14/01/2020
ಐ.ಸಿ.ವೈ.ಎಮ್. ಬೈಂದೂರ್, 31ವೊ ವರ್ಸುಗೆಚೊ ಸಂಭ್ರಮಾಚಾ ವಗ್ತಾ ಸಾಂಸ್ಕೃತಿಕ್ ಸಾಂಜ್ ಬುದ್ವಾರಾ, ಜನೆರ್ 1, 2020 ತಾರೀಕೆರ್ ಫಿರ್ಗಜೆಚಾ ಸಮುದಾಯ್ ಭವನಾಂತ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ.ಹ್ಯಾ ಕಾರ್ಯಾಕ್ ಮಾನಾಚೆ ಸಯ್ರೆಂ ಜಾವ್ನ್ ಉಡುಪಿ ದಿಯೆಸೆಜ್ ಐ.ಸಿ.ವೈ.ಎಮ್. ಅಧ್ಯಕ್ಷ್ ಡಿಯೊನ್ ಡಿ’ಸೋಜಾ, ಫಿರ್ಗಜ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಕೊವೆತಾಂಚಿ ವ್ಹಡಿಲ್ನ್ ಸಿ| ಸಹಾಯ, ಪಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟ್ಯಾನಿ ಡಾಯಸ್, ಕಾರ್ಯದರ್ಶಿ ಅನಿತಾ ನಜ್ರೆತ್, ೧೮ ಆಯೋಗಾಚಿ ಸಚೇತಕಿ ಸಿಸಿಲಿಯಾ ರೆಬೆರೊ, ಐ.ಸಿ.ವೈ.ಎಮ್. ಕುಂದಾಪುರ್ ವಾರಾಡೊ ಅಧ್ಯಕ್ಷ್ ಆರ್ಥರ್ ಡಾಯಸ್, ಕಾರ್ಯದರ್ಶಿ ಹ್ಯಾನ್ಸಿ ಡಿ’ಮೆಲ್ಲೊ, ಉಡುಪಿ ದಿಯೆಸೆಜ್ ಐ.ಸಿ.ವೈ.ಎಮ್. ಸ್ತ್ರೀ ಉಪಾಧ್ಯಕ್ಷ್ ನಿಕೊಲಾ ಡಾಯಸ್ , ಐ.ಸಿ.ವೈ.ಎಮ್. ಬೈಂದೂರ್ ಸಚೇತಕ್ ಜೊಸೇಫ್ ಫೆರ್ನಾಂಡಿಸ್, ನವ್ಯಾನ್ ಚುನಾಯಿತ್ ಜಾಲ್ಲೊ ಸಚೇತಕ್ ಸುಧೀರ್ ರೊಡ್ರಿಗಸ್, ಅಧ್ಯಕ್ಷ್ ಬೆನ್ಸನ್ ಡಾಯಸ್, ಕಾರ್ಯದರ್ಶಿ ಡೆಲಿನಾ ನಜ್ರೆತ್ ವೆದಿಚೆರ್ ಹಾಜರ್ ಜಾವ್ನ್ ದಿವೊ ಪೆಟವ್ನ್ ಕಾರ್ಯಕ್ರಮಾಕ್ ಸುರ್ವಾತ್ ಕೆಲೆಂ.ಉಡುಪಿ ದಿಯೆಸೆಜ್ ಐ.ಸಿ.ವೈ.ಎಮ್. ಅಧ್ಯಕ್ಷ್ ಡಿಯೊನ್ ಡಿ’ಸೋಜಾಕ್, ಸಚೇತಕ್ ಜೊಸೇಫ್ ಫೆರ್ನಾಂಡಿಸ್ ಆನಿ ಕಾರ್ಯಕ್ರಮಾಕ್ ಪ್ರಮುಖ್ ದಾನಿ ಜಾವ್ನ್ ಆರ್ಥಿಕ್ ಆಧಾರ್ ದಿಲ್ಲೊ ಡೇನಿಯಲ್ ನಜ್ರೆತಾಕ್ ಐ.ಸಿ.ವೈ.ಎಮ್. ತರ್ಫೆನ್ ವಿಗಾರಾನ್ ಶಾಲ್ ಪಾಂಗ್ರುನ್ ಆನಿ ಯಾದಿಸ್ತಿಕಾ ದೀವ್ನ್ ಸನ್ಮಾನ್ ಕೆಲೆಂ.
