Buddhist Monk

Directions Contact the place of worship

Buddhist Monk Contact information, map and directions, contact form, opening hours, services, ratings, photos, videos and announcements from Buddhist Monk, Badrinath.

མཐོང་ན་སྡུག་བསྔལ་སེལ་བའི་བླ་མའི་སྐུ། །
ཐོས་ན་རྨོངས་པ་བསལ་བའི་བླ་མའི་གསུངས། །
དྲན་ན་ཐར་ལམ་འདྲེན་པའི་བླ་མའི་ཐུགས། །
བླ་མའི་སྐུ་གསུང་ཐུགས་ལ་གསོལ་བ་འདེབས། །
-འཇིགས་མེད་གླིང་པས།

08/10/2026

😁😁😁

05/10/2026

འབྲུག་ཐིམ་ཕུག་ཏུ་ཡོད་པའི་བཀའ་དགོངས་ཕུར་གསུམ་རྟེན་གཙོ་བོས་བཞེངས་པའི་མཆོད་རྟེན་སྐོར།

24/09/2026

Karmapa Khenno🙏☸️

ཚེས་བཅུའི་ཕན་ཡོན་བཞུགས་སོ།🙏🙏☸️
21/09/2026

ཚེས་བཅུའི་ཕན་ཡོན་བཞུགས་སོ།🙏🙏☸️

༄༅། །བོད་དུ་གུ་རུའི་བྱིན་གྱིས་བརླབས་པའི་བཀའ་བརྒྱད་ཀྱི་གནས་ཆེན་བརྒྱད།བོད་དུ་གུ་རུའི་བྱིན་གྱིས་བརླབས་པའི་བཀའ་བརྒྱད་ཀྱི་གནས...
21/09/2026

༄༅། །བོད་དུ་གུ་རུའི་བྱིན་གྱིས་བརླབས་པའི་བཀའ་བརྒྱད་ཀྱི་གནས་ཆེན་བརྒྱད།
བོད་དུ་གུ་རུའི་བྱིན་གྱིས་བརླབས་པའི་བཀའ་བརྒྱད་ཀྱི་གནས་ཆེན་བརྒྱད་ནི།
༡༽འཇམ་དཔལ་སྐུ་གཤིན་རྗེའི་གནས་སྒྲགས་ཡངས་རྫོང་ནས་གནུབས་སངས་རྒྱས་ཡེ་ཤེས་གྲུབ་པ་ཐོབ།
༢༽པདྨ་གསུང་གི་གནས་བསམ་ཡས་མཆིམས་ཕུའི་དབེན་རྩ་རུ་རྒྱལ་བ་མཆོག་དབྱངས་རྟ་མགྲིན་གྱི་གྲུབ་པ་ཐོབ། ༣༽ ཡང་དག་ཐུགས་ཀྱི་གནས་ལྷོ་བྲག་མཁར་ཆུ་ནས་ནམ་མཁའི་སྙིང་པོ་གྲུབ་པ་ཐོབ།
༤༽བདུད་རྩིའི་ཡོན་ཏན་གྱི་གནས་ཡར་ཀླུང་ཤེལ་བྲག་ནས་གཉགས་ཆེན་ཡེ་ཤེས་གཞོན་ནུ་གྲུབ་པ་ཐོབ།
༥༽ ཕྲིན་ལས་ཕུར་བའི་གནས་མོན་ཁ་སེང་གེ་རྫོང་ནས་མཁའ་འགྲོ་ཡེ་ཤེས་མཚོ་རྒྱལ་གྲུབ་པ་ཐོབ།
༦༽མ་མོ་རྦོད་གཏོང་གི་གནས་ཡར་སྟོད་ཤམ་པོ་གངས་ར་ནས་འབྲོག་མི་དཔལ་གྱི་ཡེ་ཤེས་གྲུབ་པ་ཐོབ།
༧༽འཇིག་རྟེན་མཆོད་བསྟོད་ཀྱི་གནས་སྤ་གྲོ་སྟག་ཚང་དུ་རླངས་དཔལ་སེང་གྲུབ་པ་ཐོབ།
༨༽དམོད་པ་དྲག་སྔགས་ཀྱི་གནས་བསམ་ཡས་གཡའ་མ་ལུང་ནས་བཻ་རོ་ཙཱན་གྲུབ་པ་ཐོབ།
༡༽ཡང་གུ་རུ་རིན་པོ་ཆེའི་སྐུ་ཡི་གནས་བྲག་ཡེར་པ་ཟླ་བ་ཕུག ༢༽གསུང་གི་གནས་བསམ་ཡས་མཆིམས་ཕུ། ༣༽ ཐུགས་ཀྱི་གནས་ལྷོ་བྲག་མཁར་ཆུ། ༤༽ ཡོན་ཏན་གྱི་གནས་ཡར་ཀླུང་ཤེལ་བྲག ༥༽ ཕྲིན་ལས་ཀྱི་གནས་ནཻ་རིང་སེང་གེ་རྫོང་།

