KNM Markazudawa

23/03/2026

പി.കെ ബഷീർ എം എൽ എ ✍🏼

മാനു മദനിയോടൊപ്പമുള്ള സമയവും സംസാരവും എനിക്ക് എൻ്റെ ബാല്യകാല ഓർമ്മകളെ പുതുക്കലാണ്.

എൻ്റെ ബാല്യകാല സുഹൃത്താണ് മാനു മദനി. കുട്ടിക്കാലത്ത് ഒന്നിച്ചു കളിച്ചു പഠിച്ചു വളർന്നവരാണ് ഞങ്ങൾ. സ്‌കൂളിലേക്കുള്ള പോക്കുവരവുകളെല്ലാം ഞങ്ങളൊന്നിച്ചായിരുന്നു. കുട്ടിക്കാലം തൊട്ടേ ശാന്തനും സൗമ്യനുമായിരുന്നു.

പഠനത്തിലൊക്കെ അന്ന് മിടുക്കനായ മദനി. അദ്ധേഹത്തോടൊപ്പമുള്ള ബാല്യകാലത്തെ നിറമുള്ള ഓർമ്മകൾ ഒരുപാടുണ്ട്.

മദനിയുടെ കുടുംബവും എൻ്റെ കുടുംബവും തമ്മിൽ എന്നും ഹൃദയ ബന്ധം കാത്തു സൂക്ഷിക്കുന്നുണ്ട്.

ഇന്ന് മദനി കെ.എൻ.എം മർക്കസുദഅവയുടെ സംസ്ഥാന ജനറൽ സെക്രട്ടറി പദവിയിലിരിക്കുമ്പോൾ വല്ലാത്ത സന്തോഷമുണ്ട്.
അദ്ധേഹം നൽകുന്ന പിന്തുണയും സഹായവുമെല്ലാം ഏറെ കരുത്ത് പകരുന്നുണ്ട്.

19/03/2026

ആത്മനിയന്ത്രണത്തിന്റെ ജീവിതവഴിയിൽ വിശുദ്ധിയുടെ റമളാൻ പിന്നിട്ട വിശ്വാസിസമൂഹം ആത്മഹർഷത്തിന്റെ നിറവിൽ ചെറിയ പെരുന്നാൾ (ഈദുൽ ഫിത്‌ർ) ആഘോഷിക്കുകയാണ്.
പുണ്യങ്ങൾ പെയ്തിറങ്ങിയ റമളാനിൻ്റെ പരിസമാപ്തി കുറിച്ചാണ് ഈദുൽ ഫിത്ർ ആഗതമാകുന്നത്. മുസ്‌ലിം സമൂഹത്തിന് മതം നിശ്ചയിച്ചു നൽകിയ രണ്ട് ആഘോഷ ദിനങ്ങളിൽ ഒന്നാണ് ഈദുൽ ഫിത്ർ. ശവ്വാലിൻ്റെ അമ്പിളി ഉദിച്ചതു മുതൽ തക്ബീർ ധ്വനികൾ അന്തരീക്ഷത്തിൽ അലയടിക്കുകയാണ്. അല്ലാഹുവേ നീയാണ് വലിയവൻ... നീയല്ലാതെ ആരാധ്യനില്ല... സർവ്വ സ്തുതിയും നിനക്കാകുന്നു.
വ്രതചൈതന്യം ഒരു ഊർജപ്രവാഹമായി ആത്മാവിൽ നിറച്ചാണ് ഓരോ വിശ്വാസിയും ശവ്വാലിനെ വരവേൽക്കുന്നത്.

