18/05/2021
ਇੱਕ ਸਵਾਲ ਦਿਮਾਗ ਚ ਹਮੇਸ਼ਾ ਰਹਿੰਦਾ ਹੈ ਕਿ ਗੁਰੂ ਨਾਨਕ ਮਹਾਰਾਜ ਜੀ ਨੇ ਇਹ ਨਿਰਮਲ ਪੰਥ ਸੰਸਾਰ ਨੂੰ ਕਿਉਂ ਦਿੱਤਾ ? ਕੀ ਉਸ ਸਮੇਂ ਲੋਕ ਧਰਮ ਦੀਆਂ ਰਸਮਾਂ ਨਹੀਂ ਨਿਭਾਉਂਦੇ ਸਨ? ਕੀ ਲੋਕਾਂ ਦੀ ਆਸਥਾ ਦੀ ਪੂਰਤੀ ਲਈ ਧਾਰਮਿਕ ਅਸਥਾਨ ਨਹੀਂ ਸਨ ? ਜਵਾਬ ਮਿਲੇਗਾ ਕਿ ਲੋਕ ਆਪਣੇ ਆਪਣੇ ਜਨਮ ਅਧਾਰਿਤ ਧਰਮ ਦੀਆਂ ਧਾਰਮਿਕ ਰਸਮਾਂ ਨਿਭਾਉਂਦੇ ਸਨ ਹਿੰਦੂ ਲੋਕ ਵਰਤ ਰੱਖਦੇ ,ਤੀਰਥ ਅਸਥਾਨਾਂ ਤੇ ਜਾਂਦੇ ਦਾਨ ਪੁੰਨ ਕਰਦੇ ਘਰਾਂ ਚ ਹਵਨ ਪਾਠ ਆਦਿ ਕਰਵਾਉਂਦੇ ਸਨ! ਮੁਸਲਮਾਨ ਲੋਕ ਮਸਜਿਦ ਜਾਂਦੇ ,ਰੋਜੇ ਰੱਖਦੇ ,ਨਮਾਜ਼ ਪੜ੍ਹਦੇ !
ਫੇਰ ਕੀ ਗੁਰੂ ਨਾਨਕ ਮਹਾਰਾਜ ਆਪਣੇ ਨਾਮ ਵਾਲਾ ਕੋਈ ਧਰਮ ਸੁਰੂ ਕਰਨਾ ਚਾਹੁੰਦੇ ਸਨ ? ਇਸ ਦਾ ਵੀ ਜਵਾਬ ਮਿਲੇਗਾ ਕਿ ਨਹੀਂ ! ਆਪਣੇ ਤੋ ਪਹਿਲਾਂ ਜੇਹੜੇ ਸੱਚ ਦੀ ਗੱਲ ਕਰਕੇ ਸੰਸਾਰ ਤੋ ਜਾ ਚੁੱਕੇ ਸਨ ਓਹਨਾ ਦੀ ਬਾਣੀ ਨੂੰ ਵੀ ਬਰਾਬਰ ਸਤਿਕਾਰ ਦਿੱਤਾ ਜਿਵੇਂ ਭਗਤ ਫ਼ਰੀਦ ਜੀ ਆਦਿ
ਫੇਰ ਓਹ ਕੀ ਸੀ ! ਜਿਸ ਦੀ ਕਮੀ ਨੂੰ ਗੁਰੂ ਨਾਨਕ ਨੇ ਪੂਰਾ ਕੀਤਾ ਜਿਸ ਤੋਂ ਬਿਨਾ ਲੋਕ ਆਪਣਾ ਜੀਵਨ ਖਰਾਬ ਕਰ ਰਹੇ ਸਨ ਲੋਕ ਮਾਰੇ ਲੁੱਟੇ ਕੁਟੇ ਜਾ ਰਹੇ ਸਨ?
