https://www.facebook.com/2005221713100813/

Masjid-e-Makhdoomiya, Channapatan (2026)

09/06/2026

"22'Zil Hajja.BEHR-E-AAM.
“23'Zil Hajja.URS-E-MUBARAK
HAZRAT BANDAGI MEERAN SHAH YAQOOB HASN-E-WILAYAT.RAZI ALLAHU TAALA ANHU(DAULAT ABAD,MAHARASHTRA)
*****************************************************
Aap Hazrat Bandagi Meeran Syed Mehmood Sani-e-Mehdi.Razi Allahu Taala Anhu Ke Doosre Farzand Hain,Aap Ki Urfiyat Miyanji Saheb Hai.Aap Ki Paidayeesh Ke Pehley Hi Hazrat Mehdi Maud.ahs.Ne Bandagi Meeran Syed Abdul Hayee Roshan Munauwar Ko Aur Aap Ko Zohra Wa Mushtari Kaha Hai.Aap Hazrat Sani-e-Mehdi Razi Allahu Taala Anhu Ke Inteqal Ke Waqt Saat(7)Saal Ke Thhey.Aap Tarbiyat Sani-e-Mehdi Razi Allahu Taala Anhu Ke Hi Hain Aur Zikar Ka Dum Bhi Sani-e-Mehdi Se Liya Hai Jab Hazrat Sani-e-Mehdi Razi Allahu Taala Anhu Bandagi Meeran Syed Abdul Hayee Roshan Munauwar Ko Zikar Ka Dum Dekar Talqeen Kar Rahe Thhey to Aap Ne Farmaya Hum Ko Bhi Tarbiyat Karein Tab Hazrat Sani-e-Mehdi Razi Allahu Taala Anhu Ne Aap Ko Zikar Ka Dum Diya Aur Farmaya Mere Baad Jis Muhajir-e-Mehdi Ko Pao Usse Zikar Ke Dum Ki Tehqeeq Karlo.
Naqal Hai Ke Ek Din Aap Razi Allahu Taala Anhu Apne Bachpan Mein Bachchon Ki Aadat Ke Muafiq Sar Aur Pair Barhana Apne Pairon Par Mitti Daal Kar Khel Rahe Thhey Ittefaq Se Hazrat Bandagi Miyan Mubarak(Bhai Muhajir)Udhar Se Guzrey Aur Aap Ko Mitti Mein Kheltey Huye Dekh Kar Afsos Kiya Aur Kaha In Ke Murabbi(Sar Parast)Nahin Hain Ab Inhein Kaun Taleem Dey,Us Raat Miyan Bhai Muhajir Razi Allahu Taala Anhu Ne Khwab Mein Dekha Ke Hashar Barpa Hai Kisi Ke Hawaas Thhikane Nahin Hain Har Shakhs Bhaag Daud Mein Laga Hua Hai Bandagi Miyan Bhai Muhajir Razi Allahu Taala Anhu Ke Dil Par Haibat Taari Hui Aap Hazrat Mehdi.ahs.Ki Panah Mein Aaney Ki Khatir Logon Se Hazrat Mehdi Maud.ahs.Ka Deyra Poochha Jab Aap Ko Uski Nishan Dahi Ki Gayi to Aap Us Deyra Ke Paas Gaye Lekin Makhlooq Sab Dati Hui thhi Aap Ko Rasta Nahin Mil Raha Thha Aap Sakht Pareshan Thhey Itne Mein Aap Ko Hazrat Meeran Shah Yaqoob Razi Allahu Taala Anhu Usi Halat Mein Nazar Aaye Jis Halat mein Aap Ne Unko Kheltey Huye Dekha Thha,Meeran Shah Yaqoob Razi Allahu Taala Anhu Ne Aap Ko Dekhtey Hi Awaz Dee Aap Ne Kaha Khuzadey Main Hazrat Mehdi.ahs.Ke Deedar Ka Mushtaq Hoon Rasta Nahin Mil Raha Hai,Meeran Shah YaqoobNe Farmaya Aaiye Mere Sath Jab Aagey Badhey to Meeran Shah Yaqoob Razi Allahu Taala Anhu Ko Dekh Kar Log Idhar Udhar Hatt Gaye Aur Rasta De Diya Aap Miyan Bhai Muhajir Razi Allahu Taala Anhu Ko Lekar Deyra Mein Dakhil Huye Andar Dakhil Hokar Miyan Bhai Muhajir Razi Allahu Taala Anhu Apni Jagah Thhehar Gaye Aur Meeran Shah Yaqoob Razi Allahu Taala Anhu Hazrat Mehdi Maud.ahs.Ke Paas Jakar Usi Mitti Bhari Halat Mein Hazrat Ki Godi Mein Baith Gaye.Jab Subah Miyan Bhai Muhajir Razi Allahu Taala Anhu Bedar Huye to Sab Se Pehle Aap Hazrat Meeran Syed Yaqoob Hasn-e-Wilayat Razi Allahu Taala Anhu Ke Paas Aakar Nihayat Hi Aqeedat Wa Mohabbat Ke Lawazim Baja Laye.
Naqal Hai ke Ek Din Aap Ne 19 Zil Qadah Ko Hazrat Mehdi Maud.ahs.Ka Urs-e-Mubarak Kar Ke Be Shumar Khalaiq Ko Dawat Dee.Shah Ali Jo Daulat Abad Mein Apni Na Marboot Murshidi Chalata Thha Aur Apna Silsila Ghalt Tarah Se Hazrat Shah Neymat Razi Allahu Taala Anhu Se Jodta Thha.Woh Hazrat Shah Yaqoob Razi Allahu Taala Anhu Se Bahut Anaad(Dushmani)Rakhta Thha Usney Bhi Hazrat Mehdi.ahs.Ka Urus Kiya Aur Hazrat Shah Yaqoob Razi Allahu Taala Anhu Ko Dawat Dee Aap Razi Allahu Taala Anhu Tashreef Ley Gaye Khana Khaney Ke Baad Shah Ali Aur Uske Farzandon Ne Ek Mashroob(Sharbat)Pesh Kiya Jis Mein Zehar Mila Hua Thha aAur Kaha Ke Iska Paskhoordah Karke Deejiye,Hazrat Ne Farmaya Main Khane Ke Baad Kuchh Khata Peeta Nahin Magar Unhon Ne Bahut Israr Kiya Aur Kaha Ke Aurtein Paskhoordah Ki Khwahish Mand Hain Tab Hazrat Ne Usmein Se Ek Chamcha Sharbat Piya Jis Mein Zehar Maujood Thha,Zehar Ka Asar Aap Par Zahir Hogaya Aap Ghar Tashreef Laye Isi Zehar Ke Asar Se Aap Ka Inteqal 23'Zil Hajja 980 Hijri Ko Hogaya Aur Maqam-e-Daulat Abad Mein Hi Aap Ki Tadfeen Amal Mein Aayee.
Aap.raz.Ki Panch Biwiyan Thhein Jinki Tafseel Yeh Hai.
Pehli Biwi:- Raje Ruqaiya Binte Haz.Bandagi Miyan Syed Khundmir Razi Allahu Taala Anhu In Se Do Farzand Huye.
(1)Haz.Bandagi Miyan Syed Ashraf.rah.(2)Haz.Bandagi Miyan Syed Is'haq.rah.
Doosri Biwi:- Buwa Ji BiBi Binte Malik Gauhar Shah Fauladi In Se Do Farzand Aur Do Dukhtar Huye.(1)Haz.Syed Yousuf.rah.(2)Haz.Syed Khundmir.rah.{1}BiBi Raje Maryam W/O Haz.Shah Abdul Momin Bin Shah Abdul Rehman.rah.Bin Hazrat Shah Nizam Razi Allahu Taala Anhu {2}Bibi Raje Fatima W/O Haz.Noor Mohammed Gujrati.rah.
Teesri Biwi:- BiBi Saheba @ Aaqa Malik Binte Nawab Aalam Khan Mewati In Se Do Farzand Aur Teen Dukhtar Huye.(1)Haz.Bandagi Miyan Syed Ibrahim.rah.(2)Haz.Bandagi Miyan Syed Mehmood.rah.{1}Manna Ji Saheba BiBi W/O Hazrat Miyan Syed Abubakar.rah.(Bani o Sahib-e-Daira Gokak)Bin Haz.Bandagi Miyan Syed Abul Fatah.rah.Bin Haz.Bandagi Miyan Syed Abubakar Razi Allahu Taala Anhu Is BiBi Ke Inteqal ke Baad{2}Khunza Buzarg W/O Hazrat Miyan Abubakar.rah.{3}Buwa Ji Saheba W/O Miyan Ashraf Mohammed Bin Miyan Kabeer Mohammed.rah.
Chauthhi Biwi:- BiBi Sarah Binte Miyan Zainul Abideen @ Nanhey Miyan.rah.In Se Ek.Farzand Huye.(1)Hazrat Bandagi Miyan Syed Aalam.rah.
Panchwi Biwi:- Buwa Manjhley Saheba Binte Malik Ismail Bin Malik Hammad.rah.In Se Ek Farzand Huye.(1)Hazrat Bandagi Miyan Syed Mustafa.rah.