റമളാൻ ഒരു പരിശീലനക്കളരിയായിരുന്നു. ഇച്ഛകളെ നിയന്ത്രിച്ചും ശീലങ്ങളെ മെരുക്കിയും പൈശാചിക പ്രേരണകളിൽ നിന്ന് മുക്തമായും പരമാവധി സർകർമ്മങ്ങൾ നിറച്ച ഒരു മാസമാണ് അതിശീഘ്രം കടന്നു പോയത്. വർദ്ധിച്ച ധാനധർമ്മത്തിലൂടെയും പരസഹായത്തിലൂടെയും റമളാനെ കൂടുതൽ നനവുള്ളതാക്കാൻ വിശ്വാസികൾ പ്രത്യേകം ശ്രദ്ധിച്ചു. സ്നേഹവും സൗഹാർദ്ദവും കരുണയും കൂടുതൽ തളിർത്തു. കൈവരിച്ച നേട്ടങ്ങളെല്ലാം വരും കാലത്തും നിലനിർത്താനുള്ള പ്രതിജ്ഞ വളരെ പ്രധാനമാണ്.

ആഘോഷത്തിൻ്റെ നിറവിലും ലോകത്തിൻ്റെ പല കോണുകളിലും അശാന്തിയുടെ പുക പടലങ്ങൾ ഉയരുന്നത് നമ്മെ ഏറെ ആശങ്കപ്പെടുത്തുണ്ട്. പശ്ചിമേഷ്യയിൽ ഉരുണ്ടു കൂടുന്ന യുദ്ധ സാഹചര്യം ഇതിൽ ഏറ്റവും പ്രയാസമുണ്ടാക്കുന്ന ഒന്നാണ്. നമ്മുടെ ധാരാളം സഹോദരങ്ങൾ ജോലി ചെയ്യുന്ന ഇടമാണ് മിഡിലീസ്റ്റ്. എല്ലാ പ്രതിസന്ധികളും നീങ്ങാനും സമാധാനാന്തരീക്ഷം കൈവരാനും നാം പ്രത്യേകം പ്രാർത്ഥിക്കേണ്ട സന്ദർഭമാണിത്.
സർവ്വശക്തൻ സഹായിക്കുമാറാകട്ടെ.

അധികാരവും സമ്പത്തും ഉപയോഗിച്ച് മറ്റുള്ളവരെ കടന്നാക്രമിക്കുകയും അവരുടെ സ്വസ്ഥത നശിപ്പിക്കുകയും അതുവഴി ലോകത്തെ മുഴുവൻ ആശങ്കയുടെ മുൾമുനയിൽ നിർത്തുകയും ചെയ്യുന്ന ദുഷ്ട പ്രവർത്തനങ്ങളിൽ നിന്ന് അമേരിക്കയും ഇസ്രയേലും പിന്മാറണം. ഈ അനീതിക്കും ഭീകരപ്രവർത്തനത്തിനുമെതിരെ ലോക രാഷ്ട്രങ്ങൾ ഒരുമിച്ചുള്ള പ്രതിരോധം തീർക്കണം.

പെരുന്നാൾ ആഘോഷങ്ങൾ ധാർമികമൂല്യങ്ങൾ നിരസിക്കുന്നതും മാന്യതയുടെ അതിർവരമ്പുകൾ ലംഘിക്കുന്നതുമാവരുതെന്ന് പ്രവാചകൻ (സ) കർശനനി‌ർദേശം നൽകിയിട്ടുണ്ട്. ബന്ധുവീടുകൾ സന്ദർശിക്കാനും കുടുംബബന്ധങ്ങൾ ദൃഢമാക്കാനും സ്നേഹബന്ധങ്ങൾ ഊട്ടിയുറപ്പിക്കാനും ശ്രമിക്കണം. മനുഷ്യസ്നേഹം, അയൽപക്ക ബന്ധം കുടുംബ ബന്ധം സൗഹൃദങ്ങൾ എന്നിവക്കെല്ലാം വലിയ വില കൽപിക്കണമെന്നത് ഈദിൻ്റെ പ്രധാന സന്ദേശമാണ്. സമൂഹത്തിനു ഗുണകരമായ നല്ല പ്രവൃത്തികൾ നിർവഹിച്ചുകൊണ്ട് സ്നേഹത്തിന്റെയും സാഹോദര്യത്തിന്റെയും സുന്ദരസന്ദേശങ്ങൾ പകർന്നുനൽകുന്നതാവട്ടെ നമ്മുടെ ഈദ്.