ਭਾਈ ਗੁਰਦਾਸ ਜੀ ਸਾਨੂੰ ਸਮਝਾਉਂਦੇ ਹਨ ਕਿ ਲੋਕਾਈ ਕੋਲ ਗਿਆਨ ਨਾਮ ਦੀ ਕੋਈ ਚੀਜ ਨਹੀਂ ਸੀ! ਲੋਕ ਧਾਰਮਿਕ ਰਸਮਾਂ , ਕਰਮਕਾਂਡਾਂ , ਪਾਠ ਪੂਜਾ , ਦਾਨ ਪੁੰਨ ਚ ਫਸਕੇ ਆਪਣਾ ਸਮਾ ਤੇ ਪੈਸਾ ਖਰਾਬ ਕਰ ਰਹੇ ਸਨ ਜਿਸ ਨਾਲ ਧਾਰਮਿਕ ਆਗੂ ਰਸਮਾਂ ਰਹੀ ਲੋਕਾਂ ਨੂੰ ਲੁੱਟ ਰਹੇ ਸਨ ਅਤੇ ਰਾਜਨੀਤਕ ਆਗੂ ਜੁਰਮ ਕਰ ਰਹੇ ਸਨ
ਗੁਰੂ ਜੀ ਨੇ ਇਸ ਨਿਰਮਲ ਪੰਥ ਦਾ ਅਧਾਰ ਗਿਆਨ ਨੂੰ ਬਣਾਇਆ ਅਤੇ ਦਸਵੇਂ ਪਾਤਸ਼ਾਹ ਨੇ ਗਿਆਨ ਨੂੰ ਹੀ ਭਾਵ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਗੁਰੂ ਦੀ ਜੋਤ ਕਿਹਾ ! ਆਪ ਵੀ ਮੱਥਾ ਟੇਕਿਆ ਅਤੇ ਸੰਗਤਾਂ ਨੂੰ ਸਦੀਵੀ ਸ਼ਬਦ ਗੁਰੂ ਦੇ ਨਾਲ ਜੋੜ ਕੇ ਕਿਹਾ ਹੁਣ ਤੁਹਾਨੂੰ ਕਦੇ ਨਾ ਤਾਂ ਕੋਈ ਰਾਜਨੀਤਕ ਨੇਤਾ ਅਤੇ ਨਾ ਹੀ ਧਾਰਮਿਕ ਆਗੂ ਗੁਲਾਮ ਬਣਾ ਸਕਦਾ ਹੈ ਹੁਣ ਸੰਸਾਰ ਨੂੰ ਸਦੀਵੀ ਸੁੱਖ ਦੇਣ ਵਾਲਾ ਗਿਆਨ ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਵਿੱਚ ਹੈ ਪਰ ਸ਼ਰਤ ਰੱਖ ਦਿੱਤੀ ਕਿ ਜਿਹੜਾ ਇਸ ਨੂੰ ਖਾਵੇਗਾ ਫੇਰ ਪਚਾਵੇਗਾ ਉਸ ਨੂੰ ਹੀ ਫਾਇਦਾ ਹੋਵੇਗਾ !
ਆਓ ਆਪਣੇ ਅੰਦਰ ਝਾਤੀ ਮਾਰੀਏ , ਕੀ ਆਪਾਂ ਅੱਜ ਗੁਰੂ ਦੇ ਸਿੱਖ ਅਖਵਾ ਕੇ ਵੀ ਸਿਰਫ ਧਾਰਮਿਕ ਰਸਮਾਂ ਤੱਕ ਹੀ ਤਾਂ ਸੀਮਿਤ ਨਹੀਂ ? ਸਾਨੂੰ ਪਤਾ ਹੈ ਕਿ ਗੁਰੂ ਨਾਨਕ ਮਹਾਰਾਜ ਜਪੁਜੀ ਸਾਹਿਬ ਚ ਸਾਨੂੰ ਕੀ ਸਮਝੋਉਂਦੇ ਹਨ ? ਜਿਸ ਨੂੰ ਆਪਾਂ ਰੋਜ਼ਾਨਾ ਸਵੇਰੇ ਜਲਦੀ ਉੱਠ ਕੇ ਪੜ੍ਹਨਾ ਹੈ ਤਾਂ ਕਿ ਸਾਡੀ ਜਿੰਦਗੀ ਦਾ ਹਿੱਸਾ ਜਪੁਜੀ ਸਾਹਿਬ ਚ ਦਿੱਤੀ ਸਿੱਖਿਆ ਬਣ ਸਕੇ
ਇਸ ਮਿਸ਼ਨ ਲਈ ਦਾਸਾਂ ਨੇ ਵ੍ਹਟਸਐਪ ਗਰੁੱਪਾਂ , ਹਫਤਾਵਾਰੀ ਕਲਾਸਾਂ ਰਾਹੀਂ ਪਿਛਲੇ ਕੁਝ ਸਾਲਾਂ ਤੋਂ ਉਪਰਾਲਾ ਕੀਤਾ ਹੈ ਆਪ ਲਾਹਾ ਪ੍ਰਾਪਤ ਕਰਕੇ ਗੁਰੂ ਨਾਨਕ ਦੀਆਂ ਖੁਸ਼ੀਆ ਦੇ ਪਾਤਰ ਬਣ ਸਕਦੇ ਹੋ ਜੀ
ਦਾਸ ਸੁਖਵਿੰਦਰ ਸਿੰਘ ਜੇਠੂਵਾਲ
9855680011
