Palora Shiva Temple

24/11/2024

📌 ക്ഷേത്രത്തിൻറെ ജനറൽബോഡി യോഗം ഇന്ന് വൈകീട്ട് 3 മണിക്ക്.

തെരഞ്ഞെടുക്കപ്പെടുന്ന ഭാവി പ്രവർത്തക സമിതിക്ക് എല്ലാ ഭാവുകങ്ങളും നേരുന്നതോടൊപ്പം തന്നെ മഹാദേവന്റെ അനുഗ്രഹം ഉണ്ടാകട്ടെ എന്നും പ്രാർത്ഥിക്കുന്നു 🙏

24/11/2024

പത്തൊമ്പത് (19) വർഷമായി മുടങ്ങിക്കിടന്ന ക്ഷേത്രത്തിൻ്റെ രജിസ്ട്രേഷൻ പുതുക്കി ക്ഷേത്രരേഖകൾ സുരക്ഷിതമാക്കി 🙏

24/11/2024

📌 ഭക്തജനങ്ങളുടെ ചിരകാല അഭിലാഷവും ക്ഷേത്രത്തിൻറെ ചിരകാല ആവശ്യവുമായ ക്ഷേത്ര ഓഡിറ്റോറിയം 2024- ജൂലൈ - 10 ന് നിർമ്മിച്ചു സമർപ്പിച്ചു. പരേതനായ മാക്കഞ്ചേരി അച്യുതൻ നായർ മകൻ മഠത്തിൽ ശ്രീധരൻ അടിയോടി ( മുംബൈ ) അവർകൾ നൽകിയ രണ്ട് ലക്ഷം രൂപ സമർപ്പണ നിധിയാലാണ് ആരംഭിച്ചത്.

ഈ ക്ഷേത്ര ഓഡിറ്റോറിയം നിർമ്മിച്ചാൽ ക്ഷേത്രത്തിന് ഉണ്ടാവുന്ന പുരോഗതിയും പ്രാധാന്യവും മനസ്സിലാക്കി നിർമ്മാണ ജോലികൾ ആരംഭിക്കാനുള്ള പ്രാരംഭ നിധി സംഘടിപ്പിക്കുവാൻ മുൻകൈ എടുത്ത് സഹായിച്ചത് ക്ഷേത്ര രക്ഷാധികാരി ശ്രീമതി വസന്തരാജഗോപാൽ കിഴക്കെവളപ്പിൽ അവർകളാണ്. അതേ പോലെ തുടർ ജോലികൾക്ക് ആവശ്യമായ സമർപ്പണ നിധി തുടക്കം മുതൽ തന്നെ വാഗ്ദാനം ചെയ്ത് പിന്തുണ നൽകിയത് പ്രവർത്തക സമിതി അംഗം ശ്രീമതി തങ്കമണി രാജഗോപാൽ കൈലാസ് അവർകളാണ്.

തുടർ ജോലികൾ പൂർത്തികരിക്കുവാൻ സമർപ്പണ നിധി വാഗ്ദാനം ചെയ്തു സഹായിച്ചത് ശ്രീ രാജീവ് കിഴക്കെവളപ്പിൽ, ഇയ്യച്ചെറുവാട്ട് കുടുംബാഗം, മാക്കഞ്ചേരി കുടുംബാഗം എന്നിവരാണ്. ക്ഷേത്ര ഓഡിറ്റോറിയം നിർമ്മാണ ജോലികൾ കഴിഞ്ഞ ജൂലൈ-13 ന് നടന്ന പ്രതിഷ്ഠാദിനത്തിന് മുന്നോടിയായി നിർമ്മിച്ചു പ്രതിഷ്ഠാദിന പ്രസാദ ഊട്ട് നൽകി ക്ഷേത്ര ഓഡിറ്റോറിയം ഉദ്ഘാടനം നിർവ്വഹിക്കാൻ സാധിച്ചത് മഹാദേവൻ്റെ കടാക്ഷമായി കരുതുന്നു.