03/06/2026

17’ZIL HAJJA BEHR-E-AAM MUBARAK
18’ZIL HAJJA URS-E-MUBARAK
QADWATUS SALIKEEN,AASHIQULLAH,FAANI FILLAH,QAYIMUL LAIL,FAIZ-E-DARJAT,BARGAZIDA-E-MEHBOOB-E-ZUL JALAL HAZRAT BANDAGI MIYAN SYED MUSTAFA @ SYED SAHEB MIYAN SAHEB MAKHDOOMI.RAH. S/O QUTBUL MASHAIKH,ALAMATUL ASAR,FAIZ-E-DARJAT HAZRAT BANDAGI MIYAN SYED HUSSAIN @ MITHHEY MIYAN SAHEB MAKHDOOMI.RAH.(AHLE ERODE)
{BADA HAZEERA CHANNAPATANA,BANGALORE}
***************************************************
Hazrat Bandagi Miyan Syed Mustafa @ Syed Saheb Miyan Saheb Makhdoomi.rah.Ki Walidah Majidah Hazrata Syeda Badan Saheba.rah.Hain.Aap Qutbul Mashaikh,Alamatul Asar Hazrat Bandagi Miyan Syed Hussain @ Mithhey Miyan Saheb.rah.(Ahle Erode)Ke Farzand-e-Arjumand Hain,Aap Ke Walid Ka Daira Erode Tamil Nadu Mein Thha Aap Ke Walid Hazrat Bandagi Miyan Syed Hussain @ Mithhey Miyan Saheb.rah.Ke Daira Mein Har Khanwada Ke Khulfa Maujood Thhey.Har Koi Uss Zamana Mein Aap Se Faizyab Ho Raha Thha,Erode Ki Sarzameen Ko Faiz-e-Mehdi Se Sar Sabzo Sahadab Kiye Huye Thhey Aur Aap Hi Daira Erode Ke Sahib-e-Daira Hain.Hazrat Bandagi Miyan Syed Mustafa @ Syed Saheb Miyan Saheb Makhdoomi.rah.Apne Walid Hazrat Bandagi Miyan Syed Hussain Mithhey Miyan Saheb.rah.Ke Tarbiyat Wa Faqeer Hain.Aap Ki Paidaish Daira Kottalam Trichnapalli Mein Hui,Aap Ki Paidaish Se Chand Din Pehley Hi Aap Ke Walide Majid.rah.Ko Basharat Hogayi Thhi Ke Farzand Aaney Wala Hai Aap Ki Paidaish 2’Rabi ul Awwal Ke Din Hui Jiski Wajah Se Aap Ka Naam Syed Mustafa Rakha Gaya,Aap Bachpan Se Hi Bahut Zahin Aur Allah Wali Tabiyat Ke Haamil Thhey,Aap10 Saal Ki Umar Mein Hi Walid Ke Haath Par Tark Kar Chukey Thhey, Aap Par Pehla Jazba 11 Saal Ki Umar Mein Hua Lag Bhag 3 Saal Aap Jazba Ki Haalat Mein Rahey,Aap Ek Kaamil Faqeer Ki Tarah Daira Mein Rehtey Thhey,Aap Apne Walid Se Fiqha Wa Nahoo Ka Dars Liye,Aap Apne Chacha Hazrat Bandagi Miyan Syed Raj Mohammed.rah.Ki Sohbat Mein Bhi Rahey Aur Faizyafta Rahey,Aap Ke Walid Hazrat Bandagi Miyan Syed Hussain Mithhey Miyan Saheb.rah.Ki Wafat Ke Baad Aap 1162’Hijri Mein Apne Chacherey Bhai Hzarat Bandagi Miyan Syed Abul Fatah Ji Meeran @ Manjhley Miyan Saheb Makhdoomi.rah.Ke Saath Apne Ahlo Ayal Wa Ahl e Daira Ke Saath Chanpatan Mein Pehla Daira Basaye,Aap Bahut Jaleel Qadr Hasti Thhey Buzargon Ki Rawish Aap Ka Sarmaya Thhi,Aap Bahut Kam Guftagoo Kiya Kartey Thhey,Aap Ki Zindagi Ka Beshtar Hissa Jazba Ki Halat Mein Guzra,Aap Kisi Ko Bhi Baiyat Karne Ya ilaqa Lene Se Pehley Apni Sohbat Mein Rakhtey Thhey Jab Tak Unka Muamla Loohe Mehfooz Mein Na Dekhtey ilaqa Wa Baiyat Qabool Na Kartey,Aap Ka Ek Waqiya Mash’hoor Hai Ek Raat Aap Ke Hujra Mein Aap Ki Zauja Mohtarma Syeda Badi Busaheba Bibi Saheba Kisi Kaam Se Miyan Se Baat Karne Ke Liye Baghair Ittela Ke Chaley Gayein Andar Ka Manzar Dekh Kar Behosh Hogayein Aap Kiya Dekhti Hain Ke Miyan Ke J**m Kat Kar Hujra Mein Bikhrey Padey Hain,Aap Ki Cheekh Aur Wawela Ko Sunkar Tamam Ahle Daira Jama Hogaye,Baad Azaan Kya Dekhti Hain Ke Miyan Hujra Se Ba Khairiyat Tashreef La Rahey Hain,Is Manzar Ke Baad Miyan.rah.Ne Apne Hujra Ke Atraf Kaanton Ki Baadh Baandh Diye Kisi Ko Bhi Aap Ke Hujra Ke Qareeb Aaney Ki Ijazat Nahin Thhi.Aap Ka Wisal Jab Qareeb Aaya Aap Tahajjud Ki Namaz Mein Sajdah Ki Halat Mein Apne Mehboob-e-Zul Jalal Se Ja Miley.Baroz e Itwar 18’Zil Hajja 1236’Hijri 16’September 1821 Ko Aap Ka Wisal Hua.Aap Chanpatan Ke Bada Hazeera Mein Madfan Hain.Aap Ki Beewi Hazrata Syeda Badi Busaheba Bibi Saheba Se Aap Ko 3 Farzand 4’Betiyan Huye. Farzandan:- (1)Hazrat Bandagi Miyan Syed Hussain @ Mithhey Miyan Saheb Makhdoomi.rah.(2) Hazrat Bandagi Miyan Syed Abdul Hayi @ Roshan Miyan Saheb Makhdoomi.rah.(3) Hazrat Miyan Syed Alhadad Makhdoomi.rah.
Dukhtaran:- (1) Laad Maa’n Saheba Bibi.rah. W/O Hazrat Abji Miyan Saheb Yadullahi(Ahle Paalghaat) (2) Malkan Bibi Saheba.rah. W/O Miyan Syed Yahiya Saheb Khundmiri (3) Ameena Bibi Saheba.rah.W/O Wali Shah Miyan Saheb Yadullahi (4) Badan Saheba Bibi.rah. W/O Badey Shah Miyan Saheb Yadullahi(Ahle Paalghaat)

