Keederi Vishnu Kshetram

01/10/2025

വിജയദശമി ആശംസകൾ 🙏

01/10/2025

മുതിർന്നവരുടെ വിദ്യാരംഭം
—————————————

-തയ്യാറാക്കിയത്-
മുല്ലപ്പള്ളി കൃഷ്ണൻ നമ്പൂതിരി
Krishnan Namboothiri

01/10/2025

മഹാനവമി ആശംസകൾ 🙏

29/09/2025

നവരാത്രി ഒമ്പതാം ദിവസം
ദേവത: സിദ്ധിധാത്രി

സിദ്ധിധാത്രി

ശക്തി സ്വരുപിണിയായ ദുർഗ്ഗാദേവിയെ നവദുർഗ്ഗയായി നവരാത്രി ദിവസങ്ങളിലെ ഒരോ ദിനങ്ങളിൽ ഓരോ ദേവതയായി സങ്കൽപ്പിച്ച് ആരാധിക്കുന്നു.

നവദുർഗ്ഗകളിലെ ഒമ്പതാം ഭാവമായ ദേവി സിദ്ധിധാത്രിയുടെ പൂജയാണ് പ്രധാന്യം. സിദ്ധിയുടെ എല്ലാം ഭാവങ്ങളോടും കൂടിയ സിദ്ധിധാത്രിയെ ആരാധിക്കുന്ന ദിനമാണിത്. താമരപൂവിൽ ഉപവിഷ്ടയായ ദേവിക്ക് നാലുകരങ്ങളാണുള്ളത്. ശംഖ്, ചക്രം, ഗദ, താമര എന്നിവ ഏന്തിയ ദേവിയുടെ വസ്ത്രം ചുവന്ന ഉടയാടയും ദേവിയുടെ പ്രിയവാഹനം സിംഹവുമാണ്. ഭക്തർക്ക് 18 തരത്തിലുള്ള സിദ്ധിയും (അമാനുഷശക്തി) ബുദ്ധിയും നവരാത്രി പൂജയുടെ സമാപനത്തോടെ ഭക്തർക്ക് സിദ്ധിക്കുന്നു. പരമശിവന് സർവ്വ സിദ്ധികളും ലഭിച്ചത് സിദ്ധിധാത്രിയുടെ അനുഗ്രഹത്താലാണെന്നാണ് വേദഗ്രന്ഥങ്ങളിൽ പറഞ്ഞിരിക്കുന്നത്. അങ്ങനെയാണ് തൻറെ പകുതി ദേവിക്ക് നൽകിക്കൊണ്ട് ശിവന് അർദ്ധനാരീശ്വരനായത്. കന്യാ പൂജ, യജ്ഞം, പൂജ, യാഗം എന്നിവയാൽ ശ്രഷ്ഠമാണ് ആ ദിനം. നവരാത്രിയിലെ ഒരോ ദിനം പ്രധാന്യമർഹിക്കുന്നെങ്കിലും അവസാന ദിനമാണ് സുപ്രധാനം. സിദ്ധിദാത്രി ഭജനയിലൂടെ പേരും പ്രശസ്തിയും സിദ്ധിക്കുന്നു. ക്ഷിപ്രപ്രസാദിയായ ദേവി വരദായിനിയാണ്, കരുണാമയിയാണ്. ദുരാഗ്രഹം, ലോഭം, അത്യാർത്തി , ധനത്തിനോടും ലൌകികജീവിതത്തോടുമുള്ള ആസക്തി എന്നിവയിൽ നിന്നും മുക്തിയാണ് സിദ്ധിധാത്രിയിൽ നിന്നും കരസ്ഥമാകുന്നത്.

മന്ത്രം

സിദ്ധഗന്ധര്വയക്ഷാദ്യൈരസുരൈരമരൈരപി
സേവ്യമാനാ സദാ ഭൂയാത് സിദ്ധിദാ സിദ്ധിദായിനി

28/09/2025

നവരാത്രി എട്ടാം ദിവസം മഹാഗൗരിദേവി
🙏🙏🙏🙏🙏🙏🙏🙏🙏🙏🙏🙏🙏
"ശാന്തി വന്നിടുവാന്‍ ദേവീ
മഹാഗൌരി തുണയ്ക്കണേ "🙏

#പ്രശാന്തതയുടേയും,വിജ്ഞാനത്തിന്റെയും പ്രതീകമാണ് ശ്രീ മഹാഗൗരി...

