08/08/2026
༈ བོད་རྒྱལ་ལོ་ ༢༡༥༣ ཟླ་བ་ ༦ ཚེས་ ༢༥ དང་ཕྱི་ལོ་ ༢༠༢༦ ཟླ་བ་ ༠༨ ཚེས་ ༠༨ ཉིན་གྲྭ་ཚང་གི་དབུ་ཟུར་དགེ་སློང་འཇམ་དཔལ་དོན་གྲུབ་ནས་གྲྭ་ཚང་རིན་པོ་ཆེར་བཀའ་དྲིན་རྗེས་དྲན་གྱི་མཚོན་བྱེད་དུ་གཏོང་སྒོ་བཏང་གནང་བར་བཀའ་དྲིན་བླ་མེད་དུ་ཆེ་ཞེས་ཞུ་བ་དང་། དབུ་ཟུར་ཁོང་ནི་ངེད་ཅག་གི་ནང་བསྟན་རིག་གཞུང་འཛིན་སྐྱོང་ཚོགས་པའི་དམིགས་གསལ་དྲུང་ཡིག་ཡིན་པ་དང་།
དགེ་འཇམ་དཔལ་དོན་གྲུབ་ནི་ཆུང་དུས་ནས་འདི་ག་༸ཀུན་མཁྱེན་མཚོ་སྣ་བའི་བྱེས་ཀྱི་དན་ས་ཆེན་པོ་མོན་འབུམ་སྡེ་ལ་དགོན་རྩེ་དགའ་ལྡན་རབ་རྒྱས་གླིང་གྲྭ་ཚང་དུ་ཆོས་བཞུགས་ཀྱི་ལྷག་བསམ་རྣམ་དག་དང་མ་ནོར་ལམ་བཟང་སྟོན་པའི་དགེ་བའི་ཤེས་གཉེན་ཆེན་པོ་དགེ་བཤེས་བློ་བཟང་ཕུན་ཚོགས་ཀྱི་ཞབས་དྲུང་ནས་ཐོས་བསམ་སློབ་གཉེར་གནང་བའི་མཐར། ཕྱི་ལོ་ ༢༠༡༥ ལོ་ནས་ ༢༠༢༢ བར་མི་ལོ་ཧྲིལ་པོ་ ༠༨ རིང་གསུང་དབྱངས་དྲུག་ཅུའི་ཡན་ལག་དང་ལྡན་པའི་གསུང་སྐད་སྙན་མོས་དགོན་རྩེ་གྲྭ་ཚང་གི་དབུ་མཛད་ཀྱི་ལས་འགན་ཧུར་ཐག་གནང་བ་དང་།
ད་ལྟའི་རྒན་ཁོང་ནི་ངེད་ཅག་གི་གྲྭ་ཚང་དང་ཚོགས་པའི་ཕྱག་ལས་གནང་དང་གནང་མུས་དང་ཆབ་གཅིག དེ་རིང་ནི་སྐུ་ཉིད་ཀྱི་གཏོང་སྒོའི་ཉིན་མོ་ཁྱད་པར་ཅན་དུ་བླ་མ་ཡི་དམ་ལ་སོགས་པར་རྣམ་རྒྱལ་འཆི་མེད་ཚེའི་མཆོག་སྦྱིན་གྱི་སྟོང་མཆོད་དང་གཟབ་རྒྱས་བླ་མ་མཆོད་པའི་ཚོགས་འཁོར་འབུལ་བ། རྒྱུ་ཐམས་ཅད་ཀྱི་རྒྱལ་པོ་འཇམ་དཔལ་མཚན་བརྗོད་དོན་གནང་བའི་སྒོ་ནས་གྲྭ་མང་ལ་མང་ཇ་དང་ཞལ་ལག་སྦྱིན་བདག་གནང་བ། ༸སྐྱབས་གནས་དགེ་འདུན་པ་རྣམས་ལ་བསྙེནབསྐུར་འབུལ་བ་སོགས་དགེ་རྩ་ཆེན་པོ་འདིའི་མཐུ་ལས་རྒན་ཁོང་གི་བསམ་དོན་མཐའ་དག་ལྷུན་གྱིས་གྲུབ་པ་དང་། རྒན་ཁོང་དང་འབྲེལ་ཡོད་ནང་མི། ལྷག་པར་དུ་གྲྭ་ཚང་རིན་པོ་ཆེའི་གཏོང་འཕོད་ཅན་གྱི་སྦྱིན་བདག་རྣམས་ཀྱང་ཅི་བསམ་དོན་འགྲུབ་དང་ནད་མེད་ཚེ་རིང་ཡོང་རྒྱུའི་བསྔོ་སྨོན་དང་བཅས་བརྙན་པར་འགའ་ཁྱེད་རྣམས་ལ་འབུལ་ལོ།།
On this auspicious day—the 25th day of the 6th month of Tibetan Royal Year 2153 (August 8, 2026) —we extend our heartfelt gratitude to former Chant Master Venerable Gelong Jampel Dondup for organizing a generous thanksgiving offering at Gontse Gaden Rabgyeling Monastery, Bomdila.
Ven. Jampel Dondup currently serves as the Special Secretary of the Buddhist Culture Preservation Society (BCPS). Having joined the monastic community at GRL Monastery—the exile seat of Kunkhen Tsonava, the Master of Vinaya—at an early age, he engaged deeply in Buddhist studies and practice under the spiritual guidance of Geshe Lobsang Phuntsok.
For eight years (2015–2022), he served with immense dedication as the Chanting Master (Umdzey) of GRLM, leading the assembly in prayer with his melodious voice.
Today, as a mark of deep gratitude and devotion, Ven. Jampel Dondup organized a grand merit-making event, which included:
A grand thousand-fold offering (Stong Mchod) to deity Namgyalma,
Lama Chopa Tsog Offering,
Recitation of Chanting the Names of Manjushri (Jampal Tshenjoed)
Mangja, meals, and monetary offerings to the entire monastic sangha.
Through the power of these vast meritorious deeds, we pray for the good health, long life, and spontaneous fulfillment of all noble aspirations of Venerable Gelong Jampel Dondup, his family, and all the generous sponsors of GRL Monastery.
Sharing a few highlights from today’s auspicious ceremony below! 🙏
