Babadev Chelavada

05/05/2025

🙏🙏🙏
ચેલાવાડાના શ્રી બાબાદેવની પ્રાણપ્રતિષ્ઠાના પાવન વાર્ષિક પર્વે, ભક્તિભરી ભાવનાથી દિવ્ય ચરણોમાં શતશત વંદન અને નમન

જય બાબાદેવ 💐💐💐

05/05/2023

ચેલાવાડા ગામ ના ગ્રામ દેવતા અને ગટુરગચ્છ ના પુત્ર જય શ્રી બાબાદેવ ના ચરણોમાં વન્દન. સ્થાપનાદિન ની સૌ ને શુભેચ્છા ઓ

05/05/2023

ચેલાવાડાની આન બાન સાન એવા પરમ કૃપાળુ બાબાદેવ મહારાજ, જેની કૃપા દ્રષ્ટિ થકી ચેલાવાડાની ઓળખાણ છે.
એવા શ્રી બાબાદેવ ના મંદિર સ્થાપના દિવસે એમની પાસે એજ માંગીએ કે એમની કૃપા દ્રષ્ટિ સદાય સર્વે ઉપર રહે...
*જય બાબાદેવ*

30/01/2022

05/05/2021

ચેલાવાડાની આન બાન સાન એવા પરમ કૃપાળુ ચેલાવાડા પર જેની કૃપા દ્રષ્ટિ છે જેમના થકી ચેલાવાડાની ઓળખાણ છે એવા શ્રી બાબાદેવ ના જન્મ દિવસે એમની પાસે એજ માંગીએ કે એમની કૃપા દ્રષ્ટિ સદાય સર્વે ઉપર રહે....🍬🍫🎂🎂🎂
*જય બાબાદેવ*

30/04/2021

આથી જાહેર જનતાને જણાવવાનુ કે ચેલાવડા મા આવેલ શ્રી બાબાદેવ મંદીર હાલ કોરોના ના વધી રહેલ કેશો ને લીધે હાલ પૂરતું બંધ રાખવામાં આવેલ છે જેની ભાવિક ભક્તોએ નોંધ લેવી...🙏🙏🙏

27/12/2020

ઘોઘંબા તાલુકા ના ચેલાવાડા ગામ ના ગ્રામ દેવતાં તરીકે પૂજાતાં બાબાદેવમંદિર નો સબંધ મહાભારત ના સમય નો..