#വെളുത്ത നിറമുള്ള ,നാലുകൈകളുള്ള ദേവിയുടെ വാഹനം വെള്ളനിറത്തിലുള്ള കാളയാണ്. ദേവിയുടെ സ്വാതിക ഭാവം ആണ് ശ്രീ മഹാഗൗരി.നവരാത്രിയിൽ അന്നപൂർണ്ണേശ്വരിയായ പാർവതിയുടെ മഹാഗൗരി ഭാവമാണ് എട്ടാം ദിവസം ആരാധിക്കുന്നത്...

#ദേവി പാർവ്വതി ഭഗവാൻ ശിവനെ പതിയായ് ലഭിക്കുന്നതിനുവേണ്ടി കഠിനമായ തപം അനുഷ്ഠിച്ചു. അനേകനാളുകൾ നീണ്ടുനിന്ന ഈ തപസ്സിന്റെ പരിണതഫലം എന്നവണ്ണം പാർവ്വതിയുടെ ശരീരം മണ്ണും പൊടിയുമേറ്റ് കറുത്തനിറത്തിലായി. നാളുകൾ കഴിഞ്ഞപ്പോൾ ശ്രീ പരമശിവൻ പാർവ്വതി ദേവീയിൽ സംപ്രീതനാകുകയും
ശ്രീ പാർവ്വതിയെ പത്നിയായി സ്വീകരിക്കാം എന്ന് വരം നൽകുകയുമുണ്ടായി...

#ശേഷം ഗംഗാ ജലം കൊണ്ട് ശ്രീ പരമശിവൻ പാർവ്വതി ദേവീയെ അഭിഷേകം ചെയ്തു. അതോടെ ശ്രീ പാർവ്വതിയുടെ ശരീരം വളരെയേറെ വെളുത്തനിറമായി. വളരെ വെളുത്തവൾ എന്നർത്ഥം വരുന്ന മഹാഗൗരി എന്ന നാമം പാർവ്വതി ദേവി
ക്ക് സിദ്ധിച്ചു...

#ദേവിയുടെ വസ്ത്രങ്ങളും,ആഭരണങ്ങളും വെളുത്തതായിരുന്നു. വെള്ളക്കാളയുടെ പുറത്ത് കയറി ദേവി സര്‍വ്വര്‍ക്കും ദര്‍ശനം നല്‍കി. ചതുര്‍ഭുജങ്ങളില്‍ ത്രിശൂലം, അഭയമുദ്ര, ഡമരു, വരദമുദ്ര എന്നിവ ധരിച്ച് ഭക്തന്മാര്‍ക്ക് ദര്‍ശനപുണ്യം നല്‍കി പരിലസിച്ചു.

മഹാഗൗരി ഉപാസനയ്ക്കുള്ള മന്ത്രം
🌷🌷🌷🌷🌷
“ശ്വേതേ വൃഷേ സമാരൂഢാ
ശ്വേതാംബരധരാ ശുചിഃ
മഹാഗൗരീ ശുഭം
ദദ്യാന്മഹാദേവപ്രമോദദാ”🙏

#കാലത്തെ നിലയ്ക്ക് നിര്‍ത്താന്‍ കെല്‍പ്പുള്ള കാലകേയനെ വധിക്കാന്‍ നിയോഗിക്കപ്പെട്ട അവതാരത്തിന് കര്‍മ്മശക്തി കൂടും. മഹാഗൌരി ദേവി തന്റെ ആയുധങ്ങളും, ഗ്രന്ഥങ്ങളും വിനായകസമക്ഷം വച്ചതിനു ശേഷമാണ് യുദ്ധത്തിനായി തിരിച്ചത്‌...

#ആ സമയമത്രയും ശ്രീ ഗണേശനും തന്റെ ആയുധങ്ങള്‍ ദേവീകടാക്ഷത്തിനായി അതിനൊപ്പം വച്ചു പൂജിച്ചു. ആ സങ്കല്‍പ്പമാണ് പിന്നീട് ആയുധ-പുസ്തക പൂജയായി മാറുന്നത്...

#ഭക്തരുടെ കാമനകൾ പൂർത്തീകരിക്കുന്ന ദേവിയാണ് മഹാഗൗരി. കൂടാതെ മഹാഗൗരിയെ പ്രാർത്ഥിക്കുന്ന ഭക്തന്റെ ജീവിതത്തിലെ എല്ലാ ദുഃഖങ്ങളും നശിക്കുന്നു...