എം അഹ്'മദ്കുട്ടി മദനി
ജനറൽ സെക്രട്ടറി
കെ എൻ എം മർക്കസുദ്ദഅവ

01/03/2026

ഖാംനഇയുടെ വധം അപലപനീയം

സ്വതന്ത്ര പരമാധികാര രാഷ്ട്രമായ ഇറാനിന്റെ രാഷ്ട്രനായകന്‍ അലി ഖാംനഇയെ വധിച്ച സയണിസ്റ്റ് ഭീകരതയെ ചെറുത്തു തോല്പിക്കേണ്ടത് ലോകത്തിന്റെ ബാധ്യതയാണെന്ന് കെ എന്‍ എം മര്‍കസുദഅവ സംസ്ഥാന സെക്രട്ടറിയേറ്റ് വ്യക്തമാക്കി. പശ്ചിമേഷ്യയില്‍ അന്യായമായി കടന്നു കയറി രാഷ്ട്രനായകരെയും സ്ത്രീകളും കുട്ടികളുമടക്കമുള്ള സാധാരണക്കാരെയും കൊന്നൊടുക്കുകയും ആശുപത്രികളും വിദ്യാലയങ്ങളുമടക്കം നശിപ്പിക്കുകയും വിഭവങ്ങള്‍ കൊളളയടിക്കുകയും ചെയ്യുന്ന അമേരിക്കൻ ഇസ്രയേല്‍ ഭീകര കൂട്ടുകെട്ടിനെതിരെ ലോകം ഒന്നിച്ചു നിൽക്കണം.

ആഗോള സമ്പദ്ഘടനയുടെ നട്ടെല്ലായി വര്‍ത്തിക്കുന്ന ഇസ്ലാമിക രാജ്യങ്ങളെ അകാരണമായി ആക്രമിക്കുന്നത് നീതീകരിക്കാവതല്ല.ഗള്‍ഫ് രാഷ്ട്രങ്ങളിലെ പ്രവാസി ഇന്ത്യക്കാരുടെ സുരക്ഷ ഉറപ്പു വരുത്താന്‍ കേന്ദ്ര സംസ്ഥാന സര്‍ക്കാറുകള്‍ അടിയന്തിര നടപടി സ്വീകരിക്കണം. യുദ്ധം കാരണം വിമാനങ്ങൾ റദ്ദായും മറ്റും ജോലി സ്ഥലങ്ങളിലേക്ക് യഥാസമയം എത്തിപ്പെടാന്‍ കഴിയാത്ത പ്രവാസി ഇന്ത്യക്കാര്‍ക്ക് അവരുടെ വിസാ കാലാവധി ദീര്‍ഘിപ്പിച്ചും ആവശ്യമായ ഇടപെടലുകൾ നടത്തിയും അവരുടെ ജോലി ഉറപ്പു വരുത്താന്‍ സര്‍ക്കാറുകളുടെ ശ്രദ്ധ വേണം.

ഇസ്ലാമിക ലോകത്തിന്റെ പുണ്യഗേഹങ്ങളുടെയും തീര്‍ത്ഥാടന കേന്ദ്രങ്ങളുടെയും സുരക്ഷ ഉറപ്പു വരുത്താനും ആരാധനകള്‍ക്ക് മുടക്കം വരാതിരിക്കാനും മേഖലയില്‍ സമാധാനം പുലരാനും വിശ്വാസികള്‍ ആത്മാര്‍ത്ഥമായി പ്രാര്‍ത്ഥിക്കണമെന്നും യോഗം ആവശ്യപ്പെട്ടു.

01/03/2026

01/03/2026

യുദ്ധം സർവ്വനാശമാണ്.

മധ്യപൂർവ്വേഷ്യൻ മേഖലയെ അരക്ഷിതമാക്കുന്ന യുദ്ധനീക്കങ്ങളും
അക്രമണങ്ങളും അവസാനിപ്പിക്കുക.
ശാന്തിയും സമാധാനവും പുലരാൻ എല്ലാവരും ആത്മാർത്ഥമായി പ്രാർത്ഥിക്കുക.