༄༅། །གུ་རུ་རིན་པོ་ཆེའི་ཚེས་བཅུའི་རྣམ་ཐར་གསོལ་འདེབས་བྱིན་རླབས་ཐིག་ལེ་ཞེས་བྱ་བ་བཞུགས་སོ། ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷ...
21/09/2026

༄༅། །གུ་རུ་རིན་པོ་ཆེའི་ཚེས་བཅུའི་རྣམ་ཐར་གསོལ་འདེབས་བྱིན་རླབས་ཐིག་ལེ་ཞེས་བྱ་བ་བཞུགས་སོ། །


ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ།

སངས་རྒྱས་སྣང་བ་མཐའ་ཡས་སྐུ་ལས་སྤྲུལ། །

འགྲོ་འདུལ་སྤྱན་རས་གཟིགས་དབང་གསུང་གི་འོད། །

རྒྱལ་སྲས་ཀུན་གྱི་ཐུགས་ཀྱི་གསང་བ་འཛིན། །

གུ་རུ་རིན་པོ་ཆེ་ལ་གསོལ་བ་འདེབས། །


གདོད་ནས་རང་བྱུང་མགོན་པོ་བདེ་བ་ཆེ། །

སྲིད་ཞིའི་ཁྱབ་བདག་ཀུན་བཟང་གསང་བ་་་འདུས། །

ཐོད་ཕྲེང་རྩལ་འཆང་ལོངས་སྤྱོད་ཡོངས་རྫོགས་སྐུ །

སྤྲུལ་བསྒྱུར་བསམ་ཡས་འགྱེད་ལ་གསོལ་བ་འདེབས། །


དུས་ཆེན་བཅུ་གཉིས་ཡར་ངོའི་ཚེས་བཅུ་ལ། །

རྟེན་འབྲེལ་བཅུ་གཉིས་གནས་སུ་དག་པའི་སྐུས། །

ཡན་ལག་བཅུ་གཉིས་གསུང་རབ་ཆོས་འཁོར་བསྐོར། །

བདེན་དོན་བཅུ་གཉིས་ཐུགས་རྗེའི་ཡེ་ཤེས་རྒྱས། །

མཚན་གྱི་རྣམ་གྲངས་ངོ་མཚར་བཅུ་གཉིས་གྲགས། །

རྨད་བྱུང་མཛད་པ་ཆེན་པོ་བཅུ་གཉིས་བསྟན། །

དངོས་གྲུབ་བཅུ་གཉིས་སྐལ་པ་བཞིན་དུ་སྩོལ། །

རྣམ་ཐར་རྗེས་སུ་དྲན་པས་གསོལ་བ་འདེབས། །


སྤྲེལ་ཟླའི་ཚེས་བཅུར་དྷ་ན་ཀོ་ཤའི་མཚོར། །

ངོ་མཚར་རང་བྱུང་པདྨའི་སྙིང་པོར་འཁྲུངས། །

མཚོ་གླིང་མཁའ་འགྲོ་རྣམས་ལ་ཆོས་འཁོར་བསྐོར། །

གུ་རུ་མཚོ་སྐྱེས་རྡོ་རྗེར་གསོལ་བ་འདེབས། །

སྐྱེས་ནས་ཐུགས་ཀྱི་སྲས་འགྱུར་བྱིན་གྱིས་རློབས། །


སྟག་ཟླའི་ཚེས་བཅུར་ཨོ་རྒྱན་རྒྱལ་སར་ཕེབས། །

ཨིནྡྲ་བྷཱུ་ཏིའི་སྲས་ཀྱི་སྐལ་པར་མཛད། །

འོད་འཆང་ཁབ་བཞེས་འཁོར་ལོས་སྒྱུར་རྒྱལ་གྱུར། །

གུ་རུ་པདྨ་རྒྱལ་པོར་གསོལ་བ་འདེབས། །