આપણાં દેશ ના ખૂણે ખૂણે અનેક દેવી દેવતાઓ ના નાના મોટા સ્થળો આવેલા છે ..જે ક્યાંક શહેરમાં તો ક્યાંક ગ્રામ્યવિસ્તારોમાં એમ જુદી જુદી જગ્યાએ સ્થાનકો જોવા મળે છે ..પ્રાચીન સમયમાં યુદ્ધ થવાથી,ભાગીજવાથી,સંતાઈ જવાથી અથવા ગુપ્તવાસ માં રહેવાથી કેટલાક દેવતાઓ આજે પણ આપણાં દેશમાં ડુંગર પર, ગુફાઓ એમ તેમને પૂજવામાં આવે છે ..એક એવો જ ઇતિહાસ ધરાવતું એક સ્થળ આવેલું છે ..આપણાં પંચમહાલ પ્રદેશના ઘોઘંબા પંથકમાં ..ચેલાવાડા બાબાદેવ મંદિર બાબાદેવ મંદિર એક એવું મંદિર છે જ્યાં બકરાં અને મરઘાં ની બલી આપી ને લોકો પોતાની બાધાઓ અને મનોકામનાઓ પુરી કરે છે...
આ મંદિર નો ઇતિહાસ જોડાઈયેલો છે મહાભારત અને રાઠ પ્રદેશના રાઠવા સમાજ સાથે આ જગ્યાએ આજુબાજુ આદિવાસી ગામો ના કારણે વાતાવરણ માં પણ ખૂબ જ સુંદર જગ્યા છે ..પહેલાં ના સમય માં આ જગ્યા પર એક રસ્તો પસાર થતો હતો અને તે રસ્તા ની પાસે એક ઓકલના ઝાડ નીચે દેવ નું સ્થાનક આવેલું હતું કહેવાય છે ..ત્યારે નજીક માં આવેલ ચેલાવાડા ડુંગર ઉંચાઈ માં ખૂબ જ ઉંચો હતો તેમ કહેવાતું આવા સમય માં આજુ બાજુ ના કોઈ આદિવાસીગામ ના કોઈ સગર્ભાવસ્થાવાળી(ગર્ભવતી) સ્ત્રી આ દેવ ની બાંધા રાખી હતી તેમ કહેવાય છે.. ત્યારે તે સ્ત્રી ડુંગર પર બાંધાપુરી કરવા ચઠી શકે તેમ ના હતી ..તેથી તે દેવ ને ઓકલના ઝાડ નીચે રહીને બાબાદેવને પ્રાર્થના કરીને દેવ ને ડુંગર પર થી નીચે આવીને બિરાજવવા કહ્યું તો ડુંગર રાત થતાં જમીન માં બેસવા લાગ્યો ..સવાર થતાં ગામ લોકો દોડી આવતાં ડુંગર અડધો બહાર રહી ગયો તેમ કહેવાય છે ..પછી ગામલોકો અને આજુબાજુના ગામો ના લોકો ભેગા થઈ ને બાબાદેવ ને ડુંગર પર થી નીચે ઓકલ ના ઝાડ પાસે બેસાડ્યા તેમ કહેવાય છે ..ત્યાર પછી આ ડુંગર પર અનેકવાર ચમત્કાર થયો હતો એમ કહેવાય છે ..ડુંગર પર શોધ કરતાં, લગ્ન ચોરી,શિલાલેખ,ભીમ ની લખોટી ,બાબાદેવ ના પગ નું નિશાન ,બાબાદેવ નો ખાટલો,બે બાપ ની બારી જેવા અનેક રહસ્યમય જગ્યાઓ મળી આવી હતી .જે જગ્યાઓ આજે પણ આ ડુંગર પર મોજુદ છે .આ ડુંગર માં અસંખ્ય ગુફાઓ આવેલી છે જે આજ ના માનવી માટે ખૂબ જ ખતરનાક સાબિત થાય છે .ખૂબ ડરામણી જગ્યાઓ આ ડુંગર માં મોજુદ છે .ત્યાં જગલી જનાવર ની સંખ્યા પણ વધુ જોવા મળે છે...એવીજ રીતે આ ડુંગર પથ્થરો નો બનેલો છે જે પાવાગઢ પર્વત પર થી જોતાં પથ્થર નો ઢગલો પડ્યો હોય તેવો લાગે છે .સમગ્ર રાઠવા સમાજ માં બાબાદેવ ને કુળદેવ તરીકે પૂજવામાં આવે છે.તે આદિવાસી સમાજ કેટલાક નાનાં મોટા સમાજ પણ કુળદેવ કહેવાય છે.આમ તે સમગ્ર આદિવાસીઓ ના મોટાં દેવ કહેવાય છે .રાઠવાકુળ માં પીઠોરા દેવ અને ઈન્દ્ર દેવ સાથે તેમને પૂજવા માં આવે છે..
