தில் இரண்டும் சங்கமித்த ஓர் அத்வைத
நிலையும் இருக்கிறது...!

மதுர பக்தியும், பிரம்ம ஜோதியும் சங்கமித்த அத்வைத நிலையில்
பகவான் ரமணர் தேகம், சித்தம் கடந்த நிலையில் வாழ்ந்தவர்.

அவர் அருணாசலத்தையே நாயகனாக பாவித்து 'அக்ஷரமணமாலை' பாடியபோது, மதுர பக்தியின் வடிவமாகத் திகழ்ந்தார்.

அவரே உடல் நீத்தக் கணத்தில், வானில் எழுந்த ஒளிப்பிழம்பாக அருணாசல மலையில் கலந்த போது, ஜோதி வடிவமாக பிரம்ம ஜோதியாக காட்சி அளித்து மறைந்தார்.

ஆக, அவரே மணமகன், அவரே மணமகள், அவரே ஜோதி...!
அவரே "தத் த்வம் அஸி" யாக வாழ்ந்து காட்சியளித்தார்...!

🙆 இன்றைய இளைய தலைமுறைக்கு தெய்வீகத் திருமணங்கள் சொல்லும் பாடம் என்ன?

இன்றைய வேகமான உலகில், உறவுகளுக்குள் எளிதில் விரிசல் விழுவதையும், தற்காலிக ஈர்ப்புகளைக் காதல் என்று ஏமாறுவதையும் இளைஞர்கள் பார்க்கிறார்கள். தெய்வீகத் திருமணங்கள் உங்களுக்குக் கற்றுத் தரும் பாடம் என்னவென்றால்...

❗1. "நிபந்தனையற்ற அர்ப்பணிப்பு"

உண்மையான அன்பு என்பது எதிர்பார்ப்புகளைக் கடந்தது. புஷ்கலை சாஸ்தாவிடம் காட்டிய அன்பு எதையும் கோரவில்லை; தன்னை முழுமையாக ஒப்புவித்தது.

❗2. "உள்முக அமைதி"

வெளி உலகப் பொருட்களிலும், மனிதர்களிடமும் தேடும் சுகம் தற்காலிகமானது. உண்மையான சுகம் உங்கள் ஆன்மாவிற்குள் தான் இருக்கிறது என்பதை உணர்வது தான் விவேகம். விவேகத்தால் உணர்ந்த உண்மையை எந்த சூழ்நிலையிலும், தனது கவனத்தை அந்த உண்மையிலிருந்து அகலாமல் பார்த்துக் கொள்வது தான் ஞான வைராக்கியம்.

❗3. "உயர்ந்த இலக்கு...

காமத்தையும், உலகியல் ஆசைகளையும் தாண்டி, ஒரு உன்னதமான இலக்கை நோக்கி உங்கள் மனதை ஒருமுகப்படுத்த (ஏகாக்கிரதை) பழகிக் கொள்ளுங்கள்.

🎯 இதில் நமக்கான பாடம்...

> "மனிதத் திருமணங்கள் உடல்களையும் குடும்பங்களையும் இணைக்கும் உலகியல் பந்தம். தெய்வீகத் திருமணங்களோ, எல்லையற்ற பிரபஞ்சப் பேரன்போடு நம் ஆன்மாவைக் கரைத்து பந்தங்களிலிருந்து விடுதலை செய்யும் ஞான பந்தம்...!

சுவாமியே சரணம் ஐயப்பா 🙏

🪷🪷🪷🪷🪷

© "ஆரியன்காவு ஓர் ஆன்மிகப் பூமி" என்ற நூலில் இருந்து....

❔❗ கேள்வி பதில் – 11> தொடரும்...

19/07/2026

கேரளம் முழுவதும்
"ராமாயண மாசம்”

மலையாள மாதமான
'காகிண்டகம்' உடன் தொடங்கி இருக்கிறது.

இந்தப் புனித மாதத்தில், கேரளா முழுவதும் உள்ள வீடுகளிலும் கோவில்களிலும் தினமும் 'அத்யாத்ம ராமாயணம்' பாராயணம் செய்யப்படுகிறது.

பக்தர்கள் ஸ்ரீ ராமர் மற்றும்
அவரது சகோதரர்களான
பரதன், லட்சுமணன், சத்ருகனன் ஆகியோருக்கு அர்ப்பணிக்கப்பட்ட கோயில்களையும் தரிசிப்பார்கள்.

இந்த ஆண்டு ராமாயண மாதம் ஆகஸ்ட் 16 ஆம் தேதி நிறைவடையும்.

'ராமாயணம்' என்பது மனித விழுமியங்கள் மற்றும் இலட்சியங்களின் கண்ணாடி.

இந்த அத்யாத்ம கைங்கரியத்தில் நாமும் உளமார நம் உள்ளத்தில் ராம நாமம் சொல்லி பங்கு கொள்வோம்.

ராம ராம ராம் ராம் ..
ஜெயராம ராம ராம் ராம்...
🪷🪷🪷🪷🪷