01/06/2026

14’ZIL HAJJA URS-E-MUBARAK
HAZRAT BANDAGI MIYAN MALIK GAUHAR.raz.(THHATT.SINDH)
(SAHABI HAZRAT IMAMANA MEHDI MAUD.ahs)
***********************************************
Hazrat Bandagi Malik Gauhar.raz.Mustaqil taur Par Nagor Ke Haakim Thhey.Baaz Ne Aapko Badshah Bangala Ka Mansab Daar Bataya Hai.Lekin Kisi Wajah Se Bangala Chhod Kar Malwah(Mandau)Aaye Aur Badshah Ghayasuddin Khilji Ki Mulazmat Ikhtiyar Karli.Ek Din Ek Keemyagar Gosayein Badshah Ke Paas Aaya Aur Apna Hunar Zaahir Kiya Badshah Ne Malik Gauhar.raz.Se Farmaya Ke Usko Jis Cheez Ki Zaroorat Hai Faraham Kardo,Malik Gauhar.raz.Ne Usko Who Tamam Ashya Faraham Kardein Jiski Usko Keemya Bananey Ke Liye Zaroorat Thhi,Iss Dauran Gosayein Keemyagar Aur Malik Gauhar.raz.Mein Mohabbat Hogayee Usne Aapko Bhi Keemya Bananey Ka Hunar Sikha Diya Aur Bahut Si Akseer Bhi Aapko Dee,Ek Din Aap Badshah Ghayasuddin Khilji Se Ijazat Lekar Hajj Ke Irada Se Nikley Aur Gujrat Aaye,Gujrat Mein Hazrat Mehdi Maud.ahs.Ke Naam Ki Badi Shohrat Thhi Aap Bhi Khidmat Mein Haazir Huye Aatey Hi Hazrat Mehdi Maud.ahs.Ko Dekh Kar Aapka Dil Dunya Se Uchhat Hogaya Usi Waqt Tarak-E-Dunya Karkey Sath Hogaye,Jab Hazrat Mehdi Maud.ahs.Gujrat Se Nikal Kar Nagor Hotey Huye Sindh Ke Shehar Thhatt Mein Aaye Wahan Ke Badshah Ko Ulma-E-Soo Ne Warghala Kar Hazrat Mehdi.ahs.Ke Khilaf Kar Diya,Badshah Ne Apne Sipa Salar Darya Khan Ko Aapke Ikhraj Ka Hukum Diya Na Nikalne Ki Soorat Mein Qatal Kar Dene Ka Hukum Diya,Darya Khan Fauj Lekar Aaya Magar Hazrat Mehdi.ahs.Ko Dekhtey Hi Aapka Motaqid Hokar Mureed Hogaya Aur Hamla Karne Se Baaz Raha Uska Beta Bhi Uske Sath Musaddiq Hogaya,Lekin Fauj Daira Ke Qareeb Pahunch Kar ruk Gayee Thhi,Hazrat Mehdi Maud.ahs.Ne Ehtiyatan Daira Ke Atraf Kanto’n Ki Baadh Lagane Aur Apne Sahaba Ko Apne Apne Hathyar Saaf Karke Rakhney Ke Liye Farmaya,Us Waqt Hazrat Malik Gauhar.raz.Ne Hazrat Mehdi.ahs.Se Arz Kiya Hum Bhi Badi Fauj Rakh Saktey Hain,Hazrat Mehdi Maud.ahs.Ne Poochha Kis Tarah Rakhogey Tab Malik Gauhar.raz.Ne Kaha Mere Paas Akseer Ka Dibba Hai Ussey Sona(Gold)Bana Saktey Hain,Imamana.ahs.Ne Farmaya Agar Who Khatam Hojaye To Kya Karogey To Malik Gauhar.raz.Ne Arz Kiya Bandah Aur Bhi Akseer Bana Sakta Hai,Hazrat Mehdi.ahs.Ne Akseer Ka Dibba Mangwaya Unhon Ne Pesh Kiya Imamana.ahs.Ne Dibba Ko Dekh Kar Farmaya Afsos Hai Ke Tum Iss Butt Ko Baghal Mein Dabakar Banda Ki Sohbat Mein Rahey Aur Sahaba Ko Hukum Diya Ke Inko Daira Se Nikal Do,Hazrat Malik Gauhar.raz.Daira Se Nikal Diye Gaye Magar Halat-E-Pashemani Mein Be Chain O Be Qarar Hokar Teen Din Tak Daira Ke Ehsar Ke Bahar Thhehrey Rahey,Ek Din Hazrat Shah Naymat.raz.Udhar Se Guzr Rahe Thhey Unko Dekha Ke Rotey Huye Padey Huye Hain,Farmaya Malik Gauhar Namaz Ka Waqt Hai Namaz Padh Lo to Malik Gauhar.raz.Ne Kaha Kis Ki Namaz Padhoon Khudawand Namaz Ki Dargah Se Mardood Hochuka Hoon,Yeh Maajra Hazrat Shah Naymat.raz.Ne Hazrat Mehdi.ahs.Se Arz Kiya ,Imamana.ahs.Ne Farmaya Unse Kaho Uss Akseer Ko Phenk Kar Agar Daira Mein Aana Chahein To Aayein,Malik Gauhar.raz.Ne Yeh Sunkar Do Rakat Namaz Shukar Ada Ki Aur Khushi Se Akseer Ka Dibba Ek Kunwein Mein Phenk Diya Aur Daira Mein Aagaye,Hazrat Mehdi.ahs.Ne Unke Rujoo Ko Qubool Kiya Aur Farmaya Gauhar”GAUHAR LA QEEMAT AUR GAUHAR-E-WILYAT HAI”.
Hazrat Malik Gauhar.raz.Ne Jab Akseer Ka Dibba Weeran Kunwein Mein Phenk Diya To Uss Dibba Ka Munh Khulkar Hawa Se Akseer Ka Kuchh Choora Kunwein Ke Patthar Par Reh Gaya Thha,Hazrat Miyan Syed Salamullah.raz.Ne Uss Choora Ko Ehtiyat Se Nikal Kar Sath Lakar Hazrat Mehdi.ahs.Ke Tanbey Ke W***o Ke Lotey Ko Garam Karke Uspar Keemya Ka Choora Dala Lota Khalis Sona(Gold)Ban Gaya,Aap Darr Gaye Magar Himmat Karke Lota Ko Lakar Hazrat Mehdi.ahs.Ki Khidmat Mein Pesh Karke Kaha Ke Meeranji Akseer Aisi Thhi,Hazrat Mehdi.ahs.Ne Farmaya Mujhey Maloom Thha Lekin Bala Wa Aafat Ke Khayal Se Kunwein Mein Dalwa Di Gayi Aur Farmay Ke Lota Ko Phod Kar Sawiyat Kardo Lekin Iss Sawiyat Mein Miyan syed Salamullah.raz.Ko Hissa Nahin Diya Gaya,Jab Hazrat Mehdi.ahs.Namaz Ke Waqt Hujra Se Bahar Aaye Dekha Ke Jamat Mein Fuqra Kam Hain To Poochha Fuqra Kahan Hain Arz Kiya Gaya Sauda Khareedney Bazar Gaye Hain To Aap.ahs.Ne Hans Kar Farmaya Iss Thhodi Si Mata-E-Dunya Ne Inko Jamat Ki Namaz,Bayan-E-Quran Aur Banda Ki Sohbat Se Baaz Rakha Agar Sab Akseer Hoti To Maloom Nahin Kiya Hota,Hazrat Malik Gauhar.raz.Sardi Ke Mausam Mein Hazrat Mehdi Maud.ahs.Ke Liye W***o Ka Paani Garam Kartey Thhey Ek Din Lakdiyan Nahin Thein To Aap Ne Apna Palang Tod Kar Jala Diya Aur Paani Garam Kar Diya,Hazrat Mehdi.ahs.Ne Farmaya Tum Ne Apni Chaar Payee Kyun Jala Di To Aap Ne Arz Kiya Agar Hath Paon Jal Saktey To Jalakar Paani Garam Kardeta,Hazrat Mehdi.ahs.Yeh aqeedat Dekh Kar Bahut Khush Hogaye Aur Aapko Ek Sawiyat Ziyada Kardi Iss Se Malik Gauhar.raz.Bahut Dil Geer Hogaye Aur Kaha Ke Mujhey Kam Himmat Samajh Kar Sawiyat Ziyada Di Hai Aur Teen Din Tak Khana Nahin Khaya,Hazrat Mehdi.ahs.Ne Unko Bulakar Bahut Tasalli Di Aur Aap Ko”MARD LA QEEMAT”FarmayaEk Din Hazrat Mehdi Naud.ahs.Ne Aapko Dekh Kar Yeh Doha Padha:-
MEERANT PAKHAL TOO’N KAPAD DHAWI MAD HAWI
AJAL HOWI NA CHHOOT SE SUKH NANAD RA MAT SOWI
Iske Maani Yeh Hain Ke Roz Apne Dil Ko Dhote Raho Kapdon Ko Chahey Dho Ya Mat Dho,Ghairullah Se Door Hojao Aur Jab Tak Deedar Hasil Na Ho Sukh Ki Neend Mat So’o Aur Farmaya Malik Gauhar Khuda Ne Banda Ko Dilon Ko Paak Karney Ke Liye Bheja Hai Koi Qarar Aur Aram Mat Lo Jab Tak Ke Khuda Hasil Na Ho.
Hazrat Malik Gauhar.raz.Hazrat Mehdi Maud.ahs.Ke Wisal Mubarak Tak Sohbat-E-Aali Mein Rahey Hazrat Ke Wisal Ke Baad Farah Se Hidustan Wapas Lautey Aur Mulk-E-Sindh Ke Shehar Thhatt Mein Aqamat Rakhi 14’Zil Hajja 914’Hijri Mein Aapki Wafat Huyi,Aap Koi Ahl O Ayal Nahin Rakhtey Thhey,Hazrat Mehdi Maud.ahs.Ke 12 Mubashshireen Mein Aapka Aathwan Numbar Hai Yani Aap Qatai Jannati Ke Mubashshir Hain.

19/05/2026

2’ZIL HAJJA BEHR-E-AAM MUBARAK
3’ZIL HAJJA URS-E-MUBARAK
UMMUL MUSADDIQEEN SYEDA BIBI ALHADADI(SANI-E-KHADIJATUL KUBRA).raz.