બાબાદેવ મંદિર ઇતિહાસ કહે છે કે આજ થી 5000 હજાર વર્ષ પહેલાં મહાભારત કાળ માં જ્યારે પાંચ પાંડવો અને દ્રૌપદી 12 વર્ષ નો વનવાસ આપવામાં આવ્યો હતો. ત્યારે મહાભારત ના સમય દરમિયાન આ પંચમહાલ પ્રદેશ હૈડબાવન તરીકે ઓળખાતો હતો ..આ પ્રદેશ માં હિડબા નામ ની રાક્ષસી રહતી હતી કહેવાય છે ..તે સમય માં મોટાં મોટાં તાંડ ના વૃક્ષો આવેલાં હતાં તે વૃક્ષો નો રસ હૈડબા રાક્ષસી વાંકા વાળી ને પીતી એમ કહેવાય છે. આજ ના સમય માં તે વૃક્ષ ના રસ ને તાડી કહેવામાં આવે છે.. તે પીવાથી પથરી જેવા રોગ મટી જાય છે.. પાંચ પાંડવો ફરતાં ફરતાં આ હૈડબાવનમાં આવે છે ..ભીમભોજન ની શોધ માં આમતેમ ફરે છે ત્યાં ભીમની હિડબા સાથે તેની મુલાકાત થતા તેને યુદ્ધ હરાવી ને તેની સાથે લગ્ન કરે છે કહેવાય છે .સમય જતાંભીમ અને હૈડબા ભગવાન શિવ પાસે થી તપસ્યા કરી ને એક પુત્ર નું વરદાન માંગે છે શીવજી તેમને વરદાન માં ઘટોત્કચ નામ નો પુત્ર આપે છે ..તે પુત્ર ને આજુ બાજુ ના આદિવાસીઓ બાબો કહી ને બોલાવે છે...આ પ્રદેશમાં આદિવાસીઓ સાથે અને તેની માતા હિડબા ની રક્ષા માટે માતા પાસે આ પુત્ર મોટો થાય છે...ત્યાર પછી ભગવાન શ્રીકૃષ્ણ અને હિડબામાતા દ્વારા ઘટોત્કચ નું લગ્ન કામખ્યાં દેવીની ભક્ત કામકટિકા સાથે આ ચેલાવાડા ડુંગર પર કરવામાં આવ્યું હતું તેમ કહેવાય છે .કામકટિકા ને લક્ષ્મીદેવી અને ઘટોત્કચ ને કણભાદેવ (બાબોદેવ)નામથી આજે આજુબાજુ આદિવાસીઓઓળખે છે ..ચેલાવાડા ડુંગર પર તેઓ ની લગ્ન ચોરી પણ મોજુદ છે તે ચોરી એક પથ્થર પર આવેલી હતી હવે તેની પર મંદિર બાંધવા માં આવ્યું છે ચોરી વાળા પથ્થર પાસે ના પથ્થર પર શીલાલેખ પણ લખેલો જોવા મળે છે ..પણ હવે ચોરી મંદિર છે છે શિલાલેખ મંદિર ની દીવાલ પાછળ છે ...આ મંદિર વિશે બીજી પણ એક માન્યતા અને લોકવાયકા છે કે ..
બાબાદેવ સહિત આ રાઠપ્રદેશ માં બીજા અનેક દેવો ગામેગામ વસેલાં છે ક્યાંક નદીકિનારે, ક્યાંક,ડુંગર પર, ક્યાંક જગલ માં એમ આ દેવો ની પૂજા આજે પણ ગ્રામજનો દ્વારા કરવામાં આવે છે.. જેમ કે ચેલાવાડા ગામ નો દેવ,પાલ્લા ગામનો દેવ,બોરીયા ગામ નો દેવ એમ ગામે ગામ.હોળી ,દિવાળી પર તેમની પૂજા ,આરાધના આદિવાસીઓ દ્વારા કરવા આવે છે..
