Haripur Satra, Bahari, Barpeta, Assam

06/03/2026

যোৱা ২, ৩, ৪ আৰু ৫ মাৰ্চ (ইং) তাৰিখে শ্ৰীশ্ৰী হৰিপুৰ সত্ৰত ভগৱান শ্ৰীকৃষ্ণৰ দৌল-যাত্ৰা উৎসৱ উদযাপন কৰা হয়। প্ৰতিবছৰৰ দৰে এইবাৰো এই অনুস্থানত পুজা-হোম আদি বৈদিক কাৰ্য্যৰ লগতে নাম-কীৰ্তন আদি অনুস্থিত কৰা হয়।

01/03/2026

যোৱা ২৮ ফেব্ৰুৱাৰী,‌ ২০২৬ (ইং) তাৰিখ‌ শনিবাৰে মহাপুৰুষ শ্ৰীশ্ৰী হৰিদেৱ গুৰুজনাৰ আজ্ঞাপ্ৰাপ্ত প্ৰধান ধৰ্মাচাৰ্য তথা শুভা, হৰিপুৰ , পীড়লা আৰু বান্দালি সত্ৰৰ প্ৰতিষ্ঠাপক শ্ৰীশ্ৰী নাৰায়ণদেৱৰ মহাপ্ৰয়াণৰ পুণ্য তিথি বৰপেটা জিলাৰ চেঙা ৰাজহ চক্ৰৰ হৰিপুৰ গাৱঁত অৱস্থিত শ্ৰীশ্ৰী হৰিপুৰ সত্ৰৰ প্ৰাচীন মূল স্থানত নাম-প্ৰসঙ্গ আদিৰ দ্বাৰা উদযাপন কৰা হয়। সেই অনুষ্ঠানৰ কিছু দৃশ্য ইয়াত দেখুওৱা হৈছে।

05/02/2026

03/02/2026

সুন্দৰীদিয়া সত্ৰৰ অতিথিশালাত আজি (০৩.০২.২০২৬)অনুষ্ঠিত বৰপেটা জিলা সত্ৰ সমন্বয় ৰক্ষী সমিতিৰ কাৰ্যবাহী সভাৰ অন্তত সংবাদ মাধ্যমে প্ৰচাৰ কৰা সমিতিৰ সভাপতি ,সম্পাদক আৰু শ্ৰীশ্ৰী পীড়লা সত্ৰ, গণকপাৰাৰ সত্ৰাধিকাৰ শ্ৰীদ্বিপেন্দ্ৰ নাথ গোস্বামীৰ বিবৃতিৰ একাংশ ।

03/02/2026

বৰপেটা জিলা সত্ৰ সমন্বয় ৰক্ষী সমিতিৰ এখন বিশেষ কাৰ্যবাহী সভা আজি (০৩.০২.২০২৬)সুন্দৰীদিয়া সত্ৰৰ অতিথিশালাত সত্ৰৰখনৰ মাননীয় সত্ৰাধিকাৰ শ্ৰী নিৰ্মল কুমাৰ অধিকাৰীৰ সভাপতিত্বত অনুষ্ঠিত হয় ।সভাত বৰপেটা জিলাৰ দুৰ্দশাগ্ৰস্ত সত্ৰ কেইখনৰ উন্নয়ন আৰু বিলুপ্ত তথা বিলুপ্তপ্ৰায় সত্ৰ কেইখন উদ্ধাৰৰ বাবে ল’ব লগীয়া কাৰ্য ব্যৱস্থা সম্পৰ্কত বিতংভাৱে আলোচনা কৰা হয়। লগতে চৰকাৰৰ ওচৰত দাখিল কৰাৰ বাবে কেবাটাও প্ৰস্তাৱ যুগুতাই উলিওৱা হয়। শ্ৰীশ্ৰী হৰিপুৰ সত্ৰ, বহৰি আৰু শ্ৰীশ্ৰী পীড়লা সত্ৰ, গণকপাৰাৰ সত্ৰাধিকাৰ শ্ৰীদ্বিপেন্দ্ৰ নাথ গোস্বামীয়ে উক্ত সভাত অংশ গ্ৰহণ কৰি অন্যান্য সত্ৰৰ লগতে শ্ৰীশ্ৰী পীড়লা সত্ৰৰ বেদখল সমস্যা আৰু বেদখল উচ্ছেদৰ ক্ষেত্ৰত সত্ৰখনে সন্মুখীন হোৱা আইনী জটিলতা সম্পৰ্কত সমিতিক অৱগত কৰে আৰু সত্ৰখন পুনৰ প্ৰতিষ্ঠাৰ ক্ষেত্ৰত সকলোকে সহায়-সহযোগ কৰাৰ বাবে আহ্বান জনায় । সভাৰ কিছু ছৱি ইয়াত সংযোগ কৰা হৈছে।

30/01/2026

নলবাৰী জিলাৰ বালিসত্ৰ সৎসঙ্গী সত্ৰৰ ৫ দিনীয়া ৰাজহুৱা সবাহ মহোৎসৱৰ আজি (৩০.০১.২০২৬) তৃতীয় দিনৰ কাৰ্যসূচীৰ অন্তৰ্গত ধৰ্মালোচনী সভাত “মহাপুৰুষ শ্ৰীশ্ৰী হৰিদেৱৰ দৰ্শন আৰু ধৰ্মমত” সম্পৰ্কত আলোচনা অনুষ্ঠিত হয়। উত্তৰ পূৱ ভাৰত হৰিদেৱ সংঘৰ সভাপতি মাননীয় শ্ৰীযুত পুলিন চন্দ্ৰ গোস্বামীৰ সঞ্চালনাত অনুষ্ঠিত উক্ত সভাত মুখ্য বক্তা হিচাপে ভাষণ প্ৰদান কৰে শ্ৰী শ্ৰী হৰিপুৰ সত্ৰ, বহৰি আৰু শ্ৰীশ্ৰী পীড়লা সত্ৰ, গণকপাৰাৰ সত্ৰাধিকাৰ শ্ৰী দ্বিপেন্দ্ৰ নাথ গোস্বামীয়ে ।সেই সভাৰ কিছু দৃশ্য ছবিত দেখুওৱা হৈছে ।