W/O HAZRAT IMAMUL KAINAT SYED MOHAMMED JAUNPURI MEHDI MAUD.ahs.
*****************************************************
Syeda BiBi Alhadadi.raz.Syed Jalaluddin Saheb.Ki Beti Aur Hazrat Mehdi Maud.ahs.Ki Chacheri Behan Hain.
Aap Ki Wiladat 855 HIjri Mein Hui,Jab Ki Aap Ki Umar Shareef 11 Saal Ki Thhi Aap Ka Nikah Hazrat Imamul Kainat Syed Mohammed Jaunpuri Mehdi Maud.ahs.Se 866 Hiri Mein Hua,Uss Waqt Mehdi Maud.ahs.Ki Umar Shareef 19 Saal Ki Thhi,Aap Nihayat Muttaqi Wa Parhezgar Aur Ibadat Guzaar Thhein,Hazrat Mehdi Maud.ahs.Ne Aap Ko Khadeeja-E-Wilayat Kaha Hai.
Hazrat Mehdi Maud.ahs.Ki Aap Ne Bahut Khidmat Ki Hai,Hazrat Mehdi Maud.ahs.Ke Ayyam-E-Jazba Mein Aap Har Waqt Imamana.ahs.Ki Nigraan Rehtein,Aur Hazrat.ahs.Ko Jab Namaz Ke Waqt Hosh Aata Aap.ahs.Ko W***o Karati Thhein,Ek Din Ayyam-E-Jazba Ke 7 Saal Guzarney Ke Baad Hazrat Mehdi Maud.ahs.Ne Namaz-E-Ishaa Ke Baad Aap Se Pani Manga Aap Pani Laney Gayein Wapasi Tak Hazrat Imam.ahs.Par Jazba Taari Hogaya Aap Pani Liye Subah Tak Khadi Rahein,”SUBHAN ALLAH”.Jab Fajar Ki Namaz Ke Waqt Hazrat Mehdi Maud.ahs.Ko Hosh Aaya Poochha Kya Paani Ab Layi Ho ? BiBi.raz.Ne Arz Kiya Ishaa Se Khadi Hoon.Hazrat Mehdi Maud.ahs.Ne Paani Lekar W***o Kiya Aur Baad Namaz BiBi.raz.Ke Haq Mein Dua Ki Aur Kaha”Khudawand Jis Tarah Iss BiBi Ne Banda Ki Khidmat Ki Aur Khush Kiya Hai Too Iss Ko Apne Deedar Se Sarfaraz Kar”Aur BiBi.raz.Se Farmaya Ai BiBi Allah Taala Ne Aap Ki Khidmat Se Khush Hokar Aap Ki Pehley Ki 7 Pusht Ko Bakhsh Diya Hai,BiBi.raz.Ne Arz Kiya Issey Mujhey Kya Fayeda,Tab Phir Hazrat Imamana.ahs.Muraqba Mein Ja Kar Phir Sar Utha Kar Farmaya Ai BiBi Allah Taala Ne Aap Ki Aal O Aulad Ki 7 Pusht Ko Bakhsh Diya Hai,BiBi.raz.Khush Hogayein Aur Allah Taala Ki Bargah Mein Sajda-E-Shukr Baja Laein.
Hazrat Mehdi Maud.ahs.Ayyam-E-Jazba Ke 12 Saal Guzarney Ke Baad Khuda Ke Hukm Se Janpur Se Hijrat Kar Ke Dana Pur Pahunchey Yahan Qayam Ke Zamana Mein BiBi Alhadadi.raz.Ne Muamla Dekha Ke Khuda-E-Taala Ki Taraf Se BiBi Ko Ittela Dee Gayi Ke “HUM NE TERE SHOUHAR SYED MOHAMMED JAUNPURI KO KHATIM-E-WILAYAT-E-MOHAMMEDI.saw.AUR MEHDI MAUD KIYA TOO TASDEEQ KAR”BiBi.raz.Ne Kai Baar Sun Kar Zabt Kiya Baad Mein Yeh Muamla Hazrat Mehdi Maud.ahs.Ke Huzoor Mein Pesh Kiya,Hazrat Imam.ahs.Ne Isko Sahih Wa Sabit Rakha Aur Farmaya Aksar Auqat Hum Ko Bhi Khda-E-Taala Ki Taraf Se Maloom Hota Hai”HUM NE TUJH KO MEHDI MAUD KIYA HAI”Lekin Jab Iss Amar Ke Zahoor Ki Muddat Pahuncheygi Iska Izhar Ho Jayega,Iss Ke Baad BiBi.raz.Ne Qadam Bosi Kar Ke Arz Kiya Meeranji Isse Pehley Ke Bandi Se Koi Taqseer Hui Hai To Muaf Karein Aur Gawah Rahein Main Ne Meeranji Ki Mehdiyat Ki Tasdeeq Ki.
Bi Bi Alhadadi.raz.Jab Namaz Ke Liye Khadi Hoti Jab Tak Khuda Ka Deedar Na Ho Tab Tak Rakat Nahi Bandhti Thhein Yani Khuda-E-Taala Ko Apne Sar Ki Aankhon Se Dekh Kar Hi Namaz Ke Rakat Bandh Kar Namaz Ada Karti Thhein,”SUBHAN ALLAH”.Aap Ko Giroh-E-Muqaddisa Mein”UMMUL MUSADDIQEEN”Ke Naam Se Yaad Kiya Jata Hai.
