22/03/2025
ਜਿਹਨਾਂ ਨੇ ਮੁਖੀ ਮੰਨਿਆ ….
ਭਾਈ ਮਲਕੀਤ ਸਿੰਘ, ਭਾਈ ਤੇਜਬੀਰ ਸਿੰਘ, ਭਾਈ ਲਾਲਜੀਤ ਸਿੰਘ ਅਤੇ ਹੋਰ ਅਨੇਕਾਂ ਸਿੰਘ, ਜੋ ਹਰ ਸਾਲ 6 ਜੂਨ ਨੂੰ ਸ਼ਬੀਲਾਂ ਵੀ ਲਾਉਂਦੇ ਹਨ ਅਤੇ ਹਰ ਕੰਮ ਵਿੱਚ ਬਾਬਾ ਜੀ ਦੇ ਇੱਕ ਸੰਦੇਸ਼ ਤੇ ਪਹੁੰਚਦੇ ਹਨ, ਉਹਨਾਂ ਨੇ ਮੈਦਾਨ ‘ਚ ਔਨ-ਗਰਾਊਂਡ ਕੰਮ ਕੀਤਾ ਹੈ ਅਤੇ ਕਰ ਰਹੇ ਹਨ। ਇਹ ਸਿੰਘ ਸੋਸ਼ਲ ਮੀਡੀਆ ਦੀਆਂ ਬੇਮਤਲਬ ਚਰਚਾਵਾਂ ‘ਚ ਵਿਸ਼ਵਾਸ ਨਹੀਂ ਰੱਖਦੇ; ਇਹ ਸਿਰਫ਼ ਕੰਮ ‘ਤੇ ਧਿਆਨ ਦਿੰਦੇ ਹਨ। ਜਿਹੜੇ ਸੱਜਣ ਬਾਬਾ ਜੀ ਦੇ ਨਾਲ ਰਹਿ ਕੇ ਕੰਮ ਕਰਦੇ ਹਨ, ਉਹਨਾਂ ਨੂੰ ਬਾਬਾ ਜੀ ਦੇ ਕਿਸੇ ਵੀ ਫ਼ੈਸਲੇ ‘ਤੇ ਕਦੇ ਕੋਈ ਇਤਰਾਜ਼ ਨਹੀਂ ਹੁੰਦਾ।
ਇਤਰਾਜ਼ ਕੌਣ ਕਰਦੇ ਹਨ?
ਉਹ ਲੋਕ, ਜਿਨ੍ਹਾਂ ਨੇ ਆਪਣੇ ਜੀਵਨ ‘ਚ ਕਦੇ ਕੋਈ ਹੱਕੀਕੀ ਕੰਮ ਨਹੀਂ ਕੀਤਾ, ਪਰ ਗੁਰਪ੍ਰੀਤ ਸਹੋਤੇ ਵਾਂਗ ਬੇਲੋੜੇ ਤਾਣੇ ਅਤੇ ਵਿਅੰਗ ਮਾਰਦੇ ਰਹਿੰਦੇ ਹਨ। ਇਨ੍ਹਾਂ ਲੋਕਾਂ ਦਾ ਅਸਲ ਮਕਸਦ ਸਿਰਫ਼ ਤੋਰੀ-ਫੁਲਕਾ ਚਲਾਉਣਾ ਹੁੰਦਾ ਹੈ।
ਹੁਣ ਕੁਝ ਲੋਕ ਪੁੱਛ ਰਹੇ ਹਨ – “ਅਮਿਤ ਸ਼ਾਹ ਨੇ ਕੀ ਕਿਹਾ?” ਤੇ “ਹੁਣ ਬਾਬਾ ਹਰਨਾਮ ਸਿੰਘ ਕਿੱਥੇ ਹਨ?” ਇਹਨਾਂ ਲੋਕਾਂ ਨੂੰ ਸਮਝਣਾ ਚਾਹੀਦਾ ਹੈ । ਕਿ,ਕੀ ?ਬਾਬਾ ਹਰਨਾਮ ਸਿੰਘ ਨੇ ਅਮਿਤ ਸ਼ਾਹ ਨੂੰ ਗ੍ਰਹਿ ਮੰਤਰੀ ਬਣਾਇਆ? ਜੇਕਰ ਅਸੀਂ ਅਮਿਤ ਸ਼ਾਹ ਦੇ ਬਿਆਨ ‘ਤੇ ਚੱਲਣਾ ਹੁੰਦਾ ਤਾਂ ਫਿਰ ਸਾਨੂੰ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦਾ ਤਾਂ ਨਾਮ ਲੈਣਾ ਵੀ ਛੱਡ ਦੇਣਾ ਚਾਹੀਦਾ ਸੀ । 6 ਜੂਨ ਤੇ ਦੋ ਮਹੀਨੇ ਪਹਿਲਾਂ ਬਾਬਾ ਜੀ ਵਲੋਂ ਪਿੰਡ ਪਿੰਡ ਜਾਕੇ ਸੰਤਾਂ ਦੇ ਇਤਿਹਾਸ ਨੂੰ ਸੁਣਾਉਣਾ ਵੀ ਬਾਬਾ ਜੀ ਦੇ ਹਿੱਸੇ ਹੀ ਆਇਆ ਹੈ । ਸੱਚੇ ਸਿੱਖੋ ਕਦੇ ਉਹਦੇ ਤੇ ਵੀ ਪੋਸਟ ਪਾ ਦਿਆ ਕਰੋ ਕਿ ਨਫ਼ਰਤ ਹੱਥ ਫੜ ਲਹਿੰਦੀ ਤੁਹਾਡਾ?