30/12/2025

অসমৰ ইতিহাসত উজলি উঠা সৰ্বকালৰ শ্ৰেষ্ঠ, অতি যশস্বী, অসমৰ খিলঞ্জীয়া জাতি-জনগোষ্ঠীৰ স্বাৰ্থ ৰক্ষাৰ বাবে সদা সচেতন, প্ৰতিজন অসমীয়াৰ প্ৰাতঃস্মৰণীয় মহান বৈষ্ণৱ গুৰুসকলৰ মহিমা আৰু আদৰ্শৰ প্ৰতি শ্ৰদ্ধা-সেৱা মনোবৃত্তি সম্পন্ন কৰ্মযোগী মুখ্যমন্ত্ৰী ড৹ হিমন্ত বিশ্ব শৰ্মাৰ দ্বাৰা পৰিচালিত অসম চৰকাৰৰ আমন্ত্ৰণ ক্ৰমে শ্ৰীশ্ৰী হৰিপুৰ সত্ৰ, বহৰি আৰূ শ্ৰীশ্ৰী পীড়লা সত্ৰ গণকপাৰাৰ সত্ৰাধিকাৰ শ্ৰীদ্বিপেন্দ্ৰ নাথ গোস্বামীয়ে ২৯/১২/২০২৫ (ইং) তাৰিখে বৰদোৱা সত্ৰৰ সাংস্কৃতিক প্ৰকল্প উদ্বোধন কাৰ্যসূচীত অংশ গ্ৰহণ কৰে। ভাৰত চৰকাৰৰ মাননীয় গৃহমন্ত্ৰী অমিত ছাহ মহোদয়ে উদ্বোধন কৰা উক্ত অনুষ্ঠানত ভাৰত চৰকাৰৰ একাধিক মন্ত্ৰী, মুখ্যমন্ত্ৰীকে ধৰি অসম চৰকাৰৰ কেবাজনো মন্ত্ৰী আৰু শদিয়াৰ পৰা ধুবুৰীলৈকে ব্যাপ্ত সত্ৰসমূহৰ কেবা শ সত্ৰাধিকাৰ আৰু লক্ষাধিক ভক্ত-বৈষ্ণৱ এই অনুষ্ঠানত উপস্থিত আছিল। লোকে লোকাৰণ্য বৃহৎ অনুষ্ঠান খনৰ সকলো স্তৰৰ ব্যৱস্থাপনা অতি নিখুঁত আৰু শান্তি পূৰ্ণ আছিল। এজন নিমন্ত্ৰিত অতিথি হিচাপে উক্ত অনুষ্ঠানত যোগদান কৰি পোৱা আদৰ অভ্যৰ্থনাত সত্ৰাধিকাৰ গৰাকীয়ে অতিশয় সন্তুষ্টি প্ৰকাশ কৰিছে। লগতে মুখ্যমন্ত্ৰী হিমন্ত বিশ্ব শৰ্মা আৰু এই সু-বৃহৎ কৰ্ম যজ্ঞ সুচাৰূ ৰূপত সম্পাদন কৰা প্ৰতিজন কৰ্ম-কৰ্ত্তাৰ সৰ্বতো প্ৰকাৰৰ কুশল-মঙ্গল কামনা কৰিছে। ছবিত উক্ত অনুষ্ঠানৰ কিছু দৃশ্য দেখুওৱা হৈছে।

19/12/2025

আজি ১৯ ডিচেম্বৰ,‌ ২০২৫ (ইং) তাৰিখ‌ শুক্ৰবাৰে শৰণ লবলৈ অহা স্থানীয় শিষ্য-ভকতৰ সৈতে হৰিপুৰ সত্ৰৰ সত্ৰাধিকাৰ শ্ৰী দ্বিপেন্দ্ৰ নাথ গোস্বামী

15/12/2025

বৰকৈহাটী শ্ৰীশ্ৰীহৰিদেৱী সত্ৰ স্থাপনৰ‌ ৪০০ বছৰীয়া জয়ন্তী সমাৰোহৰ লগত সংগতি ৰাখি যোৱা ১৩ ডিচেম্বৰ, ২০২৫ (ইং) তাৰিখ‌‌ শনিবাৰে অনুষ্ঠিত হোৱা ধৰ্মালোচনী সভাত শ্ৰীশ্ৰী হৰিপুৰ সত্ৰ, বহৰি আৰু শ্ৰীশ্ৰী পীড়লা সত্ৰ, গণকপাৰাৰ সত্ৰাধিকাৰ শ্ৰী দ্বীপেন্দ্ৰ নাথ গোস্বামীয়ে বিশিষ্ট বক্তা হিচাপে অংশগ্ৰহণ কৰে।‌ সেই অনুষ্ঠানৰ কিছু দৃশ্যাংশ

11/12/2025

যোৱা ১০ ডিচেম্বৰ,‌ ২০২৫ (ইং) তাৰিখ‌ বুধবাৰে গোৱালপাৰাৰ পৰা শৰণ লবলৈ অহা শিষ্য-ভকতৰ সৈতে হৰিপুৰ সত্ৰৰ সত্ৰাধিকাৰ শ্ৰী দ্বিপেন্দ্ৰ নাথ গোস্বামী