"യാ ദേവീ സർവ്വ ഭൂതേഷു
കാന്തി രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ"🙏

28/09/2025

28/09/2025

നവരാത്രി ഏഴാം ദിനം

🔱ദേവി കാലരാത്രി

ചണ്ഡമുണ്ഡ വധത്തിനായി അവതരിച്ച അത്യന്തം വികൃതയും, ഘോരയുമായ ദേവീസ്വരൂപം! കറുത്ത ശരീരവർണ്ണമുള്ള കാലരാത്രി മാതാ ദേവി ദുർഗ്ഗയുടെ രൗദ്ര രൂപമാണ്. ജടപിടിച്ച മുടിയും ത്രിലോചനങ്ങളുമുള്ള ദേവിയെ ദുർഗ്ഗയുടെ ഭയാനക രൂപമായാണ് കണക്കാക്കുന്നത്. നാലുകരങ്ങളുള്ള കാലരാത്രി മാതാവിന്റെ വലതുകരങ്ങൾ സർവദാ ഭക്തരെ ആശിർവദിച്ചുകൊണ്ടിരിക്കുന്നു. കാലരാത്രി മാതാ ഭക്തരെ എല്ലാവിധ ഭയത്തിൽനിന്നും ക്ലേശങ്ങളിൽനിന്നും സംരക്ഷിക്കുന്നു. നാലുകൈകളോടുകൂടിയ ദേവിയുടെ വാഹനം ഗർദഭമാണ്. എല്ലായിപ്പോഴും ഭക്തരെ സംരക്ഷിക്കുന്നതിനാൽ ദേവിക്ക് ശുഭകാരി എന്നൊരു നാമവുമുണ്ട്.
പാർവതിയുടെ താമസ ഭാവം ആണ് ദേവി കാളരാത്രി (മഹാകാളി).

ഗർദ്ദഭ വാഹനയായ ദേവിയുടെ ഭീകര രൂപം ദർശിച്ച് ചണ്ഡമുണ്ഡർ പരവശരായി അലറിവിളിച്ചെന്നു പുരാണം. അവരുടെ വധത്തിനുശേഷം ''ചാമുണ്ഡ '' എന്ന പേരും ഈ ദേവിക്കു സ്വന്തം. അതുപോലെ തന്റെ രക്തത്തുള്ളികള്‍ ഭൂമിയിൽ പതിച്ചാൽ തന്റെയതേ പ്രഭാവമുള്ള അനേകായിരമസുരരുടെ ജന്മത്തിന് നിദാനമായ ''രക്തബീജൻ'' എന്ന ഉഗ്രാസുരന്റെ രക്തംമുഴുവനും കുടിച്ചുവറ്റിച്ചതും ഈ ദേവീഭാവംതന്നെ.

ഒരു മനുഷ്യന്‍ എപ്പോഴാണ് പൂര്‍ണനാകുന്നത്? ആഗ്രഹം ഉള്ളതുകൊണ്ട് മാത്രം അവന്‍ പൂര്‍ണത കൈവരിക്കുന്നുണ്ടോ? അറിവ്‌ ഒരു മനുഷ്യനെ പൂര്‍ണനാക്കുന്നുണ്ടോ? ഇല്ല എന്നുതന്നെയാണ് ഉത്തരം. ആഗ്രഹവും അറിവും മാത്രം പോരാ, ആ ആഗ്രഹം മൂലം സമ്പാദിച്ച അറിവ് പ്രവര്‍ത്തിപദത്തിലെത്തിക്കുകയും വേണം.

അതേ, ക്രിയാശക്തിയാണ് പ്രധാനം. സ്വപ്നം കണ്ടിരിക്കുന്നതിലല്ല, കാര്യങ്ങള്‍ ചെയ്യുന്നതിലാണ് ജീവിതവിജയമിരിക്കുന്നത് എന്ന തിരിച്ചറിവാണ് നവരാത്രിയുടെ ഏഴാം ദിവസം നമുക്ക് സമ്മാനിക്കുന്നത്. കാലരാത്രി എന്ന ദേവീ അവതാരമാണ് ഏഴാം ദിവസത്തിലെ ആരാധനാദേവത. നവരാത്രിയുടെ ഏറ്റവും പ്രധാന മൂന്ന് ദിവസങ്ങളിലേക്കുള്ള ആദ്യപടിയാണ് കാലരാത്രിയുടെ ആരാധന.

☀️ജപിക്കേണ്ട മന്ത്രം

ഏകവേണീ ജപാകർണപൂര നഗ്നാ ഖരാസ്ഥിതാ
ലംബോഷ്ഠീ കർണികാകര്ണീ തൈലാഭ്യക്തശരീരിണീ
വാമപാദോല്ലസല്ലോഹലതാകണ്ടകഭൂഷണാ
വർധനമൂർധ്വജാ കൃഷ്ണാ കാലരാത്രിർഭയങ്കരീ

''യാ ദേവീ സർവ്വഭൂതേഷു
നിദ്രാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമ:''