22/10/2012
Nikhat chu Chanchinbu pakhat hian lehkhathawn dangdai deuh mai hi an dawng a, chu an lehkhathawn dawn chu Editorial Page ah chuan an tarlang kuau mai a, ti hian a inziak a ''Chawlhni apianga ka inkhawm hi engnge a ṭulna? K*m 30 chuang ka inkhawm tawh a, sermon 3000 chuang ka ngaithla tawh a, mahse chung sermon ka ngaihthlak te chu ka hre reng tawh lova, awmzia reng reng a awm lo a ni, a chhan chu ka hre reng seng tlat lo a ni. Inkhawmna hun atana hun ka hman hi hun khawhralna mai mai niin ka hria'' tiin
Kar tam tak liam hnu ah chu lehkhathawn chhana chu chu chanchinbu ah vek chuan tihian a rawn inziak a ''Ka Pu nupui k*m 30 chuang ka nei tawh a, chumi chhung chuan kan nu hian vawi 30000 chuang eirawng min bawl sak tawh a, eng chawhmeh te nge a siam a, engnge ka ei a, ka in tih te chu ka hre reng seng tawh lo, mahse hei erawh ka hria, ka thil ei leh in te khan chakna leh hriselna min pe a, vawiin thleng hian nungdamin ka la awm phah a ni. Chutiang chiah chuan sermon 3000 chuang i ngaihthlak te kha i hre reng tawh lo a ni maithei a, mahse i thlarau a thih mai lohna turin an ṭangkai em em a ni'' tiin.
''Ṭhenkhat tihdan anga kan inkhawm te bansan lovin, infuih tawn zawk ang u'' (hebrai 10:25)
