21/08/2017
*Lunglei Crusade Report Tawi*
*Christian Youth Ministry, Headquaters, Lunglei ( ȚKP Join Church) te buatsaih, Lunglei Saikûti Hall-a neih chu Pathian hruaina hnuaiah boruak nuam tak leh hlimawm tak rawng kan bawlhona chu kan zo fel leh thei ta a, Crusade huaihawttute, mipui lam leh Team-te chuan kan khamlo hle mai a, amaherawhchu, hmunhma (Saik*ti Hall) hi mahni duh dan dana, duh hun huna hman theih a ni lova, pawl hrang hrangina hun bik bithliaha sum tam tak senga hman kual țhin a ni a. Duh dan dana hun pawhsei mai chi a ni lova. Inthlahlel leh kham lo takin chungin kan inthlah liam leh dawn ta a ni. Engpawhnise, Pathianin a tawkin ro min relsak a, hun reilote chhungin kan hnenah nasa takin a inpuang a, taksa leh thlarauvah Lalpa'n a mite damna chang min pe a, ro min relsakna leh kan hnena a inpuannaah hian kan lawm tak zet zet a. Kan sawi fo tawh angin, heng zawng zawngin nasa taka min lo țawngțaipui țhinna rah liau liau a ni a, Pathian tana in inpekna leh dilnate Lalpa'n a chhang a, keini leh Lalpa mite'n a takin kan hmu țhin hi ropui kan tiin, Pathian hmingin in zavai chungah lawmthu kan sawi leh tak meuh meuh a ni e.*
*Tichuan, Pathianin rem a tih chuan Monday zing chaw eikhamah hian Team-te pawh Aizawl pana haw turin kan inbuatsaih mek a ni. Programme hmachhawp pawh a awm nual a, Team Retreat hi kan mamawh em em a, kumtin Pathian hnenah kan dil țhin a, nimahsela a duhna lamah min kaltir thung a, tun țumah pawh hian kan dilna rem mintihsak chuan hmachhawpah kan nei lian hle a, kan mamawh em em ni pawhin kan hria a, engpawhnise Pathian thu thu a ni e. Țawngțainaah pawh min lo hriatpui turin kan ngen leh tawp mai che u a ni e.*
*Țhahnemngaihna avanga sawi belh kan duh chu - Mizoram District khawpui hrang hrangah Lunglei hi Thlarau Thianghlim Mizia la zirlo langsar tak mai a ni a, anmahni pawhin mamawh an inti vein, an chak thu an sawi an sawi mai a, keini Team-te lah chuan keimahni thuin kan titlang ve ngawt thei si lova, Crusade-a sawi Lalpa'n a remti bawk si lova, Camping chhun zawm an chak thu leh an ngaihthlak chak thu an sawi bang lova, hun remchang Pathianin a hawnsak ngei theih nan țawngțaipui turin min chah lawm lawm mai a, Lunglei khawpuiah hian țhalai leh nu leh pa, ruihhlo bawia tang te, mipat/hmeichhiatna suala tangte, tunlaia țhalai zinga hluar em em Setanic (Illuminati..?) tia kan hriat lar te hian hmun a khuar thuk ve em em mai a. Henghi a khawpui hmangaihtute chuan an veiin, hengho tana hun țha Pathianin a siamsak hlan an nghakhlel em em a ni. A hmuna han hmuh leh hriat chuan thil awm tak leh thil țul ngawih ngawih, kan mawhphurhna a nihzia a lang chiang hle bawk. Pathian hnenah i thlenpui mawlh mawlh ang u.*
*Chanchin kan inhrilh hre zel dawn nia. Pathian malsawmna nasa tak in chan a, nitin a thara Thlarau Thianghlim pawlna leh awmpuina in chan zel theih nan Team-te chuan duhsakna kan hlan leh mawlh mawlh che u a ni e.* 👍🙏🌹