ക്ഷേത്രത്തിലെ മഹാശിവരാത്രി, നവരാത്രി ആഘോഷങ്ങൾ, പ്രതിഷ്ഠാദിന പ്രസാദ ഊട്ട്, വിവാഹം, സപ്താഹം എന്നീ വിവിധോദ്ദേശങ്ങൾക്ക് ഉതകുന്ന രീതിയിൽ നിർമ്മിച്ച ക്ഷേത്ര ഓഡിറ്റോറിയം ആവശ്യമായ രീതിയിൽ സജ്ജമാക്കി കൃത്യമായി വിനിയോഗിക്കാൻ കഴിഞ്ഞാൽ ക്ഷേത്രത്തിൻ്റെ ശ്രേയസ്സും, സമ്പത്തും, പുരോഗതിയും കാലാതീതവും ദേശാതീതവുമായി ഉയർത്താൻ സാധിക്കും എന്നത് തന്നെ ഈ ക്ഷേത്ര ഓഡിറ്റോറിയം നിർമ്മിച്ച് സമർപ്പിച്ചതിൻ്റെ പ്രാധാന്യവും ആവശ്യകതയും മനസ്സിലാക്കാവുന്നതാണ്.

മഹാദേവൻ ഏവർക്കും അനുഗ്രഹം നൽകുമാറാകട്ടെ എന്ന് പ്രാർത്ഥിക്കുന്നു 🙏

23/11/2024

23/11/2024

📌 ഭക്തജനങ്ങളുടെ പ്രത്യേക ശ്രദ്ധയ്ക്ക്📌

📌 നമ്മുടെ ദേശക്ഷേത്രമായ ശ്രീ പാലോറ ശിവക്ഷേത്രം പൊതുജന പങ്കാളിത്തത്തോടെ നിത്യപൂജ നടക്കുന്ന ജനകീയ കമ്മിറ്റിയുടെ നിയന്ത്രണത്തിലുള്ള ഒരു പൊതുക്ഷേത്രമാണ്.

📌 പ്രവർത്തകസമിതി / സ്ഥാനീയ സമിതി / എക്സിക്യൂട്ടീവ് കമ്മിറ്റി നിശ്ചിത കാലാവധി ഏകദേശം മൂന്നു വർഷം മാത്രമാണ്

📌 ഉത്സവാഘോഷ കമ്മിറ്റി കാലാവധി ഏകദേശം മൂന്നു മാസം മാത്രമാണ്.

📌 മുകളിൽ സൂചിപ്പിച്ച പ്രകാരം ക്ഷേത്രത്തിലെ ഒരു കമ്മിറ്റിയും അതിലെ മെമ്പർമാരും കാലാകാലങ്ങളിൽ നിലനിൽക്കുന്നവയല്ല കൂടാതെ കമ്മിറ്റിയിലെ അംഗങ്ങളെ പൊതു തെരഞ്ഞെടുപ്പുകളാൽ മാറ്റപ്പെടുന്നവയുമാണ്.

📌 ആയതിനാൽ തന്നെ കമ്മിറ്റിയിലെ പ്രസിഡൻ്റ്/സെക്രട്ടറി / ട്രഷറർ / ചെയർമാൻ / കൺവീനർ / മറ്റ് കമ്മിറ്റി അംഗങ്ങൾ / ക്ഷേത്ര ജീവനക്കാർ എന്നിവർ ആർക്കും തന്നെ ക്ഷേത്രത്തിലേക്ക് വരുന്ന സാമ്പത്തിക ഇടപാടുകൾ ( വഴിപാട് തുകകൾ / സംഭാവനകൾ / സമർപ്പണങ്ങൾ / ഉത്സവ സംഭാവനകൾ ) വ്യക്ത്യാതിഷ്ഠിതമായി നടത്തുവാനോ ആയതിന് വേണ്ടി ചുമതലപ്പെടുത്തുവാനോ ഒരു പൊതു ക്ഷേത്ര നിയമപ്രകാരം ആർക്കും തന്നെ അധികാരമില്ല കൂടതെ നിയമവിരുദ്ധവുമാണ്.

📌 കൂടാതെ വ്യക്തിപരമായി നടത്തുന്ന ഇടപാടുകളിൽ വരുന്ന സാമ്പത്തിക ക്രമക്കേടുകൾ പരിശോധിക്കാൻ ക്ഷേത്രത്തിന് പരിമിതിയുള്ളതിനാൽ വിശ്വാസയോഗ്യമായ ഓഡിറ്റ് റിപ്പോർട്ട് അവതരിപ്പിക്കുവാൻ സാധ്യമല്ല അത് നമ്മുടെ ക്ഷേത്രത്തിൻ്റെ ഭാവി നിലനിൽപ്പിനെ വരെ സാരമായി ബാധിക്കുന്നതുമാണ്

📌 ആയതിനാൽ ഭാവിയിൽ ക്ഷേത്രവുമായി ബന്ധപ്പെട്ട ഏതൊരു സാമ്പത്തിക ഇടപാടുകളും ക്ഷേത്ര അക്കൗണ്ടിലൂടെ മാത്രം നടത്തി നിർബന്ധമായും റസീപ്റ്റ് കൈപ്പറ്റേണ്ടതാണ്.

