St. George Orthodox Syrian Church (കൊച്ചുപള്ളി), Thiruvanvandoor.

23/08/2026

17/08/2026

വി. കുർബാന
അഭിവന്ദ്യ ഡോ. മാത്യൂസ് മാർ തീമോത്തിയോസ് മെത്രാപ്പോലീത്താ

15/08/2026

13/08/2026

ഉമയാറ്റുകര ഡിസ്ട്രിക്ട് സൺഡേ സ്കൂൾ അദ്ധ്യാപക സമ്മേളനം ഈ ഞായറാഴ്ച ( ഓഗസ്റ്റ് 16) ദേവാലയത്തിൽ വെച്ച് നടത്തപ്പെടുന്നു..

രാവിലെ ഏഴുമണിക്ക് പ്രഭാത നമസ്കാരത്തെ തുടർന്ന് അഭി. ഡോ മാത്യൂസ് മാർ തീമോത്തിയോസ് മെത്രാപ്പോലീത്താ വിശുദ്ധ കുർബ്ബാന അർപ്പിക്കുന്നു

● പ്രഭാത നമസ്കാരം
● വിശുദ്ധ കുർബാന
● ക്ലാസ്സ്
● പൊതു സമ്മേളനം
● സമ്മാനദാനം
● ആശിർവ്വാദം

09/08/2026

പ്രിയപ്പെട്ട റ്റിജു അച്ചന്,

കഴിഞ്ഞ ദിവസങ്ങളിൽ നമ്മുടെ നാട് നേരിട്ട പ്രളയദുരന്തം എല്ലാവരുടെയും ജീവിതത്തിൽ മായാത്ത ഓർമ്മകളാണ് അവശേഷിപ്പിച്ചത്. എന്നാൽ ആ പ്രയാസങ്ങൾക്കിടയിലും ഞങ്ങൾ ഒരിക്കലും ഒറ്റപ്പെട്ടവരായിരുന്നില്ല എന്നതാണ് ഏറ്റവും വലിയ ആശ്വാസം.

ആ ദിവസങ്ങളിൽ അങ്ങ് ഒരു വികാരിയുടെ ചുമതല നിർവഹിക്കുക മാത്രമായിരുന്നില്ല. ഞങ്ങളോടൊപ്പം തന്നെ നിന്നു, ഞങ്ങളുടെ പ്രയാസങ്ങൾ സ്വന്തം പ്രയാസങ്ങളായി കണ്ടു, ക്യാമ്പിന്റെ എല്ലാ കാര്യങ്ങൾക്കും മുൻപന്തിയിൽ നിന്ന് നേതൃത്വം നൽകുകയായിരുന്നു.

ദേവാലയം ദുരിതാശ്വാസ ക്യാമ്പായി തുറന്നുകൊടുത്തത് മുതൽ, അവിടെ അഭയം തേടിയവരുടെ എല്ലാ ആവശ്യങ്ങളും ശ്രദ്ധയോടെ നിറവേറ്റാനും, വെള്ളം കയറിയ വീടുകളിലുള്ള കുടുംബങ്ങളെയും, നമ്മുടെ അയൽപ്രദേശങ്ങളിലുള്ളവരെയും സഹായിക്കാനും അങ്ങ് ആത്മാർത്ഥമായി മുന്നിട്ടിറങ്ങി. ആവശ്യമായ ഭക്ഷണവും കുടിവെള്ളവും, വസ്ത്രങ്ങളും മരുന്നുകളും മറ്റ് അവശ്യസാധനങ്ങളും എത്തിച്ചുനൽകുന്നതിലും, ആശുപത്രിയിലേക്ക് മാറ്റേണ്ടവരെ സുരക്ഷിതമായി എത്തിക്കുന്നതിലും, ദുരിതമനുഭവിച്ച കുടുംബങ്ങൾക്ക് വേണ്ട എല്ലാ സഹായങ്ങളും ഏകോപിപ്പിക്കുന്നതിലും അങ്ങ് കാണിച്ച കരുതൽ ഞങ്ങൾ ഒരിക്കലും മറക്കില്ല.

സ്വന്തം വ്യക്തിബന്ധങ്ങളും സൗഹൃദങ്ങളും ഉപയോഗിച്ച് ആവശ്യമായ സഹായങ്ങൾ എത്തിക്കാനും, പല വാതിലുകളും മുട്ടി നമ്മുടെ ജനങ്ങൾക്ക് വേണ്ടതെല്ലാം ലഭ്യമാക്കാനും അങ്ങ് നടത്തിയ അശ്രാന്ത പരിശ്രമങ്ങൾ അനേകം കുടുംബങ്ങൾക്ക് വലിയ ആശ്വാസമായി. ഏത് സമയത്തും വിളിച്ചാൽ എത്തുന്ന ഒരു അച്ചനെയാണ് ഈ ദിവസങ്ങളിൽ ഞങ്ങൾ കണ്ടത്.

ഈ സേവനപ്രവർത്തനങ്ങൾക്ക് എന്നും ശക്തമായ പിന്തുണയും കരുതലും നൽകിയ നമ്മുടെ ചെങ്ങന്നൂർ ഭദ്രാസനാധിപൻ അഭിവന്ദ്യ ഡോ. മാത്യൂസ് മാർ തിമോത്തിയോസ് തിരുമേനിയോടും, ഭദ്രാസന നേതൃത്വത്തോടും, വിവിധ സംഘടനകളോടും, സർക്കാർ സംവിധാനങ്ങളോടും, സന്നദ്ധപ്രവർത്തകരോടും, സഹായഹസ്തവുമായി എത്തിയ ഓരോ വ്യക്തിയോടും ഞങ്ങളുടെ ഹൃദയം നിറഞ്ഞ നന്ദി അറിയിക്കുന്നു.

അച്ചാ,

ഈ ദിവസങ്ങളിൽ ഞങ്ങൾക്ക് ലഭിച്ച ഏറ്റവും വലിയ ധൈര്യം, "പള്ളിയുണ്ട്... അച്ചനുണ്ട്... നമ്മൾ ഒറ്റയ്ക്കല്ല..." എന്ന ഉറച്ച വിശ്വാസമായിരുന്നു. ആ വിശ്വാസമാണ് പലർക്കും ഈ പ്രയാസകരമായ ദിവസങ്ങളെ അതിജീവിക്കാനുള്ള കരുത്തായത്.

അങ്ങയുടെ സ്നേഹത്തിനും കരുതലിനും, വിശ്രമമില്ലാതെ നടത്തിയ സേവനങ്ങൾക്കും, ഞങ്ങളുടെ ഓരോ കുടുംബത്തിനും വേണ്ടി ഹൃദയം തുറന്ന് നിന്നതിനും ഞങ്ങളുടെ സ്നേഹവും ആദരവും നിറഞ്ഞ നന്ദി അറിയിക്കുന്നു.

സർവശക്തനായ ദൈവം അങ്ങയ്ക്ക് ആരോഗ്യവും ശക്തിയും നൽകി, ഇനിയും അനേകരുടെ ജീവിതത്തിൽ ഇത്തരത്തിൽ തന്നെ സ്നേഹത്തിന്റെയും സേവനത്തിന്റെയും മാതൃകയായി നിലകൊള്ളുവാൻ അനുഗ്രഹിക്കട്ടെ എന്ന് പ്രാർത്ഥിക്കുന്നു.

സ്നേഹത്തോടെയും കൃതജ്ഞതയോടെയും,

തിരുവൻവണ്ടൂർ സെന്റ് ജോർജ് ഓർത്തഡോക്സ് ഇടവക
ട്രസ്റ്റി, സെക്രട്ടറി, മാനേജിംഗ് കമ്മിറ്റി അംഗങ്ങൾ, എല്ലാ ഇടവകാംഗങ്ങളും*

