22/05/2026
“കരിയർ കണക്ട് 2026”
ചേർത്തല, സെൻ്റ. മൈക്കിൾ സ് കോളേജിൻ്റെ ആഭിമുഖ്യത്തിൽ പ്ലസ് ടു വിദ്യാർത്ഥികൾക്കായി “കരിയർ കണക്ട് 2026” എന്ന പേരിൽ കരിയർ ഗൈഡൻസ് വെബിനാർ സംഘടിപ്പിക്കുന്നു. മെയ് 23-ന് ഉച്ചയ്ക്ക് 2 മണിക്ക് ഓൺലൈനായി നടത്തപ്പെടുന്ന പരിപാടിയിൽ പ്രശസ്ത കരിയർ ഗുരുവായ ഡോ പി. ആർ വെങ്കിട്ടരാമൻ ക്ലാസ് നയിക്കും. പ്ലസ് ടു കഴിഞ്ഞുള്ള മികച്ച പഠന-തൊഴിൽ അവസരങ്ങളെക്കുറിച്ച് വിദ്യാർത്ഥികൾക്കും രക്ഷിതാക്കൾക്കും ഉപകാരപ്രദമായ മാർഗനിർദേശങ്ങൾ ലഭ്യമാക്കുക എന്നതാണ് വെബിനാറിൻ്റെ ഉദ്ദേശലക്ഷ്യം.
വിദ്യാഭ്യാസ സാധ്യതകൾ, തൊഴിൽ മേഖലകളിലെ പുതിയ പ്രവണതകൾ, മത്സര പരീക്ഷകൾ, ഭാവി കരിയർ പ്ലാനിംഗ് തുടങ്ങിയ വിഷയങ്ങൾ വെബിനാറിൽ വിശദമായി അവതരിപ്പിക്കും.
പരിപാടിയിൽ പങ്കെടുക്കാൻ താൽപര്യമുള്ളവർ മുൻകൂർ രജിസ്ട്രേഷൻ നടത്തേണ്ടതാണ്. രജിസ്ട്രേഷൻ ലിങ്കും ക്യൂആർ കോഡും താഴെ കൊടുത്തിരിക്കുന്നു. കൂടുതൽ വിവരങ്ങൾക്ക് 9947220063, 9947136486 എന്നീ നമ്പറുകളിൽ ബന്ധപ്പെടാവുന്നതാണ്.