Jis Zamana Mein Hazrat Mehdi Maud.ahs.Chapaner(Gujrat)Mein Saleem Khan Ki Ek Minar Ki Masjid Mein Muqeem Thhey BiBi.raz.Beemar Hogayein, Aur Jab Rooh Qabz Ka Waqt Qareeb Aaya to Haz.Imamana Mehdi Maud.ahs.Ne Farmaya BiBi Behnei'n Sab Tumharey Atraf Maujood Hain Tumahra Hal Kuchh Bayan Karo To BiBI.raz.Ne Bayan Kiya Ke Ya Imam.ahs.Aap Ke Tufail Wa Tasdeeq Se 12 Saal Ka Arsa Hota Hai Ke Har Sajda Ke Waqt Sar Ki Aankho'n Se Apne Khuda Ko Dekh Kar Sajda Karti Hoon.Aur Arz Kiya Meeranji Jo Kuchh Sawiyat Ka Maal Mere Hissa Ka Jo Mere Paas Maujood Hai Tamam Fuqra Mein Sawiyat Kardein.
Ummul Musaddiqeen Syeda BiBi Alhadadi.raz.Ka Inteqal 3’Zil Hajja 891 Hijri Ko Hogaya Aap Ko Ek Minar Ki Masjid Se Mashriq Ki Taraf Pahadi Ke Daman Mein Dafan Kiya Gaya,BiBi.raz.Ki Tadfeen Ke Baad Hazrat Mehdi Maud.ahs.Ne Sharbat Tayyar Karwakar Sab Ko Pilaya Aur Daira Ke Tamam Fuqra Jo Maujood Thhey Unn Mein Paison Ki Sawiyat Bhi Ki Jiska Tareeqa Aaj Tak Qaum Mein Maujood Hai.
BiBi Alhadadi.raz.Ke Inteqal Ke Chauthhey Din Hazrat Imamana Mehdi Maud.ahs.Apne Tamam Sahaba Wa Fuqra Ke Saath Ziyarat Ko Gaye Tab Kya Dekhtey Hain Ke BiBi.raz.Ke Qabre Anwar Par Chaar Din Ke Phool Tazey Ke Tazey Hain Aap.ahs.Ne Ziyarat Ki Aur Wapasi Par Hazrat Bandagi Miyan Salamullah.raz.Chhotey Paththar Jama Karke Nishani Karna Chah Rahey Thhey,Hazrat Mehdi Maud.ahs.Ne Farmaya Qabar Mubarak Ko Mita Do Aur Koi Nishani Baqi Mat Rakho Kyunki BiBi Qabar Mein Maujood Nahin Hain”BANDA NE ISS HAATH SE DIYA KHUDA NE USS HATHH LE LIYA”.
Aur Farmaya BiBi Khuda Ke Noor Mein Fana Ho Chuki Thhein Aur Noor Ko Baqa Hai Iss Liye Phool Taro Taaza Hain Agar Yeh Qabar Nahin Mitayi Gayi To Shirk Ka Karobar Shuroo Hojayega.
Hazrat Mehdi Maud.ahs.Ne BiBi Alhadadi.raz.Ko Badi Badi Basharatein Dein Farmaya Hamari Sawiyat Mein BiBi Ka Teesra Hissa Hai,(Issey Murad Zahiri Sawiyat Nahin Balke Khuda-E-Taala Ke Taraf Se Deedar Ki Sawiayat Jo Imam.ahs.Ko Milti Thhi),
Farmay Qayamat Ke Din Jis Ko Jitna Behra-E-Wilayat-E-Mohammedi.saw.Diya Jayega BiBi Alhadadi.raz.Ko Unn Sabki Miqdar Ke Muwafiq Diya Jayega,Aur Farmaya is Ne BiBi.raz.Ki Khidmat Ki Woh Bar Gazeedah Hogaya,Jis Ne BiBi.raz.Ki Sahnak(Plate)Chaati Woh Bargazeedah Hogaya.”SUBHAN ALLAH”
Ummul Musaddiqeen Syeda BiBi Alhadadi.raz.Ko 2 Betiyan Aur 2 Farzand Huye,
Sab Se Pehle Dukhtar Paida Huin Jinka Naam Syeda Khunza Gauhar Urf BiBi Badanji.raz.(Sani-E-Fathima.raz.)Hain Jinko Hazrat Bandagi Miyan Syed Abubakar.raz. S/O Hazrat Bandagi Miyan Syed Alhadad Hameed.raz.Ke Nikah Mein Diye.
Doosrey Farzand Ameerul Musaddiqeen Meeran Syed Mehmood Sani-E-Mehdi.raz.Paida Huye,
Teesri Dukhtar Syeda BiBi Fathima.raz.Hain Jinko Hazrat Bandagi Malik Burhanuddin.raz.Ke Nikah Mein Diye Hazrat Ke Inteqal Ke Baad Nikah Sani Hazrat Bandagi Miyan Syed Khundmir Siddiq-E-Wilayat.raz.Se Hua,Chauthhey Hazrat Meeran Syed Ajmal.raz.Paida Huye Jo Bachpan Mein Hi Shehr-E-Mandau Mein Garam Degh Mein Gir Kar Shaheed Hogaye.

