16/09/2026
ഹെഡ്മാസ്റ്റർ പ്രിൻസിപ്പാൾ തസ്തികകളിലേക്കുള്ള നിയമനത്തിന്റെ മാനദണ്ഡം കോഴയും മെത്രാന്മാരുടെ പാദസേവയും ആവരുത് !
ക്രിസ്ത്യൻ വിദ്യാഭ്യാസ സ്ഥാപനങ്ങളിലെ ഹെഡ്മാസ്റ്റർ പ്രിൻസിപ്പൽ നിയമനങ്ങളുടെ മാനദണ്ഡം അധ്യാപന കാലയളവിലെ പ്രവർത്തന മികവും വിദ്യാഭ്യാസ യോഗ്യതയും മാത്രമായിരിക്കണമെന്നും അവർ ഒരിക്കലും രാഷ്ട്രീയ പ്രവർത്തകർ ആയിരിക്കരുതെന്നും കണ്ണൂർ കുന്നോത്ത് സെൻ്റ് ജോസഫ് യു പി സ്കൂൾ സംഭവം നമ്മെ ചൂണ്ടിക്കാട്ടുന്നു.
ഇതുവരെ പുറത്തുവന്ന വിവരങ്ങളും വീഡിയോകളും എല്ലാം വെച്ച് നോക്കുമ്പോൾ നിസ്സാരമായി ഒതുക്കി തീർക്കാവുന്ന ഒരു പ്രശ്നത്തെ ഈ അവസ്ഥയിൽ എത്തിച്ചതിൻ്റെ പ്രധാന കാരണം കുന്നോത്ത് സെൻറ് ജോസഫ് സ്കൂൾ ഹെഡ്മാസ്റ്റർ ബിജു കുറുമുറ്റത്തിൻ്റെ കഴിവുകേടും രാഷ്ട്രീയ അടിമത്വവും ഒന്നുകൊണ്ട് മാത്രമാണ്. മെല്ലെ പോക്ക് നയവും അഴകൊഴമ്പൻ നിലപാടും കന്യാസ്ത്രീയെ താൽക്കാലികമായി സസ്പെൻഡ് ചെയ്യുക എന്ന മഹാഅപരാധവും ചെയ്ത കോർപ്പറേറ്റ് മാനേജർക്കും ഇതിൻ്റെ ഉത്തരവാദിത്വത്തിൽ നിന്നും വിട്ടുനിൽക്കാനാവില്ല. ഇവിടെ ലോക്കൽ മാനേജർ , ഹെഡ്മാസ്റ്റർക്കും കോർപ്പറേറ്റ് മാനേജർക്കും ഇടയ്ക്കുള്ള ഒരു മിഡിൽ മാൻ്റെ റോളിൽ മാത്രമായതിനാൽ അദ്ദേഹത്തെ പൂർണ്ണമായി കുറ്റപ്പെടുത്തുന്നതിൽ അർത്ഥമില്ല.
സെപ്റ്റംബർ 8 ചൊവ്വാഴ്ച ഉണ്ടായ സംഭവത്തിൽ പിറ്റേദിവസം ബുധനാഴ്ച രാവിലെയാണ് കുട്ടിയുടെ രക്ഷകർത്താവ് വ്യാജ ആരോപണങ്ങൾ ഉന്നയിച്ചുകൊണ്ട് ഹെഡ്മാസ്റ്റർക്ക് പരാതി നൽകുന്നത് ....... പ്രസ്തുത പരാതിയിൽ സ്കൂളിൻറെ മേൽ അനാവശ്യ പ്രശ്നങ്ങൾ ഉണ്ടാക്കാൻ ഉതകുന്ന രീതിയിൽ കുട്ടിയെ കാലുകൊണ്ട് ചവിട്ടി നീ ചത്തില്ലേ എന്ന് ചോദിച്ചു എന്നീ ഗുരുതരമായ രണ്ട് വ്യാജ ആരോപണങ്ങൾ കടന്നുവന്നിട്ടുണ്ട്, അതിന് മുളയിലെ നുള്ളിയില്ലെങ്കിൽ അപകടമാണ് എന്നത് ഏതൊരു പോഴനും മനസ്സിലാകുന്നതാണ്.
