14/06/2025
*പ്രേഷിത പ്രവർത്തനത്തിന്റെ ഊർജ്ജം തീഷ്ണതയേറിയ പ്രാർത്ഥനയാണ്- മാർ ജോസഫ് പെരുന്തോട്ടം.*
ചങ്ങനാശേരി: അതിരൂപത ചെറുപുഷ്പ മിഷൻലീഗ് 2025-2026 പ്രവർത്തനവർഷ ഉദ്ഘാടനം ആർച്ച്ബിഷപ്പ് മാർ ജോസഫ് പെരുന്തോട്ടം നിർവഹിച്ചു. കുഞ്ഞു മിഷനറിമാർ പ്രേഷിത പ്രവർത്തനത്തിന്റെ വിജയത്തിനായി പ്രാർത്ഥിക്കണം എന്ന് പിതാവ് ഓർമപ്പെടുത്തി. സെന്റ് ബെർക്കുമെൻസ് കോളേജിൽ നടന്ന സമ്മേളനത്തിൽ അതിരൂപതയിലെ 18 മേഖലകളിൽനിന്നുമായി എഴുന്നൂറോളം കുഞ്ഞു മിഷനറിമാരും അദ്ധ്യാപകരും പങ്കെടുത്തു. അതിരൂപത പ്രസിഡന്റ് ഫെബിൻ അഗസ്റ്റിൻ മാത്യു അധ്യക്ഷത വഹിച്ച സമ്മേളനത്തിൽ ചങ്ങനാശ്ശേരി അതിരൂപത വികാരി ജനറാൾ വെരി. റവ. ഡോ. സ്കറിയ കന്യാകോണിൽ അനുഗ്രഹ പ്രഭാഷണവും ഈ വർഷത്തെ മാർഗരേഖ, പഠന ഗ്രന്ഥ പ്രകാശനവും നടത്തി. ചെറുപുഷ്പ മിഷൻ ലീഗ് അതിരൂപത ഡയറക്ടർ റവ.ഡോ. വർഗീസ് പുത്തൻപുരക്കൽ , അസിസ്റ്റന്റ് ഡയറക്ടർ ഫാ. സെബാസ്റ്റ്യൻ മാമ്പ്ര , ഓർഗനൈസിംഗ് പ്രസിഡന്റ് ടിന്റോ സെബാസ്റ്റ്യൻ, ജോയിന്റ് ഡയറക്ടർ സിസ്റ്റർ ജെസ്ലിൻ ജെ. എസ് , ജനറൽ സെക്രട്ടറി എബിൻ ജോസഫ്, ഓഫീസ് സെക്രട്ടറി സിസ്റ്റർ മേരി റോസ്, ജോൺസൺ കാഞ്ഞിരക്കാട്, ലൂക്ക് അലക്സ്, ആനിമേറ്റർ ബോബി തോമസ്, റോഹൻ ബെന്നി , ജോയൽ ജോൺ , സാലിച്ചൻ തുമ്പേക്കളം, കെ. പീ. മാത്യു, സിജോ ആന്റണി, അമൽ വർഗീസ്, ജോസഫ് തോമസ് , ആകാശ് എ.റ്റി, ദിവ്യ മരിയ ജെയിംസ്, നേഹ ഷൈൻ, മിനി തോമസ്, ഹയാ റ്റോജി, ജേക്കബ് സി ജോസഫ്, നീവ് എൽസാ ജോസി, നോയൽ ജോസഫ്, അന്നാ ജോസഫ് എന്നിവർ നേതൃത്വം നൽകി. കഴിഞ്ഞ പ്രവർത്തന വർഷ കാലയളവിൽ നടത്തപ്പെട്ട വിവിധ മത്സരങ്ങളിൽ മികച്ച പ്രകടനം കാഴ്ചവച്ച കുഞ്ഞുമിഷനറിമാർക്ക് സമ്മാനങ്ങൾ നല്കി ആദരിച്ചു. കുഞ്ഞേട്ടൻ പുരസ്കാര ജേതാവ് ജോൺസൺ കാഞ്ഞിരങ്ങാട്ട് സാറിനെ പ്രസ്തുത മീറ്റിങ്ങിൽ ആദരിച്ചു. തുടർന്ന് നടന്ന് സെമിനാറിൽ വെരി.റവ. ഫാ. മാണി പുതിയിടം കുട്ടികൾക്കായി ക്ലാസ് നയിച്ചു.
