28/11/2015
Maa teri mamtaa se behtar kch nhi bahre hayaat.
Maa tujhe khti hai duniya shafqato'n ki qaenaat..
Maa tere pa'on tale jannat ba farmaane nabi.
Maa teri khidmat se mahshar me moyassar hai najaat..
Maa tumhari maamtaa ka hai sela mumkin nhi.
Maa tuhi insaan k qadmo ko deti hai sebaat..
Maa teri aagosh ki garmi me pal kar aadmi.
Qaenate zindagi ki fatah kar le mushqilaat..
Maa agar tu aadmi se fer le chashme karam.
Subah farzandaane aadam hoyegi tareek raat..
Maa teri hasti se behtar koi bhi nemat nhi.
Tu na ho to tang ho jati hai baccho par hayaat..
Maa khoda ki rahmato'n ki bolti tasweer hai.
Maa k dam se rang me dubi hui hai qaenaat..
Maa tera dil jo dukhayega na bakhsha jayega.
Teri hi azmat k qur'aa'n me raqam hai waqeyaat..
Maa tahe dil se doa deti hai jis farzand ko.
Uske sar saayaa fegan hote nhi hai hadsaat..
Jab kabhi pardes jata hai koi noore nazar.
Maa balaye leke kahti hai tu laute bahayaat..
Maa jawa'n beti ko jab sasuraal rokhasat krti hai.
Gam se dil phat jata hai seene pe rakh leti hai hath..
Baap ki azmat jaha'n me maa se hai kch kam nhi.
Baap na hota agar to kaise banti qaenaat..
Baap ka to parwarish ka farz hai ae dosto.
Tarbiyat ilmo adab me dono rahte sath sath..
Karbala walo ki un maao'n pe rona chahiye.
Sabr se jo dekhti thi karbala k waqeyaat..
Naazo k palo'n ko seene se lagane k liye.
Maa kafan me lipti ho tab bhi utha deti hai hath..
Ret bhar jaye na zakhme shahe dee'n me isliye.
Maa ne maqtal ki zamee'n balo se jhadi sari raat..
Shah ki maa ne ham azadarane sarwar k liye.
Bargahe kibriya me ki munajate hayaat..
Inqelab hukme elahi par amal karte raho.
Maa ki hargiz taalnaa na zindagi me koi baat..
By Monis Rizvi
Kalam janab Inquilaab azmi
