https://www.facebook.com/1288236697895668/

Aizawl West Danial Pawl Chhantu of SDA, Seventh-day tlang, Aizawl (2026)

30/10/2021

Dîlzâwl, Mamit Dist. - a rawngbawlna.
Jan. 30, 2021 - Sept. 30, 2021

He khua hi Adventist ten rawngbawlna kan la neih lohna khua a ni a, Kumin (2021) k*m tir khan Rawngbawltu 4 te; Pu. H. Vanlalruata, Lalvensanga Khawlhring, Israel Ramtharnghaka, PC Lalchawimawia-te lûtin rawngbawlna neih a ni a, Pathian khawngaihna zarah hlawhtling takin rawngbawlna neih a ni a, tunah hian member eng emaw zât neiin Biakin hial a lo ding ve ta a ni.

06/05/2019

Hmun hrang hranga hun hman dan : (4th May 2016)

09/04/2019

Darlung khuaah rawngbawlna neih a ni :

Aizawl West Danial Pawl chhantu chuan, Nik*m (2018) aṭang tawh khan Reiek tlâng dung pheia khuaahte rawngbawlna tur a dap a, henga khaw tamber hi Adventist awm lohna an nih a vangin Rawngbawlna neih hi ṭul a ti a ni.

Nik*m(2018) k*mtawp aṭang khan tirhkohte lûtin, in luah turte zawn ṭan a ni tawh a, tin, a khaw chhehvel Bawngthah, Bawlte, S. Sabual, Kanghmun, Hreichuk, Lungphunte pawh thlithlai telin, Vawi duailo, thlenin zawng chawpin tirhkohte an kal a ni.

In luah tur a vang hle a, bei a dawng hman ṭep nghe nghe, a tawp a tawpah in luah tura awm thei ta hlauh a, tichuan Rawngbawlna nei turin ni 16 January 2019 khan luh a ni ta a ni.

A tirah Groundwork neih ni a, Lehkha ziakte(Pamphlets) leh VOP-te semin khaw pum tuam chhuah hmasak phawt a ni. Tichuan, hmelhriatte siam an nih hnuah, Bible study in 6-ah pek a ni a, hetia rei tak Groundwork neih a nih hnu hian, March ni 25, 2019 aṭangin Lallula Hall(Darlung) ah Steambath te buatsaihin, Crusade neih a ni ta a ni...Rawngbawlna a harsat ngaihtuahin ngaithlatu pawh an ṭha viau ṭhin...Tluang taka Crusade neih a nih hnu hian, April ni 4, 2019 zanah khar a ni ta a...Tichuan, he khuaa rawngbawlna chu ni 8 April, 2019 khan chhuahsan lailawk rih phawt a ni ta a ni.

Henglai khuate hi tun hma pawhinRawngbawlna neih a lo ni tawh ṭhina...A mah erawh chu, beisei leh duhthusam rah chhuah hmuh a awm thei meuhlo.... Tun ṭum rawngbawlnaah pawh rahchhuah han sawi nghal tur a awm rihlo a, mahse thu ngaithlatu te hian an hrethiamin an pawm em em a, hriatpuitu rinawm tak an ni reng tawh a ni... Mahse, ke pen chhuak hmasa nih hi a harsa em a, a rah la langchhuak lo mai chauh a ni.

Kohhran hote min ṭawngṭaipuina hi a thlawn lova, kan rawngbawlna pawh a hlawhchham lo. Chi kan tuh a, Pathian zarah a rah hun a la awm ngei dawn a ni.🙏🏼

18/02/2019

Darlung Rawngbawlna

25/01/2019

Darlung khuaah rawngbawlna neih chhoh mek zel a ni, Bible Study hmun hnihah pek a ni a, Lehkha ziak sem a nih bakah VOP zirlai an awm bawk.

2 Korinth 4:1-2 Chumi avang chuan khawngaihna kan hmuh ang zela he rawngbawlna hi kan neih avangin kan dawl lo va; thil zahthlak inthupte chu kan malmak ta zawk a, ngamthlemna thu kan hmang lo va, Pathian thu mi bum nan kan hmang hek lo; thutak hriattirin Pathian mit hmuhin mi tin chhia leh tha hriatna mit kan intluntir zawk thin a ni.🙏🏼

11/01/2019

Darlung khuaah Pathian remruatna leh Danial Pawl hma lakna in rawngbawlna neih chhoh a ni dawn ta e, Darlung khua hi Adventist awm lohna a ni a, in luah tur hmuh ringawt pawh a awl âi lo hle. Tunah hian in luah tur biak fel a ni tawh a, Karleh (11-18, January 2019) chho khian luh ṭan tawh tura ruahman a ni. Kohhran mi zawng zawngte ṭawngṭaipuina kan ngen e. 🙏🏼

17/11/2018

Evan. Lalawmpuia Tlau leh Evan. Israel Ramtharnghaka ten tunah hian Lengpuiah rawngnawlna an nei mek a, Ṭawngṭaiin kan ven pui dawnnia.