ਸਰਕਾਰਾਂ ਕਿਸੇ ਦੀਆਂ ਸਕੀਆਂ ਨਹੀਂ ਹੁੰਦੀਆਂ, ਪਰ ਕੁਝ ਲੋਕ ਬਾਬਾ ਹਰਨਾਮ ਸਿੰਘ ਦੇ ਟੱਲ ਖੜਕਾਉਣ ‘ਤੇ ਹੀ ਖੁਸ਼ ਰਹਿੰਦੇ ਹਨ। ਇਹਨਾਂ ਨੂੰ ਸਿਰਫ਼ ਮੌਕਾ ਚਾਹੀਦਾ ਹੈ।
ਅਮਿਤ ਸ਼ਾਹ ‘ਦੀ ਪ੍ਰਤੀਕਿਰਿਆ
ਅਸੀਂ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਬਿਆਨ ਨਾਲ ਬਿਲਕੁਲ ਵੀ ਸਹਿਮਤ ਨਹੀਂ ਹਾਂ। ਸਾਡਾ ਵਿਸ਼ਵਾਸ ਇਸ ‘ਚ ਹੈ ਕਿ ਅਸੀਂ ਕਿਸੇ ਦੇ ਕਹਿਣ ‘ਤੇ ਸੰਤਾਂ ਨੂੰ “20ਵੀਂ ਸਦੀ ਦਾ ਜਰਨੈਲ” ਨਹੀਂ ਮੰਨਿਆ। ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਮਹਾਨਤਾ, ਰੁਤਬਾ ਅਤੇ ਪਵਿੱਤਰਤਾ ਹਜ਼ਾਰਾਂ ਸੰਤਾਂ ਅਤੇ ਲੱਖਾਂ ਲੀਡਰਾਂ ਤੋਂ ਉੱਚੀ ਹੈ। ਕੋਈ ਵੀ ਸਰਕਾਰੀ ਬਿਆਨ, ਕੋਈ ਵੀ ਵਿਅਕਤੀ ਜਾਂ ਕੋਈ ਵੀ ਅੰਤਰਰਾਸ਼ਟਰੀ ਪੱਖ ਸੰਤ ਜਰਨੈਲ ਸਿੰਘ ਜੀ ਦੇ ਚਮਕਦੇ ਸੂਰਜ ਵਰਗੇ ਪ੍ਰਤਾਪ ਨੂੰ ਘਟਾ ਨਹੀਂ ਸਕਦਾ ।
ਅਮਿਤ ਸ਼ਾਹ ਨੂੰ ਚਾਹੀਦਾ ਹੈ ਕਿ ਉਹ ਸੁਬਰਾਮਨੀਅਮ ਵਰਗੇ ਪੜ੍ਹੇ-ਲਿਖੇ ਲੋਕਾਂ ਤੋਂ ਸੰਤਾਂ ਬਾਰੇ ਜਾਣਕਾਰੀ ਹਾਸਲ ਕਰਨ
ਸੋਸ਼ਲ ਮੀਡੀਆ ‘ਤੇ ਖਾਲੀ ਬਕਵਾਸ ਕਰਨ ਵਾਲੇ
ਕਈ ਅਜਿਹੇ ਲੋਕ ਹਨ, ਜਿਨ੍ਹਾਂ ਨੇ ਅੱਜ ਤੱਕ ਬਾਬਾ ਹਰਨਾਮ ਸਿੰਘ ਜੀ ਨੂੰ ਮੁਖੀ ਮੰਨਿਆ ਹੀ ਨਹੀਂ। ਇਹ ਸਿਰਫ਼ ਦਿਨ-ਰਾਤ ਨਿੰਦਿਆ ਕਰਦੇ ਹਨ। ਇਹਨਾਂ ਨੂੰ ਸਿਰਫ਼ ਹਰਾਮਪੁਣੇ ਦਾ ਆਲਸ ਚੜਿਆ ਹੋਇਆ ਹੈ।