સિમોઇદેવ,રતુંમાલદેવ,ભેંહાદેવ અને બાબોદેવ આ ચાર મોટા દેવ ગણાય છે આ દેવો ના સ્થાન મધ્ય પ્રદેશ, પંચમહાલ, દાહોદ,છોટાઉદેપુર વિસ્તાર માં આવેલા છે....સમય જતાં આ સ્થળો જંગલો માં સમાય ગયાં હતાં..કહેવાય છે કે ..સમય જતાં પાવાગઢ ચાંપાનેરમાં પતાઈ રાવળ અને મહમદ બેગડા નું યુદ્ધ ચાલતું હતું કહેવાય છે .ત્યારે ભૂખ ના કારણે ચેલાવાડા ડુંગર પર ચરતા બકરાં લેવાં કેટલાક મહમદ બેગડા ના સૈનિક આવ્યા હતાં કહેવાય છે તે સમયે બાબાદેવ ગોવાળ ના રૂપે સૈનિકો સાથે યુદ્ધ કરેલું કહેવાય છે. ત્યારે તેમને મહાકાળી માતાજીએ પ્રસન્ન થઈ ને બાબાદેવને કલિયુગમાં આદિવાસીઓ દેવ તરીકે પૂજાવાનું વરદાન આપેલું કહેવાય છે.અંગ્રેજો આપણાં દેશ માં રાજ કરતાં ત્યારે આ સ્થળો ઘોર,ડરામણાઅને ખતરનાક જંગલો માં સચવાઈ રહ્યાં હતા..ત્યાર પછી ગાંધીયુગ માં જેમ ગામડાઓ વસતાં ગયાં, જગલ કપાતા ગયાં તેમ તેમ આ સ્થળો ફરી મળી આવ્યા ..આમ સમય બદલાતો ગયો તેમ તેમ..એકવખત કહેવાય છે કે ચેલાવાડા ડુંગર ની આજુબાજુ ના વિસ્તાર ના આદિવાસી ગરીબકુટુંબ વાળાઓ ચેલાવાડા ડુંગર પાસે ભેંસો ચરાવવા ગઈ હતી.બાળાઓ ઝાડ પર ચઢી ને ભેંસો ને ચરાવવા પાલો પાડવા લાગી.ત્યાંજ ભેંસ ને સાપ કરડ્યો કહેવાય છે ને ભેંસ ત્યાં અચાનક મૃત્યુ પામી કહેવાય છે. ભેંસો ચારવા આવેલી બાળાઓ ભેંસ મૃત્યુ પામેલી જોઈને દોડતી દોડતી બાબાદેવ ના સ્થાનક પર જઈને જોર જોર રડવા લાગી .આ જોઈ ને બાબાદેવ પ્રગટ થયા અને બાળાને પોતાના ખોળા બેસાડીને બાબાદેવ રડવાનું કારણ પૂછ્યું ત્યારે બાળા કહેવા લાગી કે હે બાપુ ..મારી ભેંસ ને કોઈ ઝેરી જનાવર કરડી ગયું છે.ગામ ના લોકો એમ કહે છે કે તમે તો જાગતાં દેવ છો.તો શું તમે મારી ભેંશ બચાવી ના શકો.આવા બાળા નાશબ્દો સાંભળી ને બાબાદેવ બાળા ના માથે હાથ ફેરવી ને બોલ્યાં જરૂર બચાવીશ તારી ભેંશ ને બેટા..અને બોલ્યાં ક્યાં છે તારી ભેંશ આમ કરી ડુંગર તરફ ચાલવા લાગ્યા જ્યારે બીજી બાજુ કન્યા ના ગરીબ માં-બાપ તેમનું ભરણપોષણ આ ભેંસ પર જ ચાલતું હતું.તેવા માવતર ને ખબર પડી કે મારી ભેંશ ને સાપ કરડી ગયો છે.તે ત્યાં દોડી ગયા અને જોર જોર થી રડવા લાગ્યા અને કહેવા લાગ્યાં અમે હમારુ ભરણપોષણ કેમ કરી ને કરીશુ હવે શું કરીશું.એટલા બાબાદેવ ત્યાં આવ્યા અને ચોખ્ખું પાણી ભરીને એક લોટો મંગાવ્યો અને લીમડા ના પાન બોળી ને ભેંસ પર છાંટયા એટલા માં ભેંશ જોત જોતા માં સજીવન થઈ ગયી હતી તેમ સ્થાનિક લોકો જણાવે છે. બીજી લોકવાયકા અનુસાર વરસાદ આવવાની તૈયારી હતી પણ વરસાદ વરસતો નતો..ત્યારે એકદમ દુકાળ જેવો સમય આવી ગયો કહેવાય છે.