གཟི་བརྗིད་སྟོབས་རྒྱས་ནད་རིགས་འབྱུང་འཁྲུགས་ཞི། །

དབང་ལྔ་ལས་རུང་ཡིད་བདེ་སྤོབས་པ་མྱུར། །

མི་དང་མི་མིན་རླུང་སེམས་དབང་དུ་འདུས། །

བསམ་དོན་ཡིད་བཞིན་འགྲུབ་པར་བྱིན་གྱིས་རློབས། །


ཡོས་ཟླའི་ཚེས་བཅུར་རྐྱེན་དང་བརྡས་བསྐུལ་ཏེ། །

རྒྱལ་སྲིད་སྤངས་ནས་བསིལ་བའི་ཚལ་དུ་ཕེབས། །

འབྲེལ་ཚད་དོན་ལྡན་སྦྱོར་སྒྲོལ་བརྟུལ་ཞུགས་གྲུབ། །

ཤཱནྟ་རཀྵི་ཏ་ལ་གསོལ་བ་འདེབས། །


མངའ་ཐང་ལོངས་སྤྱོད་འཕེལ་ཞིང་རྐང་འགྲོས་འདུ། །

འགྲོ་ཀུན་དབང་འདུས་གཞི་བདག་བྲན་བཞིན་ཉན། །

རྨི་ལམ་རྟགས་མཚན་བཟང་པོར་མཐོང་བ་དང༌། །

གྲུབ་གཉིས་གཏེར་ཁ་བརྡོལ་བར་བྱིན་གྱིས་རློབས། །


འབྲུག་ཟླའི་ཚེས་བཅུར་ཀུན་དགར་རབ་ཏུ་བྱུང༌། །

ཤེས་བྱ་མཐར་ཕྱིན་མཁས་གྲུབ་དུ་མ་ལས། །

མདོ་སྔགས་ཀུན་ཆུབ་ཤཱཀྱ་སེང་གེར་གྲགས། །

བློ་ལྡན་མཆོག་སྲེད་ཞབས་ལ་གསོལ་བ་འདེབས། །


འཆི་བདག་གཟའ་བདུད་སྡེ་བརྒྱད་གནོད་འཚེ་ཞི། །

ཚུལ་ཁྲིམས་རྣམ་དག་བསླབ་གསུམ་ཡོངས་སུ་རྫོགས། །

རིག་པའི་གནས་དང་མདོ་རྒྱུད་ཐམས་ཅད་ལ། །

མཁྱེན་རབ་ཕྱོགས་མེད་རྒྱས་པར་བྱིན་གྱིས་རློབས། །

འཆི་མེད་པདྨ་འབྱུང་གནས་ལ་གསོལ་བ་འདེབས། །


གཟའ་སྐར་ཕྱོགས་ངན་དགྲ་རྐུན་གནོད་འཚེ་ཞི། །

གཞི་བྱེས་ཀུན་ཏུ་བཀྲ་ཤིས་བདེ་ལེགས་འཕེལ། །

དཀར་ཕྱོགས་སྲུང་མས་རྟག་ཏུ་སྡོང་གྲོགས་མཛད། །

བསམ་རྒུ་ལྷུན་གྱིས་འགྲུབ་པར་བྱིན་གྱིས་རློབས། །


རྟ་ཟླའི་ཚེས་བཅུར་ཨོ་རྒྱན་བདུད་བློན་གྱིས། །

བསྲེགས་ཀྱང་མ་ཚིག་ངོ་མཚར་རྫུ་འཕྲུལ་བསྟན། །

བཀའ་འདུས་ཆོས་བསྟན་འཁོར་བཅས་བྱང་ཆུབ་བཀོད། །

པདྨ་བཛྲ་རྩལ་ལ་གསོལ་བ་འདེབས། །


བདུད་སྡེ་ལྷ་མིན་གདུག་པའི་ས་བདག་ཀླུའི། །

གནོད་པ་ཀུན་ཞི་བསྒོ་བའི་བཀའ་ལ་ཉན། །

ཆོས་སྐྱོང་སྲུང་མས་ཅི་བཅོལ་ལས་སྒྲུབ་ཅིང༌། །

འགོ་བའི་ལྷ་ཡིས་སྐྱོབ་པར་བྱིན་གྱིས་རློབས། །


