Mara Online Service

01/12/2023

Always in our hearts!

27/03/2023

*Mara Online Service (MOS) Tawhta Rev. K. Beikhochhi (L) Taokheina: ch'aw my beih aw ma pi

Rev. K. Beikhochhi (L) (Ropahâ Paw), Aizawl Mara Church Pastor nata Administrative Secretary, ECM, Aizawl nata elected Executive Secretary i/c Education, ECM Assembly HQ, Siaha ta a daihti lei kawpa liata târi noh 26/03/2023 Hriatuanoh ta Aizawl liata maniah â pahâsai thlâhpa he keimo Mara Online Service (MOS) liata a chakaolâhpazy ta i pi ta, eima pasaih lei ngaita kaw.

Rev. K. Beikhochhi (L) he COVID-19 Pandemic vâta Achhyna O pangai thei leipa ta eima y no ta online tawhta chakaona pahypa Mara Online Service (MOS) ta Abeipanoh châhki maih liata apakhyna eima vaw hnei nona khata ano he noh peimawh chaipa zy liata Speaker châta eima hrua tyhpa, a bua kawna chô chhao ta a chakaona khô lâ ta online tawhta siepahliepa ta Abeipa chakaona tôhpi a vaw phia tyhpa châ ta, Mara Online Service (MOS) liata a chakaolâhpazy ta i pi ta, eima pasaih lei ngaita kaw; eima palôh a kei chheih hmeiseih. Pastor phapa mietaku zy veina ahnei hmeiseihpa eima vaw pahlei thlâhpa he a chhôhkha châta dei châ leipa ta, Marasawzy nata a khinarah châta pahleina lai ngaitapa a châpa ta eima pahno.

A siesaipa lahpi Pihnô K. Romeli, sawnahzy nata chhôhkha zy Abeipa ta rie ypâ sala, a chakaotyhpa Paw Khazohpa ta chyhsa zy eima pie thei leipa nata pie thai leipa ano tawhta thlalôhna, hnangâhna rie pie chyu mawh ei sy.

Ch'aw my beih aw ma pi.

Krista liata na chakaolâhpazy,

For Mara Online Service,

~ Rev. Ellis Joel Lava
Co-host, MOS
Odisha

~ Rev. Dr. Peter Bei Chatlai Beitâ
Chief Host, MOS
Bangalore

18/03/2023

Mara Online Service ta Ls. Lucy Ngôpathai Chozah Taokheina

Ls. Lucy Ngôpathai Chozah (Nunu) D/o Puhpa John Chozah, Siaha ta adaihti lei kawpa liata Pobienoh, Pamih 17, 2023 pa liata maniah â pahâsai thlâhpa he keimo Mara Online Service (MOS) liata a chakaolâhpazy ta i pi ta, eima pasaih lei ngaita kaw, eima palôh akeichheih hmeiseih.

Ls. Nunu Lucy he COVID-19 Pandemic chhôh kô 2 rô tlai ta Achhyna O liata apakhypa â vaw thei khao leipa vâta online ta apakhyna vaw taopa Mara Online Service (MOS) eima vaw siekhei no ta, ano he Bangalore liata Nurse achuno nata a vaw patlô thaoh no, buakha rai a hria daihti zy kha a vaw su ta, eima service liata hla chhihthana praise and worship lia zy nata pathaotuhpa, abyuhna lymâ hawhta maniah châpa ta, maniah adeichhy chaipa nata tha maniah apatlô chaipa pakha vaw châ ta, a theina dâh hawhta Abeipa avaw chakao tyhpa, laihsa siapa nata Khazohpa achi kawpa, chakaona apahâh kawpa thyudyupa châ ta, he hawhta maniah a vaw siesai thlâhpa he keimo MOS liata a chakaolahpazy pi ta i ngaita pi ta, eima pasaih lei ngaita kaw. Eima i viapazy, pasai lei viapazy he tlao maniah siesai ha tua tyh ei ta, tao thai aru eima tah hmeiseih. Anodeikua, Abeipa ryhraona zie he ahy hmahta eima pahno thai leipa vâta, eima vâ âsâh kawpa chhaota su hropa lâta asiepa châ leipa ta, Paw Khazohpa ku liata a pahâ hawpa a châ vâta hnangâhna thlalôhna Abeipa ta maniah a piepa ta pahno pi ta, he khizaw ta a pie thai leipa thlalôhna Abeipa tawhta apuapa tlai he ta a siesaipa chhôhkhazy rie a ypâ hra aw tahpa he eima thlahchhâna nawh kawpa a châ. Abeipa ta he chhie chai noh chhao heta a rônahna rie vaw palâsa sala, testimony rônahpa lâta rie maniah paliepa mawh sy. Amen!!!

