01/06/2013
ALLAH...!! ALLAH...!!
Aaj Aap LoGo Ke Samne Ek Bohut
Bada Mas'aLa Pesh Kar Raha
Hu'n...!!!
Abhi Char Roz (4 Days) PehLe
(27/05/2013) Ko...!!
Ek Dang Kar Dene WaLa Bayan SaMne
Aayi Hai...!!
Wo Bayan Ye Hai Ki.....
Bayan By : Syed ALey RaSooL Hasnain
Miya'n Nazmi (Sajjadanasheen -
Khanqaahe Barkatiyya Mahrerah
Mutahra).
Uploaded By : Syed Safi Haidar...!!
Is Bayan Me Hazrat Ne Bohut Kuch
Kaha Hai...
Lekin Ek AiLaan Aisa Kiya Jiske Sunne
Ke Bad Mai Bade Afsoos Me ChaLa
Gaya
Wo AiLaan Yeh Hai Ki...
(TAJUSHSHARYA, MOLANA AKHTAR
RAZA KHAN AZHRAI Sahab Ki KhiLafat
Rad Kar Di Jo Ki"MOLVI AKHTAR RAZA
KHAN AZHARI"SAHAB KO...
Syed ALey RaSooL Hasnain Miya
Nazmi Sahab Ke Walid-E-Buzurgw ar
Se HasiL Thi Wo Hazrat ALEY RASOOL
HASNAIN MIYA NAZMI SAHAB NE RAD
KARDI)
ALLAH/Hu/ Akbar...!!!
Bayan:-
Mere sunni bhaiyo!Assalamo
alaikum wa Rahmatullahi wa
barakatuh.
Pichle do saal se main apne ahbab
ki facebook pe ki jaane wali
mukhtalif sunni tehreeko ke khilaf
karwahi ko dekh raha hun. in ahbab
main bahut se aise log hain jo
gumnamm chehro ke piche
chhupkar sunni halqo main
inteshaar phelane ki napaak
koshisho main lagey hue hain. main
dereena beemari main mubtala
hone ke sabab in afrad ki babat
izhare khayal karne se qaasir raha.
magar ab mera khamosh rehna
munasib nahin maloom deta. lihaza
in mamlaat main mundarja zail
ma'roozat sipurde qirtaas hain. ye
bayan main apne poore hosh o
hawas main bila kisi jabr o karahat
ke jaari kar raha hun.
mere kalaam ka pas manzar ya pesh
manzaar sirf aur sirf mujhe maloom
hai.
masal mashhoor hai:"TASNEEF RA
MUSANNIF NEKU KUNAD BAYA.N"
musannif jo kuch apna likha hua hai
usk usse behtar koi bayan nahin kar
sakta.
Wa lihaza, jo sahibaan mere kalaam
ko kisi fard ya tanzeem ke khilaf ye
kehkar istemaal kar rahe hain ki
main ne khas us makhsoos fard ya
jama'at ki babat ye kalam likha hai,
to ye Aley Rasool Nazmi per mehez
IFTIRA hai. kisi fard ko maine ye
haq nahin diya ki woh meri kisi
NASRI ya MANZOOM tehreer ko
apne shaitaani mansoobon ki
buniyaad banakar pesh kare. ye nira
JHOOT hai meri zaat per! Allah
farmata hai:"la'natulla hi alal
kazibeen"; jhuto per Allah ki la'nat!
Tehreeke Da'wate Islami aur Sunni
Da'wate Islami dono awame ahle
sunnat ki tehreekein hain. Mere
bahut se mureed in tehreekon se
wabasta hain. In tehreekon ke
karkuno ko Barkaati halqo main
taleemo tarbitayi kaam karne ki
ijazat hai. Ab jo afraad hamare
silsilae Barkaatiya main ba'it hone
ke bil wasta ya bila wasta mudai
hain, woh is baat per bahut ghaur
kar lein ki unki tardeedi karwahi sirf
in tehreeko ki mukhalifat nahin reh
jaati, bulki hind main ahle sunnat ke
qadeem markaz, khanqahe
barkaatiya, marehra ki dur asl
mukhalifat hai. aur jub markazi
khanqah se in tehreeko ki babat koi
tardeedi karwahi nahin hui, to mera
naam aur kalaam istemaal karna bud
dayanati hai.
Tehreeke Sunni Da'wate Islami ke
Ameer, Maulana Shakir Ali Noorie
mere khalifa hain. Iski babat main
kisi ko safai dena zaruri nahin
samajhta. Jis jagah se Maulana
Shakir Ali Noorie ke khilaf aawaz
uth rahi hai, woh hazraat bazate
khud rabta kar sakte hain mujh se.
mureeden aur mutawassileen ko is
silsile main bolne ki na ahliyat hai
aur na koi tareeqati haq! albutta
itna zaroor hai ki ye beech ke shur
pasand anasir ye soch rakhein ki eik
din mar kar Allah ko moonh dikhana
hai. fitna phelana sakht gunah hai!
Allah ! Allah!! ab woh din aa gaya ki
khanwadae barkaatiya ke afraad se
unki tareeqati zimmedariyo ki babat
hur rasta chalta insaan, hur aira
ghaira nathu khaira sawal karne pe
aamada rahega? Amaan uth jayega
is tarah.
hoshiyaar raho suniyo!!
Isi bayan ke zimn main mein eik
baat aur wazeh kiye deta hun. Apne
walide buzurgwaar, Huzoor Sayyidul
Ulema, Syed Shah Aley Mustafa ke
wahid janasheen hone ki hesiyat se
main tamam ahbab ko
ye bata dena chahta hun ki maine
apne tareeqati ikhtiyaraat jo mujhko
abun un jaddin haasil hain ke tehet
mere khandaan k khilafat jo suna
hai ki mere walide buzurg Huzoor
Sayyidul Ulema ki wisatat se Maulavi
Akhtar Raza Khan ko pahunchi hai,
use maine RUDD kar diya! Maulavi
Akhtar Raza Khan ki khilafat RUDD
kar di gayi. aur iska elaan is bayan
main is liye shamil kar diya gaya,
taaki tamam ehbab ko khabar ho
jaye aur iske baad koi is mughalte
main na rahe ki Maulavi Akhtar Raza
Khan mere walid ki khilafat ke
haamil hain.
Aakhir main mera eik bahut hi
mukhlisana mashwara hai un tamam
afraad ko jo mere beton se
Kathujjati karte hain aur woh ye ki
meri kisi tehreer ke babat jin hazrat
ka dil na bharta ho, wo mundarja
zeil pate per aakar muhse mulaqat
kar lein.un tamam ko munasib
jawab faraham kar diya jayega..
pata mera ye hai:
Syed Aley Rasool Hasnain miya
Nazmi
309, barkaati house, dongri,
bumbai number 400009
Jin Sahab Ko Is Bayan Par Ya Video
Par Yakeen Na Ho Wo Khud Hazrat Se
Rabta KarLe...
Link Ye Hai.