ལུག་ཟླའི་ཚེས་བཅུར་རྒྱ་གར་ལྷོ་ཕྱོགས་སུ། །

མུ་སྟེགས་ལྷ་སྲུང་དང་བཅས་ཐལ་བར་བརླགས། །

སངས་རྒྱས་བསྟན་པའི་རྒྱལ་མཚན་དགུང་དུ་ཕྱར། །

སེང་གེ་སྒྲ་སྒྲོག་རྩལ་ལ་གསོལ་བ་འདེབས། །


བར་ཆད་ཀུན་ཞི་ཚེ་དཔལ་ཡོན་ཏན་རྒྱས། །

སྣང་བ་དབང་འདུས་ཕས་རྒོལ་རྩད་ནས་ཆོམས། །

བདུད་བཞི་ལས་རྒྱལ་ཁམས་གསུམ་འགྲོ་ཀུན་ལ། །

སྦྱིན་བཏང་ཕན་ཡོན་ཐོབ་པར་བྱིན་གྱིས་རློབས། །



བྱ་ཟླའི་ཚེས་བཅུར་ཟངས་གླིང་མུ་སྟེགས་ཀྱིས། །

གངྒཱའི་ཆུར་བསྐྱུར་གར་མཛད་ཆུ་བཟློག་པས། །

གནས་ཡུལ་ཉེན་ཚེ་སྐྱབས་གསོལ་བསྟན་ལ་བཀོད། །

གུ་རུ་མཁའ་ལྡིང་རྩལ་ལ་གསོལ་བ་འདེབས། །



གཅོང་ནད་ཀུན་བྱང་འཁོར་མང་བསམ་དོན་འགྲུབ། །

བང་མཛོད་འབྲུ་དང་མཁོ་རྒུའི་ཡོ་བྱད་འཕེལ། །

སེམས་བདེ་ངག་ལ་ནུས་པ་འབར་བ་དང༌། །

ཏིང་འཛིན་མཆོག་གྱུར་སྐྱེ་བར་བྱིན་གྱིས་རློབས། །

བདེ་ཆེན་ཉི་མ་འོད་ཟེར་ལ་གསོལ་བ་འདེབས། །



ལོ་ཟླ་ཞག་དུས་ཀེག་དང་ལྟས་ངན་ཞི། །

ཆོས་དང་ཐར་པའི་བར་དུ་གཅོད་པ་སེལ། །

དབང་ཐང་ཀླུང་རྟ་གུད་སོགས་སོར་ཆུད་ཅིང༌། །

ཕྱོགས་ལས་རྣམ་པར་རྒྱལ་བར་བྱིན་གྱིས་རློབས། །



ཕག་ཟླའི་ཚེས་བཅུར་བལ་ཡུལ་ལྷ་འདྲེ་རྣམས། །

ཕུར་བུས་བཏུལ་ནས་ཡང་དག་སྒྲུབ་པ་མཛད། །

ཕྱག་རྒྱ་ཆེན་པོ་མཆོག་གི་རིག་འཛིན་གྲུབ། །

རྡོ་རྗེ་ཐོད་ཕྲེང་རྩལ་ལ་གསོལ་བ་འདེབས། །



གཤིན་རྗེ་མ་མོ་འབྱུང་པོའི་ནད་དང་གདོན། །

གློ་བུར་ཡེ་འདྲོག་དུས་མིན་འཆི་བ་ཞི། །

གཏད་སེལ་ལས་གྲོལ་ལྷ་འདྲེས་ཅི་བཅོལ་ཉན། །

རང་ལུས་རྡོ་རྗེར་འགྱུར་བར་བྱིན་གྱིས་རློབས། །



བྱི་ཟླའི་ཚེས་བཅུར་བོད་ཡུལ་ལྷ་འདྲེ་བཏུལ། །

བསམ་ཡས་ལེགས་བཞེངས་དམ་ཆོས་སྒྲོན་མེ་སྦར། །

སྐལ་ལྡན་རྗེ་འབངས་སྨིན་ཅིང་གྲོལ་བར་མཛད། །

པདྨ་སཾ་བྷ་བ་ལ་གསོལ་བ་འདེབས། །



