31/07/2025
ഭക്തജനങ്ങളെ,
കോടിയാട്ടുകുളങ്ങര ശ്രീ ധന്വന്തരിമൂർത്തി ക്ഷേത്രത്തിൽ ദശാബ്ദങ്ങളായി ആചരിക്കപ്പെടുന്ന ഔഷധ സേവാ ദിനാചരണം ഈ വർഷം ആഗസ്റ്റ് 1 വെള്ളിയാഴ്ച് (1200 കർക്കിടകം 16) ഭഗവത് സന്നിധിയിൽ നടത്തപ്പെടുകയാണ്.
ആയുർവ്വേദത്തിൽ വർഷങ്ങളുട പരിചയ സമ്പന്നതയുള്ള ബ്രാഹ്മണ വൈദ്യന്മാരുടെ മേൽനോട്ടത്തിൽ പ്രത്യേക വിധി പ്രകാരം തയ്യാർ ചെയ്ത് എടുക്കുന്നതായ ഔഷധം, പ്രഭാതത്തിൽ മേൽശാന്തി അനേകം ഉരു ഔഷധസൂക്തങ്ങളും ധന്വന്തര മന്ത്രവും ഉരുവിട്ട് ഭഗവാൻ്റെ തിരുമുമ്പിൽ ജപിച്ച് നിവേദിച്ച് ധന്വന്തരി പൂജയ്ക്ക് ശേഷം രാവില 6.00 മുതൽ ക്ഷേത്രസന്നിധിയിൽ നിന്ന് വിതരണം ചെയ്യുന്നതാണ്.
കാലാവസ്ഥയുടെ പ്രത്യേകതകൾ കൊണ്ട് രോഗങ്ങൾ വരുന്നതിന് ഏറ്റവും സാദ്ധ്യതയുള്ള സമയമാണ് കർക്കിടക മാസം. തുടർച്ചയായ മഴമൂലം തണുത്ത അന്തരീക്ഷത്തിൽ രോഗാണുക്കൾ പെരുകുവാനും, ദഹനശക്തിയും ശാരീരിക ക്ഷമതയും കുറയുവാനും ഇടയാകും. ഇത് കാലാവസ്ഥാജന്യമായ രോഗങ്ങൾക്ക് കാരണമാവുന്നു. അതിനാൽ കർക്കിടക മാസത്തിലെ മധ്യദിവസം ധന്വന്തരീ സന്നിധിയിൽ ഇരുന്ന് പ്രാർത്ഥ്നയോടെ ഒരു പ്രതിരോധ ഔഷധം സേവിക്കുന്ന ചടങ്ങാണ് ഔഷധ സേവ.