06/08/2026

2026-ലെ വെള്ളപ്പൊക്കം: നന്ദിയുടെയും കരുതലിന്റെയും ഓർമ്മക്കുറിപ്പ് 🕯️❤️

​പ്രിയപ്പെട്ടവരെ,
​ഒരു വർഷം കൂടി പിന്നിട്ടിരിക്കുന്നു. ഒരുകാലത്ത് '99-ലെ വെള്ളപ്പൊക്കം' എന്നും '2018-ലെ മഹാപ്രളയം' എന്നും ചരിത്രം ഓർത്തതുപോലെ, ഇനി '2026-ലെ വെള്ളപ്പൊക്കം' എന്ന പേരിലും ഈ കാലഘട്ടം ചരിത്രത്തിന്റെ കറുത്ത മഷിയിൽ രേഖപ്പെടുത്തപ്പെടും.
​എന്നാൽ, ഈ ഇരുണ്ട ദിനങ്ങൾ നമുക്ക് സമ്മാനിച്ചത് ദുഃഖത്തിന്റെ ഓർമ്മകൾ മാത്രമല്ല; ദൈവസ്നേഹത്തിന്റെയും മനുഷ്യസ്നേഹത്തിന്റെയും കരുണയുടെയും ഐക്യത്തിന്റെയും വിലമതിക്കാനാവാത്ത അനുഭവങ്ങളുമാണ്. ✨

​ഈ വർഷത്തെ പ്രളയം നമ്മുടെ തിരുവൻവണ്ടൂരിനെയും പരിസര പ്രദേശങ്ങളെയും, പ്രത്യേകിച്ച് അനേകം ഭവനങ്ങളെയും വെള്ളത്തിനടിയിലാഴ്ത്തി. എങ്കിലും, സർവശക്തനായ ദൈവം തന്റെ കരുണയാൽ നമ്മെ കാത്തുപരിപാലിച്ചു. 🙏

​📖 "ദൈവമേ, വെള്ളങ്ങൾ നിന്നെ കണ്ടു; വെള്ളങ്ങൾ നിന്നെ കണ്ടു ഭയപ്പെട്ടു. ആഴികളും വിറച്ചു പോയി... എന്നാൽ നീ നിന്റെ ജനത്തെ ഒരു ആട്ടിൻ കൂട്ടത്തെ പോലെ നടത്തി."
(സങ്കീർത്തനം 77:16, 20)

​കഴിഞ്ഞ ഒരാഴ്ചക്കാലം പരിചിതരുടെയും അപരിചിതരുടെയും സ്നേഹവും കരുതലും നാം നേരിട്ടും അല്ലാതെയും അനുഭവിച്ചു. ഓരോ കരുതലും ഓരോ സഹായഹസ്തവും ഇന്നും ഹൃദയത്തിൽ നന്ദിയോടെ സൂക്ഷിക്കുന്നു.

​ഈ പ്രളയകാലം തിരുവൻവണ്ടൂർ സെന്റ് ജോർജ് ഓർത്തഡോക്സ് ഇടവകയ്ക്കും ഒരിക്കലും മറക്കാനാകാത്ത അനുഭവങ്ങളാണ് സമ്മാനിച്ചത്. കഴിഞ്ഞ ഞായറാഴ്ച ഉച്ച മുതൽ ഇന്നുവരെ നമ്മുടെ ദേവാലയത്തിന്റെ വാതിലുകൾ പ്രളയബാധിതർക്കായി തുറന്നുകിടന്നു. അനേകം വ്യക്തികളുടെയും സംഘടനകളുടെയും നിസ്വാർത്ഥമായ സഹകരണത്താൽ ഈ ദേവാലയത്തെ കേന്ദ്രമാക്കി ദുരിതമനുഭവിക്കുന്ന അനേകർക്ക് ആവശ്യമായ സഹായങ്ങൾ എത്തിച്ചുനൽകുവാൻ സാധിച്ചു. 🤝
​അതിൽ ഇടവകയോടൊപ്പം ഞാനും ദൈവത്തിന് നന്ദി അർപ്പിക്കുന്നു.
​നന്ദിയോടെ ഓർക്കാം... ✨

​🏛️ രാഷ്ട്രീയ വേർതിരിവുകൾ മറന്ന് ആത്മാർത്ഥമായി പ്രവർത്തിച്ച നമ്മുടെ ഭരണകർത്താക്കൾക്കും വിവിധ വകുപ്പുകളിലെ ഉദ്യോഗസ്ഥർക്കും അഭിനന്ദനങ്ങൾ.

