16/02/2026
കുമ്പിടീൽ
===================================
ഗത്സമന തോട്ടത്തിൽ വെച്ച് നമ്മുടെ കർത്താവ് നിലത്ത് മുട്ടുകുത്തി പ്രാർത്ഥിച്ചതിനെ അനുസ്മരിച്ച് നാം കുമ്പിടണം. നമസ്കാരങ്ങളിൽ `` ദൈവമേ നീ പരിശുദ്ധനാകുന്നു '' എന്ന കൗമയിലും വിശ്വാസപ്രമാണ സമയത്തും ക്രൂബേന്മാരുടെ കൗമയുടെ സമയത്തും കുമ്പിടണം.
കുരിശ് വരച്ച ശേഷമെ കുമ്പിടാവു. പെന്തിക്കോസ്തി ഞയർ ഒഴികയുള്ള ഞയറാഴ്ചകളിലും ഉയർപ്പ് മുതൽ പെന്തിക്കോസ്തി വരെയുള്ള ദിവസങ്ങളിലും കുമ്പിടാൻ പാടില്ല.
7 അവയവങ്ങൾ അതായത് നെറ്റിത്തടം, കൈമുഷ്ടി(2), കാൽമുട്ട്(2), കാൽപാദം(2) എന്നിവ നിലത്ത് മുട്ടുന്നു. നെറ്റിത്തടം ബുദ്ധിയെയും, കൈമുഷ്ടി നിന്റെ പ്രവർത്തിയെയും, കാൽമുട്ട് നിന്റെ ശക്തിയെയും, കാൽപാദം നിന്റെ ഓട്ടത്തെയും പ്രതിനിധീകരിച്ച് നീ സർവ്വവും സമർപ്പിക്കുന്നു. സകലവും ദൈവത്തിന്റെ ദാനം എന്ന് എണ്ണുന്ന നിമിഷങ്ങൾ. ആ അനുഭവത്തിലെക്കാണ് സഭ നമ്മെ വിളിക്കുന്നത്..