ત્યારે ખેડૂતો વિચારે છે કહેવાય છે કે જો આ વર્ષે ચોમાસુ વરસાદ નઈ પડે તો સમાજ અને ઢોર-ઢાંકર નું પેટ કેમ કરીને ભરીશું અને કેવી રીતે જીવડાવીશું.આવા કપરાં સમય માં ઘાસ ચારા લીધે માલ ઢોર મરે છે આવા સમય માં ખેડૂતો બાબાદેવ ના સ્થાનકે જઈને બાબાદેવ ને વિનવે છે ..ત્યારે બાબાદેવ પ્રગટ થઈને કહે છે.કે મારા સ્થાનકે આવેલા ને હું ક્યારેય નિરાશ નઈ થવા દવ .પણ તમારે મારા માટે એક બકરાં ની બલી આપવી પડશે એ એટલા માટેકે કોઈ દાનવે વરસાદ વશ માં કરી લેંધો છે એ દાનવ ને ખુશ કરવા માટે આપણે એક બકરાં ની બલી આપી ને ખુશ કરવો પડશે.આમ દાનવ ને બકરાં ની બલી આપીને ખુશ કરે છે. દાનવ રાજી થઈ ને વરસાદ ને મુક્ત કરે છે. ત્યારે વરસાદ ખૂબ મુસાલદાર પડે છે .ખેડૂતો ખુશ થઈ ને ખેતી કરે છે .આમ દાનવ માટે જે બલી ચઢાવી હતી તે જોઇને સાંભળીને આજે પણ માનવીઓ બકરાં ની બલી આપી ને પોતાની માનતાઓ પુરી કરે છે...આવી રીતે બાબાદેવ વિશે અનેક માન્યતા ઓ અને લોકવાયકા પ્રચલિત છે.અત્યારે થોડા વર્ષો પહેલાં તારીખ ૨૭-૧૧-૧૯૯૪ના દિવસ દરમિયાન એક મોટા મંદિર ની પ્રાણ પ્રતિષ્ઠા ચેલાવાડાગામ ના સમસ્ત ગ્રામજનો દ્વારા ઓકલ ના ઝાડ પાસે કરવા માં આવી હતી.. આજે તો આ સ્થળ ઘોઘંબા જ નહીં પણ આખા ગુજરાત માં પ્રખ્યાત થઈ ચૂક્યું છે... આજે અહીંયા દૂર દૂર થી પ્રવાસીઓ આવે છે ...આ સ્થળ આધુનિક વાતાવરણ થી દુર આવેલું હોવાથી કુદરતી સૌંદર્ય નો આનંદ લૂંટવાની ખૂબ જ મજા આવે છે...
અહીંયા ગુજરાતી ફિલ્મો નો સૂંટિંગ પણ અવર નવર થતાં હોય છે,જેમાં બાબા દેવ મંદિર સહિત ડુંગર સાથે અનેક કથાઓ પર આધારિત ફિલ્મો બની ચુકી છે.. જે પંચમહાલ ની પ્રજા માટે ગૌરવ ની વાત કહી શકાય....તો દોસ્તો એકવાર તમે આ જગ્યા ની મુલાકાત જરૂર લેજો ..અને ઇતિહાસ પણ જાણવાની કોશિશ પણ કરજો ...આ જગ્યા અનેક ઇતિહાસ અને રહસ્યો છુપાવી ને બેઠી છે આજે પણ...
પંચમહાલ પ્રદેશમાં આવેલ નાનાં મોટાં ધાર્મિક, સાંસ્કૃતિક વારસો સાચવી ને બેઠેલા સ્થળો નો ઇતિહાસ ઉજાગર કરતો..

પંચમહાલ પ્રદેશ નો ભોમિયો..
★લક્ષમણ રાઠવા ઘોઘંબા★

* ચેલાવાડાં બાબાદેવ મંદિર અને ડુંગર સાથે સબંધ ધરાવતી ગુજરાતી ફિલ્મો..નીચે મુજબ આપ નિહાળી શકો છો...👇👇

૧.મગુડી માનતી નથી..https://youtu.be/eIezgOutR5k

૨.પ્રીત ના પારખાં..https://youtu.be/_qxZWOCAhgU

આ ઇતિહાસ ના લેખ નો કોઈએ કોપીરાઇટ કરવો નહીં...કોપી કરનાર વ્યક્તિ ગુનાકીય કાયદો અને સજા ને પાત્ર બની શકે છે...

25/07/2020