"A mopathaihpa zy thina cha ABEIPA pachâ ta a sôh ngaitapa a châ." - Hlazy 116:15

Na chakaolâhpazy ta ch'aw my beih aw ma pi. Na chakao tyhna zydua he alabasta ôh rohpahâhpa hawhta rei tyhpa tlao châ hri mawh sy. Amen.

Na chakaolâhpazy,

Rev. Ellis Joel Lava
Co-host, MOS
Odisha

Rev. Dr. Peter Bei Chatlai Beita
Chief Host, MOS
Bangalore

24/12/2021

Mara Online Service ta Kô 2021 chhana nata Ko 2022 athaona liata programme speaker zy hmia pahnosana.

07/08/2021

https://youtu.be/U8yUWz0t2xs

South Sudan, Africa liata missionary a chakao haipa atahma ta eima rah liata buakha a vaw paha chyhpa Missionary Merina K. Beinopha tawhta Mara Online Service testimony/short sharing a hneipa he vaw moh hra mah y.

South Sudan liata ECM Missionary ta tuapa SIM ry liata a hriapa Missionary Ls. Merina K. Beinopha tawhta Mara Online Service a paso zie sharing chyupa a vaw ...

12/07/2021

FYI: Saikao chata sôh thyu n'awpa (Update):

Dear Ngiapalahpa zydua,

Pahânoh, Khihpa (July) 11, 2021 Apakhyna liata eima vaw palâsa chiehpa hawhta he nohta thyly he Saikao khih, eima Mararâh thlâhpa lata khihpi pasana liata achyhta chhata bao thei hra awpa ta eima khopasana chata he ary liata palasapa liana heta thyuna thyu theipa a châ.

Ahluh achyh y vei, eima theina chyu ta Saikao pasana eima pasana a châzie palasa n'awpa nata tlâhna phapa thlai ama dao chyu n'awpa ta eima khokheina nata thlachhâna chi chata thyu chyu suh vy.

FYI: Saikao chata sôh thyu n'awpa (Update):

1). Bank Account Details:
Bank Account Holder: K. Maduati
Bank: State Bank of India (SBI)
Branch: Baliguda, Kandhamal, Odisha.
A/c No.: 38270357427
IFSC No.: SBIN0001339

2). Mobile App Pay: UPI/GPay:
Mobile No.: 93482-49496 hehe Google Pay (GPay) nawbaw a châ.

UPI payment a taokhohpazy chata.

A chó liata pa khi Missionionary Evan. K. Maduati account a châ.

3). Thyuna Last Date: Dateline:
Thyly thyu pachie n'awpa noh: Pohbienoh (Thursday) 15, 2021, midnight taihta.

4). Thyuna Contact theina:
Pastor Beirona/Missionary K. Maduati: +91-93482-49496
Rev. Ellis Joel Lava (Co-Host) - +91 94381 18638
Rev. Dr. Peter Bei Chatlai Beita (Host): +91-991024-1703

06/02/2021

Mara Online Service nâ thôhkhei hrapa a cha khiahtala video pachhoh kawpa vaw tao la, Pastor Peter Bei Chatlai Beita phone nawbaw whatsapp or Telegram liata na vaw paphao hra awpa ta eima cha haw. Ano no. cha +919910241703 a châ.