ངག་འཁྱལ་ཚིག་རྩུབ་རྫུན་སྨྲས་སྐུར་པ་བཏབ། །

ཉན་ཐོས་འདུལ་ཁྲིམས་བྱང་སེམས་བསླབ་པ་ཉམས། །

གསང་སྔགས་དམ་ཚིག་འགལ་སོགས་ཉེས་ལྟུང་རྣམས། །

བྱང་ཞིང་བདག་རྒྱུད་དག་པར་བྱིན་གྱིས་རློབས། །



གླང་ཟླའི་ཚེས་བཅུར་མཆོད་ཡོན་བཀའ་བགྲོས་ཏེ། །

གངས་ཅན་མཐའ་དབུས་གཏེར་ཁ་བྱེ་སྙེད་སྦས། །

བསྟན་ཞབས་གཏེར་སྐྱོང་བཀའ་དྲིན་རྒྱུན་ཆད་མེད། །

རྡོ་རྗེ་གྲོ་ལོད་རྩལ་ལ་གསོལ་བ་འདེབས། །



དུས་མིན་འཆི་སོགས་འཕྲལ་རྐྱེན་མི་འབྱུང་ཞིང༌། །

འཕོས་མ་ཐག་ཏུ་བདེ་ཆེན་ཞིང་ཁམས་དང༌། །

པདྨ་འོད་དུ་གུ་རུའི་དྲུང་སྐྱེས་ནས། །

འགྲོ་དོན་དཔག་མེད་འབྱུང་བར་བྱིན་གྱིས་རློབས། །

ཚེས་བཅུ་ཀུན་ལ་ངོ་མཚར་མཛད་པ་རེས། །

བྱིན་གྱིས་རླབས་ཕྱིར་མཆོད་ཅིང་གསོལ་འདེབས་ན། །

མི་འདོད་ཀུན་ཞི་འཕྲལ་ཡུན་ལེགས་ཚོགས་རྣམས། །

འགྲུབ་པའི་རྡོ་རྗེའི་གསུང་ཉིད་བསླུ་མེད་མཛོད། །



ཚེས་བཅུ་བྱུང་རེས་བོད་དུ་ཕེབས་པ་ཡི། །

ཞལ་བཞེས་རྗེས་དྲན་རྩེ་གཅིག་གུས་པ་ཡི། །

གདུང་ཤུགས་དྲག་པོས་སྙིང་ནས་གསོལ་བ་འདེབས། །

གདུལ་བྱ་ཡལ་བར་མ་འདོར་ཐུགས་རྗེ་ཅན། །



སྙིགས་མའི་རྒུད་པས་གཙེས་པའི་བོད་འབངས་རྣམས། །

མགོན་པོ་ཁྱོད་ལས་རེ་ས་གཞན་མེད་པས། །

སྔོན་གྱི་ཐུགས་དམ་དུས་ལ་བབ་ལགས་ན། །

ཡེ་ཤེས་ཆེན་པོའི་གཟིགས་པ་མ་གཡེལ་བར། །

འཇིག་རྟེན་བདེ་ཞིང་དགེ་བའི་ཆོས་ལ་སྤྱོད། །

བསམ་པའི་དོན་ཀུན་ཆོས་ལྡན་ཡིད་བཞིན་འགྲུབ། །

དཀའ་བ་མེད་པ་རྡོ་རྗེའི་གསེང་ལམ་བགྲོད། །

ཕྱམ་གཅིག་གདོད་མའི་ཀློང་དུ་གྲོལ་མཛད་གསོལ། །



ཅེས་གངས་ཅན་པ་རྣམས་ཀྱིས་མི་བྱར་མི་རུང་བ་གུ་རུ་རིན་པོ་ཆེའི་དུས་ཆེན་ཚེས་བཅུའི་མཆོད་པ་དང་ཟུང་དུ་འབྲེལ་བའི་གསོལ་འདེབས་འདིའང༌། རྗེ་བླ་མ་ཐམས་ཅད་མཁྱེན་པ་པདྨ་འོད་གསལ་མདོ་སྔགས་གླིང་པའི་ཞལ་སྔ་ནས་ཚུལ་འདི་དགོས་པ་དང་གནད་གལ་ཆེ་བའི་རྒྱུ་མཚན་བཅས་བཀའ་ཡི་རྗེས་སུ་གནང་བ་ལྟར། རྗེ་ཉིད་ཀྱི་ཟབ་གཏེར་བླ་མ་སྐུ་བཞིའི་ལོ་རྒྱུས་དང༌། ལྷོ་བྲག་མགོན་པོ་རིན་ཆེན་གྱི་གཏེར་བྱོན་ཚེས་བཅུའི་ཕན་ཡོན་དག་ལ་གཞི་བྱས་ཏེ། པདྨའི་རིག་འཛིན་འཆི་མེད་བསྟན་གཉིས་གཡུང་དྲུང་གླིང་པས་གུས་པ་ཆེན་པོས་བགྱིས་པ་དགེ་ལེགས་འཕེལ།། །།

21/09/2026

🙏😭😍🤝🌼🪴🙏☸️

With immense joy and devotion, we warmly welcome His Holiness Kyabjé Sangay Nyenpa Rinpoche, who graciously arrived in P...
20/09/2026

With immense joy and devotion, we warmly welcome His Holiness Kyabjé Sangay Nyenpa Rinpoche, who graciously arrived in Paro, Bhutan, and compassionately bestowed a precious empowerment upon the gathered devotees. May His Holiness’s profound blessings and teachings continue to benefit countless sentient beings. 🙏☸️

For one who recognizes the Guru as the guide to liberation, no distance is too far, and no journey is too tiring. The he...
20/09/2026

For one who recognizes the Guru as the guide to liberation, no distance is too far, and no journey is too tiring. The heart never grows weary of meeting the Guru. 🙏☸️
གཏན་གྱི་སྐྱབས་གནས་སུ་འགྱུར་པའི་བླ་མ་འདི་ས་ཆ་རིང་ཐུང་ཇི་ཙམ་རིང་ཡང་མོས་དད་སློབ་མ་དཀའ་ངལ་ལྕི་གཡང་ལ་མ་ཚེར་བ་འདི་ཧ་ཅང་ཡ་མཚན་ཆེ་བ་ལགས།🙏🙏🥹

Address

Badrinath

Website

Alerts

Be the first to know and let us send you an email when Buddhist Monk posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Buddhist Monk:

Shortcuts

Share