27/05/2021
✉️*THLARAU THIANGHLIM SAWICHHIAT*,✉️
📌
📚He thupui hi tunlai ah chuan ngaihven hlawh tak pakhat ni in a lang, youtube lamah leh article thenkhat ah mahni ngaihdan Bible tanchan lemlo a sawi pawh hmuh tur leh ngaihthlak tur a awm nual mai. Chuvang chuan Thlarau Thianghlim sawichhiat chungchang hi uluk leh zual in zirchian a ngai ta hle a ni. Matthaia 12 ah leh Marka 3 ah kan hmu a a b**g leh chang thu te chu dah lang lo ta mai ila. 💎
🖊️Lal Isua ngeiin Thlarau Thianghlim meuh sawi chhia chu ngaihdam an nih loh tur thu chiang tak in a sawi si a , a history tlem lo chhui ta ila
💡Lal Isua kha mipui tam tak in an zui a chung mite chu a then an dam a a then an damlo ni lo in a lo tidam vek mai a, chutiang anih lai chuan ramhuai man a bulah an lo hruai a chu mi chu a lo ti dam a thenkhat chuan hei hi Davida fapa chu a ni lo em ni te an lo tih lai in Pharisai ho chuan hepa hian Belzebula ramhuai lal avang chauh lo chuan he thil hi a ti thei lo ang an tih rilruk a chu Lal Isua chuan alo hria a chumi avang chuan Lal Isua ngei in Thlarau Thianghlim sawi chhia (Blasphemy) chu ngaihdam an nih loh tur thu a sawi ta ani.
(📒Matthaia 12:15-16, 22-28, 30-32 (MGB) Nimahsela, Isuan chu chu a hriatin chuta tang chuan a kal bo ta a. Tin, mi tam takin amah an zui a, an zain a lo tidam vek a,
a chanchin puan loh tur an hnenah a ti tlat a:
Chu mi lai chuan, mitdel tawng thei lo ramhuai man pakhat a hnenah an rawn hruai a; tin, ani chuan a lo tidam a, chutichuan tawng thei lo chu a lo tawng theiin, a lo hmu thei ta a.
Tin, mipuiho zawng zawng chuan mak an ti hle a, "He mi hi Davida fapa chu a ni lawm ni?" an ti a.
Nimahsela, Pharisaiten chu chu an hriat veleh, "He mi hian ramhuai lal Beelzebula avang lo chuan ramhuaite a hnawt chhuak lo vang," an ti a.
Tin, Isuan an ngaihtuahte chu a lo hria a, an hnenah, "Khawii ram pawh mahni indo apiang an boral thin; khawii khua pawh, chhung khat pawh, mahni indo apiang an ding khawchhuak lo vang.
Tin, Setanan Setana vek a hnawh chhuah chuan mahni indo a ni ang asin; a ram chu engtin nge a din chhuah ang le?
Tin, kei Beelzebula avanga ramhuaite hnawt chhuak thin ka lo nih chuan, in faten tu vangin nge an lo hnawh chhuah thin le? Chuvangin, anni chu nangmahni ngaihtuahtu turte an ni ang.
Amaherawhchu, kei Pathian Thlarau avanga ramhuaite hnawt chhuak thin ka nih chuan, Pathian ram in hnenah a lo thleng tawh a ni ang.
Tupawh ka lama tang lo chu, mi do a ni; tupawh mi lak khawmpui lo chuan, a tidarh a ni.
Chuvangin, ka ti a che u, mi an sualna tinrengah leh an Pathian sawichhiatna tinrengah chuan, ngaihdam an ni ang: Thlarau meuh sawichhiatna erawh chu ngaihdamsak a ni lo vang.
Tin, tupawh mihring Fapa sawisel apiangte chu, an sawiselna chu ngaihdamsak a ni ang; tupawh Thlarau Thianghlim meuh sawisel apiang erawh chu, an sawiselna chu tun dam chhungah pawh, hun lo la thleng turah pawh ngaihdamsak a ni lo vang. 📒)
🔑A pawimawh khop mai Lal Isua Pathian fapa hnathawh ngei mai an tana chhinchhiahna ni bawk chu Ramhuai lal avanga tih anih an ring tlat mai. chu ngei chu a ni ngaihdam theih loh tur a chu. Mi tamtak chuan voin ni ah rawngbawlna hrang hrang a lo chhuak a thlarau mak pui pui chang te an lo chhuak a awi si lo in sawi ringawt pawh an sawi hreh thin a chhan chu Thlarau thianghlim sawichhiatna a ngai an awm tlat mai a ni. Bible ngei in Thlarau na zawng ring suh u Pathian hnen ami ani nge ni lo nangmahni ngei in fiah rawh u a tia lawm. A fiahna tur Bible kan nei a an hnathawh leh Bible a in ang em tih chu kan fiahna tur a ni. Sawichhiat leh ringlo hi a in ang lo tih kan hriat reng a pawimawh a ni. . anchhelawh te ti ila a in ang khat awm e.. Krista hnathawh Thlarau Thianghlim hmanga hnathawh awi loh leh Ramhuai hnathawh a puhna kha ani Ngaihdam theih loh chu vawin rawngbawltu thenkhat kal dan kan lo awi loh leh kan lo sawi ve te hi Thlarau Thianghlim sawi chhiatna ani lo. Bible thu mila anih phei chuan kan awi ngei tur a ni a in mil lo anih chuan kan awi lo ngam zawk tur a ni a Pathian mi te an hruai bo lohna tur in hma pawh kan la ngam zawk tur ani.
🖊️Marka 3:28-30
28 Thu dik tak ka hrilh a che u, mihring fate hi an sualna zawng zawng leh Pathian an sawichhiatna kawng tinrêngah chuan ngaihdam an ni ang. 29 Nimahsela, Thlarau Thianghlim meuh sawichhia erawh chuan engtikah mah ngaihdamna a hmu lo vang a, chatuan thiamloh chantîrna chu a chan tûr a ni ang,” a ti a. 30 ‘Thlarau bawlhlawh a zâwl a ni,’ an tih avâng khân chu chu a sawi a ni.
Sawi chhan a nei ani Lal Isua khan chang 30 hi chhiar ila a chiang mai a ni.
🪔 A tawp berah chuan fimkhur angai Bible ngei in hun hnuhnungah chuan zawlnei der te an lo la chhuak dawn ti in min hrilh lawk a fimkhur tur in min ti a. Pathian thu a ding nghet tur in min ti bawk a ni. Zirtirna danglam deuh a lo lan apiang a lo buai em em thin ringtu kan nih chuan kan thu hriat ah kan chiang lo hle tihna ani dawn a. chuvang chuan Pathian thu Bible kan neih hi kawng engkimah a tha a, a rintlak em em bawk a, kan in nghahna tur a ni bawk. Thusawi thiam leh tawngkam thiam apiangin a an sawi hi a dik vek lem lo tih hi kan pawm thiam angai ani.
II Timothea 3:16
Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni;
✏️Kan hriat tur leh kan mamawh thu chu Bible ah hian a kim tawka chuvang chuan Pathian thu ah hian i in nghat tlat ang u. Amak leh a dangdai ringawt buaipui bansan in Pathian thu ang in a ni em tih hi i chik zawk thin ang u.🔖
Lalpan Chhiartu te malsawm rawh se🙏