31/10/2018

Evengelists for 2018 - Present

11/10/2018

Melriat kohhranin Sumsuih an tlawh. (6th Oct. 2018)

Sumsui khua hi Aizawl chhim lam Km 50+ vela hlaa awm a ni a, Lunglei kawng zawhin kawngpui (Highway) in a paltlang a, Thenzawl Biala tel a ni.
Sumsuih khua ah hian a lu nungin Member 7 (nia hriat) an awm mek a, Hmanni lawk September thla khan kan member duhtak leh kawng engkima entawn tlak em em Pi Vanlalchamreii (Pi Chami) chuan Isua lokal lehna nghakin minlo mutthilh san ta bawk a, kan ui takzet a ni...

Tunah, Sumsuih ah hian khuaa awm, inkhawm thei chu mi 5 an ni mai a...Mite hmuhsit tham lek niin an chhia ṭha (Upa) ve tawh bawk nen... Tlawhtu leh thlamuantu mi inpe te an mamawh em em a, Adventist member a thei a piang ten lo tlawh ṭhin turin kanin sawm tak meuh a ni e. 🙏🏼

08/10/2018

Tirhkoh lak thar :

Zanin (7.10.2018) hian Aizawl West Danial Pawl Chhantu hnuaia thawk tur tirhkoh interview neih a ni a, heng mi pali (4) te hi lak an ni:

1. Lalchawimawia Pachuau S/o Rokima Khawbel

2. Lalawmpuia Tlau S/o Pastor Lalrintluanga Tlau Seventh -day Tlang, Aizawl.

3. Lalnunfela S/o Thangliana Bualpui V

4. Israel Ramtharnghaka S/o Vanlalruata Pautu Chaltlang, Aizawl.

10/11/2017

SIAHA RAWNGBAWLNA REPORT :-
(Comment ah Report Update a awm e)

Siaha ah Zoram Danial Pawl Chhantu bul tumin Kraws Thuruk Puanchhuahna Crusade neih ania, Hetah hian Bial hrang hranga Danial pawl chhantu Evangelist te leh Conference Evangelist te leh Manipur atangin PMB (Pauls Missionary Band) Evangelist 4 an rawn tel a, Heng mite hi anni :-

1)Evan. Roțhianga Colney (DPCH, Aizawl West)

2)Evan. Lalnuntluanga (DPCH, Aizawl West)

3)Evan. K.Lalvensanga (DPCH, Aizawl West)

4)Evan. K.V.L. Hriatpuia (DPCH, Khawruhlian Circle)

5)Evan. Zonghinga (DPCH, Lunglei Circle)

6)Evan. Victor Lalrinchhana Khiangte (DPCH, Lunglei Circle)

7)Evan. H.Lalhlunmawia (DPCH, Thenzawl Circle)

8)Evan. Vanlalmawipuia (DPCH, Serchhip Circle)

9)Evan T.Lalrinmawia (DPCH, Lawngtlai Circle)

10)Evan. Lallawmawma (DPCH, Champhai Circle)

11)Evan. Roneihsanga Fanai (Conference, Siaha Circle)

12)Evan. Lalthlamuanpuia Varte (Conference, Siaha)

13)Evan. Suan Ngaih Lian Haokip (PMB, Manipur)

14)Evan. Henry Haokip (PMB, Manipur)

15)Evan. S Thangbawi Vaiphei (PMB,
Manipur)

16)Evan. Kapboi (PMB, Manipur)

Heng mite bakah hian Crusade Speaker Pastor PL Biakchhawna, Crusade Evangelism Co-Ordinator, Pastor KC Lațanpuia leh Bialtu Pastor Rosanga Chawngthu te antel bawk ani.

September ni 29 ah Tirhkohten Siaha an thleng a....Ground-work neih nghal ani a, Bible study pein hma anlo sial ani.

Crusade tan anih hma hian Ruihhlo Ngaite Tana Camping ABC Home,Siaha ah Siaha School (Adventist English Academy) bultumin Steam-bath te nen neih ani bawka,hetah hian Pu Lalthlamuana Hmar (Patea) Speaker niin, Ruihhlo ngai engemaw zatin Sual Simin Isua ah Nun thar annei a, Siaha Hospital-a Doctor thawklai hial pawh Camping ah hian rawn lutin, Pathianin a Chhiahhlawh a hmang takzet ani.

