05/07/2020
MISSION SUNDAY SERMON
- S.L. Ngursailova Sailo
Thupui :Li thuk lam pan Kohhran
Bible reading : Luka 5:4-7
Kohhran member zawng zawngte u , Lalpa Isua Krista hmingin chibai vek u le.
Vawiin hi Mission Sunday a ni a, Hetiang hun khirh tak hripui avang hian tawng lo ila chuan Biak in tinah Khi thupui hmang khian thuchah puanchhuah a ni ang.
Kan thupui leh kan tunlai hun hi a inmil riau mai a sawi pawh a phurawm viau mai.
Kan thupui innghahna chu Li thuk lam pan kohhran tih a ni. Chhiar tura buatsaih a nih avangin a sei lutuk a hlauhawm a tawi te te in sawi tum dawn ila.
KOHHRAN CHU ENGNGE ? Pathian in a mission tihlawhtling tura a mite awmkhawmna, lungrualna leh thawhhona tura a ringtu awmkhawm hi tiin hrilhfiah teh ang.
A BACKGROUND: Luka b**g 4 kan chang thlan b**g hma chhiah kan chhiar chuan Isuan Sunagog-ah rawng a bawl tih kan hre thei ang, damlo te a ti dam a , mahse mipuiten sunagog atangin an hruaichhuak a khawpawnah khama namthlak an tum tih kan hmu mahse vanneithlak takin a inthiarfihlim thei hlau a.
SUNAGOG A TAN KHAR A NI: A rawngbawlna pawimawh tak mai Sunagog chu atan a rem tawh lo, A rawngbawlna hmun a sawn a khawlaiah te dil kamah te rawng a bawl ta.
ISUA LITHUK LAM PANIN A KAL HMASA: Sunagog a rawng a bawl avangin a thih phah tep, chung hmun thleng ve pha lo te hneha rawng a bawl theihna tur kawng zau zawk a in hawng. Tunah chuan khawlaiah mai ni lovin, Galili dil kamah rawng a bawl ta. He dil hi mel 13 a thui mel 8 laia hlai a ni, a kam velah hian khaw 9 lai a wm in mihring an tam viau vek. Tin he dil hi tuifianriat aiin 680ft laiin a hniam tlat bawk, a lum hle ang tih a rin theih awm e, Dil ngamah hian mihring tam tak an cheng a, synagog kalsanin Lithuk zawk a luhchilh ta a ni.
SANGHA MANTU A MAN: Isuan li thuk lam a pana kawngpuiah kawtthlerah dil kamah rawng a bawla Galili dil a rawng a bawl laiin mipui tam takin an zui a. Lawng a hmu a Simon a Lawng chu a dila chuta tang chuan dil lamah tlem tawlh lutin mipui a zirtir ta a ni. Thu a sawi zawh chuan Simon a hnenah , “ Lithuk lam pan la sangha man turin in lente deng rawh,” a ti a, Simonah tlaivar zaka an den thu leh an man loh thuin a lo chhang vat a. “ NImahsela, I thuin kan han deng leh ang e.” a ti a, an deng a an man nasatzia kan hria, Isua thusawi ringawt kha ngaithla se Isua an zui lo ang, Isua an zui chhan leh Isuan a man chhan ber chu, a thiltihtheihna a hmuh tir chhiah khan a ni. A thiltihtheihna a lantir a Simon ate kha rinhleh tur engmah nei lovin a siam. Malsawmna a vur hmasa te te a chung zawng zawng kalsan huam turin an thinlung a hneh leh si, helai hi a pawimawh em em.
KOHHRAN HI LI THUK LAM PAN A A KAL A NGAI: Isua ngei Sunagog atangin Lithuk zawk panin a kal, chuhmunah ngei chuan entirna tha tak rawn ti langin sangha zankhua a an man lohna hmun lithuk lamah an len te a den tir a, len tet khawp a tam an man. Kan Pathian thu aupuina hmun pawimawh ber chu ni 90 lai khar a lo ni ta. Zai lam thawm a reh a, dar ri a reh a, zaipawl zai ri hriattur a awm ta lo, Lithuk zawk panna remchang a inhawng ve ta, Kohhran a harsa zawk te tan kohhran a luangchhuak thei chu chu lithuk lam panna hmun pawimawh tak a ni. social media leh tunlai technology hman tangkai a ngai ta Isuan Lawng a hmang tangkai ang hian Facebook whatsapp Zoom etc te kan hmantangkai a chanchintha hrilna atan hmanrua an nih a ngai ta.
Sunagog ah chuan sakhaw ngaihsak mite an kal khawm thin, sangha tam zawk man tura lithuk lam Simon an ten an pan ang leh Lal Isuan sunagog kalsan a Khawlai leh dil kam mihring tamna a thlang ang hian, Kohhran te hi kan hlimna hmun kohhran mite rawn kalkhawmna hmun Biak in ni lovin, daipawn hmun hrezawm zawk, kohhran pawh hre lo te awmna hmunah kan kal a ngai.
Tunah rih chuan min mamawhtu te, min ko tute chauh kan Mission hian a la thleng, Isua pawh ngaihsak lo Simona te a panchilh ang hian Isua pawh la hre ngai lo a chanchin tuma la hrilh ngai lohna hmunah Kohhran hi chanchintha hril turin a penchhuah a ngai ta,
Isuan Sunagog atanga chhuak a lithuk zawk mipui tamna Galili dil kam a pan ang leh Sangha tam zawk Simona ten an man theih nan a lithuk lam a len an deng ang hian, Thlaraubo ten Isua an lo neih theihnan, chanchintha la hre ngai lo mi tam tak kan state pawn leh India ram pawna awm te hnena kal chhuak zel ang u. Kohhran Mission chu chanchintha hril hi a ni a, chu hna a kan bitum tur( Target group) te chu, an awmna a pan ngai an ni, kan hnehah an lo kal ngai dawn lo, Kohran hi chu hna thawk tur chuan lithuk zawk a dai a ngai.
Lalpan a thu malsawm rawh se
