13/07/2025
*Khawzawl Venglai Pastor Bial KTP Meet leh Missionary Challenge a tiak ta.*
Dated Khawzawl the 14th July, 2025 : Ni 11-13 July, 2025 chhung khan Khawzawl Venglai Kohhran Biak Inah Khawzawl Venglai Pastor Bial KTP chuan 'Bial KTP Meet leh Missionary Challenge' an hmang a, Thupui *Chanchintha hril* Luka 16:15 chu Speaker Rev. H. Lalawmpuia Leader CKTP in vawi 3 a sawi a, Meet hi CKTP hruaitute leh Mizoram Synod Choir ten an rawn hmanpui bawk a ni.
Zirtawp zanah Pu PC. Zoramsanga Leader, BKTP hnen atangin thuchah ngaihthlak a ni a, Inrinni chhunah Mualvawm Field-ah intihhlimna leh intihsiakna hrang hrang neih a ni a, Inrinni Zan Inkhawmah Tv PC. Lalthanmawia C/m CKTP hnen atangin Pathian thuchah ngaihthlak a ni a, Pathianni Chawhma, Chawhnu leh Zanah Speaker hnen atangin Thupui ngaihthak a ni a, Pathianni zan inkhawmban Fellowship ah Pu Benjamin Pazawna, Conductor, Mizoram Synod Choir hnen atangin Pathian thuchah ngaihthlak a ni bawk.
Khawzawl Venglai Pastor Bial ah hian Branch panga, Khawzawl Venglai, Khawzawl Vengsang, Ngaizawl, Khawzawl Lungvar, 2nd I.R Bn. Kohhran Thalai Pawl Branch te an awm a, intihsiakna hrang hrang neihah Ngaizawl Branch Pakhatna niin 2nd I.R Bn. Kohhran Thalai te pahnihna an ni.
Meet & Missionary Challenge-ah hian Inkhawm apiangin Mizoram Synod Choir, Bial Zaipawl leh Branch hrang hrangte zaipawl zai ngaihthlak thin a ni.
Mizoram Synod Choir zai hi KTP member leh Kohhranhoten an hlut hle a, Pathian ropuina tarlanin a awm a, a ropui takzet a ni.