ആ സ്ഥിതിക്ക് ഉടനടി ആരോപണ വിധേയയായ കന്യാസ്ത്രീയിൽ നിന്നും ഒപ്പമുണ്ടായിരുന്ന സഹ അധ്യാപികയിൽ നിന്നും സംഭവത്തിന്റെ വിവരം ചോദിച്ചു മനസ്സിലാക്കുകയും. അതിനുശേഷം ലോക്കൽ മാനേജർ, സ്റ്റാഫ് സെക്രട്ടറി, പി.ടി.എ പ്രസിഡണ്ട് എന്നിവരുടെ സാന്നിധ്യത്തിൽ സംഭവം കണ്ടു എന്ന് പറയപ്പെടുന്ന കുട്ടികളെ കൂട്ടമായി വിളിക്കാതെ ഓരോരുത്തരെയായി ഓഫീസ് റൂമിലേക്ക് വിളിച്ചുവരുത്തി ഹെഡ്മാസ്റ്റർ അവർ പറയുന്നത് രേഖപ്പെടുത്തുകയും കന്യാസ്ത്രീയുടെ നിരപരാധിത്വം ഉറപ്പിക്കുകയും. തുടർന്നു സംയുക്ത സ്റ്റാഫ് / PTA മീറ്റിംഗ് വിളിച്ച് എല്ലാവരെയും സ്കൂളിൽ സംജാതമായിട്ടുള്ള ആ വിഷയത്തിന്റെ ഗൗരവത്തെ പറഞ്ഞു മനസ്സിലാക്കി സംഭവത്തിന്റെ യാഥാർഥ്യവും കന്യാസ്ത്രീയുടെ നിരപരാധിപത്യവും ബോധ്യപ്പെടുത്തി, ഈ വിഷയത്തിൽ സ്കൂൾ മാനേജ്മെൻറ് സ്വീകരിക്കുവാൻ പോകുന്ന നിലപാട് അറിയിക്കുകയും ആയിരുന്നു വേണ്ടിയിരുന്നത്.
തുടർന്ന് പരാതിയിൽ ആരോപിക്കപ്പെടുന്ന രീതിയിൽ ഒരു സംഭവം നടന്നിട്ടില്ല എന്ന് ശക്തമായ ഒരു നിലപാട് ഹെഡ്മാസ്റ്റർ പരാതി നൽകിയ രക്ഷിതാക്കളോട് അറിയിക്കുകയും ചെയ്യണമായിരുന്നു .........ഇതേ നിലപാട് തന്നെയായിരുന്നു ഹെഡ്മാസ്റ്ററുടെ ഓഫീസ് മുറി പിടിച്ചെടുത്ത് രണ്ട് അധ്യാപികമാരെ ആൾക്കൂട്ട വിചാരണ നടത്തിയ സംഘത്തോടും ഹെഡ്മാസ്റ്റർ ബിജു കുറുമുറ്റം സ്വീകരിക്കേണ്ടിയിരുന്നത്.
രക്ഷിതാക്കൾക്ക് സ്കൂളിലേക്ക് കടന്നു വരാം ഹെഡ്മാസ്റ്റർ മുറിയിൽ കയറിയിരിക്കാം , അധ്യാപകരുമായി സംസാരിക്കാം അവർക്ക് വേണമെങ്കിൽ ഒരു പൊതുപ്രവർത്തകനെയോ സ്ഥലം വാർഡ് പ്രതിനിധിയോ ഒപ്പം കൂട്ടാം അതിൻറെ അപ്പുറം വലിയ ഒരു ആൾക്കൂട്ടത്തെ സ്കൂൾ കോമ്പൗണ്ടിലേക്ക് കടക്കുകയും മുദ്രാവാക്യം വിളികളുമായി സ്കൂൾ പഠനത്തിന് തടസ്സമുണ്ടാക്കുകയും ചെയ്തപ്പോൾ പോലീസിനെ വിളിച്ച് അവരെ ആദ്യം പുറത്താക്കേണ്ടതായിരുന്നു.......ഇത്തരത്തിൽ ഒരു സംഘത്തിന് അധ്യാപകരുമായി സംസാരിക്കണമെങ്കിൽ അത് പോലീസിന്റെ സാന്നിധ്യത്തിൽ ആവണമായിരുന്നു
അതിനുപകരം ഇത്തരം ഒരു പരാതി ഉണ്ടായാൽ അത് പരിഹരിക്കാൻ നടപടിക്രമങ്ങൾ ഉണ്ടെന്നിരിക്കെ കുട്ടികളെ മുൻനിർത്തി സ്കൂളിൽ പ്രശ്നങ്ങൾ ഉണ്ടാക്കാൻ വന്ന ഒരു സംഘത്തെ തന്റെ ഓഫീസറൂമിനുള്ളി കസേരയിട്ട് സ്വീകരിച്ചിരുത്തി അവർക്കു മുന്നിലേക്ക് രണ്ട് അധ്യാപികമാരെ വിളിച്ചുവരുത്തി ( സ്റ്റാഫ് സെക്രട്ടറി ഒപ്പമാല്ലാതെ ) അവർക്ക് ഇരിക്കുവാൻ കസേര പോലും കൊടുക്കുവാനുള്ള മര്യാദ കാണാതെ ആ സംഘത്തിന് മുന്നിൽ നിർത്തിക്കൊണ്ട് താലിബാൻ മോഡൽ വിചാരണ നടത്താൻ ഒപ്പം കൂടുകയാണ് ബിജു കുറുമുറ്റം എന്ന ഹെഡ്മാസ്റ്റർ ചെയ്തത്.