ಹೋಲಿ ಕ್ರೊಸ್ ಕೊನ್ವೆಂಟಾಚಾ ಭುರ್ಗ್ಯಾ ಥಾವ್ನ್ ಸ್ವಾಗತ್ ನೃತ್ಯ್ ಆನಿ ನೃತ್ಯ್ ಅಭಿನಯ್, ಹೋಲಿ ಕ್ರೊಸ್ ಇಗರ್ಜೆ ಇಸ್ಕೊಲಾಂಚಾ ಭುರ್ಗ್ಯಾ ಥಾವ್ನ್ ನೃತ್ಯ್, ಪಾಂಗ್ಳಾ ಫಿರ್ಗಜೆನ್ ಉಡುಪಿ ದಿಯೆಸೆಜಿಚಾ ಮಟ್ಟಾರ್ ಆಯೋಜಿತ್ ಕೆಲ್ಲ್ಯಾ 16ವ್ಯಾ ಗಾಯನ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾ ಆನಿ ಭಾಗ್ ಘೆತ್ಲ್ಲ್ಯಾ ಪಂಗ್ಡಾನ್ ಕೊಂಕ್ಣಿ ಗಾಯನ್, ವೈ.ಸಿ.ಎಸ್. ಸಂಚಾಲನಾಚಾ ಸಾಂದ್ಯಾ ಥಾವ್ನ್ ನೃತ್ಯ್ ಅಭಿನಯ್, ಸ್ತೀ ಸಂಘಟನಾ ಥಾವ್ನ್ ಗುಮ್ಟಾಂ ಪೊದಾಂ ಆನಿ ಐ.ಸಿ.ವೈ.ಎಮ್. ಸಾಂದ್ಯಾಂನಿ ಫೊಕಾಣಾಂ ಸಾದರ್ ಕೆಲೆಂ.
ತಾಲೆತ್ವಂತ್ ವಾಡೊ-2019-20 ಸ್ಪರ್ಧ್ಯಾಂಂತ್ ವಿಜೇತ್ ಜಾಲ್ಲ್ಯಾ ಪಂಗ್ಡಾಕ್, ಭಾಗ್ ಘೆತ್ಲ್ಲ್ಯಾ ಸರ್ವ್ ವಾಡ್ಯಾಂಕ್ ಅನಿ ಐ.ಸಿ.ವೈ.ಎಮ್. ಸಂಚಾಲನಾನ್ ಆಸಾ ಕೆಲ್ಲ್ಯಾ ವಿವಿಧ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾ ಸ್ಪರ್ಧಿಕಾಂಕ್ ಬಹುಮಾನ್ ವಿತರಣ್ ಕಾಯ್ರಕ್ರಮ್ ಚಲ್ಲೆಂ.
ತಾಲೆತ್ವಂತ್ ವಾಡೊ--2019-20 ವಾಡ್ಯಾವಾರ್ ಚಲ್ಲ್ಲ್ಯಾ ಸ್ಪರ್ಧ್ಯಾಂತ್ ಪಯ್ಲೆಂ ಸ್ಥಾನ್ ಸಾಂ ಬಸ್ತ್ಯಾಂವ್ ವಾಡೊ, ದುಸ್ರೆಂ ಸ್ಥಾನ್ ನಿತ್ಯಾಧರ್ ವಾಡೊ ಆನಿ ತಿಸ್ರೆಂ ಸ್ಥಾನ್ ಜೆಜುರಾಯ್ ವಾಡ್ಯಾಕ್ ಬಹುಮಾನ್ ಫಾವೊ ಜಾಲೆಂ.
ಕಾರ್ಯಕ್ರಮಾಕ್ ಐ.ಸಿ.ವೈ.ಎಮ್. ಅಧ್ಯಕ್ಷ್ ಬೆನ್ಸನ್ ಡಾಯಸಾನ್ ಸ್ವಾಗತ್ ಕೆಲೆಂ, ಡೆಲಿನಾ ನಜ್ರೆತಾನ್ ಧನ್ಯವಾದ್ ಪಾಟಯ್ಲೆಂ ಆನಿ ಟೀನಾ ಡಾಯಸಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