ਕਈ ਤਾਂ ਐਵੇਂ ਵੀ ਹਨ ਜਿਨ੍ਹਾਂ ਦੀ ਘਰ ਦੀ ਰੋਟੀ ਵੀ ਸਿਰਫ਼ ਬਾਬਾ ਜੀ ਦੀ ਨਿੰਦਿਆ ‘ਤੇ ਚੱਲਦੀ ਹੈ। ਇਹ ਲੋਕ ਫੇਸਬੁੱਕ ‘ਤੇ ਦੋ-ਦੋ ਘੰਟੇ ਬਕਵਾਸ ਕਰਨ ਲਈ ਤਿਆਰ ਹਨ, ਪਰ ਗੁਰਬਾਣੀ, ਇਤਿਹਾਸ ਜਾਂ ਨਿੱਤਨੇਮ ਬਾਰੇ ਉਨ੍ਹਾਂ ਨੂੰ ਰਤਾ ਵੀ ਨਹੀਂ ਪਤਾ।
ਸਿੱਧੀ ਗੱਲ
ਮੈਂ ਗੁਰਪ੍ਰੀਤ ਸਹੋਤੇ ਨੂੰ ਖੁਦ ਮੈਸੇਜ ਕੀਤਾ ਸੀ ਕਿ ਆਪਣੇ ਚੈਨਲ ‘ਤੇ ਪ੍ਰੋਗਰਾਮ ਰੱਖ, ਮੈਂ ਹਰ ਗੱਲ ਦਾ ਜਵਾਬ ਦੇਵਾਂਗਾ। ਪਰ ਜੇਕਰ ਕੋਈ ਇਨਸਾਨ ਪਹਿਲਾਂ ਹੀ ਮਨ ‘ਚ ਇਹ ਨੀਅਤ ਰੱਖੇ ਕਿ ਉਸਨੇ ਜਵਾਬ ਲੈਣਾ ਹੀ ਨਹੀਂ, ਤਾਂ ਇਹਨਾਂ ਦੀ ਮੰਤਵਤਾ ਖੁਦ ਹੀ ਸਮਝ ਆ ਜਾਂਦੀ ਹੈ।
ਜਿਹੋ ਜਹੇ ਸਵਾਲ ਸਾਡੇ ਤੇ ਨੇ ਉਹੀ ਸਵਾਲ ਅੰਮ੍ਰਿਤਪਾਲ ਸਿੰਘ ਦੀ ਟੀਮ ਨੂੰ ਕਿਓਂ ਨਹੀ ? ਅਜਨਾਲੇ ਨੂੰ ਕਿਉਂ ਨਹੀ? ਸਿੱਖ ਮਿਸ਼ਨਰੀਆਂ ਨੂੰ ਕਿਉਂ ਨਹੀ? ਮਾਨ ਦਲ ਨੂੰ ਕਿਉਂ ਨਹੀ? ਬਥੇਰਿਆ ਦੇ ਨਾਮ ਨੇ ।
ਸੰਤ ਜਰਨੈਲ ਸਿੰਘ ਜੀ ਸਾਰਿਆਂ ਦੇ ਸਾਂਝੇ ਨੇ ਇਸ ਕਰਕੇ ਜਿਸਨੇ ਗੱਲ ਕਹੀ ਹੈ ਉਸਨੂੰ ਬੋਲੋ ਨਾ ਕੇ ਬਾਬੇ ਦੇ ਟੱਲ ਖੜਕਾਓ
ਜਤਿੰਦਰ ਸਿੰਘ ਖਾਲਸਾ ਬੁਲਾਰਾ ਦਮਦਮੀ ਟਕਸਾਲ ਅਮਰੀਕਾ ✍️✍️✍️✍️✍️