കന്യാസ്ത്രീയെയും സഹ അധ്യാപികയെയും ആൾക്കൂട്ട വിചാരണ നടത്തി അതിൻ്റെ വീഡിയോ ചിത്രീകരിച്ചു സോഷ്യൽ മീഡിയയിൽ പ്രചരിപ്പിച്ചതിന് പുറമെ ഈ സംഭവത്തെക്കുറിച്ചുളള വ്യാജവാർത്ത ദൃശ്യമാധ്യമങ്ങൾക്ക് കൊടുത്തു പ്രചരിപ്പിക്കാനും തുടങ്ങി എന്ന് അറിഞ്ഞപ്പോൾ തന്നെ ഹെഡ്മാസ്റ്റർ സ്ഥലത്തെ പ്രധാന ചാനൽ റിപ്പോർട്ടർമാരെ വിളിച്ചുവരുത്തി സംഭവത്തിന്റെ യാഥാർത്ഥ്യം വിശദീകരിക്കുകയാണ് വേണ്ടിയിരുന്നത് , ഇവിടെ അതുണ്ടായില്ല. ഇല്ലെങ്കിൽ സ്വന്തം നിലയിൽ സംഭവത്തിന്റെ യാഥാർത്ഥ്യം വിശദീകരിക്കുന്ന വീഡിയോ ചെയ്തു സാമൂഹ്യ മാധ്യമങ്ങളിലൂടെ ഹെഡ്മാസ്റ്റർക്കോ സഹ അധ്യാപകർക്കോ സോഷ്യൽ മിഡിയിലുടെ പുറത്തു വിടാമായിരുന്നു അതും ഉണ്ടായില്ല. പകരം അത്തരത്തിൽ ഒരു വ്യാജവാർത്ത പ്രചരിക്കുവാൻ മനപ്പൂർവ്വം അവസരം ഉണ്ടാക്കിക്കൊടുക്കുകയാണ് ഹെഡ്മാസ്റ്ററും മാനേജ്മെൻ്റും ചെയ്തത്.
തുടർന്ന് മൂവാറ്റുപുഴയിൽ ചോദ്യപേപ്പർ വിവാദം ഉണ്ടായപ്പോൾ ജോസഫ് മാഷിനെ മാനേജ്മെൻറ് തുടക്കത്തിൽ ഒറ്റപ്പെടുത്തിയത് അനുസ്മരിപ്പിച്ചുകൊണ്ട് കന്യാസ്ത്രീയെ അന്വേഷണവിധേയമായി സസ്പെൻഡ് ചെയ്ത പ്രവർത്തി ശുദ്ധ വിവരക്കേട് തന്നെയായിരുന്നു.