📌 സാമ്പത്തിക ഇടപാടുകളും ക്ഷേത്ര അക്കൗണ്ട്, ക്യു ആർ കോഡ്, യുപിഐ വിവരങ്ങൾക്ക് ക്ഷേത്ര കൗണ്ടറുമായി ബന്ധപ്പെട്ട് ക്ഷേത്ര അക്കൗണ്ടിലൂടെ മാത്രം സാമ്പത്തിക ഇടപാടുകൾ നടത്തുവാൻ ശ്രദ്ധിക്കുക 🙏

22/11/2024

ക്ഷേത്ര വഴിപാട് ബുക്കിങ്ങിനായി പിഒഎസ് മെഷീൻ സംവിധാനം ഏർപ്പെടുത്തി 🙏

22/11/2024

ക്ഷേത്ര വഴിപാട് കൗണ്ടറിന്റെ പ്രവർത്തനങ്ങൾക്കായി ഐഫോൺ സംഭാവന നൽകിയ ഇയ്യചെറുവാട്ട് കുടുംബാംഗത്തിന് മഹാദേവന്റെ അനുഗ്രഹം ഉണ്ടാവട്ടെ എന്ന് പ്രാർത്ഥിക്കുന്നു 🙏

20/11/2024

നേപ്പാളി സ്വദേശികളായ ഭക്തർ നമ്മുടെ ദേശ ഭക്തരോടൊപ്പം ചേർന്ന് സമർപ്പിച്ച ഭജന 🙏

20/11/2024

ശുദ്ധമായ എള്ളെണ്ണ ക്ഷേത്ര കൗണ്ടറിൽ ലഭ്യമാണ് 🙏

20/11/2024

നമസ്കാരം,

എള്ള് ആട്ടി ശുദ്ധമായ എണ്ണയെടുക്കുന്ന യന്ത്രം ശ്രീ രാജീവ്, തൃശ്ശൂർ ക്ഷേത്രത്തിന് സമർപ്പിച്ചു, ക്ഷേത്ര കൗണ്ടറിൽ നിന്നു എള്ള് സ്വീകരിച്ച് ഈ യന്ത്രം ഉപയോഗിച്ച് എള്ള് ആട്ടിയെടുക്കുവാനുള്ള സംവിധാനം ക്ഷേത്രത്തിൽ തന്നെ ഒരുക്കിയിട്ടുണ്ട്.

ഇത്തരത്തിൽ ആട്ടിയെടുക്കുന്ന എണ്ണ ഭക്തർക്ക് നേരിട്ട് ശ്രീകോവിലിൽ സമർപ്പിക്കാവുന്നതാണ്.

എള്ള് ആട്ടിയെടുക്കുവാനുള്ള യന്ത്രം സമർപ്പിച്ച ശ്രീ രാജീവ് അവർകൾക്കും കുടുംബത്തിനും മഹാദേവൻ്റെ അനുഗ്രഹം ഉണ്ടാവട്ടെ എന്ന് പ്രാർത്ഥിക്കുന്നു 🙏

19/11/2024

📌 വൈകിട്ട് 8:30 ന്റെ ചെണ്ട ക്ലാസ് തുടരുന്നു.

👉 മൂന്നു മാസം കൊണ്ട് അരങ്ങേറ്റം കുറിക്കുന്ന രീതിയിലാണ് ക്ലാസുകൾ ചിട്ടപ്പെടുത്തിയിരിക്കുന്നത്.

👉 ഈ ക്ലാസിലേക്കുള്ള അഡ്മിഷൻ 21-11-2024 വ്യാഴാഴ്ച വരെ മാത്രം.

👉 താൽപ്പര്യമുള്ളവർ ബന്ധപ്പെടുക.

☎️ 94475 11500
☎️ 99610 00433