08/05/2026

19'ZILQADAH URS-E-MUBARAK
IMAMUL KAINAT,KHALIFATULLAH,AMRULLAH,MURADULLAH,IMAMUL HUDA,NASIR-E-DEEN,PEER-E-PEERA'N,SAHIB-E-ZAMA'N,AMEER-E-AMEERA'N,MAZHAR-E-HIDAYAT,SAHIB-E-FARMA'N,MEHFOOZULLAH,MAASHOOQULLAH,SARWAR-E-REHBARA'N,AMEENUL UMMAT,BAATIN-E-MOHAMMED.saw.,MEHBOOBUL SAQLAIN,IMAMUL AARIFEEN,AINUZ ZAMA'N,AFZALUL SHAIKHEEN,ASADUL ULMA,MUBAIYIN-E-KALAMULLAH,HUM SAR-E-RASOOLULLAH.saw.,DAYEE ILALLAH,MASOOM ANIL KHATA,HAZRAT BANDAGI MEERAN SYED MOHAMMED JAUN PURI MEHDI MAUD ALAIHIS SALAM.
***********************************************************************
HAI YEHI MAAH-E-MAA RANJ O MALAL MEHDI
HAI ISI MAAH MUBARAK MEIN WISAL MEHDI

TAB KAHIN AALAM TAFSEEL NE PAYA YEH ZAHOOR
KANZ MAKHFI SE BATA JAB ZAR O MAAL MEHDI

LAKH KO KHAK SAMAJHNEY KI USEY DEE TALEEM
JIS DAFALI PE HO ABZAL O NAWAL MEHDI

GULSHAN ISHQ MEIN GUJRAT KE SAB KHIL GAYE PHOOL
CHALTEY CHALTEY JO CHALI BAAD SHUMAAL MEHDI

JAB PAIMBAR.saw.SE SUNA JUMLA"LA YUKHTI"KO
AANKH SE DEKH HUM KHAT O KHAAL MEHDI

PEECHEY REHTI NA AGAR SYED MEHMOOD KI ZAAT
CHHODTA EK KO NAQIS NA KAMAL MEHDI

DAR PE MEHDI KE BARABAR MUJHEY PAHUNCH DEGA
RAASTA HAI MERI MANZIL KA KHAYAL MEHDI

HAYE UBLA WAHI EK NOOR KA DARYA BANKAR
KISKI AANKHON MEIN SAMAYA HAI JAMAL MEHDI

JABKE SIDDEEQ-E-WILAYAT NE KHUDA KO DEKHA
KAUN THHA AUR WAHA'N WAQIF-E-HAAL MEHDI

AL MAYI JAISE KE HOTA THHA ZAMANA AAKHIR
USSEY DUNYADAAR LIYA KARTEY FAAL MEHDI

07/05/2026

18’Zil Qadah Behr-e-Aam Mubarak
19’Zil Qadah Urs-e-Mubarak
HAZRAT BANDAGI MIYAN SHAIKH MUSTAFA GUJRATI.rah.(Bayana Shareef)
***************************************
Hazrat Bandagi Miyan Shaikh Mustafa Gujrati.rah.Hazrat Bandagi Miyan Abdul Rasheed.raz.(Sahabi Imamana.ahs.)Ke Farzand Hain,Hazrat Bandagi Miyan Abdul Rasheed.raz.Ne Naqliyat Likhey Hain Jo”Naqliyat e Miyan Abdul Rasheed”Ke Naam Se Mash’hoor Hai.Ek Din Hazrat Miyan Abdul Rasheed.raz.Hazrat Bandagi Miyan Syed Khundmir.raz.Ke Daira Ko Tashreef LayeUnke Saath Unki Beewi Bhi Bandagi Miyan.raz.Ki Qadam Bosi Ke Liye Aayein,Bandagi Miyan Ne Unki Tazeem Ki,Tazeem Ki Wajah Poochhney Par Aap Ne Farmaya Ke Iss BiBi Ke Shikam Se Ek Farzand Deendaar Paida Hoga,Iss Tarah Miyan Shaikh Mustafa Gujrati.rah.Hazrat Bandagi Miyan.raz.Ke Mubashshir Hain.Bandagi Miyan.raz.Ki Shahadat Ke Teen Saal Baad Aap Paida Huye,Bachpan Se Hi Aap Mein Rushd o Hidayat Ke Aasar Numaya’n Thhey,Aaiyam e Tufli Se Hi Tehseel ilm Mein Mashghool Hogaye,Aur Hazrat Bandagi Miyan.raz.Se Aap Ko Bahut Mohabbat Thhi,Aur Aksar Aap Bandagi Miyan.raz.Ke Rouza Mubarak Mein Jaakar Baithhey Rehtey Thhey,Ek Din Aap Baithhey Huye Thhey Dekha Ke Bandagi Miyan.raz.Qabar Shareef Se Bar Aamad Huye Aur Aap Ko Mochchhan Se Khitab Kiya Aur Poochha Too Kiska Mureed Hai,”Mochchhan”Dar Asal Mustafa Naam Ka Mukhaffif Hai Aur “Mochchhan”Nidar Bebak Mard Ko Bhi Kehtey Hain,Aap.rah.Ne Arz Kiya Kisi Ka Abhi Tak Mureed Nahin,Phir Bandagi Miyan.raz.Ne Miyan Mustafa Gujrati.rah.Ko Apna Mureed Kar Ke Tarbiyat Kiya Aur Zikar Ki Taleem Dee,Iss Tarah Bandagi Miyan.raz.Ki Arwaah Mubarak Se Aap Talqeen Huye,Ek Baar Miyan Mustafa Gujrati.rah.Ne Bandagi Malik Peer Mohammed.raz.Ke Daira Ko Gaye Aap Ne Poochha Ke Miyan Mustafa Aap Kis Ke Talqeen Ho,Aap Ke Murshid Kaun Hain,Aap Ne Arz Kiya Main Bandagi Miyan.raz.Ka Mureed