കന്യാസ്ത്രീ പൂർണ്ണമായും നിരപരാധിയാണെന്ന് ഹെഡ്മാസ്റ്റർക്കും സഹ അധ്യാപകർക്കും പൂർണ്ണ ബോധ്യമുള്ള ഒരു വിഷയത്തിൽ എന്തിൻറെ പേരിലാണ് കന്യാസ്ത്രീയെ അന്വേഷണ വിധേയമായി സസ്പെൻഡ് ചെയ്തത് ??? കോർപ്പറേറ്റ് മാനേജ്മെൻറ് ഇരിക്കുന്നവർ അതിന് നിർദ്ദേശിച്ചാലും ഹെഡ്മാസ്റ്റർ എന്ന് പറയുന്ന സത്യം അറിയാവുന്ന വ്യക്തി അതിന് കൂട്ടു നിൽക്കുവാൻ പാടില്ലായിരുന്നു...... മാത്രവുമല്ല സ്കൂളിൽ പ്രശ്നമുണ്ടാക്കിയവർ പുറത്തുവിട്ട ലെറ്ററിന്റെ ചിത്രത്തിൽ ഏതോ രണ്ടു കുട്ടികൾ കന്യാസ്ത്രീ ചവിട്ടിയതും ചത്തിലെ എന്ന് ചോദിച്ചതും കണ്ടു എന്ന് മൊഴി കൊടുത്തു എന്നുള്ളത് രേഖാമൂലം ഹെഡ്മാസ്റ്റർ എഴുതി ഒപ്പുവെച്ച് സ്കൂളിൻറെ സീലും വച്ചു കൊടുത്തിരിക്കുന്നത് കണ്ടു. ഇത് കാണുമ്പോൾ തോന്നുന്നത് ഇയാൾക്ക് ഒരു പീയൂണിന്റെ ബുദ്ധി പോലും ഇല്ലേ എന്നുള്ളതാണ് !
ഹെഡ്മാസ്റ്ററെ ഈ നടപടിയിൽ നിന്നും മനസ്സിലാവുന്നത് ഇദ്ദേഹത്തിന് SDPI പോലുള്ള ഇസ്ലാമിക തീവ്രവാദ സംഘടനകളും ആയി രാഷ്ട്രീയപരമായി ബന്ധമുണ്ട് എന്നുതന്നെയാണ് .........ഹെഡ്മാസ്റ്റർ ബിജു കുറുമുറ്റം ഒരു കോൺഗ്രസുകാരനാണ് , കണ്ണൂർ പായം പഞ്ചായത്തിലെ പെരിങ്കരി വാർഡിൽ 2015, 2020 എന്നീ വർഷങ്ങളിൽ കോൺഗ്രസ് സ്ഥാനാർത്ഥിയായി മത്സരിച്ച വ്യക്തിയാണ് ബിജു കുറുമുറ്റം , 2015 ൽ നിർദേശിക്കപ്പെട്ട സ്ഥാനാർത്ഥിയെ വെട്ടിമാറ്റി അവസാനനിമിഷം സ്ഥാനാർത്ഥി ലിസ്റ്റിൽ കയറിക്കൂടി എങ്കിലും രണ്ടുതവണയും ജനം ഇദ്ദേഹത്തെ തോൽപ്പിക്കുകയാണ് ഉണ്ടായത്. ഇപ്പോഴും കോൺഗ്രസ് പ്രവർത്തകൻ തന്നെയാണ്. ആ ബന്ധങ്ങൾക്കും ഭാവി രാഷ്ട്രീയത്തിനും തടസ്സങ്ങൾ ഉണ്ടാവാതിരിക്കാനാണ് ഇസ്ലാമിക തീവ്രവാദികൾക്ക് മുന്നിൽ തന്റെ ഉത്തരവാദിത്വം മറന്നു മുട്ടിലിടയാൻ ബിജു കുറുമുറ്റം തയ്യാറായത്.
KCYM, AKCC ജീസസ് യൂത്ത് തുടങ്ങിയ സമുദായത്തിന് ഒരാവശ്യം വരുമ്പോൾ പ്രയോജനമില്ലാത്ത മനകുണാഞ്ചൻ സംഘടനകളിൽ പ്രവർത്തിച്ചതോ മെത്രാന്മാർക്ക് പാദസേവ ചെയ്തു പ്രീതി പിടിച്ചു പറ്റുന്നതോ കോൺഗ്രസ് രാഷ്ട്രീയ പശ്ചാത്തലമോ ആയിരിക്കരുത് ഒരു ഹെഡ്മാസ്റ്റർ നിയമനത്തിന്റെ മാനദണ്ഡം, മറിച്ച് സ്കൂൾ അധ്യാപന കാലത്തെ പ്രവർത്തന മികവായിരിക്കണം എന്നത് കുന്നോത്ത് സെൻറ് ജോസഫ് സ്കൂളിൽ ഉണ്ടായ സംഭവങ്ങളിലൂടെ എങ്കിലും സഭാ നേതൃത്വം തിരിച്ചറിയണം.
Team CASA
