31/10/2015
Kristian Thalai Pawl
Dinthar Branch Chanchin Tawi -
Dinthar Kohhran Preaching station hawn anih hnu thlahnih maiah Kristian Thalai Pawl hi SECTION in a ding ve nghal a. Section Committee hmasa ber ni 4, October 1976 ah neih a ni a, Official-a Section hawnna erawh chu ni 1 November 1976 ah hman a ni. K*m 1977-a Preaching Station, Kohhran puitlinga a lo awm taka tang khan KTP pawh branch puitlingin a lo ding ta a ni.
· Inthlan hmasa berah member 19 chiah an kal
· Member zingah chhiat tawk (boral) an awmin inral thin a ni a, a tirah Rs 25/- hu in inral thin a ni
· Member boral hmasa ber chu Nl. Entiri(17) D/o C. Thangzuala a ni.
· Member zingah Biak In hawnga nupui/pasal nei an awmin, a tirlamah chuan lawmpuina thilpek Rs 25/- man hu vel pek a ni thin.
· Inneih lawmpuina thilpek dawng hmasa ber chu Tv. V. Vanmawia leh Nl. R. Thangmawii te an ni(12.2.1979)
· Fellowship hi 1995 hma lam kha chuan ‘Tawngtai Inkhawm’ tih a ni thin.
· Centennial Choir Competition 8-10 November, 1993-a neihah Consolation prize, momentum leh Rs 1000/- dawn a ni.
· K*m 1998 khan All India Radion, Aizawl Station-ah Audio Test-ah an tling
· K*m 1999-ah AIR leh Doordarshan-ah hla an khung a, chung an hla khungte chu :
o Aw Kawngte u - G.F. Handel
o Lalpan min laksak ta - Mosie Lister
o Hmangaih Pathian a ni - Mosie Lister
o Huana Isua rum hre rengin - Thomos Williams D.E. Jones
· K*m 1998 khan LPS –ah Musical Drama “Khawvel tawp a hnai ta” tih chu khung a ni.
· K*m 1981 atangin budget insiamin hma lak thin a ni.
o K*m 1981-a budget chu Rs 5,500 a ni
o K*m 1983-a budget chu Rs 2,700 a ni(a tlahniam!)
o K*m 1985-a budget chu Rs 13,000 a ni.
o K*m 1999-a budget chu Rs 1,00,000 a ni.
o K*m 2010-a budget chu Rs 5,00,000 a ni.
· K*m 1987 khan “Ka dam chhung hun leh mipui Kohhran” (The Story of my life and the Peaple’s Church) Rev. Dr. Oswal J. Smith ziak chu Mizo tawngin chhuah a ni.
· K*m 1991-ah “Thlamuanna Thuchah” Upa Lalthankima Dawrpui Vengthar ziah chu chhuah a ni.
· K*m 1981 atang khan Branch chanchinbu ‘Thalai Thlirtu” chu Pathianni tina chhuah a ni.
· K*m 1997 khan Road Side Sign Board chu Aizawl-Silchar Road, Mizoram leh Assam inrina laiah tar a ni a, a thu chu “KAN RAM KRISTA KAN PE” tih a ni a, Mizo, Hindi leh English-a ziak a ni.
· Tuikual Branch hi Dinthar Branch rawn tlawh hmasa bertu a ni a, ni 11.7.1977-ah an rawn tlawh.
· Dinthar Branch-in Branch dang a tlawh hmasak ber chu Tuikual Branch a ni a, ni 25.7.1977-ah an tlawh.
· Record-a alan danah chhawmdawlna lam tih hmasak ber chu k*m 1978 khan Pi Hnemi, hmeithai in sak sak a ni.
· K*m 1985 Krismas puala Education Department-in State Level Drama Competition(Christmas Drama) a buatsaihah Branch hmingin an chhuak a, lawmman 3-na an la a, Best Actress nihna an chang bawk.
· K*m 1986 khan Bible Tract ‘Muanna kawng’ tih bu 5,000 Aizawl khawpui chhungah sem ral a ni.
· K*m 1987 –ah Dinthar Branch KTP chu B.S.I Life Member a ni.
· Dinthar Branch KTP hruaitu zinga mi Ramhmangaiha Ralte chu 1988-1989 chhung khan CKTP ah committee member a ni a, 1990-1992 chhung khan Asst. Secretary a ni a, tin, Presbyterian Youth Fellowship (PYF) Committee member ah 1989-1991 chhung khan a tel bawk.