Hoon,Bandagi Miyan.raz.Ki Arwaah Mubarak Ne Bazat e Khud Mujhey Talqeen Kiye Hai,Tab Miyan Malik Peer Mohammed.raz.Ne Farmaya Bahut Khoob Aap Bandagi Miyan.raz.Ke Faiz Yaafta Ho,Magar Deeni Taqaza Hai,Shariyat Ka Muamla Hai Ke Hazir Peer Ki Sohbat o Talqeen Zaroori Hai,Tab Aap Ne Bandagi Malik Peer Mohammed.raz.Ke Haath Par Baiyat Kar Ke Sohbat Ikhtiyar Kiye,Malik Peer Mohammed.raz.Ne Bandagi Miyan.raz.Ke Tawassat Wa Mushahida Se Aap Ko Talqeen Kiye.Kuchh Arsa Aap Ke Daira Mein Rahey,Phir Malik Peer Mohammed.raz.Ke Hukm Par Aap Khanbel Aakar Hazrat Bandagi Miyan Syed Shahbuddin Shahbul Haq.rah.Ke Daira Mein Rahey,Aap Uss Waqt ilme Funoon Mein Bahut Aali Qadar Aalim Ka Darja Rakhtey Thhey,Aap Ek Martab Daira Ke Fuqra Se Kehne Lagey Ke Jab Sunnat Faut Hojaye To Uski Qaza Kyun Nahin Padhtey Aur Sunnat Ki Aakhri Do Rakaton Mein Zamme Sura Kyun Nahin Kartey Aur Taraweeh Poorey Tees Din Kyun Nahin Padhtey,Iss Tarah Ke Eiterazat Aap Jab Fuqra Par Karne Lagey To Iss Baat Ka ilm Hazrat Bandagi Miyan Syed Mehmood Syedanji Khatimul Murshid.raz.Ko Hua To Aap Par Ghussa Huye,Aur Khayal Kiye Ke Yeh Shakhs Agar Kisi Faqeer Ke Dil Se Gir Jaye to Bala Mein Mubtila Hoga Yeh Sonch Kar Syedanji.raz.Ne Hazrat Shahbul Haq.rah.Ke Paas Aakar Aap Ko Razamand Kar Ke Hazrat Shaikh Mustafa Gujrati.rah.Ko Khilafat Ataa Kar Ke Doosri Jagah Daira Baandh Kar Rehney Ki Ijazat Dediye.Phir Aap Wahan Se Patan Aagaye Phir Walid Ke Saath Morabi Mein Jakar Thehrey.Jab Akbar Badshah Gujrat Aaya to Uske Ghulam Sanjar Ne Morabi Jakar Aalam Khan Ko Maar Dala Aur Miyan Abdul Rasheed.raz.Aur Aap Ke 10 Aadmiyon Ko Shaheed Kiya Aur Miyan Mustafa Gujrati.rah.Ko Qaid Karliya,Yeh Uss Daur Ka Waqiya Hai Jab Akbar Badshah Ki Saltanat Wa Hukumat Chal Rahi Thhi,Uss Zamana Mein Patan Mein Mulla Taahir Mehdaviyon Ka Sakht Mukhalif Aur Dushman Thha,Woh Akbar Badshah Ke Paas Desa Ko Gaya Aur Apni Pagdi Akbar Badshah Ke Pairon Mein Daal Di Aur Miyan Shaikh Mustafa Gujrati.rah.Ki Shikayat Ki Jiski Bina Par Yeh Sara Muamla Dar Pesh Aaya,Mulla Taahir Ki Mukhalifat Din Ba Din Badhti Jarahi Thhi,Mulla Wajhuddin Gujrati Ne Mulla Tahir Ko Bahut Mana Kiya Ke Mehdavi Fuqra Ki Jamat Se Hain Inko Mat Satao Magar Mulla Tahir Baaz Nahin Aaya Jiska Nateeja Miyan Syed Mustafa.rah.(Bandagi Miyan.raz.Ke Potrey)Ne Mulla Tahir Ko Maar Dala Aur Khud Bhi Shaheed Hogaye.Jab Akbar Badshah Ahmed Abad Se Fateh Poor Sekri Wapas Hua Miyan Shaikh Mustafa Gujrati.rah.Ko Uske Saamney Pesh Kiya Gaya Aur Mubahisa Ki Majlis Qayeem Hui,Aap Ko Mulla Abdul Nabi Aur Makhddomul Mulk Ke Hukm Se Ek Khaardar Pinjrey Mein Kiye Gaye Aur Haath Aur Pairon Mein Bediyan Daal Dee Gayi Thhein,Iss Pinjrey Mein Na Aap Khadey Reh Saktey Thhey Na Baith Saktey Thhey Na Let Saktey Thhey,Bas Halate Ruku Mein Rehtey Aap Kamzor Naheef Hogaye,Jab Aap Halat e Qaid Mein Thhey Aur Aap Par Behad Takleef Guzar Rahi Thhi Aap Ka Azm o Isteqlal Aazmaney Bandagi Miyan Syed Khundmeer.raz.Ki Rooh Mubarak Ghodey Par Sawar Hokar Moonh Par Sabz Naqab Daley Qaid Khana Mein Mulaqat Kiye Aur Farmaya Ai Mustafa Tum Par Sakht Takleef Guzar Rahi Hai Agar Tum Chaho To Hum Tum Ko Chhuda Detey Hain,Aap Ne Bandagi Miyan.raz.Ko Pehchan Liya Aur Yeh Dohra Arz Kiya,
JAG KE DHAANDEY DAPEET PIYA
TOO MOHEY THHAGAN KA BHES LIYA

