23/01/2026
പള്ളിക്കാവ് ശ്രീഭഗവതി ക്ഷേത്രം
കാക്കാഴം ഗ്രാമോദ്ധാരണ കരയോഗം
എ.കെ.ഡി.എസ് നമ്പർ-53, കാക്കാഴം പി. ഓ. ആലപ്പുഴ - 688005
ധ്വജ പ്രതിഷ്ഠയും ക്ഷേത്ര സമുച്ചയ സമർപ്പണവും രോഹിണി മഹോത്സവവും
2026 മാർച്ച് 11 മുതൽ 16 വരെയും 2026 മാർച്ച് 17 മുതൽ 24 വരെയും
ഭക്തജനങ്ങളെ,
വിശ്വാസികളുടെ പുണ്യസങ്കേതമായ പള്ളിക്കാവ് ശ്രീഭഗവതി ക്ഷേത്രം ഇന്ന് സമ്പൂർണ്ണ ക്ഷേത്ര സമുച്ചയ സമർപ്പണത്തിൻ്റെയും രോഹിണി മഹോത്സവത്തിൻ്റെയും നിറവിലാണ്. രണ്ടാംഘട്ടമായി നിർമ്മിച്ചുകൊണ്ടിരിക്കുന്ന നാലമ്പലം, ബലിക്കൽപുര, കൊടിമരം, ചുറ്റുമതിൽ, ഉപദേവത സ്ഥാനങ്ങൾ എന്നീ ഭാഗങ്ങൾ പൂർത്തീകരിച്ച് 2026 മാർച്ച് 11 മുതൽ 16 വരെയുള്ള ദിവസങ്ങളിലായി നടക്കുന്ന പുജാദികർമ്മങ്ങളോടുകൂടി സമർപ്പി ക്കുകയാണ്. ഈ വർഷത്തെ രോഹിണി മഹോത്സവം 2026 മാർച്ച് 17-ന് കൊടിയേറി വൈവിധ്യ പൂർണമായ ആചാരാനുഷ്ഠാനങ്ങളോടും കലാപരിപാടികളോടുംകൂടി മാർച്ച് 24 ന് ആറാട്ടോടുകൂടി സമാപിക്കുകയും ചെയ്യുന്നു. പ്രതിഷ്ഠാവാർഷിക ദിനാചരണം 2026 ഏപ്രിൽ 2 ന് നടക്കുന്നു.
ബ്രഹ്മശ്രീ പുതുമന ദാമോദരൻ നമ്പൂതിരിയുടെ മുഖ്യകാർമ്മികത്വത്തിൽ നടത്തുന്ന സമ്പൂർണ്ണ ക്ഷേത്ര സമർപ്പണ ചടങ്ങുകളും, ഉത്സവാദികാര്യങ്ങളും അപൂർവമായി സംഗമി ക്കുന്ന 14 ദിവസങ്ങൾ ക്ഷേത്രചൈതന്യത്തെ പൂരിതമാക്കുകയും കാലദേശങ്ങൾക്കപ്പുറം ഐശ്വര്യാഭിവൃദ്ധി വർദ്ധിക്കുകയും ചെയ്യുന്ന ഈ പുണ്യകർമ്മം നേരിട്ട് ദർശിച്ച് സായൂജ്യ മടയുവാൻ എല്ലാ ഭക്തരേയും ക്ഷേത്ര സമർപ്പണ ചടങ്ങുകളിലേക്ക് ഭക്ത്യാദരപൂർവ്വം ക്ഷണിക്കുന്നു.
വിപുലമായ നിർമ്മാണ പ്രവർത്തനങ്ങൾ പൂർണ്ണതയിൽ എത്തിക്കുന്നതിനും ക്ഷേത്ര സമർപ്പണ ചടങ്ങുകളും ഉത്സവ വിശേഷങ്ങളും ക്ഷേത്രാഭിവൃദ്ധിക്ക് യോജിച്ച വിധത്തിൽ ശുഭകരമാക്കുന്നതിനും ഏവരുടെയും നിർലോഭമായ സഹായസഹകരണം ഉണ്ടാകണമെന്ന് അഭ്യർത്ഥിക്കുന്നു.
എന്ന്,
ഭരണസമിതിക്ക് വേണ്ടി.
എസ്. സുധാകരൻ പ്രസിഡൻ്റ്
ഫോൺ: 9496690093
യു. രാജുമോൻ സെക്രട്ടറി
9446248910
ജി. ഉണ്ണികൃഷ്ണൻ ട്രഷറർ
8078272887