Crusade hi Ruahmanna ang chuan October 16 - 29 thleng neihtur ani a,a bak chu Evangelist te nen Follow-up tur ani. Mahse, mipui lam duhna leh Pathian remruatna in Ruahmanna bak Karkhat chhung pawhsei belh ani a, Hemi hnu a,khar mai tura kanin ruahman pawh Kar khat dang pawhsei belh leh ani a, tun (Nov.10) thleng hian Crusade chu pawhsei ala ni zel a...mipuite kal an tha a, a tlangpui in mi 200-240 vel kal ziah ang kanni awm e.

Babtisma channa hi Țum thum neihtawh ani a, nidanga kan tihlohdan deuhin...puangzar lemloin, a rukdeuh takin he Programme hi siam ani a...a that hmel viau mai.
Tun thlenga Baptisma chang hi mi 33 an awm tawh ani...Lapa chu fakin awm rawhse...

Rawngbawlna tur atan hian a tirah Sum lam kan phâng maiang tih hlauhthawnna nen bul kan tana, a tira kan ruahman loh, zana inkhawm țhate tana lawmman semturte buatsaih leh ani bawk si a...Mahse, Pathian leh a ram tana mi in phal, thilpek hmanga a rawngbawltute kaltlangin Sum leh pai leh kan mamawh engmawzat kan dawng a....Thilpeka hneh bân theihloh Engkim neitu kan Pathian chuan, mi inpete a let tamtakin malsawmna vur mawlh rawhse...

Zoram puma Adventist member thahnemngai tak takte tawngtaina rah alang zel a, mite thinlungah Lalpan a thutak hmangin hna a thawk a...Siaha khawpui leh a chhehvela T.V. atanga lo en tute pawh a al hneh hle ani....mi tamtak an rilru a buai a, hnam feelings avanga duhthlanna la siam mai theilo leh Rilru insual buai tamtak an awm a, Kohhran hrang hrangte an in khap nasa bawksi a....Baptisma chang tawhte tan leh changlemlo, rilru buai tak takte tan, Zoram puma Adventist te i tawngtai zel ang u.🙏

03/10/2017

SIAHA CRUSADE :
Sept. 29 - Nov. 5 thleng Siaha ah Zoram Danial Pawl chhantu bultum in Crusade neih chhoh mek ani a,tunah hian Zoram Bial hrang hrang Danial Dawl Evangelist leh Conference Evangelist ten Ground Work neiin Bul an tan chho mek ani.
Ni 20 Vel atangin Crusade tan tur ani dawn a,Speaker atan Pastor PL Biakchhawna ani. Tin, Hetia Tirhkohten Groundwork an neih lai hian Revival Speaker Pu Patea (Lalthlamuana Hmar) Hovin Ruihhlo ngaite Camping neihtur ani bawk a, October 3 atanga tan tura ruahman ani.

Heng te hi Tirhkoh Bial aiawha lokalte anni :

1) Sunneo Haokip (Manipur PMB Evangelist)
2) Thangboi (Manipur PMB Evangelist)
3) Henry Lenkhohen (Manipur PMB Evangelist)
4) Kapboi Suan Khankap (Manipur Church Lay man,Newly Converted)
5) Vanlalmawipuia ( DPCH Evangelist, serchhip Circle)
6) Lalhriatpuia (DPCH Evangelist, Khawruhlian Circle)
7) Victor Lalrinchhana (DPCH Evangelist, Lunglei Circle)
8) Zonghinga (DPCH Evangelist, Lunglei Circle)
9) Lalnuntluanga (DPCH Evangelist, Aizawl West Circle)
10) K.Lalvensanga (DPCH Evangelist, Aizawl West Circle)
11) Rothianga Colney (DPCH Evangelist, Aizawl West Circle)
12) Lalhlunmawia (DPCH Evangelist, Thenzawl Circle)
13) T.Lalrinmawia (DPCH Evangelist, Lawngtlai Circle)
14) Lalmuanpuia (Conf. Evangelist, Tuipang Post)
15) Roneihsanga (Conf. Evangelist, Bualpui NG Post)

Heng mite Bakah hian Pastor KC Țanpuia (Evangelism Co-Ordinator, Siaha Crusade) a tel bawk ani.

Thlaraubo tamtakte sengkhawm annih theih nan Zoram hmun hrang hranga Adventist Member ten i tawngtai pui mawlh mawlh ang u.

Aizawl West Danial Pawl Chhantu of SDA

30/10/2021

06/05/2019

09/04/2019

18/02/2019

25/01/2019

11/01/2019

17/11/2018

31/10/2018

11/10/2018

08/10/2018

10/11/2017

03/10/2017

Address

Website

Alerts

Shortcuts

Share

Category