TIL SAR OOPAR BUREY GHAN
AAREY SETI CHEEREY TAN

TAB BHI NIKLEY YA HI SUKHAN
MEHDI AAN GUZASHT KIYA
Tarjuma:-Dunya Ki Sair Karne Waley Shokh Jaan Man Too Ne Meri aazmaish Ke Liye Bhes Badla Hai,Agar Mera Sar Ghan Se Phod Diya Jaye Aur Mera J**m Aarey Se Cheer Diya Jaye Jab Bhi Meri Zuban Se Yehi Baat Niklegi Ke Mehdi Aaya Aur Gaya.
Hazrat Bandagi Miyan.raz.Yeh Sun Kar Bahut Khush Huye Aur Chehrey Se Naqab Ulta Kar Apne Deedar Se Musharraf Kar Ke Izhar e Khushnodi Kiya.
Behar Haal 18’Mahine Barabar Aap Iss Takleef Ko Bardasht Kartey Rahey,Akbar Badshah Ke Darbar Mein Majlisein Hoti Har Mahina Ek Majlis Hoti,Iss Tarah 18’Majlisein Hui Jis Mein Saboot e Mehdi.ahs.Ke Liye Sawal o Jawab Hotey,Miyan Shaikh Mustafa Gujrati.rah.Har Behas Mein Ulma Par Ghalib Aatey,Akbar Dil Se Aap Ka Motaqid Hogaya Woh Har Mahina Sab Ulma Ko Jama Karta Aur Tamam Ulma Badshah Ke Saath Khaney Mein Shareek Rehtey,Miyan Mustafa Gujrati.rah.Bhi Rehtey Magar Khana Na Khatey,Qaid Khana Mein Aap Ke Liye Jo Khana Bhijwaya Jata Woh Bhi Na Khatey Woh Khana Qaid Ke Mukhalifeen Ko Dedetey,Ek Budhya Jo Charkha Katti Thhi Woh Apni Kamai Se Kuchh Paka Kar Lakar Deti Thhi Aap Wahi Khalete,Ek Roz Badshah Akbar Ne 100’Asrafiyan Aur Par Kalar Ka Thhan Miyan Mustafa Gujrati.rah.Ko Diya Aap Ne Bahar Nikal Kar Ashrafiyan Luta Dein Jab Badshah Se Aap Ko Kuchh Milta Qaid Khana Ke Mukhalifeen Ko Dedetey,Woh Sab Ke Sab Aap Ke Khair Khwah Aur Humdard Hogaye,Badshah Akbar Ke Darbar Mein Jo 18’Majlisein Huein Hain Aap Ne Khud Hi Qalam Band Kiya,Iss Mein 5’Majalis “MAJALIS E KHAMSA”Ke Naam Se Mash’hoor Hain.
Ek Din Akbar Badshah Ne Aap Ko Jageer Mein Ek Gaon Qabool Karne Ke Liye Kaha Aap Ne Inkar Kardiya,Phir Usne Kaha Kya Quran Shareef Doon To Qabool Karogey Aap Ne Qabool Karne Ka Wadah Kiya,Akbar Ne Quran Majeed Mein Ashrafiyan Rakh Kar Aap Ko Diya,Aap Ne Wazan Ziyada Dekh Kar Quran Ko Pakad Kar Jhatka Ashrafiyan Neechey Gir Padein Ulma Unko Sametney Ke Liye Jhaptey,Akbar Ne Kaha Tum Mein Aur Miyan Mustafa Mein Yeh Faraq Hai,Akbar Ne Aap Ko Chatwara Gaon Mein Jageerein Likh Diya,Aap Ne Qabool Karne Se Inkar Kardiya,Phir Akbar Badshah Ne Aap Ke Faqeer Ismail Aur Aap Ke Farzand Miyan Shaikh Abdullah Ke Hawaley Iss Gaon Ki Sanad Kardi Aur Miyan Shaikh Mustafa Gujrati.rah.Ko Rihaa Kardiya.Miyan Shaikh Mustafa Gujrati.rah.Ki Tableegh Se Hazaron Logon Ne Mehdi Maud.ahs. Ki Tasdeeq Se Musharraf Huye Aur Badey Badey Ameer Umraa Mehdavi Hogaye,Sher Shah Soori Ka Bhanja Usman Khan Soori Aur Wazeer e Aazam Himayu’n Dono Musaddiq Hogaye,Jab Usman Khan Soori Ne Tark e Dunya Kiya 1200’Mann Sona Allah Ki Raah Mein Miyan Mustafa Gujrati.rah.Ki Khidmat Mein Pesh Kiya,Aap Ne Woh Sab Sona Sawiyat Karadiya,Jab Aap Qaid Se Riha Huye Aap Ke Farzand Miyan Shaikh Abdullah.rah.Aap Ko Bayana Ki Taraf Chaley Gaye,Miyan Shaikh Mustafa Gujrati.rah.Bahut Kamzor Hogaye Thhey,Bayana Pahunchney Ke Baad Aabadi Ke Bahar Qayam Kiya Yahan Aap Beemar Hogaye Aap Ka Dil Hazrat Bandagi Miyan Syedanji Khatimul Murshid.raz.Ki Taraf Raaghib Hogaya Aur Farmaya Ab Mujhey Syedanji Ke Jo Maraatib Bataye Jaarahey Hain Agar Pehley Bataye Jatey To Kabhi Hazrat Ki Khidmat Se Juda Na Hota Aur Farmaya Marwad Ka Oont Marwad Ki Taraf Moonh Kar Ke Marta Hai,Mere Marne Par Mera Moonh Syedanji Ke Daira Ki Taraf Kardo, Zil Qadah Ki 19’Tareekh Aap Ki Halat Qareebul Marg Hogayi,Aap Ne Apne Farzand Se Farmaya Ke Agar Aaj Meri Maut Hojaye To Pehley Hazrat Mehdi Maud.ahs.Ka Urs e Mubarak Karo Aur Sab Logon Ko Khana Khilao Uske Baad Meri Tajheez o Takfeen Kar Ke Mujhey Dafan Karo.Isi Tareekh 19’Zil Qadah,984’Hijri Ko Aap 52’Saal Ki Umar Mein Iss Dunya e Faani Se Darul Khulad Ki Janib Rehlat Kar Gaye.

Masjid-e-Makhdoomiya

09/06/2026

03/06/2026

01/06/2026

19/05/2026

08/05/2026

07/05/2026

Address

Telephone

Website

Alerts

Contact The Place Of Worship

Shortcuts

Share