​🤍 മതത്തിന്റെയും ജാതിയുടെയും അതിരുകൾ ഭേദിച്ച് മനുഷ്യസ്നേഹത്തിന്റെ പേരിൽ കൈകോർത്ത എല്ലാവർക്കും കൃതജ്ഞത.

​🙏 ഈ പ്രയാസകരമായ ദിനങ്ങളിൽ നമ്മെ സഹായിച്ച ഓരോ വ്യക്തിയെയും പ്രസ്ഥാനങ്ങളെയും സ്ഥാപനങ്ങളെയും നമ്മുടെ പ്രാർത്ഥനകളിൽ എന്നും ഓർക്കാം.

​ഈ പ്രളയം നമ്മെ പഠിപ്പിച്ച സ്നേഹത്തിന്റെയും പങ്കിടലിന്റെയും സഹജീവി കരുതലിന്റെയും പാഠം വരുംതലമുറകൾക്ക് കൈമാറുക നമ്മുടെ ഉത്തരവാദിത്വമാണ്.
​"മുഖം തിരിച്ചവരോട് നമുക്ക് ക്ഷമിക്കാം; കൈത്താങ്ങായവരോട് എന്നും നന്ദിയുള്ളവരായിരിക്കാം." ❤️

​സർവശക്തനായ ദൈവം എല്ലാവരെയും സമൃദ്ധമായി അനുഗ്രഹിക്കട്ടെ.

​സ്നേഹപൂർവ്വം,
തിരുവൻവണ്ടൂർ സെന്റ് ജോർജ് ഓർത്തഡോക്സ് ഇടവകയ്ക്ക് വേണ്ടി
(പ്രളയ ക്യാമ്പിൽ നിന്ന്)
​റ്റിജു അച്ചൻ
(വികാരി)
​

04/08/2026

ഇടവക ദുരിതാശ്വാസ ക്യാമ്പിൽ ആരോഗ്യ പ്രവർത്തകരും ഭദ്രാസന യുവജന പ്രസ്ഥാനവും സന്ദർശനം നടത്തി.

നമ്മുടെ ദേവാലയത്തിൽ പ്രവർത്തിച്ചുവരുന്ന ദുരിതാശ്വാസ ക്യാമ്പ് ആരോഗ്യ പ്രവർത്തകർ സന്ദർശിക്കുകയും,ക്യാമ്പിലുള്ളവർക്ക് ആവശ്യമായ ആരോഗ്യ നിർദ്ദേശങ്ങളും ബോധവൽക്കരണവും നൽകുകയും ചെയ്തു.
ഭക്ഷ്യസാധനങ്ങളും മറ്റ് അവശ്യവസ്തുക്കളുമായി എത്തിയ ചെങ്ങന്നൂർ ഭദ്രാസന യുവജന പ്രസ്ഥാനത്തിന്റെ പ്രവർത്തകരും ബഹുമാനപ്പെട്ട വൈദികരും ക്യാമ്പിലെത്തി സഹായങ്ങൾ കൈമാറി.

ക്യാമ്പിന്റെ സുഗമമായ പ്രവർത്തനങ്ങൾക്ക് പിന്തുണയുമായി എത്തിയ ആരോഗ്യ പ്രവർത്തകർക്കും, ഭദ്രാസന യുവജന പ്രസ്ഥാനത്തിനും, ബഹുമാനപ്പെട്ട വൈദികർക്കും ഇടവക വികാരി ബഹുമാനപ്പെട്ട റ്റിജു അച്ചൻ നന്ദി രേഖപ്പെടുത്തി.

03/08/2026

അതിജീവനം 🤍

പ്രളയദുരിതം നേരിടുന്ന പ്രിയപ്പെട്ടവർക്കായി, നമ്മുടെ ദേവാലയത്തിൽ ആരംഭിച്ച ദുരിതാശ്വാസ ക്യാമ്പ്.

പ്രതിസന്ധിയുടെ ഈ നാളുകളിൽ സ്നേഹവും കരുതലുമായി നമുക്ക് ഒരുമിച്ച് നിൽക്കാം. പ്രാർത്ഥനകളാലും സാധിക്കുന്ന സഹായങ്ങളാലും ഈ ദൗത്യത്തിന്റെ ഭാഗമാകാം. 🙏