സി പി ഉമർ സുല്ലമി (പ്രസിഡണ്ട്)
എം അഹ്'മദ്കുട്ടി മദനി (ജന. സെക്രട്ടറി)
KNM Markazudawa

22/02/2026

KNM Markazudawa
സൗഹൃദ ഇഫ്ത്വാർ
King Fort - Kozhikode
21- Feb- 2026

25/01/2026

Unity സംസ്ഥാന സംഗമം

കെ എൻ എം മർകസുദ്ദഅവ സംസ്ഥാന ജനറൽ സെക്രട്ടറി എം അഹമ്മദ് കുട്ടി മദനി ഉദ്ഘാടനം നിർവഹിക്കുന്നു...

24/01/2026

KNM Markazudawa സംസ്ഥാന നേതാക്കൾ Dr. MK മുനീർ സാഹിബ് MLA യെ സന്ദർശിച്ചു.

13/11/2025

നിരപരാധികളെ കൊന്നൊടുക്കുന്ന ഭീകരതക്ക് അറുതി വരുത്തണം:

നിരപരാധികളുടെ ജീവൻ കൊണ്ട് പന്താടുന്ന ഭീകരാക്രമണങ്ങൾക്ക് അറുതി വരുത്താൻ കേന്ദ്ര സർക്കാർ തയ്യാറാവണമെന്ന് കെ.എൻ.എം മർകസുദ്ദഅവ അടിയന്തിര സെക്ടറിയേറ്റ് അഭ്യർത്ഥിച്ചു. ദില്ലി ചെങ്കോട്ടക്ക് സമീപമുണ്ടായ ഭീകര സ്ഫോടനം തീർത്തും അപലപനീയമാണ്.

ദില്ലിയിലെ അതീവ സുരക്ഷ മേഖലയിൽ പോലും ഭീകരാക്രമണം നടന്നത് കനത്ത സുരക്ഷാവീഴ്ചയാണ്. ജനങ്ങളുടെ ജീവനും സ്വത്തും സംരക്ഷിക്കാർ ബാധ്യതപ്പെട്ട സർക്കാർ കഴിഞ്ഞകാല ഭീകരാക്രമണങ്ങളെക്കുറിച്ച് സമഗ്രമായ അന്വേഷണം നടത്തി മതിയായ പരിഹാരം കാണുകയോ സുരക്ഷാ മുന്നൊരുക്കം നടത്തുകയോ ചെയ്തിട്ടില്ല. രാജ്യത്തെ നടുക്കിയ പൂൽവാമ, പെഹൽഗാം തുടങ്ങിയ ഭീകരാക്രമണങ്ങളെ പോലും ബി ജെ പി സർക്കാർ രാഷ്ട്രീയ താല്പര്യങ്ങൾക്ക് ദുരൂപയോഗം ചെയ്യുകയാണുണ്ടായത്. അക്രമങ്ങളുടെ മറവിൽ ഡിജിറ്റൽ മീഡിയ വഴി രാജ്യത്ത് ധ്രുവീകരണവും വർഗ്ഗീയ വിദ്വേഷവും വളർത്തുന്നവർക്കെതിരെ നടപടി സ്വീകരിക്കാനും സർക്കാർ തയ്യാറാവണം.

രാജ്യത്ത് ആവർത്തിക്കപ്പെടുന്ന ഭീകരാക്രമണങ്ങൾ കേന്ദ്ര സർക്കാറിന്റെ കഴിവുകേടും നിരുത്തരവാദിത്വവുമാണ് പ്രകടമാക്കുന്നതെന്നും യോഗം വ്യക്തമാക്കി. കെ.എന്‍ .എം മര്‍കസുദഅവ സംസ്ഥാന പ്രസിഡണ്ട് സി പി ഉമര്‍സുല്ലമി അദ്ധ്യക്ഷത വഹിച്ചു.