04/09/2021
ਅੱਜ ਦਾ ਇਤਿਹਾਸ: 04/09/1991
SYL ਨਹਿਰ ਨੂੰ ਪੱਕਾ ਬੰਨ੍ਹ ਮਾਰਨ ਵਾਲਾ ਜਰਨੈਲ ਜਟਾਣਾ ਸ਼ਹੀਦ ਹੋ ਗਿਆ
ਮਾਲਵੇ ਦਾ ਬੱਬਰ ਜਰਨੈਲ ਬਲਵਿੰਦਰ ਸਿੰਘ ਜਟਾਣਾ ਅੱਜ ਦੇ ਦਿਨ ਸੂਰਮੇ ਚਰਨਜੀਤ ਸਿੰਘ ਚੰਨੀ ਸੰਗ ਪੁਲਸ ਮੁਕਾਬਲੇ ਚ ਸ਼ਹੀਦ ਹੋ ਗਿਆ। 16 ਲੱਖ ਦੇ ਇਨਾਮੀ ਸੂਰਮੇ ਨੇ 25 ਵਰ੍ਹਿਆਂ ਦੀ ਉਮਰ ਚ ਜਗਤਾਰ ਸਿੰਘ ਪੰਜੋਲਾ, ਬਲਬੀਰ ਸਿੰਘ ਫੌਜੀ ਤੇ ਹਰਪ੍ਰੀਤ ਸਿੰਘ ਭਊਵਾਲ ਨਾਲ ਸਕੂਟਰਾਂ ਤੇ ਸਵਾਰ ਹੋ ਕੇ ਚੰਡੀਗੜ੍ਹ ਦੇ 26 ਸੈਕਟਰ ਚ SYL ਨਹਿਰ ਨੂੰ ਮੁਕੰਮਲ ਕਰਨ ਲਈ ਮੀਟਿੰਗ ਕਰ ਰਹੇ ਇੰਜੀਨੀਅਰ SM ਸਿਕਰੀ ਤੇ ਅਵਤਾਰ ਔਲਖ ਨੂੰ ਸੋਧਿਆ। 1990 ਚ ਹੋਏ ਇਸ ਐਕਸ਼ਨ ਕਾਰਣ ਦਿੱਲੀ ਨੇ ਇਸ ਨਹਿਰ ਨੂੰ ਠੱਪ ਕਰ ਦਿੱਤਾ ਤੇ ਅੱਜ ਤੱਕ ਮੁੜ ਚਾਲੂ ਕਰਨ ਦੀ ਹਿੰਮਤ ਨਹੀਂ ਕੀਤੀ। 29 ਅਗਸਤ 1991 ਚ ਆਪ ਨੇ ਸੁਮੇਧ ਸੈਣੀ ਤੇ ਹੱਲਾ ਕੀਤਾ ਪਰ ਦੁਸ਼ਟ ਬਚ ਗਿਆ ਤੇ ਡਰਾਈਵਰ ਮਾਰਿਆ ਗਿਆ। ਮਗਰੋਂ ਸੁਮੇਧ ਸੈਣੀ ਨੇ ਪੂਹਲੇ ਨੂੰ ਭੇਜ ਕੇ ਆਪ ਦਾ ਪਰਿਵਾਰ ਕਤਲ ਕਰਵਾ ਦਿੱਤਾ। ਆਬਾਂ ਬਦਲੇ ਖੂਨ ਡੋਲ੍ਹਣ ਵਾਲਿਆਂ ਨੂੰ ਕੌਮ ਸਿਜਦਾ ਕਰਦੀ ਰਹੇਗੀ।
~ਸਿੱਖ ਨਜ਼ਰੀਆ
